ﻣﻪﻥ ﻣﯘﻧﺒﻪﺭﻟﻪﺭﻧﻰ ﺯﯨﻴﺎﺭﻩﺕ ﻗﯩﻠﺴﺎﻡ ﺑﻪﺯﯨﺒﯩﺮﻟﻪﺭﻧﯩﯔ ﭼﻮﻟﺘﺎ ﻗﺎﺭﺍﺵ ، ﺑﺎﻟﯩﻼﺭﭼﻪ ﭘﯩﻜﯩﺮﻟﯩﺮﯨﺪﯨﻦ ﯞﻩ ﻻﯞﺯﯨﺪﯨﻦ - ﻻﯞﺯﺍ ﭘﺎﺭﺍﯕﻠﯩﺮﯨﺪﯨﻦ ﺑﯩﺌﺎﺭﺍﻣﭽﯩﻠﯩﻖ ﮬﯧﺲ ﻗﯩﻠﯩﭗ << ﺋﯩﻨﻜﺎﺭﭼﯩﻠﯩﻖ >> << ﻛﯧﺴﯩﻠﯩﻢ >> ﻗﻮﺯﻏﯩﻠﯩﭗ ﻛﯧﺘﯩﺪﯨﻜﻪﻥ .
ﺑﯜﮔﯜﻥ ﺑﯘ ﻣﯘﻧﺒﻪﺭﻟﻪﺭﻧﻰ ﺋﺎﺭﯨﻼﭖ ، ﻧﯘﻗﺘﯩﻠﯩﻖ ﮬﺎﻟﺪﺍ ﺋﻪﺭﻛﯩﻦ ﺳﯩﺪﯨﻘﻨﯩﯔ << ﺋﯘﻳﻐﯘﺭﻻﺭ ﺩﯙﺕ ﺋﻪﻣﻪﺱ ، ﺋﻪﻗﯩﻠﻠﯩﻖ >> ﺩﯦﮕﻪﻥ ﻣﺎﻗﺎﻟﯩﺴﯩﮕﻪ ﭼﯜﺷﻜﻪﻥ ﺋﯩﻨﻜﺎﺳﻼﺭﻧﻰ ﻛﯚﺭﯛﭖ ، ﺑﯩﺮ ﺧﯩﻞ ﭘﯩﻜﯩﺮﻟﻪﺭﺩﯨﻦ ﺋﯩﭽﯩﻢ ﺳﯩﻘﯩﻠﺪﻯ  .
ﻣﯧﻨﯩﯖﭽﻪ ، ﺋﺎﻟﯩﻢ ﺋﻪﺭﻛﯩﻦ ﺳﯩﺪﯨﻖ ﺋﺎﻛﺎ ﺑﯩﺰﺩﯨﻦ ﺑﯘﻧﻰ ﻛﯜﺗﻤﯩﮕﻪﻧﺪﯗ ؟ ﺑﻪﻟﻜﯩﻢ ... ﮬﻪﺩﺩﯨﺪﯨﻦ ﺋﺎﺷﻘﺎﻥ ﮔﺎﮬﻰ ﺑﯩﺮ ﻣﺎﺧﺘﺎﺷﻼﺭﻣﯘ ﺋﺎﺩﻩﻣﻨﻰ ﺑﯩﮭﻮﺵ ﻗﯩﻠﯩﭗ ، ﺋﯘﻧﯩﯔ  ﺋﺎﻟﻐﺎ ﺋﯩﻠﮕﯩﺮﯨﻠﯩﺸﯩﮕﻪ ﭘﯘﺗﻠﯩﻜﺎﺷﺎﯓ ﺑﻮﻟﯘﭘﻤﯘ ﻗﺎﻟﯩﺪﯗ ، ﺧﯘﺷﺎﻣﻪﺗﭽﯩﻠﯩﻚ ﺑﯩﻠﻪﻧﻤﯘ ﺧﺎﺭﺍﻛﺘﯧﺮﻟﯩﻨﯩﺪﯗ ﺩﻩﭖ ﺋﻮﻳﻼﻳﻤﻪﻥ . ﻣﻪﻥ ﻛﯩﭽﯩﻜﻜﯩﻨﻪ ﺋﯚﺯﮔﯩﭽﯩﻠﯩﻚ ﯞﻩ ﺋﯚﺯﯨﮕﻪ ﻧﯩﺴﺒﻪﺗﻪﻥ ﻣﻪﻧﭙﻪﺋﻪﺗﺪﺍﺭﻟﯩﻘﻰ ﺑﻮﻟﺴﯩﻼ ، ﺩﯦﻤﻮﻛﺮﺍﺗﯩﻚ ﭘﯩﻜﺮﯨﻨﻰ ﺑﯩﺮ ﭼﻪﺗﻜﻪ ﻗﺎﻳﺮﯨﭗ ﻗﯘﻳﯘﭖ ، ﺧﯘﺩﯨﻨﻰ ﻳﻮﻗﯩﺘﯩﭗ ﭼﺎﯞﺍﻙ ﭼﯧﻠﯩﭗ ﻛﻪﺗﻜﻪﻧﻠﻪﺭﻧﯩﯔ ﻣﻪﻧﯩﯟﻯ ﺳﺎﭘﺎﺳﯩﺪﯨﻦ ﮔﯘﻣﺎﻧﻠﯩﻨﯩﻤﻪﻥ ، ﭼﯜﻧﻜﻰ ﺋﯘﻧﺪﺍﻗﻼﺭﻧﯩﯔ ﻣﯘﺳﺘﻪﻗﯩﻞ ﻛﯚﺯ ﻗﺎﺭﯨﺸﻰ ﯞﻩ ﺩﺍﺩﯨﻞ ﺗﻪﭘﻪﻛﻜﯘﺭﻯ ﺑﻮﻏﯘﻟﻐﺎﻥ ﺑﻮﻟﯩﺪﯗ . ﺋﯘﻻﺭﻧﯩﯔ ﻗﻮﻟﯩﺪﯨﻦ ﻛﯧﻠﯩﺪﯨﻐﯩﻨﻰ ﭘﻪﻗﻪﺕ ﺋﺎﻟﻘﯩﺶ ﻳﺎﯕﺮﯨﺘﯩﭗ ﻗﯘﻳﯘﭘﻼ ، ﺋﯚﺯ ﺋﯩﺸﻠﯩﺮﻯ ﺑﯩﻠﻪﻥ ﺑﻮﻟﯘﯞﯦﺮﯨﺶ .
ﺋﺎﻟﯩﻢ ﺋﻪﺭﻛﯩﻦ ﺳﯩﺪﯨﻖ ﺋﺎﻛﺎ ﻧﺎﮬﺎﻳﯩﺘﻰ ﺗﻪﺧﯩﺮﺳﯩﺰ ﺑﯩﺮ ﻣﻪﺳﯩﻠﯩﻨﻰ ﺋﻮﺗﺘﯘﺭﯨﻐﺎ ﺗﺎﺷﻼﭘﺘﯘ . ﺋﯘﻧﻰ ﺋﻮﺧﺸﯩﻤﯩﻐﺎﻥ ﻗﺎﺭﺍﺷﻼﺭ ﻧﯘﻗﺘﯩﺴﯩﺪﺍ ﺗﯘﺭﯗﭖ ﻣﯘﺗﺎﻟﯩﺌﻪ ﻗﯩﻠﯩﺶ ﯞﻩ ﺋﯘﻧﻰ ﻛﯧﻴﯩﻨﻜﻰ ﮬﺎﻳﺎﺕ ﻳﻮﻟﯩﻤﯩﺰﻏﺎ ﻛﯚﺭﺳﻪﺗﻜﯜﭺ ﻗﯩﻠﯩﺸﺘﺎ ﻗﺎﻳﺴﻰ ﻳﻮﻟﻼﺭﺩﯨﻦ ﻗﺎﻧﺪﺍﻕ ﺳﯘﻏﯘﺭﯗﻟﯘﭖ ﭼﯩﻘﯩﭗ ، ﺋﯘﻧﻰ ﺭﻭﮬﯩﻴﯩﺘﯩﻤﯩﺰﮔﻪ ﺳﯩﯖﺪﯛﺭﯛﺵ ﺑﯩﺰﻧﯩﯔ ﭘﯩﻜﯩﺮ ﺗﻪﻟﻘﯩﻨﻠﯩﺮﯨﻤﯩﺰﺩﻩ ﺋﯚﺯ ﺋﻪﻛﺴﯩﻨﻰ ﺗﺎﭘﯩﺪﯗ . ﺋﻪﮔﻪﺭ ﺑﯩﺰ << ﺋﺎﻻﻣﻪﺗﻜﻪﻧﻐﯘ ، ﺩﻩﭘﻼ ﻗﯘﺗﯘﻻﻳﭽﯘ ؟ ﺋﯚﺯﯛﻣﮕﻪ ﺋﺎﯞﺍﺭﯨﭽﯩﻠﯩﻚ ﺗﺎﭘﻘﯩﭽﻪ ... >> ﺩﯦﮕﻪﻥ ﺋﻮﻳﺪﺍ ﺑﻮﻟﺴﺎﻕ ،  ﻛﯧﻴﯩﻨﻜﻰ ﺋﻪﯞﻻﺩﻻﺭﻧﯩﯔ  ﺑﻪﺧﺖ ﺗﯧﯖﯩﻨﻰ ﻛﯜﺗﯜﯞﯦﻠﯩﺸﯩﻐﺎ ﻗﺎﺭﺍ ﻛﯚﻟﻪﯕﮕﻪ ﺗﺎﺷﻼﭖ ﻗﯘﻳﯩﻤﯩﺰ . ﻣﻪﻧﻤﯘ ﺋﻪﻧﻪ ﺷﯘ ﺧﯩﻞ ﭘﺎﺳﺴﯩﭗ ﮬﺎﻟﻪﺗﻨﻰ ﺷﻪﻛﯩﻠﻠﻪﻧﺪﯛﺭﯛﭖ ﻗﯘﻳﯘﺵ ﺋﻪﻧﺪﯨﺸﯩﺴﯩﺪﯨﻦ ﻗﯘﺗﯘﻟﯘﺵ ﺋﯜﭼﯜﻥ ، ﻣﻪﺯﻛﯘﺭ ﻣﺎﻗﺎﻟﻪ ﮬﻪﻗﻘﯩﺪﯨﻜﻰ ﭼﯜﺷﻪﻧﭽﻪﻣﻨﻰ ﻧﺎﮬﺎﻳﯩﺘﻰ ﺋﯩﺨﭽﺎﻡ ﺑﺎﻳﺎﻥ ﻗﯩﻠﯩﭗ ﺋﯚﺗﯜﺷﻨﻰ ﺗﻮﻏﺮﺍ ﺗﺎﭘﺘﯩﻢ . ﻟﯧﻜﯩﻦ ﻳﻪﻧﯩﻼ ﻛﯚﭘﻨﯩﯔ ﺋﻪﻗﻠﻰ ﻛﯚﭖ . ﺗﻪﻧﺘﻪﻛﻠﯩﻚ ﺋﯧﻴﺘﯩﻠﻐﺎﻥ ﭘﯩﻜﯩﺮﻟﯩﺮﯨﻢ ﺑﻮﻟﺴﺎ ، ﮬﺎﻳﺎﺟﺎﻥ ﺑﯩﻠﻪﻥ ﺋﻪﻣﻪﺱ ، ﺑﻪﻟﻜﻰ ، ﺋﯩﻠﻤﯩﻲ ﺭﻩﯞﯨﺸﺘﻪ ﺋﻮﺗﺘﯘﺭﯨﻐﺎ ﻗﯘﻳﺴﺎﯕﻼﺭ ... ﺋﺎﺭﺗﯘﻗﭽﻪ ﭼﯧﭽﯩﻠﯩﺸﻤﯘ ﺳﺎﻻﻣﻪﺗﻠﯩﻜﻜﻪ ﺯﯨﻴﺎﻧﻠﯩﻖ ، ﺋﯘﻧﯩﯔ ﺋﯜﺳﺘﯩﮕﻪ ﺋﯚﺯﯛﻣﻨﯩﯔ ﺩﻩﺭﺩﯨﻤﯘ ﺋﯚﺯﯛﻣﮕﻪ ﻳﯧﺘﯩﭗ ﺋﺎﺷﯩﺪﯗ ...
ﻣﻪﺯﻛﯘﺭ ﻣﺎﻗﺎﻟﻪ ﮬﻪﺭ ﻗﺎﻳﺴﻰ ﺗﻮﺭ ﺑﻪﺗﻠﻪﺭﺩﻩ ﺋﯧﻼﻥ ﻗﯩﻠﯩﻨﻐﺎﻧﺪﯨﻦ ﻛﯧﻴﯩﻦ ٪100 ﺋﻮﻗﯘﺭﻣﻪﻧﻨﯩﯔ ﺋﺎﻟﻘﯩﺸﯩﻐﺎ ﺋﯧﺮﯨﺸﺘﻰ ﮬﻪﻡ ﺋﯚﺯ ﮬﯧﺴﺴﯩﻴﺎﺗﻠﯩﺮﯨﻨﻰ ﺋﯩﻨﻜﺎﺳﻠﯩﺮﯨﺪﺍ ﺑﺎﻳﺎﻥ ﺋﻪﻳﻠﻪﺷﺘﻰ . ﻣﻪﻧﻤﯘ ﺋﯘ ﻣﺎﻗﺎﻟﯩﻨﻰ ﺑﯩﺮﻧﻪﭼﭽﻪ ﻧﯚﯞﻩﺕ ﺋﻮﻗﯘﭖ ﺋﯘﻻﺭﻏﺎ ﺋﻮﺧﺸﺎﺷﻼ ﮬﺎﻳﺎﺟﺎﻧﻐﺎ ﺗﻮﻟﺪﯗﻡ . ﺗﻮﺭﺩﯨﻦ ﭼﯜﺷﯜﺭﯛﭖ ﻳﯧﺘﯩﭙﻤﯘ ، ﺋﻮﻟﺘﯘﺭﯗﭘﻤﯘ ، ﻣﯧﯖﯩﭙﻤﯘ ﺋﻮﻗﯘﺩﯗﻡ . ﮬﺎﻳﺎﺟﯩﻨﯩﻢ ﺑﺎﺭﺍ - ﺑﺎﺭﺍ ﻣﯘﯕﻠﯩﻨﯩﺸﻘﺎ ﻗﺎﺭﺍﭖ ﻳﯜﺯﻟﻪﻧﺪﻯ - ﺩﻩ ، ﮬﺎﻳﺎﺟﺎﻧﻼﻧﻐﺎﻧﻼﺭﻧﯩﯔ ﮬﺎﻳﺎﺟﺎﻧﻠﯩﻨﯩﺶ ﺳﻪﯞﻩﺑﻰ ﺋﯜﺳﺘﯩﺪﻩ ﭘﯩﻜﯩﺮ ﻳﯜﺭﮔﯜﺯﺩﯛﻡ .
ﺋﯘﻳﻐﯘﺭﻻﺭ ﻣﻪﺳﯩﻠﻪ ﺋﯜﺳﺘﯩﺪﻩ ﺳﻮﻏﯘﻗﻘﺎﻧﻠﯩﻖ ﺑﯩﻠﻪﻥ ﺋﻮﻳﻠﯩﻨﯩﺸﻨﻰ ﺋﻪﻣﻪﺱ ، ﺑﻪﻟﻜﻰ ، ﺋﯚﺯ ﮬﯧﺴﺴﯩﻴﺎﺗﯩﻨﯩﯔ ﻗﯘﺗﺮﯨﺘﯩﺸﻰ ﺑﯩﻠﻪﻥ ﺋﯩﺶ ﻛﯚﺭﯨﺪﯨﻐﺎﻥ ﯞﻩ ﻣﺎﺧﺘﯩﻨﯩﺸﻘﺎ ﺑﻪﻛﺮﻩﻙ ﺗﻪﻟﭙﯜﻧﯩﺪﯨﻐﺎﻥ ﻣﯩﻠﻠﻪﺕ . ﺑﯘﻧﺪﺍﻕ ﺑﻮﻟﯘﺷﯩﻨﻰ ﺋﯘﻻﺭﻧﯩﯔ ﺋﺎﺩﺩﯨﻲ ﺗﻪﭘﻪﻛﻜﯘﺭﻯ ، ﻣﻪﺳﯩﻠﯩﻠﻪﺭﻧﻰ ﮬﺎﺩﯨﺴﻪ ﻧﯘﻗﺘﯩﺴﯩﺪﯨﻦ ﺗﻪﮬﻠﯩﻞ ﻗﯩﻠﯩﺸﻰ ﻛﻪﻟﺘﯜﺭﯛﭖ ﭼﯩﻘﺎﺭﻏﺎﻥ . ﺑﯘ ﮬﺎﻝ ﺋﯘﻻﺭﻧﯩﯔ << ﻣﯘﻧﯘﻛﻰ >>ﻧﻰ ﻛﯚﭘﻪﻳﺘﯩﭗ ، ﺧﯘﺩﯛﻛﺴﯩﺮﻩﺵ ﭘﺴﯩﺨﯩﻜﯩﺴﯩﻨﻰ ﺷﻪﻛﯩﻠﻠﻪﻧﺪﯛﺭﮔﻪﻥ . ﺑﯘﻧﺪﺍﻕ ﺑﻮﻟﻐﺎﻧﺪﯨﻦ ﻛﯧﻴﯩﻦ ﺋﯘﻻﺭ ﺋﺎﺷﯘ ﺧﯘﺩﯛﻛﺴﯩﺮﻩﺷﯩﮕﻪ ﺩﺍﻝ ﺑﻮﻟﻐﯘﺩﻩﻙ << ﺗﻪﻟﯩﻤﺎﺕ >>ﻻﺭﻏﺎ ﻣﻮﮬﺘﺎﺝ ، ﺋﻪﻟﯟﻩﺗﺘﻪ ! ﺷﯘﯕﺎ ، ﭘﻪﺧﯩﺮﻟﯩﻚ ﺋﺎﻟﯩﻤﯩﻤﯩﺰ ﺋﻪﺭﻛﯩﻦ ﺳﯩﺪﯨﻖ ﺋﺎﻛﯩﻨﯩﯔ : << ﺋﯘﻳﻐﯘﺭﻻﺭ ﺩﯙﺕ ﺋﻪﻣﻪﺱ ، ﺋﻪﻗﯩﻠﻠﯩﻖ >> ﺩﯦﮕﻪﻥ ﻣﯘﺗﻠﻪﻗﻠﻪﺷﺘﯜﺭﯛﻟﮕﻪﻥ ﮬﯚﻛﯜﻣﻰ ﺋﯘﻻﺭﻧﻰ ﮬﺎﻳﺎﺟﺎﻧﻐﺎ ﺳﯧﻠﯩﯟﻩﺗﻜﻪﻥ ﮔﻪﭖ . ﺋﯘﻻﺭ ﻧﯧﻤﯩﻼ ﺩﯦﮕﻪﻥ ﺑﯩﻠﻪﻥ ﺋﯚﺯﻟﯩﺮﯨﻨﯩﯔ << ﻣﯘﻧﯘﻛﻰ >>ﻧﻰ ﻳﻮﺷﯘﺭﯨﺪﯨﻐﺎﻥ ﺧﺎﺳﯩﻴﻪﺗﻠﯩﻚ ﺋﻪﯕﮕﯜﺷﺘﻪﺭﮔﻪ ﺋﯩﮕﻪ ﺑﻮﻟﻐﺎﻧﯩﺪﻯ .
ﺑﯘﻻﺭﻧﻰ ﻛﯚﯕﯜﻝ ﺗﻪﺳﺘﯩﻘﯩﻤﺪﯨﻦ ﺋﯚﺗﻜﯜﺯﮔﻪﻧﺪﯨﻦ ﻛﯧﻴﯩﻦ ، ﻣﺎﯞﺯﯗ ﮬﻪﻗﻘﯩﺪﻩ ﺋﻮﻳﻠﯩﻨﯩﭗ ﻗﺎﻟﺪﯨﻢ : << ﺋﯘﻳﻐﯘﺭﻻﺭ ﺩﯙﺕ ﺋﻪﻣﻪﺱ ، ﺋﻪﻗﯩﻠﻠﯩﻖ >> ﺑﯘ ﺋﯚﺗﻜﻪﻥ ﮬﻪﻡ ﻳﺎﺷﺎﯞﺍﺗﻘﺎﻥ ﺋﻮﻣﯘﻣﯩﻲ ﺋﯘﻳﻐﯘﺭﻻﺭﻧﻰ ﻛﯚﺭﺳﯩﺘﯩﺪﯗ . ﻣﻪﻥ ﻗﺎﻧﭽﻪ ﺋﻮﻳﻠﯩﺴﺎﻣﻤﯘ ، ﺑﯘ ﻣﺎﯞﺯﯗ ﻣﺎﯕﺎ ﺩﺍﺩﯨﺴﯩﺪﯨﻦ ﺩﻩﺷﻨﻪﻡ ﻳﯧﮕﻪﻥ ﺑﺎﻟﯩﻨﻰ ﺋﺎﻧﯩﺴﻰ : << ﺳﻪﻥ ﺩﯙﺕ ﺋﻪﻣﻪﺱ ، ﺋﻪﻗﯩﻠﻠﯩﻖ ﺑﺎﻟﯩﻐﯘ ؟ >> ﺩﯦﮕﻪﻧﺪﻩﻙ ﺗﯘﻳﻐﯘﻧﻰ ﺑﯧﺮﯨﯟﺍﺗﺎﺗﺘﻰ . ( ﺑﯘ ﻳﻪﺭﺩﻩ ﺋﻪﺭﻛﯩﻦ ﺳﯩﺪﯨﻖ ﺋﺎﻛﯩﻨﯩﯔ ﺋﺎﺟﺎﻳﯩﭗ ﺑﯩﺮ ﻣﯩﻠﻠﻪﺗﻜﯚﻳﻪﺭ ﺭﻭﮬﯩﻲ ﺋﻪﻛﺲ ﺋﯧﺘﯩﭗ ﺗﯘﺭﯨﺪﯗ ) ﺋﯘﻧﯩﯔ ﺋﯜﺳﺘﯩﮕﻪ ﺑﯘ ﻣﺎﯞﺯﯗﻧﯩﯔ ﺋﯘﻗﯘﻣﯩﻨﻰ ﻛﯧﯖﻪﻳﺘﻜﻪﻧﺪﻩ ﯞﻩ ﺋﯘﻧﻰ ﺋﻪﺳﻪﺭ ﻣﻪﺯﻣﯘﻧﻰ ﺑﯩﻠﻪﻥ ﺑﯩﺮ ﮔﻪﯞﺩﯨﻠﻪﺷﺘﯜﺭﯛﭖ ﺗﻪﮬﻠﯩﻞ ﻗﯩﻠﻐﺎﻧﺪﺍ ، ﺋﯘﻧﯩﯔ ﻗﺎﻳﯩﻠﭽﺎﻧﻠﯩﻘﻰ ﺋﺎﺟﯩﺰﻻﭖ ﺑﯧﺮﯨﯟﺍﺗﺎﺗﺘﻰ . ﭼﯜﻧﻜﻰ ، ﻳﯩﺮﺍﻕ ﺗﺎﺭﯨﺨﻘﺎ ﻧﻪﺯﻩﺭ ﺳﺎﻟﻤﺎﻱ ، ﻳﯧﻘﯩﻨﻘﻰ ﺯﺍﻣﺎﻥ ﺗﺎﺭﯨﺨﯩﻐﯩﻼ ﻧﻪﺯﻩﺭ ﺳﺎﻟﺴﺎﻕ ، ﺋﯘﻳﻐﯘﺭﻻﺭﻧﯩﯔ ﻧﻪﻗﻪﺩﻩﺭ ﮬﺎﻣﺎﻗﻪﺗﻠﯩﻜﻰ ، ﮔﺎﻟﯟﺍﯕﻠﯩﻘﻰ ، ﺋﯚﺯ ﺑﯧﺸﯩﻨﯩﯔ ﺋﯚﺯﯨﮕﻪ ﺯﯨﻨﺪﺍﻥ ﺑﻮﻟﻐﺎﻧﻠﯩﻘﯩﻨﻰ ﻛﯚﺭﯛﯞﺍﻟﻤﺎﻕ ﺗﻪﺱ ﺋﻪﻣﻪﺱ . ﻣﻪﻳﻠﻰ ﺗﯚﻣﯜﺭ ﺧﻪﻟﯩﭙﯩﻨﯩﯔ ﮬﻪﺳﺮﻩﺗﻠﯩﻚ ﺗﺎﺭﯨﺨﻰ ﺑﻮﻟﺴﯘﻥ ﻳﺎﻛﻰ ﺧﻮﺟﺎ ﻧﯩﻴﺎﺯ ﮬﺎﺟﯩﻨﯩﯔ ﺋﯧﭽﯩﻨﯩﺸﻠﯩﻖ ﺗﻪﻗﺪﯨﺮﻯ ﺑﻮﻟﺴﯘﻥ ﯞﻩ ﻳﺎﻛﻰ ﺑﺎﺷﻘﯩﻼﺭ ... ﺋﯘﻧﺪﺍﻗﺘﺎ ، << ﺋﯘﻳﻐﯘﺭﻻﺭ ﺩﯙﺕ ﺋﻪﻣﻪﺱ ، ﺋﻪﻗﯩﻠﻠﯩﻖ >> ﺩﯦﻴﯩﺶ ﺗﻮﻏﺮﯨﻤﯘ ؟ ﺑﯘ ﻳﻪﺭﺩﻩ ﺋﺎﻟﯩﻢ ﺋﻪﺭﻛﯩﻦ ﺳﯩﺪﯨﻖ ﺋﺎﻛﺎ ﺑﯩﺰﮔﻪ ﺋﯜﻣﯩﺪ ، ﺋﯩﺸﻪﻧﭻ ، ﻳﯧﯖﻰ ﺑﯩﺮ ﮬﺎﻳﺎﺗﻰ ﺭﻭﮪ ﺑﯧﻐﯩﺸﻼﺵ ﻳﯜﺯﯨﺴﯩﺪﯨﻦ << ﺋﯘﻳﻐﯘﺭﻻﺭ ﺩﯙﺕ ﺋﻪﻣﻪﺱ ، ﺋﻪﻗﯩﻠﻠﯩﻖ >> ﺩﻩﯞﺍﺗﯩﺪﯗ . ﺋﻪﻣﺪﯨﻜﻰ ﻣﻪﺳﯩﻠﻪ ، ﺋﯘﻧﻰ ﻗﺎﻧﺪﺍﻕ ﻗﻮﺑﯘﻝ ﻗﯩﻠﯩﭗ ، ﮬﻪﺭﯨﻜﯩﺘﯩﻤﯩﺰﺩﻩ ﻗﺎﻧﺪﺍﻕ ﺋﯩﭙﺎﺩﻩ ﻗﯩﻠﯩﺸﺘﺎ ! << ﺑﯩﺰ ﺋﺎﻻﻣﻪﺕ ﺋﻪﻗﯩﻠﻠﯩﻖ ﻣﯩﻠﻠﻪﺗﻜﻪﻧﻤﯩﺰ ، ﺋﯘﻗﻤﺎﻱ ﻳﯜﺭﯛﭘﺘﯘﻕ ﺋﻪﻣﻪﺳﻤﯘ ؟ ﺋﯩﺴﯩﺖ ، ﺧﯘﺩﯛﻛﺴﯩﺮﻩﭖ ﻳﺎﺷﺎﭖ ﻳﯜﺭﮔﻪﻧﻠﯩﺮﯨﻤﯩﺰ >> ﺩﻩﭖ ، ﺋﯘ ﺧﻪﺗﻨﻰ ﭘﯧﺸﺎﻧﯩﻤﯩﺰﮔﻪ ﭼﺎﭘﻠﯩﯟﯦﻠﯩﭗ << ﮬﻪﺭﯨﻜﻪﺕ >>ﯨﻤﯩﺰﻧﻰ ﻗﺎﻳﺘﺎ ﺑﺎﺷﻼﻣﺪﯗﻕ ﻳﺎﻛﻰ ﺭﻭﮬﯩﻴﯩﺘﯩﻤﯩﺰﺩﻩ ﻳﯧﯖﻰ ﺑﯩﺮ ﺑﯘﺭﯗﻟﯘﺵ ﻳﺎﺳﺎﻣﺪﯗﻕ ؟ ﺑﯘ ﻳﻪﻧﯩﻼ ﮬﻪﺭ ﺑﯩﺮ ﺷﻪﺧﺴﻨﯩﯔ ﺋﯚﺯﯨﻨﻰ ﻗﺎﻧﺪﺍﻕ ﺗﻮﻧﯘﺵ ﻣﻪﺳﯩﻠﯩﺴﻰ .
ﺋﯘﻳﻐﯘﺭﻻﺭﺩﯨﻜﻰ ﮔﺎﮬﻰ ﺑﯩﺮ ﺋﻪﺟﻪﻟﻠﯩﻚ ﺋﯩﻠﻠﻪﺗﻠﻪﺭﻧﯩﯔ ﺩﺍﯞﺭﯨﯖﯩﻨﻰ ﺋﻪﺭﻛﯩﻦ ﺳﯩﺪﯨﻖ ﺋﺎﻛﺎ ﺳﻪﻟﺒﯩﻲ ﺗﻪﺷﯟﯨﻘﺎﺗﻨﯩﯔ ﻧﻪﺗﯩﺠﯩﺴﻰ ﺩﻩﭖ ﻗﺎﺭﯨﻐﺎﻥ ﯞﻩ ﺑﯘ ﺧﯩﻞ ﺋﯩﻠﻠﻪﺕ ﻣﯩﻠﻠﯩﻲ ﺭﻭﮬﯩﻨﻰ ﺋﻪﺳﻠﯩﮕﻪ ﻛﻪﻟﺘﯜﺭﯛﺵ ، ﺳﺎﻗﻼﭖ ﻗﯧﻠﯩﺶ ، ﺋﯚﺳﺘﯜﺭﯛﺵ ﺑﯩﻠﻪﻥ ﻣﯘﻧﺎﺳﯩﯟﻩﺗﻠﯩﻚ ﺑﻮﻟﻐﺎﻧﻠﯩﻘﻰ ﺋﯜﭼﯜﻥ ، ﺋﯘ ﺑﯘﻧﯩﯖﺪﯨﻦ ﺗﯘﻟﯩﻤﯘ ﺭﺍﮬﻪﺗﺴﯩﺰﻟﯩﻨﯩﺪﯗ . ﺗﻮﻏﺮﺍ ، ﺑﯘﻧﯩﯖﺪﯨﻦ ﻛﯩﻤﻤﯘ ﺋﺎﺯﺍﺑﻼﻧﻤﯩﺴﯘﻥ ؟ ﻛﯩﻤﻨﯩﯖﻤﯘ ﻳﯜﺭﯨﻜﻰ ﻟﻪﺧﺘﻪ ﻗﺎﻥ ﺑﻮﻟﻤﯩﺴﯘﻥ ؟! ﺷﯘﯕﺎ ﺋﺎﻟﯩﻢ ﺋﻪﺭﻛﯩﻦ ﺳﯩﺪﯨﻖ ﺋﺎﻛﺎ ، ﺋﯩﻠﻤﯩﻲ ، ﻗﺎﻳﯩﻞ ﻗﯩﻼﺭﻟﯩﻖ ﺩﻩﻟﯩﻠﻠﻪﺭ ﺑﯩﻠﻪﻥ << ﺋﯘﻳﻐﯘﺭﻻﺭ ﺩﯙﺕ ﺋﻪﻣﻪﺱ ، ﺋﻪﻗﯩﻠﻠﯩﻖ >> ﺩﯦﮕﻪﻧﻨﻰ ﺑﺎﺭ ﻛﯜﭼﻰ ﺑﯩﻠﻪﻥ ﺋﯩﺴﭙﺎﺗﻼﺷﻘﺎ ﻛﯩﺮﯨﺸﯩﺪﯗ ﯞﻩ ﺋﯚﺯﯨﻨﯩﯔ ﺑﯘ ﺟﻪﮬﻪﺗﺘﯩﻜﻰ ﺋﯜﻣﯩﺪﯞﺍﺭﻟﯩﻘﯩﻨﻰ << ﺋﯚﺯﮔﯩﺮﯨﺶ >>ﻧﯩﯔ ﺟﻪﺭﻳﺎﻧﯩﻐﺎ ﯞﺍﻗﯩﺖ ﻛﯧﺘﯩﺪﯨﻐﺎﻧﻠﯩﻘﯩﻨﻰ ﺋﻪﺳﻜﻪﺭﺗﯩﭙﻤﯘ ﺋﯚﺗﯩﺪﯗ . ﺑﯘ ﻧﯘﻗﺘﯩﺪﯨﻦ ﺋﺎﻟﻐﺎﻧﺪﺍ ، ﺋﯘﻧﯩﯔ ﺋﯚﺯ ﻣﯩﻠﻠﯩﺘﯩﮕﻪ ﺑﻮﻟﻐﺎﻥ ﭼﻪﻛﺴﯩﺰ ﻣﯧﮭﺮﻯ ﻣﯘﮬﻪﺑﺒﯩﺘﯩﻨﻰ ﯞﻩ ﺋﯘﻧﯩﯔ ﻛﻪﻟﮕﯜﺳﯩﮕﻪ ﺑﻮﻟﻐﺎﻥ ﺋﯩﺸﻪﻧﭽﯩﻨﻰ ﻛﯚﺭﯛﯞﺍﻟﻐﯩﻠﻰ ﺑﻮﻟﯩﺪﯗ . ﺋﯘ ﺑﯘ << ﺋﯘﻳﻐﯘﺭﻻﺭ ﺩﯙﺕ ﺋﻪﻣﻪﺱ ، ﺋﻪﻗﯩﻠﻠﯩﻖ >> ﮬﯚﻛﯜﻣﻨﻰ ﭼﯩﻘﯩﺮﯨﺸﺘﺎ ﺋﯩﻠﻤﯩﻲ ﺋﺎﺳﺎﺱ ﯞﻩ ﺋﻪﻣﻪﻟﯩﻴﻪﺗﻜﻪ ﺗﺎﻳﯩﻨﯩﺪﯗ . ﺑﻪﺯﻯ ﺑﯩﺮ ﺗﻪﻛﺮﺍﺭﻻﻧﻤﺎ ﺋﯘﻗﯘﻡ ﯞﻩ ﺗﻪﺷﯟﯨﻘﺎﺗﻼﺭﻧﯩﯔ ﺋﯩﻨﺴﺎﻥ ﺭﻭﮬﯩﻨﻰ ﺋﯚﺯﮔﻪﺭﺗﯩﯟﯦﺘﯩﺸﺘﯩﻦ ﺋﯩﺒﺎﺭﻩﺕ ﺟﯩﺪﺩﯨﻲ ﻣﻪﺳﯩﻠﯩﻨﯩﻤﯘ ﻗﻪﻳﺖ ﻗﯩﻠﯩﭗ ﺋﯚﺗﯩﺪﯗ . ﺑﯘﻧﻰ ﺑﯩﺰ ﺋﯚﺯ ﺋﻪﻣﻪﻟﯩﻴﯩﺘﯩﻤﯩﺰﺩﻩ ﺟﺎﺭﻯ ﻗﯩﻠﺪﯗﺭﯗﺵ ﺋﯜﭼﯜﻥ ﺭﻭﮬﯩﻲ ﺳﺎﭘﺎﻳﯩﻤﯩﺰﻧﻰ ﻳﯘﻗﯩﺮﻯ ﻛﯚﺗﯜﺭﯛﺵ ﻛﯧﺮﻩﻙ . ﺋﯧﻐﯩﺰﺩﯨﻜﻰ ﺷﻮﺋﺎﺭ ﺑﯩﻠﻪﻥ ﮬﯧﭻ ﺋﯩﺶ ﭘﯜﺗﻤﻪﻳﺪﯗ . ﺋﯩﺠﺎﺑﯩﻲ ﺗﻪﺭﯨﭙﯩﻤﯩﺰﻧﻰ ﻛﯚﺭﯛﭖ ﮬﺎﻳﺎﺟﺎﻧﻠﯩﻨﯩﺶ ﺑﯩﻠﻪﻥ ﺑﯩﺮ ﻗﺎﺭﺍﯕﻐﯘ ﺗﻪﺭﯨﭙﯩﻤﯩﺰﻧﯩﻤﯘ ﻧﻪﺯﻩﺭﺩﯨﻦ ﺳﺎﻗﯩﺖ ﻗﯩﻠﯩﯟﻩﺗﻤﻪﺳﻠﯩﻜﯩﻤﯩﺰ ﻛﯧﺮﻩﻙ . ﻧﻮﺭﻣﺎﻟﺪﯨﻦ ﺋﺎﺷﻘﺎﻥ ﻣﻪﻏﺮﯗﺭﻟﯩﻨﯩﺸﻤﯘ ﺋﯩﻨﺴﺎﻧﻐﺎ ﻳﺎﺧﺸﯩﻠﯩﻖ ﺋﯧﻠﯩﭗ ﻛﻪﻟﻤﻪﻳﺪﯗ . ﺋﺎﻧﭽﻪ - ﻣﯘﻧﭽﻪ << ﺋﻪﻳﻨﻪﻙ >>ﻛﻪ ﻗﺎﺭﺍﭖ ﺗﯘﺭﯗﺵ << ﺭﻩﻗﯩﺐ >> ﻟﻪﺭﻧﯩﯔ ﻣﻪﺳﺨﯩﺮﯨﺴﯩﺪﯨﻦ ﺳﺎﻗﻼﻳﺪﯗ . ﺷﯘﯕﺎ ، << ﺯﺍﯞﺍﻟﻠﯩﻘﻘﺎ ﻳﯜﺯ ﺗﯘﺗﻘﺎﻥ ﺋﯘﻳﻐﯘﺭﻻﺭ >>ﻧﻰ << ﺋﻪﻳﻨﻪﻙ >> ﺳﯜﭘﯩﺘﯩﺪﻩ ﺳﯩﻠﻪﺭﮔﻪ ﺗﻪﻗﺪﯨﻢ ﺋﻪﺗﺘﯩﻢ . ﺋﯚﺯ - ﺋﯚﺯﯨﻤﯩﺰﺩﯨﻦ ﭘﻪﺧﯩﺮﻟﯩﻨﯩﺶ ﺗﯘﻳﻐﯘﻣﯩﺰ ﺑﻪﻙ ﻗﻮﺯﻏﺎﭖ ﻛﻪﺗﻜﻪﻧﺪﻩ ، ﺋﯘﻧﯩﯖﻐﺎ ﺋﺎﻧﭽﻪ - ﻣﯘﻧﭽﻪ ﻗﺎﺭﺍﭖ ﻗﯘﻳﯘﺷﯩﻤﯩﺰ ﺑﯩﺰﮔﻪ ﭘﺎﻳﺪﯨﻠﯩﻘﻜﻰ ، ﮬﻪﺭﮔﯩﺰﻣﯘ ﺯﯨﻴﺎﻧﻠﯩﻖ ﺋﻪﻣﻪﺱ !
ﺋﻪﺭﻛﯩﻦ ﺳﯩﺪﯨﻖ ﺋﺎﻛﺎ ، ﺑﯩﺰﮔﻪ ﻳﯧﯖﻰ ﺑﯩﺮ ﮬﺎﻳﺎﺗﻘﺎ ﺑﻮﻟﻐﺎﻥ ﺋﯜﻣﯩﺪ ، ﺋﯩﺸﻪﻧﭻ ، ﺟﺎﺳﺎﺭﻩﺕ ﺋﺎﺗﺎ ﻗﯩﻠﯩﺶ ﺋﯜﭼﯜﻥ ﺧﯧﻠﯩﻼ ﻛﯜﭺ ﺳﻪﺭﭖ ﻗﯩﻠﻐﺎﻥ . ﺋﯘ ﻗﺎﺭﺍﺷﻠﯩﺮﯨﻨﻰ ﺗﻮﻣﺘﺎﻗﻼ ، ﺋﺎﺳﺎﺳﺴﯩﺰ ﺋﻮﺗﺘﯘﺭﯨﻐﺎ ﻗﻮﻳﻤﺎﺳﺘﯩﻦ ، ﺑﻪﻟﻜﻰ ﺋﯩﻠﻤﯩﻲ ، ﺋﻪﻣﻪﻟﯩﻴﻪﺗﻜﻪ ﺋﯘﻳﻐﯘﻥ ﺋﺎﺳﺎﺳﺘﺎ ﻛﯜﭼﻠﯜﻙ ﺩﻩﻟﯩﻠﻠﻪﺭ ﺑﯩﻠﻪﻥ ﺷﻪﺭﮬﻠﯩﮕﻪﻥ . ﺋﯘﻧﯩﯔ ﺑﯘ ﺋﯘﺭﯗﻧﯘﺷﻠﯩﺮﻯ ﻛﯩﻢ ﺋﯜﭼﯜﻥ ؟! ﻳﻪﻧﯩﻼ ﺑﯩﺰ ﺋﯜﭼﯜﻥ ! ﺑﯩﺰﻧﯩﯔ ﻳﯧﯖﻰ ﺑﯩﺮ ﮬﺎﻳﺎﺕ ﻳﻮﻟﯩﻤﯩﺰﻧﻰ ﺗﯧﭙﯩﺸﯩﻤﯩﺰ ﺋﯜﭼﯜﻥ !
ﺋﻪﺭﻛﯩﻦ ﺳﯩﺪﯨﻖ << ﺑﯩﺮ ﺋﺎﺩﻩﻣﻨﯩﯔ ﻗﻮﺷﯘﻣﭽﻪ ﺋﻪﺱ - ﮬﻮﺷﯩﻐﺎ ﻣﻪﻟﯘﻡ ﺋﯘﭼﯘﺭﻻﺭﻧﯩﯔ ﻗﺎﭼﯩﻼﭖ ، ﺷﯘ ﺋﺎﺭﻗﯩﻠﯩﻖ ﺋﺎﺷﯘ ﺋﺎﺩﻩﻣﻨﯩﯔ ﺋﯩﺶ - ﮬﻪﺭﯨﻜﯩﺘﯩﻨﻰ ﺋﯚﺯﮔﻪﺭﺗﯩﺶ ﯞﻩ ﻛﻮﻧﺘﺮﻭﻝ ﻗﯩﻠﯩﺸﺘﯩﻦ >> ﺋﯩﺒﺎﺭﻩﺕ << ﻛﯚﯕﯜﻟﻨﻰ ﭘﺮﻭﮔﺮﺍﻣﻤﯩﻼﺵ >>ﻧﻰ ﺋﻮﺗﺘﯘﺭﯨﻐﺎ ﻗﯘﻳﯘﭖ ، ﮬﻪﺭ ﺑﯩﺮﯨﻤﯩﺰﻧﯩﯔ ﺋﯚﺯﯨﻤﯩﺰﻧﻰ ﺗﻮﻧﯘﺷﯩﻐﺎ ﺑﯩﺮ ﺋﯩﺸﯩﻚ ﺋﯧﭽﯩﭗ ﺑﻪﺭﺩﻯ . << ﺭﻭﮪ _ ﻛﯚﯕﯜﻝ ﺩﯦﻤﻪﻛﺘﯘﺭ . ﺷﯘﻧﺪﺍﻕ ﺋﯩﻜﻪﻥ ، ﺋﯩﻨﺴﺎﻧﻨﯩﯔ ﺋﯘﻟﯘﻏﻠﯘﻗﻰ ﻛﯚﯕﯜﻝ ﺳﻪﯞﻩﺑﯩﺪﯨﻨﺪﯗﺭ . ﺋﯩﻨﺴﺎﻥ ﻛﯚﯕﯜﻝ ﺋﯩﮕﯩﺴﻰ ﺑﻮﻟﻐﺎﻧﻠﯩﻘﻰ ﺋﯜﭼﯜﻥ ﻣﯘﻗﻪﺩﺩﻩﺱ ، ﺋﯘﻟﯘﻍ ، ﭼﻪﻛﺴﯩﺰﺩﯗﺭ . ﺋﯘ ﺋﺎﻟﻼﮬﻘﺎ ﺋﻪﻗﯩﻞ ﺑﯩﻠﻪﻥ ﺋﻪﻣﻪﺱ ، ﻛﯚﯕﯜﻝ ﻳﯧﺘﻪﻛﭽﯩﻠﯩﻜﻰ ﺑﯩﻠﻪﻥ ﻳﯧﺘﯩﺪﯗ . >> ﺩﻩﻳﺪﯗ ﺗﻪﺳﻪﯞﯞﯗﭘﭽﯩﻼﺭ . ﺋﺎﺷﯘ ﻛﯚﯕﯜﻟﻨﻰ ﭘﺮﻭﮔﺮﺍﻣﻤﯩﻼﺵ ﺋﺎﺭﻗﯩﻠﯩﻖ ﻣﻪﯞﺟﯘﺗﻠﯘﻗﯩﻤﯩﺰﻏﺎ ﺋﺎﺳﺎﺱ ﻳﺎﺭﯨﺘﯩﻤﯩﺰ . ﺋﻪﻣﺪﯨﻜﻰ ﻣﻪﺳﯩﻠﻪ ، ﻛﯚﯕﻠﯩﻤﯩﺰﮔﻪ ﻗﺎﻧﺪﺍﻕ ﺋﯘﭼﯘﺭﻻﺭﻧﻰ ﻗﺎﭼﯩﻼﺷﺘﺎ ﯞﻩ ﺋﯘﻧﻰ ﻗﺎﻧﺪﺍﻕ ﺟﺎﺭﻯ ﻗﯩﻠﺪﯗﺭﯗﺷﺘﺎ . ﺋﯘﻧﯩﯔ ﺋﯜﭼﯜﻥ ﮬﻪﺭ ﺑﯩﺮ ﺋﺎﺩﻩﻣﺪﻩ ﻣﻮﻝ ﺑﯩﻠﯩﻢ ﺯﺍﭘﯩﺴﻰ ، ﺋﯚﺯﯨﮕﻪ ﯞﻩ ﻛﻪﻟﮕﯜﺳﯩﮕﻪ ﺋﯜﻣﯩﺪ ﺑﻮﻟﻐﺎﻧﺪﯨﻦ ﺳﯩﺮﺕ ، ﺗﺎﺷﻘﻰ ﻛﯜﭼﻨﯩﯖﻤﯘ ﻣﻪﺩﻩﺕ ، ﺋﯩﻠﮭﺎﻣﯩﻐﺎ ﻣﻮﮬﺘﺎﺝ ! ﺗﺎﺷﻘﻰ ﻛﯜﭼﻨﻰ ﻗﺎﻧﺪﺍﻕ ﻗﯩﻠﻐﺎﻧﺪﺍ ﻗﻮﻟﻐﺎ ﻛﻪﻟﺘﯜﺭﮔﯩﻠﻰ ﺑﻮﻟﯩﺪﯗ ؟ ﺑﯘﻧﯩﯔ ﺋﯜﭼﯜﻥ ﻣﯘﺋﺎﻣﯩﻠﯩﻨﻰ ﺋﺎﺳﺎﺳﻰ ﺋﻮﺭﯗﻧﻐﺎ ﻗﯘﻳﯘﺵ ﺯﯙﺭﯛﺭ . ﺑﺎﺷﻘﯩﻼﺭﺩﯨﻦ ﺋﺎﻏﺮﯨﻨﯩﺸﺘﯩﻦ  ﺋﺎﯞﯞﺍﻝ ﺳﻪﯞﻩﺑﻨﻰ ﻛﯚﭘﺮﻩﻙ ﺋﯚﺯﯨﺪﯨﻦ ﺋﯩﺰﺩﻩﺵ ، ﺑﯘﺭﭺ ﯞﻩ ﻣﯩﻠﻠﯩﻲ ﻣﻪﺳﺌﯘﻟﯩﻴﻪﺕ ﮬﻪﻗﻘﯩﺪﻩ ﻛﯚﭘﺮﻩﻙ ﺋﻮﻳﻠﯩﻨﯩﺶ ، ﺋﺎﺩﯨﻤﯩﻴﻠﯩﻚ ﭘﻪﺯﯨﻠﻪﺕ ﯞﻩ ﺋﻪﺧﻼﻗﻨﻰ ﺋﯚﺯﯨﮕﻪ ﻗﯩﻠﺒﯩﻨﺎﻣﻪ ﻗﯩﻠﯩﺶ ﻻﺯﯨﻤﺪﯗﺭ . ﺑﯘﻧﯩﯖﺪﯨﻦ ﻣﯘﺳﺘﻪﺳﻨﺎ ﺋﯩﻨﺴﺎﻧﻨﯩﯔ << ﻛﯚﯕﻠﯩﻨﻰ ﭘﺮﻭﮔﺮﺍﻣﻤﯩﻼﺵ >>ﺗﯩﻦ ﺳﯚﺯ ﺋﯧﭽﯩﺶ ﻣﯘﻣﻜﯩﻦ ﺑﻮﻟﻤﺎﻳﻼ ﻗﺎﻟﻤﺎﻱ ، ﺑﻪﻟﻜﻰ ﺋﯘﻧﯩﯔ ﻣﻪﯞﺟﯘﺗﻠﯘﻗﯩﻨﯩﻤﯘ ﺗﻪﺳﻪﯞﯞﯗﺭ ﻗﯩﻠﻤﺎﻕ ﻗﯧﻴﯩﻦ . ﭼﯜﻧﻜﻰ  : << ﻣﻪﻥ ﺋﻪﯓ ﺋﻪﻗﯩﻠﻠﯩﻖ ﺋﺎﺩﻩﻡ ، ﻣﻪﻥ ﭼﻮﻗﯘﻡ ﻣﯘﯞﻩﭘﭙﻪﻗﯩﻴﻪﺕ ﻗﺎﺯﯨﻨﯩﻤﻪﻥ >> ﺩﯦﮕﯜﭼﯩﺪﻩ ﺋﯘﻧﻰ ﺋﯩﺸﻘﺎ ﺋﺎﺷﯘﺭﯗﺵ ﺋﯜﭼﯜﻥ ﻣﻪﻧﯩﯟﻯ ﺋﯧﻨﯧﺮﮔﯩﻴﻪ ﺑﻮﻟﻤﯩﺴﺎ ﺑﻮﻟﻤﺎﻳﺪﯗ .
ﺋﻪﺭﻛﯩﻦ ﺳﯩﺪﯨﻖ ﺋﺎﻛﺎ ﺷﯘﻧﺪﺍﻕ ﺑﯩﺮ ﺳﻮﺋﺎﻟﻨﻰ ﻧﺎﮬﺎﻳﯩﺘﻰ ﺋﻪﭘﭽﯩﻠﻠﯩﻚ ﺑﯩﻠﻪﻥ ﺑﯩﺰﮔﻪ ﺗﺎﺷﻠﯩﻐﺎﻧﯩﺪﻯ . ﻳﻪﻧﻰ << ﺳﯩﺰﻧﯩﯔ ﻗﻮﺷﯘﻣﭽﻪ ﺋﻪﺱ - ﮬﻮﺷﯩﯖﯩﺰﺩﯨﻦ ﺋﯩﺒﺎﺭﻩﺕ ﺑﯘ << ﺋﯩﺴﻜﯩﻼﺗﯩﯖﯩﺰ >>ﻏﺎ ﮬﻪﺭ ﻛﯜﻧﻰ ﻧﯘﺭﻏﯘﻥ ﺋﯘﭼﯘﺭﻻﺭ ﻛﯩﺮﮔﯜﺯﯛﻟﯜﯞﺍﺗﯩﺪﯗ . ﺋﯘﻻﺭ ﻗﺎﻧﺪﺍﻕ ﺋﯘﭼﯘﺭﻻﺭ ؟ ﺋﯘﻻﺭ ﺳﯩﺰﻧﯩﯔ ﻛﯚﯕﻠﯩﯖﯩﺰﻧﻰ ﻗﺎﻳﺴﻰ ﻳﯚﻟﯩﻨﯩﺸﺘﻪ ﭘﺮﻭﮔﺮﺍﻣﻤﯩﻼﻳﺪﯗ ؟ ﺑﯩﺮ ﺩﻩﻡ ﻛﯚﺯﯨﯖﯩﺰﻧﻰ ﻳﯘﻣﯘﭖ ﺟﯩﻢ ﺋﻮﻟﺘﯘﺭﯗﭖ ، ﻣﯘﺷﯘ ﺳﻮﺋﺎﻟﻼﺭ ﺋﯜﺳﺘﯩﺪﻩ ﺋﻪﺳﺘﺎﻳﯩﺪﯨﻞ ﺋﻮﻳﻠﯩﻨﯩﭗ ﺑﯧﻘﯩﯔ >>
ﺑﯘﻧﻰ ﻗﺎﻳﺴﯩﻤﯩﺰ ﺋﻮﻳﻠﯩﻨﯩﭗ ﻛﯚﺭﺩﯗﻕ ؟ ﺋﻮﻳﻠﯩﻨﯩﭗ ﻛﯚﺭﮔﻪﻥ ﺑﻮﻟﺴﺎﻕ ﻧﯧﻤﻪ ﺋﯜﭼﯜﻥ ﺋﯩﻨﻜﺎﺳﻠﯩﺮﯨﻤﯩﺰﺩﺍ ﺑﺎﻳﺎﻥ ﻗﯩﻠﻤﯩﺪﯗﻕ ؟ ﻣﯧﻨﯩﯖﭽﻪ ، ﺋﻮﻳﻼﻧﻐﺎﻧﻼﺭﺩﯨﻦ ﺋﻮﻳﻼﻧﻤﯩﻐﺎﻧﻼﺭ ﻛﯚﭖ . ﺑﯘﻧﺪﺍﻕ ﺩﯦﻴﯩﺸﯩﻤﺪﯨﻜﻰ ﺳﻪﯞﻩﺏ : ﺑﯘ ﻣﺎﻗﺎﻟﯩﻨﻰ ﻳﯧﺰﯨﺸﺘﯩﻦ ﺋﺎﯞﯞﺍﻝ ﮬﻪﺭ ﻗﺎﻳﺴﻰ ﻣﯘﻧﺒﻪﺭﻟﻪﺭﺩﯨﻜﻰ << ﺋﯘﻳﻐﯘﺭﻻﺭ ﺩﯙﺕ ﺋﻪﻣﻪﺱ ، ﺋﻪﻗﯩﻠﻠﯩﻖ>>ﻗﺎ ﭼﯜﺷﻜﻪﻥ ﺋﯩﻨﻜﺎﺳﻼﺭﻧﻰ ﺗﻪﭘﺴﯩﻠﯩﻲ ﻛﯚﺭﯛﭖ ﭼﯩﻘﺘﯩﻢ . ﺑﻪﺯﯨﻠﻪﺭ ﻣﺎﻗﺎﻟﯩﻨﻰ ﺋﻮﻗﯘﻣﺎﻱ ﺋﯩﻨﻜﺎﺱ ﻳﺎﺯﻏﺎﻥ ﺑﻮﻟﺴﺎ ، ﺑﻪﺯﯨﻠﻪﺭ ﺩﺍﯞﺭﺍﯓ ﺗﻪﺳﯩﺮﯨﺪﻩ ﻗﯩﺰﯨﻘﯩﺸﺘﯩﻦ ﻛﯩﺮﯨﭗ ﻗﺎﻟﻐﺎﻥ ، ﻗﺎﻟﻐﺎﻧﻼﺭﻧﯩﯔ ﺋﯩﻨﻜﺎﺳﻰ ﺋﺎﺳﺎﺳﻪﻥ ﺋﻪﺭﻛﯩﻦ ﺳﯩﺪﯨﻖ ﺋﻪﭘﻪﻧﺪﯨﮕﻪ ﺭﻩﮬﻤﻪﺕ - ﺗﻪﺯﯨﻢ ، ﺋﺎﻟﻘﯩﺶ ، ﻣﻪﺩﮬﯩﻴﻪ ﻳﺎﯕﺮﺍﺗﻘﺎﻥ . ﺗﻮﻏﺮﺍ ، ﺋﺎﻟﻘﯩﺸﻼﺵ ﻛﯧﺮﻩﻙ . ﺋﻪﻣﻤﺎ ، ﺋﻪﺭﻛﯩﻦ ﺳﯩﺪﯨﻖ ﺋﻪﭘﻪﻧﺪﯨﻨﯩﯔ ﺑﯩﺰﺩﯨﻦ ﻛﯜﺗﻜﯩﻨﻰ ﺑﯘ ﺋﻪﻣﻪﺱ ﺋﯩﺪﻯ . ﺋﯘ ﺑﻪﻟﻜﯩﻢ ، ﺑﯩﺰﻧﯩﯔ ﺑﯘﻧﻰ ﺋﯩﻠﻤﯩﻲ ﻣﯘﻧﺎﺯﯨﺮﯨﻠﻪﺭ ﺋﺎﺭﻗﯩﻠﯩﻖ ﺋﯚﺯﯨﻤﯩﺰﮔﻪ ﺗﻪﺗﺒﯩﻘﻼﺷﻨﻰ ﺷﯘ ﺋﺎﺳﺎﺳﺘﺎ ﭘﯩﻜﯩﺮ ﻗﯩﻠﯩﺸﻨﻰ ﺑﻪﻛﻤﯘ ﺋﺎﺭﺯﯗ ﻗﯩﻠﻐﺎﻥ ﺑﻮﻟﺴﺎ ﻛﯧﺮﻩﻙ . ﺋﻪﭘﺴﯘﺱ ، ﺑﯩﺰ ﺗﻮﻟﯘﭖ - ﺗﺎﺷﻘﺎﻥ ﮬﺎﻳﺎﺟﺎﻥ ﺑﯩﻠﻪﻥ ﭘﻪﺧﯩﺮﻟﯩﻨﯩﺶ ﮬﻪﻡ ﺯﻭﻗﻠﯩﻨﯩﺶ ﺗﯘﻳﻐﯘﺳﯩﺪﺍ ﺑﻮﻟﯘﭘﻼ ، ﺋﯘﻧﯩﯔ ﺋﯜﻣﯩﺪﻟﯩﺮﯨﻨﻰ ﻳﯧﺘﻪﺭﻟﯩﻚ ﺋﺎﻗﻠﯩﻴﺎﻟﻤﯩﺪﯗﻕ . ﻣﯘﻧﺪﺍﻗﭽﻪ ﺋﯧﻴﺘﻘﺎﻧﺪﺍ ، ﻣﺎﻗﺎﻟﯩﻨﻰ ﻣﺎﮬﯩﻴﯩﺘﻰ ﺑﯩﻠﻪﻥ ﮬﻪﺯﯨﻢ ﻗﯩﻠﯩﺸﻘﺎ ﺋﯘﺭﯗﻧﻤﺎﻱ ، ﮬﯧﺴﺴﯩﻴﺎﺗﻨﻰ ﺋﻪﻗﯩﻞ ﺋﯜﺳﺘﯩﮕﻪ ﺩﻩﺳﺴﯩﺘﯩﯟﺍﻟﺪﯗﻕ . ﻛﯚﺯﯨﺘﯩﺸﯩﻤﺪﯨﻦ ﻳﻪﻧﻪ ﺷﯘﻧﻰ ﺑﺎﻳﻘﯩﺪﯨﻤﻜﻰ ، ﮬﺎﻳﺎﺟﺎﻧﻠﯩﻖ ﺩﻩﻗﯩﻘﯩﻠﻪﺭ ﺋﺎﺧﯩﺮﻟﯩﺸﯩﭗ ، ﻣﻪﺯﻛﯘﺭ ﻣﺎﻗﺎﻟﻪ ﺋﺎﺳﺘﺎ - ﺋﺎﺳﺘﺎ ﺋﯘﻧﺘﯘﻟﯘﺷﻘﺎ ﻳﯜﺯ ﺗﯘﺗﯘﯞﯦﺘﯩﭙﺘﯘ . ﻣﻪﻧﺪﻩﻙ ﺑﯩﺮ ﻗﯩﺴﯩﻤﻼﺭ ﺗﻪﺭﯨﭙﯩﺪﯨﻦ << ﻣﯩﻠﻠﻪﺗﻨﯩﯔ ﻳﯜﺯﯨﻨﻰ ﺗﯚﻛﻜﯜﭼﻰ >> ﺩﻩﭖ ﻗﺎﺭﯨﻠﯩﯟﺍﺗﻘﺎﻧﻼﺭ ﺋﯘﻧﻰ ﻗﻮﻟﺪﯨﻦ ﭼﯜﺷﯜﺭﻣﻪﻱ ، ﺗﻪﭘﺴﯩﺮ ﻗﯩﻠﯩﺶ ﺑﯩﻠﻪﻥ ﺋﺎﯞﺍﺭﻩ ﺋﯩﻜﻪﻥ . ﻧﯧﻤﯩﻼ ﺩﯦﻤﻪﻳﻠﻰ ، ﻳﻪﻧﯩﻼ ﻳﺎﺧﺸﻰ ﻛﯜﻧﻠﻪﺭ ﺋﺎﻟﺪﯨﻤﯩﺰﺩﺍ . ﻳﺎ ﺋﯚﻟﯜﻛﻜﻪ ، ﻳﺎ ﺗﯩﺮﯨﻜﻜﻪ ﭘﺎﻳﺪﯨﺴﻰ ﻳﻮﻕ ﭘﺎﺭﺍﯕﻼﺭﻣﯘ ، << ﺳﻮﻏﯘﻕ ﻣﯘﻧﺎﺳﯩﯟﻩﺗﻠﻪﺭ ﺋﯘﺭﯗﺷﻠﯩﺮﯨﻤﯘ >> ﺗﯜﮔﻪﭘﻤﯘ ﻗﺎﻻﺭ ، ﻣﻪﻧﯩﯟﻯ ﺳﺎﭘﺎﻳﯩﻤﯩﺰﻣﯘ ﺋﺎﺷﺎﺭ ... ﺋﺎﻟﯩﻢ ﺋﻪﺭﻛﯩﻦ ﺳﯩﺪﯨﻖ ﺋﺎﻛﺎ ﺋﯧﻴﺘﻘﺎﻧﺪﻩﻙ : << ﺋﯘﻳﻐﯘﺭﻻﺭ ﺋﺎﺩﯨﻠﻠﯩﻖ ﯞﻩ ﮬﻪﻗﯩﻘﻪﺗﻨﻰ ﺋﻪﯓ ﻳﺎﻗﯩﻼﻳﺪﯨﻐﺎﻥ ، ﺋﯘﻧﻰ ﻧﺎﮬﺎﻳﯩﺘﻰ ﻗﻪﺩﯨﺮﻟﻪﻳﺪﯨﻐﺎﻥ ، ﻧﺎﮬﻪﻗﭽﯩﻠﯩﻜﻜﻪ ﻗﯩﻠﭽﻪ ﭼﯩﺪﯨﻤﺎﻳﺪﯨﻐﺎﻥ ﻣﯩﻠﻠﻪﺗﻠﻪﺭﻧﯩﯔ ﺑﯩﺮﻯ >> ﺑﯘ ﻳﻪﺭﺩﻩ ﺋﺎﭘﺘﻮﺭ ﺷﯘﻧﯩﻤﯘ ﺟﯩﺪﺩﯨﻲ ﺗﻪﻛﯩﺘﻠﻪﻳﺪﯗ ، ﻳﻪﻧﻰ << ﺑﯩﺰ ﺋﯚﺯ - ﺋﯚﺯﯨﻤﯩﺰﮔﻪ ﺋﺎﺩﺍﻟﻪﺗﺴﯩﺰﻟﯩﻚ ﻗﯩﻠﯩﺸﺘﯩﻦ ﻗﻪﺗﺌﯩﻲ ﺳﺎﻗﻠﯩﻨﯩﺸﯩﻤﯩﺰ ﻛﯧﺮﻩﻙ >>
ﺩﻩﺭﮬﻪﻗﯩﻘﻪﺕ ، ﺋﯚﺯﯨﮕﻪ ﺋﺎﺩﺍﻟﻪﺗﺴﯩﺰﻟﯩﻚ ﻗﯩﻠﻐﺎﻥ ﺋﺎﺩﻩﻣﻨﯩﯔ ﻛﺎﻣﺎﻝ ﺗﯧﭙﯩﺸﻰ ﻣﯘﻣﻜﯩﻦ ﺋﻪﻣﻪﺱ . ﺋﯘﻧﺪﺍﻗﻼﺭﺩﺍ ﻣﻪﺳﯩﻠﯩﻠﻪﺭﮔﻪ ﺑﻮﻟﻐﺎﻥ ﺗﻮﻧﯘﺷﻰ ﺗﯧﻴﯩﺰ ﺑﻮﻟﯘﺵ ، ﺗﻮﻏﺮﺍ ﻣﯚﻟﭽﻪﺭﻟﯩﻤﻪﺳﻠﯩﻚ ، ﺋﯚﺯﯨﻨﻰ ﻛﻪﻡ ﺳﯘﻧﺪﯗﺭﯗﺵ ، ﺩﯗﻧﻴﺎﺩﯨﻦ ﺋﺎﺳﺎﻧﻼ ﺑﯩﺰﺍﺭﻟﯩﻖ ﮬﯧﺲ ﻗﯩﻠﯩﺶ ﯞﻩ ﺋﻪﺗﯩﻜﻰ ﻳﻮﺭﯗﻕ ﺑﯩﺮ ﻧﯘﺭﺍﻧﻪ ﺗﺎﯕﻐﺎ ﺋﯜﻣﯩﺪ ﺑﺎﻏﻠﯩﻴﺎﻟﻤﺎﻱ ، ﺋﯚﺯﯨﮕﻪ ﺑﻮﻟﻐﺎﻥ ﺋﯩﺸﻪﻧﭽﻨﻰ ﻳﻮﻗﯩﺘﯩﺸﺘﯩﻦ ﺋﯩﺒﺎﺭﻩﺕ ﺭﻭﮬﯩﻲ ﺋﺎﺟﯩﺰﻟﯩﻘﻼﺭ ﺑﻮﻟﻐﺎﻥ ﺑﻮﻟﯩﺪﯗ . ﺟﺎﻻﻟﯩﺪﯨﻦ ﺭﯗﻣﻰ ﺷﯘﻧﺪﺍﻕ ﺩﯦﮕﻪﻥ : << ﺳﻪﻥ ﮬﻪﻣﻤﻪ ﻧﻪﺭﺳﯩﻨﻰ ﺋﯘﻧﺘﯘﺷﯘﯓ ﻣﯘﻣﻜﯩﻦ ، ﭘﻪﻗﻪﺕ ﺑﯩﺮﻻ ﻧﻪﺭﺳﯩﻨﻰ ﺋﯘﻧﺘﯘﻣﺎ ، ﻳﻪﻧﻰ ، ﺩﯗﻧﻴﺎﻏﺎ ﻧﯧﻤﯩﺸﻘﺎ ﻛﻪﻟﺪﯨﯔ ؟ ﺩﯦﮕﻪﻧﻨﻰ ﺋﯘﻧﺘﯘﻣﺎ . ﺋﯚﺯﯛﯕﻨﻰ ﺋﻪﺭﺯﯨﻨﯩﻐﯩﻼ ﮔﯚﺭﯛﮔﻪ ﻗﯘﻳﯘﭖ ﺳﯧﺘﯩﯟﻩﺗﻤﻪ ، ﺳﯧﻨﯩﯔ ﺑﺎﮬﺎﻳﯩﯔ ﻳﯘﻗﯩﺮﻯ ... >> ﺩﯦﻤﻪﻛﭽﯩﻠﻪﺭﺩﯨﻦ ، ﺋﯩﻨﺴﺎﻧﻨﯩﯔ ﻗﯩﻤﻤﯩﺘﻰ ﻳﯘﻗﯩﺮﻯ . ﺋﻪﮔﻪﺭ ﺑﯩﺮﺍﯞ ﺑﯩﺰﮔﻪ : << ﺑﻪﺵ ﻳﯜﺯ ﻣﯩﯔ ﻳﯜﻩﻥ ﺑﯧﺮﻩﻱ ، ﺑﯩﺮ ﻗﻮﻟﯘﯕﻨﻰ ﻛﯧﺴﯩﯟﺍﻻﻱ >> ( ﻣﺎﺗﯧﺮﯨﻴﺎﻟﺪﯨﻦ ) ﺩﯦﺴﻪ ، ﺑﯩﺰ ﺷﯘﻧﯩﯖﻐﺎ ﮬﻪﺭﮔﯩﺰ ﺋﯘﻧﯩﻤﺎﻳﻤﯩﺰ . ﺋﯚﺯﯨﻤﯩﺰﻧﻰ ﺑﯘﻧﺪﺍﻕ ﭘﺎﺭﭼﯩﻼﭖ ، ﺋﯘﻧﻰ ﺑﺎﮬﺎﻏﺎ ﺳﯘﻧﺪﯗﺭﺳﺎﻕ ﻳﺎﻛﻰ ﺋﯚﺯﯨﻤﯩﺰﻧﯩﯔ ﻛﯩﺸﯩﻠﯩﻚ ﻗﯩﻤﻤﯩﺘﯩﻨﻰ ﺗﻮﻧﯘﭖ ﻳﻪﺗﺴﻪﻙ ﺟﺎﻻﻟﯩﺪﯨﻦ ﺭﯗﻣﯩﻨﯩﯔ ﺳﯚﺯﻯ ﺋﯩﺴﭙﺎﺗﻠﯩﻨﯩﺪﯗ . ﺑﯩﺰ ﻧﯧﻤﻪ ﺋﯜﭼﯜﻥ  ﻗﯩﻤﻤﯩﺘﯩﻤﯩﺰﻧﻰ ﺗﻮﻧﯘﭖ ، ﺋﯘﻧﻰ ﺗﻮﻟﯘﻕ ﺟﺎﺭﻯ ﻗﯩﻠﺪﯗﺭﻣﺎﻳﻤﯩﺰ ؟! ﺩﯗﻧﻴﺎﻏﺎ ﻧﯧﻤﻪ ﺋﯜﭼﯜﻥ ﻛﻪﻟﺪﯗﻕ ؟ ﻧﯧﻤﻪ ﺋﯜﭼﯜﻥ ﻛﯧﺘﯩﻤﯩﺰ ؟! ﮬﻪﺩﯨﺴﺘﯩﻤﯘ ﺋﯧﻴﺘﯩﻠﯩﺪﯗ : ﺋﯜﭺ ﻧﻪﺭﺳﻪ ﺑﯘ ﺩﯗﻧﻴﺎﺩﯨﻦ ﺋﯘﺯﯨﻐﯩﻨﯩﻤﯩﺰﺩﺍ ﺑﯩﻠﻠﻪ ﺑﺎﺭﯨﺪﯗ ، ﺋﯩﻜﻜﯩﺴﻰ ﻗﺎﻳﺘﯩﭗ ﻛﯧﻠﯩﺪﯗ . ﺑﯩﺮﻯ ﻗﯧﻠﯩﭗ ﻗﺎﻟﯩﺪﯗ ، ﻳﻪﻧﻰ ، ﺋﻪﻣﯩﻠﯩﻤﯩﺰ ﻗﯧﻠﯩﭗ ﻗﺎﻟﯩﺪﯗ . << ﻳﺎﺷﺎﺵ ﮬﻪﺭ ﺑﯩﺮ ﻧﻪﭘﻪﺱ ﺋﯜﭼﯜﻥ ﮬﯧﺴﺎﺏ ﺑﯧﺮﯨﺸﺘﯘﺭ >>
ﺷﯘ ﻣﻪﺳﯩﻠﻪ ﺳﻪﻣﯩﻤﯩﺰﺩﻩ ﺑﻮﻟﺴﯘﻧﻜﻰ ، ﮬﻪﺭ ﻗﺎﻧﺪﺍﻕ ﺋﺎﺩﻩﻣﻨﯩﯔ ﺑﯩﺮ ﺋﯚﺯﯨﮕﻪ ﺧﺎﺱ ﺑﯩﺮ ﺋﺎﻻﮬﯩﺪﯨﻠﯩﻜﻰ ﺑﻮﻟﻐﺎﻥ ﺑﻮﻟﯩﺪﯗ . ﺷﯘ ﺋﺎﻻﮬﯩﺪﯨﻠﯩﻜﯩﻤﯩﺰﻧﻰ ﺑﺎﻳﻘﺎﭖ ، ﺋﯘﻧﻰ ﺟﺎﺭﻯ ﻗﯩﻠﺪﯗﺭﯗﺵ ﺑﯩﺰﻧﯩﯔ ﺋﯩﻨﺴﺎﻧﻰ ﺑﯘﺭﭼﯩﻤﯩﺰ ﮬﻪﻡ ﻣﻪﺳﺌﯘﻟﯩﻴﯩﺘﯩﻤﯩﺰﻧﻰ ﺋﺎﺩﺍ ﻗﯩﻠﯩﺸﻨﯩﯔ ﺋﺎﺳﺎﺳﯩﺪﯗﺭ . ﺋﺎﺩﻩﻣﺪﻩ ﺷﻪﺧﺴﯩﻴﻪﺗﭽﯩﻠﯩﻚ ﻗﺎﺭﯨﺸﻰ ﻛﯜﭼﻠﯜﻙ ﺑﻮﻟﻐﺎﻧﻠﯩﻘﻰ ﺋﯜﭼﯜﻥ ، ﻛﯚﭖ ﮬﺎﻟﻼﺭﺩﺍ ﺋﯚﺯﻟﯩﺮﯨﻨﻰ ﺋﯚﺯﻟﯩﺮﯨﺪﯨﻦ ﻳﯘﻗﯩﺮﻯ ﺋﻮﺭﯗﻧﺪﯨﻜﻰ ﺋﺎﺩﻩﻣﻠﻪﺭ ﺑﯩﻠﻪﻥ ﺳﯧﻠﯩﺸﺘﯘﺭﯞﯦﻠﯩﭗ ، ﺋﯚﺯﯨﻨﻰ ﻛﻪﻡ ﺳﯘﻧﺪﯗﺭﯗﺵ ﮬﯧﺴﺴﯩﻴﺎﺗﯩﺪﺍ ﺑﻮﻟﯩﺪﯗ . ﺑﯘ ﻳﻪﻧﯩﻼ ﺋﯚﺯ - ﺋﯚﺯﯨﮕﻪ ﻗﯩﻠﯩﻨﻐﺎﻥ ﺋﺎﺩﺍﻟﻪﺗﺴﯩﺰ ﻣﯘﺋﺎﻣﯩﻠﯩﺪﯗﺭ . ﺋﯩﻨﺴﺎﻧﻨﯩﯔ ﺑﯘ ﺩﯗﻧﻴﺎﺩﺍ ﺧﯘﺷﺎﻟﻠﯩﻘﯩﺪﯨﻦ ﺧﺎﭘﯩﺴﻰ ﻛﯚﭖ ﺑﻮﻟﻐﺎﻥ ﺑﻮﻟﯩﺪﯗ . ﺑﯘ ﺩﯗﻧﻴﺎﺩﺍ ﺩﻩﺭﺩﻯ ﻳﻮﻕ ﺋﺎﺩﻩﻡ ﻳﻮﻕ ! ﻛﯜﻟﭙﻪﺕ ﻗﺎﻧﭽﯩﻜﯩﻦ ﭼﻮﯕﻘﯘﺭ ﺑﻮﻟﺴﺎ ، ﮬﺎﻳﺎﺗﻘﺎ ﺑﻮﻟﻐﺎﻥ ﭼﯜﺷﻪﻧﭽﯩﻤﯩﺰﻣﯘ ﺷﯘﻧﯩﯖﻐﺎ ﺋﻮﯓ ﺗﺎﻧﺎﺳﯩﭗ ﮬﺎﻟﺪﺍ ﺋﯧﺸﯩﭗ ﺑﺎﺭﯨﺪﯗ . ﺑﯩﺰ ﺋﯚﺯ ﺑﻪﺧﺘﯩﻤﯩﺰ ﯞﻩ ﺧﯘﺷﺎﻟﻠﯩﻘﯩﻤﯩﺰﻧﻰ ﮬﺎﻳﺎﺗﻠﯩﻘﺘﺎ ﺋﯧﺮﯨﺸﻜﻪﻥ ﻧﻪﺗﯩﺠﯩﻤﯩﺰ ﯞﻩ ﺋﯩﻨﺴﺎﻧﻼﺭﻏﺎ ﻣﯘﮬﻪﺑﺒﻪﺕ ﺑﺎﻏﻼﺵ ﺑﯩﻠﻪﻥ ﺗﺎﭘﯩﻤﯩﺰ .  << ﻛﯚﯕﯜﻟﺪﻩ ﺋﯩﻨﺴﺎﻧﻼﺭﻏﺎ ﻣﯘﮬﻪﺑﺒﻪﺕ ﺑﻮﻟﻤﺎﻳﺪﯨﻜﻪﻥ ، ﺋﯘﻧﺪﺍﻗﺘﺎ ﮬﻪﺭ ﻗﺎﻧﭽﻪ ﺑﯜﻳﯜﻙ ﺋﯩﻠﻤﯘ - ﺩﺍﻧﯩﺸﻤﻪﻧﻠﯩﻜﻤﯘ ﭘﺎﻳﺪﯨﺴﯩﺰ ، ﮬﻪﺗﺘﺎﻛﻰ ﻳﯩﺮﮔﯩﻨﭽﻠﯩﻚ ﺋﯩﻜﻪﻧﻠﯩﻜﯩﻨﻰ ﻗﺎﻧﺪﺍﻗﻤﯘ ﺑﯩﻠﻪﻟﯩﺴﯘﻥ >>
ﺋﯜﻣﯩﺪﺳﯩﺰﻟﯩﻚ ﺷﻪﻳﺘﺎﻧﻨﯩﯔ ﺋﯩﺸﻰ . ﺭﻭﮬﯩﻲ ﭼﯜﺷﻜﯜﻧﻠﯜﻙ ﯞﻩ ﺋﯜﻣﯩﺪﺳﯩﺰﻟﯩﻚ ﺩﻩﺳﺘﯩﺪﯨﻦ ﻗﺎﻧﭽﯩﻠﯩﻐﺎﻥ ﻗﯧﺮﯨﻨﺪﺍﺷﻠﯩﺮﯨﻤﯩﺰ ﻗﺎﺭﺍ ﺗﯘﭘﺮﺍﻗﻨﻰ ﻗﯘﭼﺎﻗﻠﯩﻤﯩﺪﻯ ؟ ﻗﺎﻧﭽﯩﻠﯩﻐﺎﻥ ﻛﯚﺯﻟﻪﺭﺩﯨﻦ ﻳﺎﺵ ﺋﻮﺭﻧﯩﻐﺎ ﻗﺎﻥ ﺋﺎﻗﻤﯩﺪﻯ ؟! ﻗﺎﻧﭽﯩﻠﯩﻐﺎﻥ ﻳﯜﺭﻩﻛﻠﻪﺭ ﮬﯩﺠﺮﺍﻥ ، ﻣﯘﺳﯩﺒﻪﺕ ﻗﺎﻳﻐﯘﺳﯩﺪﺍ ﭘﯘﭼﯩﻼﻧﻤﯩﺪﻯ ؟! ﺋﺎﺩﻩﻣﻨﯩﯔ ﺋﯚﺯﯨﮕﻪ ﺑﻮﻟﻐﺎﻥ ﺋﯩﺸﻪﻧﭽﻨﯩﯔ ﻳﯩﻤﯩﺮﯨﻠﮕﻪﻥ ﯞﺍﻗﺘﻰ ، ﺋﯘﻧﯩﯔ ﮬﺎﻻﻛﻪﺕ ﺋﯩﺸﯩﻜﯩﻨﻰ ﺗﯩﻨﯩﻤﺴﯩﺰ ﭼﻪﻛﻜﻪﻥ ﭼﺎﻏﻠﯩﺮﯨﺪﯗﺭ .
ﺋﺎﻟﯩﻢ ﺋﻪﺭﻛﯩﻦ ﺳﯩﺪﯨﻖ ﺋﺎﻛﺎ ، ﺋﺎﺩﻩﻣﺪﻩ ﺋﯚﺯﯨﮕﻪ ﺑﻮﻟﻐﺎﻥ ﺋﯩﺸﻪﻧﭻ ﯞﻩ ﻛﻪﻟﮕﯜﺳﯩﮕﻪ ﺑﻮﻟﻐﺎﻥ ﺋﯜﻣﯩﺪ ﻳﻮﻗﺎﻟﻐﯩﻨﯩﺪﺍ ﺋﻪﻧﻪ ﺷﯘﻧﺪﺍﻕ ﭘﺎﺟﯩﺌﻪﻟﻪﺭﻧﯩﯔ ﻛﯚﺯ ﺋﺎﭼﯩﺪﯨﻐﺎﻧﻠﯩﻘﯩﻨﻰ ﺗﻮﻧﯘﭖ ﻳﯧﺘﯩﭗ ، ﺑﯩﺰﮔﻪ ﺋﯩﻠﮭﺎﻡ ، ﻣﻪﺩﻩﺕ ﺑﯧﺮﯨﺪﯨﻐﺎﻥ ﻗﯩﻤﻤﻪﺗﻠﯩﻚ ﻗﺎﺭﺍﺷﻠﯩﺮﯨﻨﻰ << ﺋﯘﻳﻐﯘﺭﻻﺭ ﺩﯙﺕ ﺋﻪﻣﻪﺱ ، ﺋﻪﻗﯩﻠﻠﯩﻖ >>ﺗﺎ ﺑﺎﻳﺎﻥ ﻗﯩﻠﺪﻯ . ﺋﻪﺳﻠﻰ << ﺋﯘﻳﻐﯘﺭﻻﺭ ﺩﯙﺕ ﺋﻪﻣﻪﺱ ، ﺋﻪﻗﯩﻠﻠﯩﻖ ﺋﯩﺪﻯ >> ﺩﯦﺴﯩﻤﯘ ﺑﯘﻻﺗﺘﯩﻐﯘ ؟ ﻧﯧﻤﻪ ﺋﯜﭼﯜﻥ ﺋﯘﻧﻰ ﻣﯘﺗﻠﻪﻗﻠﻪﺷﺘﯜﺭﯛﭖ ، ﭼﻮﯕﻘﯘﺭ ﻣﯘﮬﻪﺑﺒﻪﺕ ﯞﻩ ﺋﯩﺸﻪﻧﭻ ﺑﯩﻠﻪﻥ ﺋﯧﻴﺘﺘﻰ ؟! ﺑﯘﻧﯩﻤﯘ ﺋﻮﻳﻠﯩﻨﯩﭗ ﻛﯚﺭﯛﺷﯩﻤﯩﺰﮔﻪ ﺋﻪﺭﺯﯨﻴﺪﯗ .
ﺑﯩﺰﻧﯩﯔ ﺋﯚﺯﯨﻤﯩﺰﮔﻪ ﺑﻮﻟﻐﺎﻥ ﺋﯩﺸﻪﻧﭽﯩﻤﯩﺰﻧﻰ ﻣﯘﺳﺘﻪﮬﻜﻪﻣﻠﻪﺵ ﯞﻩ ﺋﺎﺷﯘﺭﯗﺵ ﺋﯜﭼﯜﻥ ﭼﻪﺗﺌﻪﻟﺪﻩ ﻧﻪﺗﯩﺠﻪ ﻗﺎﺯﺍﻧﻐﺎﻥ ﺑﯩﺮ ﻳﯜﺭﯛﺵ ﺋﯘﻳﻐﯘﺭﻻﺭﻧﻰ ﺑﯩﺰﮔﻪ ﺗﻮﻧﯘﺷﺘﯘﺭﯗﭖ ، ﺗﯩﺮﯨﺸﺴﺎﻗﻼ ﻧﻪﺗﯩﺠﻪ ﻗﺎﺯﺍﻧﻐﯩﻠﻰ ﺑﻮﻟﯩﺪﯨﻐﺎﻧﻠﯩﻘﯩﺪﯨﻦ ﺋﯩﺒﺎﺭﻩﺕ ﮬﻪﻗﯩﻘﻪﺗﻨﻰ ﺗﯧﺨﯩﻤﯘ ﻳﺎﺭﻗﯩﻦ ﺋﯩﭙﺎﺩﻩ ﻗﯩﻠﻐﺎﻥ . ﻳﻪﻧﻪ ﺋﯘ ﺑﻪﺯﻯ ﺑﯩﺮ ﺋﯚﺯﯨﻤﯩﺰﮔﻪ ﭘﺎﻳﺪﯨﺴﯩﺰ ﺑﻮﻟﻐﺎﻥ ﺗﻪﺷﯟﯨﻘﺎﺕ ﯞﺍﺳﺘﯩﺴﯩﺪﺍ ﻛﯚﯕﯜﻟﻨﻰ ﺧﺎﺗﺎ ﭘﺮﻭﮔﺮﺍﻣﻤﯩﻼﭖ ﻗﻮﻳﻤﺎﺳﻠﯩﻘﯩﻤﯩﺰﺩﯨﻦ ﺷﻪﭘﻪ ﺑﯧﺮﯨﺪﯗ ﮬﻪﻡ ﻣﯘﻧﺪﺍﻕ ﺑﯩﺮ ﺋﯩﺠﺘﯩﻤﺎﺋﯩﻲ ﮬﻪﻗﯩﻘﻪﺗﻨﻰ ﺗﻪﭘﻪﻛﻜﯘﺭﯨﻤﯩﺰﻏﺎ ﺗﺎﺷﻼﻳﺪﯗ : << ﮬﺎﺯﯨﺮ ﺋﯘﻳﻐﯘﺭﻻﺭ ﺑﯩﺮ ﺋﺎﻻﮬﯩﺪﻩ ﺩﻩﯞﺭ ﯞﻩ ﺑﯩﺮ ﺋﺎﻻﮬﯩﺪﻩ ﺷﺎﺭﺍﺋﯩﺘﺘﺎ ﻳﺎﺷﺎﯞﺍﺗﯩﺪﯗ . ﺋﯘﻳﻐﯘﺭﻻﺭ ﮬﺎﺯﯨﺮ ﺩﯗﭺ ﻛﯧﻠﯩﯟﺍﺗﻘﺎﻥ ﺑﯩﺮ ﻗﯩﺴﯩﻢ ﺋﻪﮬﯟﺍﻟﻨﻰ < ﺳﯚﯕﮕﻪﭺ ﺗﯧﭙﯩﺶ ﻣﯘﺳﺎﺑﯩﻘﯩﺴﯩﮕﻪ ﻗﺎﺗﻨﺎﺷﻘﺎﻥ ﺑﯩﺮ ﭘﯘﺗﻠﯘﻕ ﺋﺎﺩﻩﻡ > ﺩﯗﭺ ﻛﯧﻠﯩﺪﯨﻐﺎﻥ ﺋﻪﮬﯟﺍﻝ ﺑﯩﻠﻪﻥ ﺳﯧﻠﯩﺸﺘﯘﺭﯗﺵ ﻣﯘﻣﻜﯩﻦ >>
ﻣﺎﻧﺎ ﻣﯘﺷﯘﻧﺪﺍﻕ ﺋﺎﻻﮬﯩﺪﻩ ﺋﯩﺠﺘﯩﻤﺎﺋﯩﻲ ﻣﯘﮬﯩﺘﺘﺎ ﻳﺎﺷﺎﯞﺍﺗﻘﺎﻥ ﺋﯘﻳﻐﯘﺭﻻﺭ ﺋﯚﺯﻟﯩﺮﯨﻨﯩﯔ ﻛﯩﻤﻠﯩﻜﻰ ﮬﻪﻗﻘﯩﺪﻩ ﺋﻮﻳﻠﯩﻨﯩﺸﻰ ﯞﻩ ﺋﯚﺯﻟﯜﻛﯩﻨﻰ ﻳﺎﺭﯨﺘﯩﺶ ﻳﻮﻟﯩﺪﺍ ﺋﯩﺰﺩﯨﻨﯩﺸﻰ ﻛﯧﺮﻩﻛﻜﻰ ، ﮬﻪﺭﮔﯩﺰﻣﯘ ﺋﯚﺯﯨﻨﻰ ﺗﺎﺷﻠﯩﯟﯦﺘﯩﺶ ﮬﯧﺴﺴﯩﻴﺎﺗﯩﺪﺍ ﺑﻮﻟﻤﺎﺳﻠﯩﻖ ﻛﯧﺮﻩﻙ . ﺗﻮﻏﺮﺍ ، ﺋﯘﻳﻐﯘﺭﻻﺭﻧﯩﯔ ﺑﯩﺮ ﻗﯩﺴﯩﻢ ﺋﯩﻠﻠﻪﺗﻠﯩﺮﻯ ﻣﯩﻠﻠﻪﺗﻜﯚﻳﻪﺭﻟﻪﺭﻧﯩﯔ ﻳﯜﺭﯨﻜﯩﻨﻰ ﻳﺎﺭﺍ ﻗﯩﻠﻤﺎﻱ ﻗﺎﻟﻤﺎﻳﺪﯗ . ﺋﯘﻻﺭﻧﻰ ﻏﻪﺯﻩﭘﻠﻪﻧﺪﯛﺭﯨﺪﯗ . ﺋﯘﻻﺭ ﺋﻪﻧﻪ ﺑﯩﺌﺎﺭﺍﻣﭽﯩﻠﯩﻘﺘﯩﻦ ﺋﯩﭽﻰ ﺳﯩﻘﯩﻠﯩﭗ ﭼﻪﻛﺴﯩﺰ ﺑﯩﺮ ﻣﯘﮬﻪﺑﺒﻪﺕ ﺑﯩﻠﻪﻥ ﻣﯩﻠﻠﯩﺘﯩﮕﻪ << ﺗﯩﻞ >> ﺳﯧﻠﯩﭙﻤﯘ ﻗﯘﻳﯩﺪﯗ . ﺑﺎﻟﯩﺴﯩﻐﺎ ﻛﯚﻳﯜﻧﯩﺪﯨﻐﺎﻥ ﻗﺎﻳﺴﻰ ﺑﯩﺮ ﺋﺎﺗﺎ ﺑﺎﻟﯩﺴﯩﻨﯩﯔ ﺑﻮﻟﻤﯩﻐﯘﺭ ﺋﯩﺸﯩﻨﻰ ﻛﯚﺭﮔﻪﻧﺪﻩ ﺧﺎﭘﺎ ﺑﻮﻟﻤﯩﺴﯘﻥ ؟! ﺑﯘﻧﯩﻤﯘ ﺋﻪﻟﯟﻩﺗﺘﻪ ﺗﻮﻏﺮﺍ ﭼﯜﺷﯩﻨﯩﺸﻜﻪ ﺑﻮﻟﯩﺪﯗ .  
ﺋﯘﻧﯩﯖﺴﯩﺰﻣﯘ ﺩﯗﭺ ﻛﯧﻠﯩﯟﺍﺗﻘﺎﻥ ﺋﺎﻧﺎ ﺗﯩﻞ ، ﻣﯩﻠﻠﯩﻲ ﻣﺎﺋﺎﺭﯨﭗ ، ﻣﯩﻠﻠﯩﻲ ﻣﻪﺩﻩﻧﯩﻴﻪﺕ ، ﻣﯩﻠﻠﯩﻲ ﺋﻪﺧﻼﻕ ، ﺩﯨﻨﻨﻰ ﺋﯧﺘﯩﻘﺎﺩ ﻣﻪﺳﯩﻠﯩﺴﻰ ﺑﯩﺰ ﺟﯩﺪﺩﯨﻲ ﺋﻮﻳﻠﯩﻨﯩﺸﻘﺎ ﺗﯧﮕﯩﺸﻠﯩﻚ ﻣﻪﺳﯩﻠﯩﻠﻪﺭﻧﯩﯔ ﺑﯩﺮﯨﺪﯗﺭ . ﺑﯘﻧﯩﯔ ﺋﯜﭼﯜﻥ ﻗﺎﻧﺪﺍﻕ ﻗﯩﻠﯩﺶ ﻛﯧﺮﻩﻙ ؟ ﮬﻪﺭ ﺑﯩﺮﯨﻤﯩﺰ ﻣﻪﻧﯩﯟﯨﻴﯩﺘﯩﻤﯩﺰﻧﻰ ﭼﯩﺮﻣﯩﯟﺍﻟﻐﺎﻥ ﭘﺎﺳﺴﯩﭗ ﺋﯩﻠﻠﻪﺗﻠﻪﺭﻧﻰ ﭼﯚﺭﯛﭖ ﺗﺎﺷﻼﭖ ، ﺋﯚﺯﯨﻤﯩﺰﻧﻰ ﺋﯩﺴﻼﮪ ﻗﯩﻠﯩﺶ ﺭﻭﮬﯩﻨﻰ ﺗﯩﻜﻠﯩﺸﯩﻤﯩﺰ ﺷﻪﺭﺗﺘﯘﺭ . ﺑﯘ ﺑﯩﺮ ﻣﯘﺷﻪﻗﻘﻪﺗﻠﯩﻚ ﺟﻪﺭﻳﺎﻥ ﺑﻮﻟﺴﯩﻤﯘ ، ﺋﯚﺯﯨﻤﯩﺰﻧﻰ ﻳﺎﺭﯨﺘﯩﺶ ﯞﻩ ﺋﻪﯞﻻﺩﻻﺭ ﺋﯜﭼﯜﻥ ﺑﻪﺩﻩﻝ ﺗﯚﻟﻪﺵ ﻛﯧﺮﻩﻙ ! << ﺑﯩﺰ ﺑﯘ ﺟﻪﮬﻪﺗﺘﻪ ﻗﯩﻠﯩﺪﯨﻐﺎﻥ ﺋﯩﺸﻼﺭ ﭼﻮﻗﯘﻡ ﺑﯩﺮ ﭘﯘﺗﻠﯘﻕ ﺋﺎﺩﻩﻣﻨﯩﯔ ﻳﻪﻧﻪ ﺑﯩﺮ ﭘﯘﺗﯩﻨﻰ ﺋﯚﺳﺘﯜﺭﯛﺷﻜﻪ ﻳﺎﺭﺩﯨﻤﻰ ﺑﻮﻟﯘﺷﻰ ﻛﯧﺮﻩﻙ >>
ﺑﻪﺧﺘﻨﻰ ﮬﯧﭻ ﻛﯩﻢ ﺳﻮﯞﻏﺎ ﻗﯩﻠﯩﭗ ﺑﻪﺭﻣﻪﻳﺪﯗ . ﺋﯘﻧﻰ ﭘﻪﻗﻪﺕ ﺋﯚﺯﯨﻤﯩﺰﻻ ﻳﺎﺭﯨﺘﺎﻻﻳﻤﯩﺰ . << ﺟﺎﻻﻟﯩﺪﯨﻦ ﮬﻪﺭ ﺑﯩﺮ ﺷﻪﮬﻪﺭﻟﯩﻜﻨﯩﯔ ﺋﯚﻟﯜﻣﯩﻨﻰ ﺋﯚﺯ ﺋﯚﻟﯜﻣﯩﺪﻩﻙ ﺑﯩﻠﺪﻯ . ﺑﺎﻏﺪﺍﺩﺗﺎ ﺋﯘﻧﻰ ﺋﯚﺯﯨﮕﻪ ﺗﺎﺭﺗﻘﺎﻥ ، ﯞﻩﺗﻪﻧﺪﯨﻦ ﺋﺎﻳﺮﯨﻠﯩﺶ ﺋﺎﺯﺍﺑﻰ ﺳﻪﯞﻩﺑﭽﻰ ﺑﻮﻟﻐﺎﻥ ، ﮬﻪﻣﻤﻪ ﻧﻪﺭﺳﯩﻨﯩﯔ ﻗﯩﺴﻤﯩﺘﻰ ﺋﯩﻼﮬﻘﺎ ﺑﺎﻏﻠﯩﻖ ، ﺩﯦﮕﻪﻥ ﺋﯧﺘﯩﻘﺎﺩﺗﯩﻦ ﻛﯧﭽﯩﭗ ، ﺋﯩﻨﺴﺎﻥ ﺋﯚﺯﯨﻨﯩﯔ ﻗﺎﺭﺍﺭ - ﺋﯩﺮﺍﺩﯨﺴﻰ ﺑﯩﻠﻪﻥ ﺋﯩﺴﺘﯩﻘﺒﺎﻟﻐﺎ ﻗﺎﺭﺍﭖ ﺋﯩﻨﺘﯩﻠﯩﺸﻰ ﻛﯧﺮﻩﻙ ، ﺩﯦﮕﻪﻥ ﺋﯧﺘﯩﻘﺎﺩ ﻳﻮﻟﯩﻐﺎ ﺯﻭﺭ ﻗﻪﺩﻩﻡ ﻗﻮﻳﺪﻯ . >> ﮬﻪﺭ ﺑﯩﺮ ﺋﺎﺩﻩﻡ ﺟﺎﻻﻟﯩﺪﯨﻦ ﺭﯗﻣﯩﺪﻩﻙ ﺋﻪﻧﻪ ﺷﯘﻧﺪﺍﻕ ﺋﯩﺪﯨﻴﻪ ﺑﯘﺭﯨﻠﯩﺸﯩﺪﺍ ﺋﯚﺯﻟﯩﺮﯨﻨﻰ ﺗﺎﭘﻘﯩﻨﯩﺪﺍ ، ﺋﯘﻧﯩﯔ ﺑﻪﺧﺖ ﺋﯩﺸﯩﻜﻰ ﻛﻪﯓ ﺋﯧﭽﯩﻠﻐﺎﻥ ، ﻳﺎﺷﺎﺵ ﻳﻮﻟﻰ ﻛﯧﯖﻪﻳﮕﻪﻥ ﺑﻮﻟﯩﺪﯗ . ﺋﺎﺩﻩﻣﻨﯩﯔ ﺋﯚﺯﯨﻨﻰ ﺑﯩﻠﯩﺸﻰ ﯞﻩ ﺗﻮﻧﯘﺷﻰ << ﺟﺎﻻﻟﯩﺪﯨﻦ ﺭﯗﻣﻰ >> ﺭﻭﻣﺎﻧﯩﺪﺍ ﺋﯧﻴﺘﯩﻠﻐﯩﻨﯩﺪﻩﻙ : << ﺋﯚﺯ ﺭﻭﮬﯩﻲ ﺩﯗﻧﻴﺎﻳﯩﯖﻨﻰ ﺑﯩﻠﯩﺶ ﯞﻩ ﺋﯩﮕﯩﻠﻪﺵ ﺑﯩﺮ ﭼﺎﻏﻼﺭﺩﺍ ﺋﯩﺴﻜﻪﻧﺪﻩﺭ ﺯﯗﻟﻘﻪﺭﻧﻪﻳﯩﻨﻨﯩﯔ ﻳﻪﺭ ﻳﯜﺯﯨﻨﻰ ﺋﯩﺸﻐﺎﻝ ﻗﯩﻠﻐﯩﻨﯩﺪﯨﻨﻤﯘ ﻣﯜﺷﻜﯜﻟﺮﻩﻙ >> ﺑﯘﻧﯩﯔ ﺋﯜﭼﯜﻥ ﻏﻪﻳﺮﻩﺕ ﯞﻩ ﺟﺎﺳﺎﺭﻩﺗﻨﻰ ﺋﯚﺯﯨﮕﻪ ﻳﺎﺭ ﻗﯩﻠﻤﺎﻕ ﻻﺯﯨﻤﺪﯗﺭ . ﻣﯘﮬﯩﻤﻰ ، ﺋﯚﺯﯨﻤﯩﺰﻧﯩﯔ ﻛﯩﻢ ﺋﯩﻜﻪﻧﻠﯩﻜﯩﻨﻰ ﺑﯩﻠﯩﺶ . << ﺋﯚﺯﯨﻨﻰ ﺑﯩﻠﮕﻪﻥ ﺧﯘﺩﺍﻧﯩﻤﯘ ﺑﯩﻠﯩﺪﯗ >> ﺷﯘﯕﺎ ، ﻣﻪﻧﺴﯘﺭ ﮬﻪﻟﻼﺟﻰ << ﺋﯚﺯﯛﯕﻨﻰ ﺗﻮﻧﯘ >> ﺩﯦﮕﻪﻥ .
ﺋﺎﻟﯩﻢ ﺋﻪﺭﻛﯩﻦ ﺳﯩﺪﯨﻖ ﻳﻪﻧﻪ ﻣﯘﻧﺪﺍﻕ ﺩﻩﻳﺪﯗ : << < ﺋﯘﻳﻐﯘﺭﻻﺭ ﺩﯙﺕ ، ﺋﯘﻳﻐﯘﺭﻻﺭﻧﯩﯔ ﻗﻮﻟﯩﺪﯨﻦ ﮬﯧﭻ ﺋﯩﺶ ﻛﻪﻟﻤﻪﻳﺪﯗ > ﺩﯦﮕﻪﻥ ﺳﯚﺯﻟﻪﺭﻧﻰ ﺋﺎﯕﻼﭖ ﭼﻮﯓ ﺑﻮﻟﺴﯩﯖﯩﺰ ، ﺳﯩﺰﻧﯩﯔ ﺭﻭﮬﯩﯖﯩﺰ ، ﺋﯩﺮﺍﺩﯨﯖﯩﺰ ، ﻏﻪﻳﺮﯨﺘﯩﯖﯩﺰ ﯞﻩ ﺑﻪﺩﻩﻥ ﻗﯘﺩﺭﯨﺘﯩﯖﯩﺰ ﻗﺎﻧﺪﺍﻗﺮﺍﻕ ﮬﺎﻟﻪﺗﺘﻪ ﺑﯘﻻﺭ ؟ >> ﺑﯘ ﺧﯩﻞ ﻣﯩﻠﻠﻪﺗﻨﯩﯔ ﺋﺎﻛﺘﯩﭙﭽﺎﻧﻠﯩﻘﯩﻨﻰ ﺑﻮﻏﯩﺪﯨﻐﺎﻥ ﯞﻩ ﺯﻩﺋﯩﭙﻠﻪﺷﺘﯜﺭﯨﺪﯨﻐﺎﻥ ﺋﯘﻗﯘﻡ ، ﺑﯩﺰﻧﻰ ﺧﯘﺩﯛﻛﺴﯩﺮﻩﺵ ﺋﯩﭽﯩﺪﻩ ﻳﺎﺷﺎﺷﻘﺎ ﻣﻪﺟﺒﯘﺭ ﻗﯩﻠﯩﭗ ﺋﯚﺯﯨﻤﯩﺰﮔﻪ ﺑﻮﻟﻐﺎﻥ ﺋﯩﺸﻪﻧﭽﻨﻰ ﻳﻮﻗﯩﺘﯩﺪﯗ . ﺑﯩﺰﺩﻩ ، ﺳﺎﺭﺍﯓ ﺩﯦﺴﻪﯓ ﺑﯩﺮ ﭼﯩﺸﻠﻪﭖ ﮔﯚﺷﻰ ﺳﺎﺭﺍﯓ ﺑﯘﻻﺭ ، ﺩﯦﮕﻪﻥ ﮔﻪﭖ ﺑﺎﺭﻏﯘ ؟ ﺋﻪﮔﻪﺭ ﺑﯩﺰﻧﯩﯔ ﺑﯩﺮ ﻳﯧﺮﯨﻤﯩﺰ ﺯﻩﺧﯩﻤﻠﻪﻧﮕﻪﻥ ﺑﻮﻟﺴﺎ ، ﻛﯚﭖ ﮬﺎﻟﻼﺭﺩﺍ ﺷﯘ ﺟﺎﻳﻨﻰ ﺑﯩﺮ ﻧﻪﺭﺳﯩﻠﻪﺭﮔﻪ ﺋﯘﺭﯗﯞﺍﻟﯩﻤﯩﺰ ، ﭼﯜﻧﻜﻰ ، ﺑﯩﺰﻧﯩﯔ ﺋﻮﻱ - ﺧﯩﻴﺎﻟﯩﻤﯩﺰ ﺟﺎﺭﺍﮬﻪﺗﻠﻪﻧﮕﻪﻥ ﺋﻮﺭﯗﻧﻐﺎ ﻣﻪﺭﻛﻪﺯﻟﻪﺷﻜﻪﻥ ﺑﻮﻟﯩﺪﯗ . ﺑﯩﺮ ﺗﯧﻠﯧﯟﯨﺰﯨﻴﻪ ﺗﯩﻴﺎﺗﯩﺮﯨﺪﺍ ﺑﯩﺮ ﺋﻮﻗﯘﻏﯘﭼﻰ ﺑﯩﺮ ﭘﺴﯩﺨﻮﻟﻮﮔﻨﯩﯔ : << ﺳﯧﻨﯩﯔ ﻧﯧﻤﯩﺸﻘﺎ ﻧﻪﺗﯩﺠﻪﯓ ﻳﺎﺧﺸﻰ ﺋﻪﻣﻪﺱ >> ﺩﯦﮕﻪﻥ ﺳﻮﺋﺎﻟﯩﻐﺎ : << ﻣﯘﺋﻪﻟﻠﯩﻢ ﻣﯧﻨﻰ ﺩﯙﺕ ﺩﻩﻳﺪﯗ ، ﻣﻪﻥ ﺋﯘ ﻣﯘﺋﻪﻟﻠﯩﻤﻨﻰ ﭘﻪﻗﻪﺕ ﻳﺎﻗﺘﯘﺭﻣﺎﻳﻤﻪﻥ >> ﺩﻩﻳﺪﯗ . ﺑﯘﻧﯩﯖﺪﯨﻦ ﻛﯚﺭﯛﻧﯜﭖ ﺗﯘﺭﯗﭘﺘﯩﻜﻰ ، ﺑﺎﺷﻘﯩﻼﺭﻧﯩﯔ ﻛﻪﻡ ﺳﯘﻧﺪﯗﺭﯗﺷﻰ ﺋﺎﺩﻩﻣﻨﯩﯔ ﺋﯚﺯﯨﮕﻪ ﺑﻮﻟﻐﺎﻥ ﺋﯩﺸﻪﻧﭽﯩﻨﻰ ، ﻛﻪﻟﮕﯜﺳﯩﮕﻪ ﺑﻮﻟﻐﺎﻥ ﺋﯜﻣﯩﺪﯨﻨﻰ ﭘﺎﻟﻪﭺ ﻗﯩﻠﯩﺪﯗ .
ﻛﯚﭘﯩﻨﭽﻪ ﺋﯩﺸﻼﺭﻧﯩﯔ ﻛﯚﯕﯜﻟﺪﯨﻜﯩﺪﻩﻙ ﺑﻮﻟﯘﺷﻰ ﻳﺎﻛﻰ ﺑﻮﻟﻤﺎﺳﻠﯩﻘﻰ ﺭﻭﮬﯩﻲ ﻛﻪﻳﭙﯩﻴﺎﺕ ﺑﯩﻠﻪﻥ ﻣﯘﻧﺎﺳﯩﯟﻩﺗﻠﯩﻚ ﺑﻮﻟﻐﺎﻥ ﺑﻮﻟﯩﺪﯗ . ﺭﻭﮬﯩﯖﯩﺰ ﻛﯚﺗﯜﺭﻩﯕﮕﯜ ، ﺋﯚﺯﯨﯖﯩﺰﮔﻪ ﺑﻮﻟﻐﺎﻥ ﺋﯩﺸﻪﻧﭻ ﺋﯘﺭﻏﯘﭖ ﺗﯘﺭﻏﺎﻥ ﭼﺎﻏﻼﺭﺩﺍ ﻗﯩﻠﻐﺎﻥ ﺋﯩﺸﯩﯖﯩﺰ ﻧﻪﺗﯩﺠﯩﻠﯩﻚ ﺑﻮﻟﯩﺪﯗ . ﺑﯘﻧﯩﯔ ﺋﻪﻛﺴﯩﭽﻪ ﺑﻮﻟﻐﺎﻧﺪﺍ ، ﺳﯩﺰﻧﯩﯔ ﺭﻭﮬﯩﯖﯩﺰﻧﻰ ﭼﯜﺷﻜﯜﻧﻠﯜﻙ ، ﺋﯜﻣﯩﺪﺳﯩﺰﻟﯩﻚ ، ﮬﺎﻳﺎﺗﺘﯩﻦ ﺑﯩﺰﺍﺭﻟﯩﻖ ﺗﯘﻣﺎﻧﻠﯩﺮﻯ ﻗﺎﭘﻠﯩﯟﺍﻟﯩﺪﯗ . ﺑﻪﻟﻜﯩﻢ ، ﮬﯧﭽﻜﯩﻢ ﺑﯘ ﺧﯩﻞ ﮬﺎﻟﺪﺍ ﻳﺎﺷﺎﺷﻨﻰ ﺧﺎﻟﯩﻤﯩﺴﺎ ﻛﯧﺮﻩﻙ !؟ ﺷﯘﯕﺎ <<  <ﻣﻪﻥ ﺋﻪﻗﯩﻠﻠﯩﻖ ، ﻣﻪﻥ ﭼﻮﻗﯘﻡ ﻗﯩﻠﯩﯟﺍﺗﻘﺎﻥ ﻳﺎﻛﻰ ﻛﯚﺯﻟﯩﮕﻪﻥ ﺋﯩﺸﯩﻤﺪﺍ ﻣﯘﯞﻩﭘﭙﻪﻗﯩﻴﻪﺗﻠﯩﻚ ﺑﻮﻟﯩﻤﻪﻥ > ﺩﻩﭖ ﺗﯘﺭﯗﺷﻨﻰ ﺋﯘﻧﺘﯘﭖ ﻗﺎﻟﻤﺎﯓ >>  ﺋﺎﺩﻩﻡ ﺩﯗﻧﻴﺎﻏﺎ ﺑﯩﺮﻻ ﻛﯧﻠﯩﺪﯗ ، ﺑﯘﻧﯩﻤﯘ ﺋﯘﻧﺘﯘﭖ ﻗﺎﻟﻤﺎﯓ !
ﺑﯩﺰ ﺋﯚﺯ ﻣﻪﺟﺒﯘﺭﯨﻴﯩﺘﯩﻤﯩﺰﻧﻰ ﺗﻮﻧﯘﭖ ﻳﯧﺘﯩﭗ ، ﻛﻪﻟﮕﯜﺳﯩﮕﻪ ﺗﻮﻟﯘﭖ - ﺗﺎﺷﻘﺎﻥ ﺋﯜﻣﯩﺪ ﺑﯩﻠﻪﻥ ﺑﺎﻗﻘﯩﻨﯩﻤﯩﺰﺩﺍ ، ﺋﻪﺭﻛﯩﻦ ﺳﯩﺪﯨﻖ ﺋﯧﻴﺘﻘﺎﻥ : << ﻣﯩﻠﻠﯩﻲ ﻛﯩﻤﻠﯩﻜﻨﻰ ﺳﺎﻗﻼﭖ ﻗﯧﻠﯩﺶ ، ﻣﯩﻠﻠﯩﻲ ﺳﺎﭘﺎﻧﻰ ﺋﯚﺳﺘﯜﺭﯛﺵ ، ﻣﯩﻠﻠﯩﻲ ﺭﻭﮬﻨﻰ ﺋﻪﺳﻠﯩﮕﻪ ﻛﻪﻟﺘﯜﺭﯛﺵ ﯞﻩ ﻛﯜﭼﻪﻳﺘﯩﺶ>>ﺗﯩﻦ ﺳﯚﺯ ﺋﺎﭼﺎﻻﻳﻤﯩﺰ .
ﻣﺎﻗﺎﻟﯩﺪﺍ ﺗﯩﻠﻐﺎ ﺋﯧﻠﯩﻨﻐﺎﻥ ﺗﯜﺭﻛﯩﻴﯩﺪﯨﻜﻰ ﮬﻪﻣﻤﻪ ﻳﻪﺭﺩﻩ << ﺗﯜﺭﻙ ﺑﺎﻳﺮﺍﻕ >>ﯨﻨﯩﯔ ﻟﻪﭘﯩﻠﺪﻩﭖ ﺗﯘﺭﯗﺷﯩﺪﯨﻦ ﺋﯩﺒﺎﺭﻩﺕ ﺑﺎﻳﺎﻥ ﮬﻪﺭ ﺑﯩﺮﯨﻤﯩﺰﻧﯩﯔ ﺋﯚﺯﯨﻤﯩﺰﮔﻪ ﺑﻮﻟﻐﺎﻥ ﺋﯩﺸﻪﻧﭽﻨﻰ ﺗﯘﺭﻏﯘﺯﯗﺷﻨﻰ ﺗﯜﭘﻜﻰ ﻣﻪﻗﺴﻪﺕ ﻗﯩﻠﻐﺎﻥ ، ﻳﻪﻧﻰ ، << ﻣﻪﻥ ﺋﯘﻳﻐﯘﺭ ، ﺋﯘﻳﻐﯘﺭ ﺋﻪﻗﯩﻠﻠﯩﻖ >>  ﺗﯩﻦ ﻣﯘﺷﯘ ﺳﯚﺯ ﻗﻪﻟﺒﯩﻤﯩﺰﺩﻩ ﺋﺎﺷﯘ ﺑﺎﻳﺮﺍﻗﻼﺭﺩﻩﻙ ﻟﻪﭘﯩﻠﺪﻩﭖ ﺗﯘﺭﺳﯘﻥ ، ﺩﯦﮕﻪﻧﻨﻰ ﺋﯩﭙﺎﺩﻩ ﻗﯩﻠﯩﺶ ﺑﯩﻠﻪﻥ ﺑﯩﺮﮔﻪ ، ﺋﯘﻳﻐﯘﺭﻻﺭﻧﯩﯔ ﺩﯗﻧﻴﺎﺩﺍ ﺗﯘﺗﻘﺎﻥ ﺋﻮﺭﻧﯩﻨﯩﯔ ﻳﯘﻗﯩﺮﯨﻠﯩﻘﯩﺪﯨﻦ ﺑﯧﺸﺎﺭﻩﺕ ﺑﻪﺭﮔﻪﻥ .  << 13 - ﺋﻪﺳﯩﺮﻟﻪﺭﺩﻩ ﺋﯘﻳﻐﯘﺭﻻﺭ ﻣﻪﺩﻩﻧﯩﻴﻪﺕ ﯞﻩ ﺑﺎﺷﻘﺎ ﻧﯘﺭﻏﯘﻥ ﺟﻪﮬﻪﺗﻠﻪﺭﺩﻩ ﻧﺎﮬﺎﻳﯩﺘﻰ ﻛﯜﭼﻠﯜﻙ ﯞﺍﻗﺘﯩﺪﺍ ، ﺗﯜﺭﻛﻠﻪﺭ ﺑﯩﺮ ﻣﻪﺯﮔﯩﻞ < ﺗﯜﺭﻙ ﻣﻪﺩﻩﻧﯩﻴﯩﺘﻰ > ﺩﯦﮕﻪﻥ ﺳﯚﺯﻧﯩﯔ ﺋﻮﺭﻧﯩﻐﺎ < ﺗﯜﺭﻙ ﺋﯘﻳﻐﯘﺭﻯ > ﺩﯦﮕﻪﻥ ﺳﯚﺯﻧﻰ ﺋﯩﺸﻠﻪﺗﻜﻪﻥ ﺋﯩﻜﻪﻥ ، ﻳﻪﻧﻰ ﺋﯘﻻﺭ < ﺋﯘﻳﻐﯘﺭ > ﺩﯦﮕﻪﻥ ﺳﯚﺯﻧﻰ < ﻣﻪﺩﻩﻧﯩﻴﻪﺕ > ﻣﻪﻧﯩﺴﯩﺪﻩ ﺋﯩﺸﻠﻪﺗﻜﻪﻥ ﺋﯩﻜﻪﻥ >> << ﺗﯜﺭﻛﻠﻪﺭ ﺋﯘﻳﻐﯘﺭﻻﺭﻧﻰ ﺋﯩﻨﺘﺎﻳﯩﻦ ﮬﯚﺭﻣﻪﺗﻠﻪﻳﺪﯨﻜﻪﻥ ، ﺋﯩﻨﺘﺎﻳﯩﻦ ﻗﻪﺩﯨﺮﻟﻪﻳﺪﯨﻜﻪﻥ ... >> ﺑﯘﻧﯩﯖﻐﺎ ﺋﯘﻻﭘﻼ ﺋﻪﺭﻛﯩﻦ ﺳﯩﺪﯨﻖ ﺋﻪﭘﺴﯘﺳﻠﯘﻕ ﺋﯩﭽﯩﺪﻩ ﺷﯘﻧﯩﻤﯘ ﺑﺎﻳﺎﻥ ﻗﯩﻠﯩﭗ ﺋﯚﺗﯩﺪﯗ : <<  ﺋﻪﻣﺪﯨﻜﻰ ﮔﻪﭖ ، ﺑﯩﺰ ﺋﯚﺯ ﺋﯚﺯﯨﻤﯩﺰﮔﻪ ﻗﺎﻧﺪﺍﻕ ﻣﯘﺋﺎﻣﯩﻠﻪ ﻗﯩﻠﯩﻤﯩﺰ ؟ ﺋﻪﮔﻪﺭ ﺑﯩﺰ ﺋﯚﺯ - ﺋﯚﺯﯨﻤﯩﺰﻧﻰ ﮬﯚﺭﻣﻪﺗﻠﻪﺵ ﯞﻩ ﺋﯚﺯ - ﺋﯚﺯﯨﻤﯩﺰﻧﻰ ﻗﻪﺩﯨﺮﻟﻪﺷﻨﯩﯔ ﺋﻮﺭﻧﯩﻐﺎ ﺋﯚﺯ - ﺋﯚﺯﯨﻤﯩﺰﻧﻰ ﻛﻪﻣﺴﯩﺘﯩﺪﯨﻐﺎﻥ ﺑﯩﺮ ﺋﻮﺭﯗﻧﻐﺎ ﭼﯜﺷﯜﭖ ﻗﺎﻟﺴﺎﻕ ، ﺋﯘ ﺑﯩﺰ ﺋﯜﭼﯜﻥ ﺑﯩﺮ ﭼﻮﯓ ﻧﻮﻣﯘﺱ . >>
ﺑﯘ ﮬﻪﻣﻤﯩﻤﯩﺰ ﺟﯩﺪﺩﯨﻲ ﺋﻮﻳﻠﯩﻨﯩﺸﻘﺎ ﺗﯧﮕﯩﺸﻠﯩﻚ ﻣﻪﺳﯩﻠﻪ . ﺑﯩﺰ ﺋﯜﭼﯜﻥ ﮬﺎﺯﯨﺮ ﺋﯩﺘﺘﯩﭙﺎﻗﻠﯩﻖ ، ﺑﯩﺮ - ﺑﯩﺮﯨﻤﯩﺰﮔﻪ ﺋﯩﻠﻤﯩﻲ ﻣﯘﺋﺎﻣﯩﻠﯩﺪﻩ ﺑﻮﻟﯘﭖ ، ﺑﯩﺮ - ﺑﯩﺮﯨﻤﯩﺰﻧﻰ ﮬﯚﺭﻣﻪﺗﻠﻪﺵ ﯞﻩ ﻗﻪﺩﯨﺮﻟﻪﺵ ﮬﻪﻣﻤﯩﺪﯨﻦ ﻣﯘﮬﯩﻢ . ﺋﯚﺯ - ﺋﯚﺯﯨﻤﯩﺰﻧﻰ ﻗﻪﺩﯨﺮﻟﯩﻤﯩﺴﻪﻙ ، ﮬﯧﭽﻜﯩﻢ ﺑﯩﺰﻧﻰ ﻗﻪﺩﯨﺮﻟﯩﻤﻪﻳﺪﯗ . ﺑﯩﺮ - ﺑﯩﺮﯨﻤﯩﺰﻧﻰ ﻛﻮﻻﺵ ، ﺋﺎﺟﯩﺰﻟﯩﻖ ﺗﻪﺭﯨﭙﯩﮕﻪ ﺋﯧﺴﯩﻠﯩﯟﯦﻠﯩﭗ ، ﺋﺎﺭﺗﯘﻗﭽﯩﻠﯩﻘﻠﯩﺮﯨﻨﻰ ﻧﻪﺯﻩﺭﺩﯨﻦ ﺳﺎﻗﯩﺖ ﻗﯩﻠﯩﺶ ، ﺋﯩﻠﻤﯩﻴﻠﯩﻘﺘﯩﻦ ﻣﯘﺳﺘﻪﺳﻨﺎ ﮬﺎﻟﺪﺍ ، ﻛﯩﺸﻰ ﺋﯧﻐﯩﺰ ﺋﺎﻟﻐﯘﺳﯩﺰ ﺗﯩﻠﻼﺭﺩﺍ ﻣﯘﺩﺩﯨﺌﺎﻳﯩﻤﯩﺰﻧﻰ ﺋﯩﭙﺎﺩﯨﻠﻪﺵ ، << ﻛﻪﭼﯜﺭﯛﺵ >> ﺩﯦﮕﻪﻥ ﺋﻮﻗﯘﻣﺪﯨﻦ ﻳﯩﺮﺍﻗﻠﯩﺸﯩﭗ ، ﺋﯚﺯﺋﺎﺭﺍ << ﻗﯩﺴﺎﺱ >> ﺋﯧﻠﯩﺸﯩﺶ ﺑﯩﻠﻪﻧﻼ ﺑﯩﺰﻧﯩﯔ ﺑﻪﺧﺖ ﮔﯜﻟﯩﻤﯩﺰ ﺋﯧﭽﯩﻠﻤﺎﻳﺪﯗ . ﺋﯘﻧﯩﯖﺪﯨﻦ ﻧﻮﻣﯘﺱ ﮬﯧﺲ ﻗﯩﻠﯩﺸﯩﻤﯩﺰ ﻛﯧﺮﻩﻙ . << ﺗﻮﺷﻘﺎﻧﻨﻰ ﻗﻮﻣﯘﺵ ﺋﯚﻟﺘﯜﺭﻩﺭ ، ﺋﺎﺩﻩﻣﻨﻰ ﻧﻮﻣﯘﺱ >> ﺑﯩﺰ ﺑﯘ ﺩﯗﻧﻴﺎﺩﺍ ﺑﯩﺮﺍﯞﻧﯩﯔ ﺋﻪﻳﯩﺒﻨﻰ ﻳﺎﭘﺴﺎﻕ ، ﺋﯘ ﺩﯗﻧﻴﺎﺩﺍ ﺋﺎﻟﻼﮪ ﺑﯩﺰﻧﯩﯔ ﺋﻪﻳﯩﺒﯩﻤﯩﺰﻧﻰ ﻳﺎﭘﯩﺪﯗ ، ﺩﯦﮕﻪﻥ ﺳﯚﺯﻣﯘ ﺑﺎﺭﻏﯘ ؟
ﺋﻪﺭﻛﯩﻦ ﺳﯩﺪﯨﻖ ﺑﯩﺰﮔﻪ ﺷﯘﻧﺪﺍﻕ ﺧﯩﺘﺎﺏ ﻗﯩﻠﯩﺪﯗ : << ﺋﻪﺟﺪﺍﺩﻟﯩﺮﯨﻤﯩﺰ ﺑﯩﺰﻟﻪﺭﮔﻪ ﻧﯧﻤﯩﻠﻪﺭﻧﻰ ﻣﯩﺮﺍﺱ ﻗﺎﻟﺪﯗﺭﺩﻯ ؟ ﺑﯩﺰ ﺑﯘﻧﯩﯖﺪﯨﻦ ﻛﯧﻴﯩﻨﻜﻰ ﻳﯧﯖﻰ ﺋﻪﯞﻻﺩﻟﯩﺮﯨﻤﯩﺰﻏﺎ ﻧﯧﻤﯩﻠﻪﺭﻧﻰ ﻗﺎﻟﺪﯗﺭﯨﻤﯩﺰ ؟ >> << ﺋﻪﯞﻻﺩﻻﺭﻏﺎ ﺷﯘﻧﻰ ﭼﻮﻗﯘﻡ ﺑﯩﻠﺪﯛﺭﯛﺷﯩﻤﯩﺰ ﻛﯧﺮﻩﻛﻜﻰ ، ﮔﻪﺭﭼﻪ ﺳﯩﺰ ﮬﺎﺯﯨﺮ ﻧﯘﺭﻏﯘﻥ ﭘﺎﻳﺪﯨﺴﯩﺰ ﺋﻪﮬﯟﺍﻟﻼﺭﻏﺎ ﺩﯗﭺ ﻛﯧﻠﯩﯟﺍﺗﻘﺎﻥ ﺑﻮﻟﺴﯩﯖﯩﺰﻣﯘ ، ﺳﯩﺰ ﻳﻪﻧﯩﻼ ﻧﯘﺭﻏﯘﻥ ﺋﯩﺸﻼﺭﻧﻰ ﻗﯩﻼﻻﻳﺴﯩﺰ ؛ ﺳﯩﺰ ﭼﯩﻘﺎﻻﻳﺪﯨﻐﺎﻥ ﭘﻪﻟﻠﯩﻨﯩﯔ ﺋﯧﮕﯩﺰﻟﯩﻜﯩﻨﻰ ﭘﻪﻗﻪﺗﻼ ﺳﯩﺰ ، ﻛﯚﺯﻟﻪﺷﻜﻪ ﭘﯧﺘﯩﻨﺎﻻﻳﺪﯨﻐﺎﻥ ﻏﺎﻳﯩﻨﯩﯔ ﭼﻮﯓ - ﻛﯩﭽﯩﻜﻠﯩﻜﻰ ﺑﯩﻠﻪﻥ ﺳﯩﺰﻧﯩﯔ ﺋﺎﺷﯘ ﻏﺎﻳﯩﻨﻰ ﺋﻪﻣﻪﻟﮕﻪ ﺋﺎﺷﯘﺭﯗﺵ ﻳﻮﻟﯩﺪﺍ ﺗﯚﻟﯩﻴﻪﻟﻪﻳﺪﯨﻐﺎﻥ ﺑﻪﺩﯨﻠﯩﯖﯩﺰﻻ ﺑﻪﻟﮕﯩﻠﻪﻳﺪﯗ >>
ﺋﻪﺭﻛﯩﻦ ﺳﯩﺪﯨﻘﻨﯩﯔ ﺋﺎﺷﯘ ﺧﯩﺘﺎﺑﻰ ﮬﻪﺭ ﺯﺍﻣﺎﻥ ﻗﯘﻟﯩﻘﯩﻤﯩﺰﺩﺍ ﻳﺎﯕﺮﺍﭖ ، ﺋﯚﺯ ﺋﻪﻣﻪﻟﯩﻴﯩﺘﯩﻤﯩﺰﺩﻩ ﻛﯚﺭﺳﯩﺘﯩﭗ ﻣﺎﯕﻐﯩﻨﯩﻤﯩﺰﺩﺍ ، ﺋﯘﻧﯩﯔ ﻳﻪﻧﻪ ﺑﯩﺮ ﺧﯩﺘﺎﺑﻰ ﺑﻮﻟﻐﺎﻥ : << ﺋﯘﻳﻐﯘﺭﻻﺭ ﮬﻪﻣﻤﻪ ﺋﯩﺸﻨﻰ ﻗﯩﻼﻻﻳﺪﯗ >> ﺩﯦﮕﻪﻧﻨﯩﯔ ﮬﯚﺩﺩﯨﺴﯩﺪﯨﻦ ﭼﯩﻘﺎﻻﻳﻤﯩﺰ ! ﺑﻮﻟﻤﯩﺴﺎ ﻳﻪﻧﯩﻼ << ﺋﺎﺗﺎﻡ ﺋﯧﻴﺘﻘﺎﻥ ﺑﺎﻳﯩﻘﻰ >> ﺑﻮﻟﯘﭖ ﻗﺎﻟﯩﺪﯨﻐﺎﻥ ﮔﻪﭖ !
<< ﺯﺍﺩﻯ ﺋﯩﻨﺴﺎﻧﻨﯩﯔ ﺋﯩﻨﺴﺎﻧﻠﯩﻘﻰ - ﺋﯘﻧﯩﯔ ﺋﻪﻗﻠﻰ ﯞﻩ ﻗﻪﻟﺒﯩﺪﻩ ﺋﻪﻣﻪﺳﻤﯘ ؟ ﺑﺎﺷﻘﺎ ﺟﻪﮬﻪﺗﻠﯩﺮﻯ - ﺗﯧﺮﻩ ﯞﻩ ﺋﯘﺳﺘﯩﺨﺎﻧﻠﯩﺮﻯ ﻣﺎﮬﯩﻴﻪﺗﺘﻪ ﮬﺎﻳﯟﺍﻧﺪﯨﻦ ﻧﯧﻤﻪ ﭘﻪﺭﻗﻰ >>




ﺭﯗﺧﺴﻪﺗﺴﯩﺰ ﺋﯩﺸﻠﻪﺗﻤﻪﯓ !

سىزنىڭ  بارلىق  يوللانمىلىرىڭىز  ئىچىدە  ماڭا  ھەممىدىن  ياققىنى  مۇشۇ  
تېمىڭىز  بولدى،  ئەركىن  سىدىق  ئەپەندىنىڭ  ماقالىسىنى  ياخشى  تەھلىل
  قىپسىز،  دەرۋەقە  كۆپىنچىلىرىمىز  سىز  ئويلىغاندەك  چوڭقۇر  ئويلىيالمىغان، 
 چوڭقۇر  تەپەككۈر  قىلىپ  كۆرمىگەن  بولىشىمىز  مۇمكىن،  ماقالىڭىز 
 تەپەككۈرىمىزدىكى  كەمتۈكلۈكنى  تولۇقلاپ  بەرگۈدەك،  ئەجرىڭىزگە 
 رەھمەت.  

مەيلى قانداقلا ئىش بولمىسۇن، مەن ئۇيغۇرنى ئۇنداق، بۇنداق دەيدىغانغا قارشى، ئۇيغۇر دىگەن نىمە؟ ئۇيغۇر نىمە بىلەن مەۋجۇت، بۇ مىللەت مۇشۇ مىللەت كاتىگورىيىسىگە تەۋە ھەر بىر شەخس بىلەن مەۋجۇت، شۇڭا ئالدى بىلەن گەپنى ئۇيغۇر دىگەندىن باشلىساق تازا مۇۋاپىق كەلمەيدۇ، دەپ قارايمەن. ھەر بىر ئادەم گەپنى، ئىشنى ئالدى بىلەن ئۆزىدىن باشلىشى كىرەك. ئىللەت ھەرگىز مىللەتتە ئەمەس، شۇ مىللەتتىكى ھەر بىر ئادەمدە، ھەر بىر ئادەمدىكى ئىللەتلەر تۈزىلىپ ماڭسا ھەممە ئادەم ئالغا ئىلگىرىلىسە ھەر بىر ئادەم ئىلغار كىشىلەردىن بولسا مىللەت راۋاجلانغىنى شۇ،
ئۇيغۇر دىگەن بۇ ئۇلۇغ نامغا خالىغانچە تىل تەككۈزمەسلىك كىرەك. ئۇيغۇرغا شۇنچىلىك مۇھەببىتىڭ بولسا ئاۋال، ئۇيغۇر دەپ تىللىماي، ئۆزەڭنى تىللاپ باق، ئۆزەڭنى تەكشۈر، ئۆزەڭنى تۈزەت، ھەر بىر ئادەم شۇنداق قىلسا كىيىن كۆرىدىغىنى گىگانت ئۇيغۇر بولىدۇ،

( دىققەت ) بۇ يەردىكى ھىچقانداق بىر ئىغىز سۆز شەخسكە قارىتىپ ئىيتىلمىغان، بۇ بىر رىتورىك خىتاپ، ئۇقۇشماسلىق بولمىسۇن ئۇچۇن ئالاھىدە ئەسكەرتىلدى.

ئىللەت تۈزەلمىگۈچە ،مىللەت تۈزەلمەس،بەكلا ياخشى تەھلىل قىلىپسىز.

ئالىم ئەركىن سىدىق ئاكىنىڭ ماقالىسىدا شۇنداق بىر  دانا گەپ بار غەرىپلىكلەر  بىر ئادەمنىڭ سەلبى پۇزۇتسىيىلىك ياكى ئىجابى پۇزۇتسىيىلىكلىكىنى ئۆلچەشتە ، داۋاملىق يېرىمىدا سۇ بار، يېرىمى قۇرۇق ئىستاكاننى مىسال ئالىدۇ. سەلبى پۇزۇتسىيىلىك بىر ئادەم يېرىم سۈيى بار ئىستاكاننى كۆرگەندە «ماۋۇ ئىستاكاننىڭ يېرىمى قۇرۇق»، دەيدۇ. ئىجابى پۇزۇتسىيىلىك بىر ئادەم بولسا « ماۋۇ ئىستاكاننىڭ يېرىمىدا سۇ بار »، دەيدۇ. شۇ نەرسىنى ئۇنتۇماڭكى  بارلىق ئۇيغۇرلار ئۈچۈن ھازىر چوقۇم «ماۋۇ ئىستاكاننىڭ يېرىمىدا سۇ بار» بولسۇن .
مۇشۇ گەپنى ئوبدان ئويلىشىپ بېقىش كېرەك. سەلبى پۇزۇتسىيىلىك بولۇپ قېلىشتىن ساقلانغان تۈزۈك. شۇ چاغدىلا ئۆزىڭىزگە ۋە باشقىلارغا ياخشى باھا بېرەلەيسىز.
مەزكۇر ماقالىغا نىسبەتەن، دىيارىمىزدا بىر ئىش قىلىپ نەتىجە يارىتىۋاتقانلارنى تىزىپ چىقىپ ، يۇرتتا تۇرغانلاردىنمۇ بىر ئىش قىلالاۋاتقانلارنىڭ بارلىقىنى دەپ بەرسەك بەك ياخشى  بولاتتى. بۇ ماقالە توغىرلىق گۆدەكلەرچە پىكىر يۈرگۈزگەندىن كۆپ ئەلا ئىدى.

بىز ھەممىمىز ئويلىنىشقا تىگىشلىك مەسىلىكەن.

روھى چۈشكۈن ئادەمنىڭ ئېتىمۇ چاپالمايدۇ، دېگەن گەپمۇ  بار .
كەلگۈسىگە ئۈمۈتۋارلىق بىلەن قارىغان ياخشى.

ئوقۇرمەنلەر ئەركىن سىدىق ئاكىنىڭ ماقالىسىنى ياخشى كۆرۈپ ئوقۇپتۇ قارىغاندا ، لىكىن تەھلىل ئوخشىماپتۇ .
ئەركىن سىدىق ئاكا بۇ ماقالىسىنى بىز ئۇيغۇرلارغا تېخىمۇ مەدەت بېرىش مەقسىتىدە يازغان دەپ ئويلايمەن . لىكىن ئەركىن سىدىق ئاكا بۇنى بىز ئۇيغۇرلارنى قانداقتۇر مەن ئەقىللىق دەپ مەغرۇرلىنىپ كىتىڭ ، تارىخنى ئۇنتۇلۇپ كىتىڭ دەپ يازغىنى يوق . ئويلاپ بېقىڭلار بىزدەك چۈشكۈنلىككە ، يوقىتلىش گىردابىغا بېرىپ قالغان خەلىققە بۇنىڭدىنمۇ ياخشى ، بۇنىڭدىنمۇ نۇپۇزلۇق ئادەمنىڭ مەدەت سۆزى بولمىسا كېرەك .تارىختا ئۇيغۇرلىرىمىز پەقەت ئاقكۆڭۈللىكى ، مەرىتلىكى ،سەمىمىيلىكى بىلەنلا ئاسان قىلتاققا چۈشۈپ كەتكەن كىشلەردۇر . بۇلارنى دۆتلۈك دەپ چۈشەنسەك ئۇلارغا ئۇۋال قىلغان بولىمىز .
دىگىنى توغرا بىز ئۇيغۇرلارغا پەقەت شارائىت كەم . ئەگەر مۇئاپىق شارائىت يارىتىپ بېرىلسە دۇنيانى تىتىرەتكىدەك ئىشلارنى قىلالىشىمىزدا گەپ يوق .
ئوقۇرمەنلەر ئەركىن سىدىق ئاكىنىڭ دىگىنى توغرا ، مەڭگۈ قوللايمەن !

مەن بىر كەنتتە تۇرغان بۇ كەنتتىكى كىشىلەر تولىمۇ ئەقىللىق ھەم ئىشچان ھەتتا بۇ كەنتتىن ھەممەيلەنگە تونۇشلۇق ئالىملارمۇ چىققانكەن ،شۇنىسى بۇ كەنت كىشىلىرى ئارىسىدا ئۇششاق گەپ كۆپ،ئىغۋا كۆپ،ھەتتا بۇ يۇرتنىڭ كەنت باشلىغى ۋە ئىماملىرىدىمۇ بۇ خىسلەت باركەن،كەنت باشلىغى بولغۇچى ئازراق مەنپەت يا ئۆچمەنلىك ئۈچۇن ياخشىلارنى چاقىدىكەن.مەن بۇ كەنتنىڭ ،كىشىلەر بىر -بىرى بىلەن ئالامەت بەسلىشىدىكەن،كىچىككىنە 80 ئائىلىلىك كەنتتە 40 تەك تىراكتۇر باركەن،سەۋەپ يەنىلا شۇ بىر بىرى بىلەن بەسلىشىش،بىر بىرىنىڭ باي بولۇشىنى خالىماسلىق.مەن بۇ خىل ئەخۋالنى بىلگەندىن  كېيىن مەن ياخشىلارنى ئۇلارنىڭ رەقىپلىرىگە  چاقتىم يەنى ئۇلارنىڭ قانداق پۇل تاپقىنىنى سۆزلەپ بەردىم ،مەن بۇ ئادەتنى ئۇدا داۋاملاشتۇردۇم ،نەتىجىدە بىر يىلدىن كېيىن بۇ كەنتتە ئۇششاق گەپ يوقالدى پۈتۇن ئادەم بىر بىرى بىلەن پۇل تېپىشتا بەسلەشتى ،پاراڭ قىلغۇدەك ۋاقتى ھەم كۆڭلىمۇ قالمىدى.
  دىمەك ئەخلەت بايلىققا ئايلاندى.چېقىمچىلىقمۇ بايلىقكەن ئەمەسمۇ  ،مەندەك چېقىمچىنى كۆرگەنمۇ .....ھا................ھا  ...ھا......

    
مەن «ئىللەت تۈزەلمىگۈچە ،مىللەت تۈزەلمەس» دىگەن گەپكە بەك ئۆچ. مىللىتىڭىزدە تۈزەلمىگۈدەك قانداق ئىللەت بار ئىكەن؟

[ ھازىر ئۇيغۇر دىيارىدىكى نۇرغۇن ياشلار قانچە ياخشى ئوقۇسىمۇ، قانچە تىرىشسىمۇ، ئادەتتىن تاشقىرى ئىقتىدار ۋە تالانتىنى نامايان قىلسىمۇ، ئۇلار ئۈچۈن خىزمەت يوق، ئۇلار ئۈچۈن بىر جان بېقىش يولى يوق بولۇشتەك بىر ناچار تەقدىرگە دۇچ كېلىۋاتىدۇ. شۇنىڭ بىلەن بۇ ياشلارنىڭ بەزىلىرى بۇنداق تەقدىرنى ئۆزىنىڭ ئۇيغۇر بولۇپ قالغانلىقىدىن كۆرۈۋاتىدۇ. مەن ھەر قېتىم مۇشۇ ئىشلارنى ئويلىغاندا، كاللامغا ھايۋاناتلار باغچىسىدىكى ھايۋانلار كېلىدۇ. ياۋايى ھايۋانلارنى كۆندۈرىدىغانلارنىڭ ھەممىسى ئالدى بىلەن ئۇ ھايۋانلارنى ناھايىتى ئاچ قويۇپ، ئۇنىڭدىن كېيىن ئۇلارغا ئازراق-ئازراقتىن يېمەك بېرىپ، ئۇ ھايۋانلارنى ئۆزىنىڭ بۇيرۇقى بويىچە ئىش قىلىشقا مەجبۇرلايدۇ. ھايۋاناتلار باغچىسىدىكى ھايۋانلارنى ئويۇن كۆرسەتكۈزگەندىمۇ مۇشۇ ئۇسۇلنى قوللىنىدۇ. بۇ ئۇسۇل ئادەملەرگىمۇ ئىشلىشى مۇمكىن.]

بەزىلەر نىمانداق تېتىقسىزز؟!....ھەمىشە بىر-بىرىگە زىت نەرسىلەرنى يازىدىكەن!.   بىردەم؛ئۇيغۇرلار ناي-ناي<ناخشا ئېيتىشنىلا دىمەكچى..> ..بىلىدۇ دەيدىكەن  بىردەم بولسا...توۋا......ساراڭ بولايلا دەپتۇ.....
تورداشلار<رىندان>نىڭ بارلىق يازغان  تېما-ئىنكاسلىرىنى تەپسىلى ئوقۇپ ،ئاندىن ئۇنىڭغا باھا بېرىڭلار! بۇ ئوغرى<داۋاملىق باشقىلارنىڭ ئەسىرىنى ئوغرىلاپ،ئىسمىنى چالا-بۇلا ئوزگەرتىپلا مۇنبەردە يوللايدۇ> بۇ قېتىم خاتالاشتى...
بۇرۇنقى تېمىللىرى بىلەن بۇ تېمىسى پۇتۇنلەي بىر -بىرىگە زىت!  بۇ قېتىم ،ئۇيغۇرلارنى سوككىدەك بىرەر تېما تاپالمىغان چېغى....خا...خا..... ئوزىنى -ئوزى تىللاپ، ئاۋاز قوشقىدەك كوتەمەكەشتىن بىرەرىنى تاپالماي  يېلى چىقىپ كەتتىمۇ يا...بۇ كۇسپۇرۇشنىڭڭ...

مەن بۇ مەسىلىگە بالىلرچە پىكىر قىپ باقاي ھە؟.............مەن سىنىپتىكى ئەڭ كەپسىز ئوقۇغۇچىللىرىمنى ،دەرسكە قىزىقمىغان ئوقۇغۇىللىرىمنى «ۋاي بالام سەن بەك ئەققىلىققۇ سەن چوقۇم جاۋاپ بىرەلەيسەن ...................مۇشۇ سىنىپىمىزد ا ھازىر ئەڭ ئىنتىزمى ياخشى ...........شۇنداق ئولتۇرۇڭلا!»دىگەندەك ماختاش سۆزلىرى بىلەن دىققىتىنى يىغىمەن ،بۇنىڭ ئۈنۈمى ياخشى بولىتى   ئەركىن ئەپەندىممۇ بىزدىكى مۇشۇ پىسخىك ئاقىزلىققا ھۇجۇم قىلغاندەك تەسىر بەردى .............دىمىسىمۇ بىز دۆت ئەمەس لىكىن راسلا .....................شۇنداق!

مەن مۇشۇ رىندان دىگەن ئادەمنى ئانچە چۈشۈنۈپ كەتمەيمەن.(ئەمىلىيەتتە بۇنىڭ ئەھمىيتىمۇ يوق)؛ بىراق، بۇ كىشنىڭ يازغان ماقالىلىرىنى سوغاققانلىق بىلەن چوڭقۇر مۇلاھىزە قىلىپ بېقىشقا ئەرزىىيدۇ دەپ قارايمەن. بەزى تورداشلار ھىچ گەپنىڭ تايىنى يوق دۇمباق چىپلا چۈشىدىكەن. بىز قاچانغىچە«ئونام....ئونام» دەپ ئىمزەك بەرسە «مەن بەك ئۇماق ئوخشايمەن» دەپ قۇچاقتىن چۈشمەي يۈرۈيمىز؟ ئۆتكەن ئالىملىرىمىزنىڭ شۆھىرىتنى تولا شۈمۈپ تەمىنىمۇ قويمىدۇق. بەزىدە ياخشى ئادەم ئوبرازىنى يارىتىمەن دەپ، بىمەنە پاراڭنى تولا قىلىپ قۇيۇپ يەنىلا ئۆزىمىز ئۆزىمىزنىڭ يامان ئىللەتلىرىنى ئاشكارلاپ قويۋاتىمىز..............

ئالدىنقى قېتىملىق تېمىسىدا يېگەن تىل -ئاھانەتلەر ھەقىقەتەن تەسىر قىپتۇ .بۇ قېتىمدا ئالدىنقى قېتىمقى بىلەن قارىمۇ -قارىشى مەركىزى ئىدىيە ئوتتۇرىغا قويۇلۇپتۇ .شۇنىڭغا قارىغاندا دەشنامنىڭ كۈچى بىلەن خېلى ئوڭشىلىپتۇ بۇ بۇرادەر.........نېمە دېگەن بىلەن بۇ قېتىمقى ئىپادىسى ياخشى .بۇ قېتىىم نادىر تېما بولۇشىغا پىكىرىم يوق .