سىتودېنت  ئىنىمغا  ئوچۇق  خەت

        ئىنىم  x x ، ياخشىمۇسەن ؟  ئەڭ  ئاۋال  تېنىڭگە  سالامەتلىك  تىلەيمەن . ئاندىن  سېنىڭ  غايىلىك ، تىرىشچان ، ئەدەپ-ئەخلاقلىق، پەزىلەتلىك، ھەققانىيەتچى، باتۇر، پاك-دىيانەتلىك  ئادەم  بولۇشۇڭنى  ئۈمۈد  قىلىمەن .
      سېنىڭ  ئالىي  مەكتەپكە  قۇبۇل  قىلىنىشىڭ  بىزنى، بولۇپمۇ  ئاتا- ئانىمىزنى  يەنە  بىر  قېتىم  قەۋەتلا   خوش  قىلغان  ئىدى. بۇ  ئېگىز-پەس، ئەگرى  توقاي  ھايات  يولىدا  نۇرغۇن  دانىشمەن ، ئالىيجاناپ  كىشىلەر  بىلەن  تونۇشىسەن.  نۇرغۇن ئادەملەرنىڭ  كۆرۈشىگە  نېسىپ  بولمىغان  ھەر -خىل  مەنزىرە ، كارامەتلەرنى  ئۇچرۇتىسەن.  ئەمما  ساختا  نەرسىلەر  بەكرەك  كۆپ ئۇچرايدۇ . بۇنداق  ساختىلىقلارنى  كۆرگەندە  ئۆزۈڭنى  يوقۇتۇپ  قويما. رەڭلىك  ھايات ، رەڭلىك  چىراقلار  سېنى  ئۆزگە  رام  قىلىۋالمىسۇن . شەيتانلارنىڭ  كەينىگە  كىرمە، ئۇلار  سېنى ئازدۇرمىسۇن . ساۋاقداشلىرىڭ  بىلەن  دوستانە، قېرىنداشلىق  مۇناسىۋىتىدە  بول. ئەخلاقسىز ، يامان  ئادەملەر  بىلەن  ئارىلاشما ، چۈنكى  ئۇلار  مەرتىۋەڭنى، يۈزۈڭنى  چۈشۈرىدۇ. ئامانىتىڭگە  خىيانەت  قىلىدۇ . ئىچكى  سىرىڭنى  پاش  قىلىدۇ ،  يالىسى  يۇقىدۇ .
      دوست  تۇتۇشتا  پايدا  قوغلاشما .  پايداڭغا  كۈلۈدىغان، زىيىنىڭغا  يىغلايدىغان  دوست  تۇت . چىنلىق  بىلەن  ساختىلىقنى  پەرىقلەندۈرۈشنى ئۈگۈنىۋال.
      بىغەم- ھورۇنلۇق قىلىش، ئەيش-ئىشرەتكە  بېرىلىش، ئورۇنسىز  كۆپ  كۈلۈش، پايدىسىز  نەرسىلەرگە ئارتۇقچە  كۆڭۈل  بۆلۈشتەك  ناچار  ئىللەتلەر  ئەقىل  بىلەن ئىلىمنى نابۇت  قىلىدىغان  نەرسىلەر .  سېنىڭ  ھازىرقى  ۋەزىپەڭ  ئوقۇش  بولغاندىكىن، دەرىسلەرنى  ۋاقتىدا  ياخشى ئۆزلەشتۈر . ئانا  تىلنى  قوغدىغان  ئاساستا، باشقا  تىللارنى  قوشۇمچە ئۈگەن . ئانا  تىلدىن  يىراقلىشىش ، ياتلىشىش  ئۆزىمىزدىن، مەدەنىيىتىمىزدىن، ئەجداتلاردىن  ياتلاشقانلىق . ئانا  تىلدىن  ئاينىش - مىللىتىمىزگە  قىلىنغان  ئەڭ  چوڭ  ئاسىيلىق .
       مەكتەپنىڭ  قائىدە  تۈزۈم، پىرىنسىپلىرىغا  بويسۇن ، سەھەر  تۇرۇپ  چېنىق ، ئىمونتىت  كۈچۈڭ  ئاشىدۇ ، روھلۇق  بولىسەن . بوش  ۋاقىتلاردا كۈتۈپخانىغا  چىقىپ  كىتاپ كۆر ، تەپەككۇر ،  تەسەۋۋۇرغا  باي  بولىسەن . ئاددى  كىشىلەرنى  كەمسىتىشتىن ، غەيۋەتخورلۇقتىن  ساقلان . تاشقى  قىياپىتىڭنىڭ  غېمىنى يەپ  ئولتۇرما ،  پاكىز  بول .
       ئاتا - ئانىمىز  بىزنى  بېقىپ  چوڭ  قىلىش ، ئوقۇتۇش  جەريانىدا   بەللىرى  يادەك  ئېگىلدى .  چاچلىرى  قاردەك  ئاقاردى . يۈزلىرىنى  قورۇق  باستى . ئۇلارغا  ئەمدى  ھەقىقى  قېرىلىق  يەتتى .  <<  ھەر  بىر  ئەركەككە  72  خىل  ھۈنەر  ئازلىق  قىلىدۇ  >>  دېگەن  گەپ  بار . ئائىلىدىكىلەرنىڭ  يۈكىنى  يەڭگىللەتمەكچى  بولساڭ ( خالىساڭ) ، دەم  ئېلىش  كۈنلەردە  ئاشخانىلادا  ئىشلىسەڭمۇ ، باققالچىلىق ، مايلامچىلىق ..... قىلساڭمۇ  بولىدۇ .  ئەخلەتتىن  نەرسە-كېرەك  تېرىپ  ساتىدىغانلارمۇ   بىزگە  ئوخشاش  ئادەم  ئەمەسمۇ ؟! << ئۆزۈڭنى  خار  قىلغۇچە ، كۈچۈڭنى  خار  قىل >> .
     ھازىر  ئوقۇش  پۈتتۈرۈپ  كەلگەن  ئوقۇغۇچىلارنىڭ  ئىشقا  ئورۇنلۇشۇش   مەسىلىسى -  باشنى  ئاغرىتىدىغان  قېيىن  مەسلىگە  ئايلاندى . سەن  بىلىملىك ، ئىدىتلىق  ئادەم  بولساڭ، خىزمەتكە  ئورۇنلىشالماي  قالساڭمۇ ،ئېگىلىك  تىكلىيەلەيسەن .
    ئاتا-ئانىمىزنىڭ  ئارزۇسى _ سېنىڭ  جەمىيەتكە  تۆھپە  قوشالايدىغان ، ياخشى  ئادەم  بولۇشۇڭنى  كۆرۈش .
      ئەسلى بۇ  سۆزلەرنى  تىلىفۇندا  ياكى  خەت  ئارقىلىق  دېسەممۇ  بولاتتى. نىمىشقىكىن  مۇنبەردە  دېگۈم  كېلىپ  قالدى . كۆپرەك  سۆزلەپ  قويدۇم .  پايدىلىنىشقا   تېگىشلىك  تەرەپلەردىن  پايدىلىنارسەن .

                                                     خەير - خوش

        ھۆرمەت  بىلەن  يىراق  شەھەردىكى  ئاچاڭ :  x  x 

دوست  تۇتۇشتا  پايدا  قوغلاشما .  پايداڭغا  كۈلۈدىغان، زىيىنىڭغا  يىغلايدىغان  دوست  تۇت . چىنلىق  بىلەن  ساختىلىقنى  پەرىقلەندۈرۈشنى ئۈگۈنىۋال.
ھازىر مۇشۇنداق دوست تۇتماق ھەقيقەتەن تەس،لىكىن مۇشۇنداق دوستلارنىڭ بىزگە بولغان غەمخورلىقىنىڭ تۈرتكۈسىدە ئەتراپىمىز دوستلۇق گۈللىرنىڭ شېرىن ھىدلىرنىڭ تەسىرىدە تىخىمۇ گۈزەل بولغۇسى..........

ۋاقىتنى چىڭ تۇتۇپ ئۆگەن، ئالىي بىلىم يۇرتىغا كەلدىڭ كۇتۇپخانىنى ئۆي قىلىۋالغىن. پۈتۈن زېھنىڭنى ئوقۇشقا قارات.

مۇشۇ پۇرسەتتە مەنمۇ ئىنىمغا بىرنەچچە ئىغىز سوزلىۋالاي
سېزنىڭ بۇ يازغانلىرىڭىز بارلىق ئىنلەرگە قىلىنغان نەسىھەت بوپتۇ ، مەنمۇ ئىنىمدىن شۇنى كۇتمەن ،

قارا ئىنىم قايتاشىڭدا ئاتا-ئاناڭ ئۇرۇق-تۇغقان ، دوست-بۇرادەرلىرىڭگە شۇنداقلا يۇرت -مەھەلەڭگە يۇز كىلەلىگۇدەك ياخشى نەتىجىلەرنى ئىلىپ قايتىشىڭنى ئۇمۇت قىلمەن ، ئاللا تىنىڭنى سالامەت ، ئەقلىڭنى زىيادە قىلغاي .......

ئىنىڭلارنىڭ  شونداق  قىلشىغا  تىلەكداشمەن     

بۇ ئالىي مەكتەپكە چىقىش ئالدىدا تۇرىۋاتقان ھەربىر ئنى-سىڭىللار ئۈچۈن ياخشى نەسىھەت ئىكەن.

كونا ۋە يېڭى سىتودېنتلار كۆرۈشكە لايىق ئوچۇق خەت ئىكەن.

رەخمەت ياخشى تىيما يۇللاپسىز     
مەن چۇقۇم ئىسىمدە ساخلايمەن

رەھمەت  ياخشى تىمىكەن رەھمەت  

ناھايتى ياخشى يوللاپسىز!  ھەر بىر ئالى مەكتەپتە بارغان ئوقۇغۇچى، مەكتەپ بارغاندىن باشلاپ يازغان ختىڭىزدا ئېيتقاندەك قىلالىغان بولسا نىمە دىگەن ياخشى بۇللاتتى ھە !
كۆپ خىل تىل بىلىش شەرەپ لىكىن ئانا تىلىنى ئۇنتۇش نومۇس! 

  ياخشى  يىزىپسىز