ئەسسالامۇ ئەلەيكۇم تورداشلار:
  مىنىڭ 3 ياشلىق قىزىم يېقىندىن بۇيان تاماق يىگىسى كەلمەيدىغان بوپقالدى. ھەرخىل ئۇسۇللارنى قوللىنىپ باقتۇق . يەيدىغان تامىقى 1 ياشلىق بالىلارنىڭكىچىلىك كېلەمدىكىن دەيمەن . تاماق يىگۈسى كەلمەسلىكنىڭ سەۋەبى بەلكىم ، ھاۋانىڭ ئىسسىقلىقىدىندۇر.
    قىزىم ھازىر پەقەت ئارمان ، ئىخلاس تالقانلىرىنى يىيىشكە ، سۈت ئىچىشكە يەنە ئۇششاق چۈششەك تەييار يىمەكلىكلەرنى يىيىشكە ئامراق . مەن ئامال بار ئۇششاق يىمەكلىكلەرنى بەرمەيۋاتىمەن . ئايرىم تاماقلارنى قىلىپ بېرىۋاتىمەن . شۇنىڭدىمۇ خېلى زورلىمىساق يىمەيدۇ .قانداق قىلسام بالىنىڭ ئىشتىھاسىنى ئاچقىلى بۇلار . بولسا تورداشلارنىڭ ئۆزىنىڭ تەجرىبىلىرىنى يوللاپ قويۇشىنى ئۈمىد قىلىمەن .

      مەن بۇ ئورۇننى ئېلىپ قويۇپ،ئۆزۈمنىڭ تەجرىبىلىرىنى سىزگە ئالدىرىماي يېزىپ بېرەي. مېنىڭ بالاممۇ ئاشۇنداق تاماق يىگىلى ئۇنىمايدۇ.

---

    مېنىڭ ئوغلۇم ھازىر ئۈچ يېرىم ياشقا كىردى. بۇ بالىمۇ ئاشۇنداق تاماق يىگىلى ئۇنىمايدۇ.لېكىن،ئۇششاق-چۈششەك بىلەن سۈت دىگەننى چىمپىيونلارچە يەۋىتىدۇ ،ئۆيگە سىرتتىن كىرگەن بىرەر مېھمان يەشىكلىك سۈت ئەكىرىپ قالىدىغان بولسا،بىزنى نومۇسقا ئۆلتۈرىدۇغۇ زادى. شۇ زاماتلا ھېلىقى سۈت يەشىكىنى سۆرەپ كېلىپ،ئاچىمەن،ئىچىمەن دەپ تۇرۇۋالىدۇ.

    مەن يېقىندا مۇنداق ئۇسۇللارنى قوللىنىپ باقتىم:
    1. بۇ ئوغلۇم ھىكايە - چۆچەك ئاڭلايدىغانغا بەك ئامراق. ھەر قېتىملىق تاماق ۋاقتىدا ھىكايە ياكى ۋەقەلىك سۆزلەپ بېرىمەن. شۇنىڭدا ئۇ ھەر قېتىم تاماق يىگەندە ئاغزىغا بىر قوشۇق تاماقنى سالىدۇ-دە، < ھە،ئاخىرىچۇ؟>دەپ ئاغزىمغا قارايدۇ. ئاغزىڭدىكىنى يۇتساڭ دەيمەن ، دىسەم، شۇ زامانلا يۈتىدۇ.(ئەگەر ھىكايە بولمىسا،ھېلىقى بىر قوشۇق تاماق ئاغزىدا شۇ پېتى بار،چاي ياكى قايناقسۇ بىلەن يۈتسۇن دىسەكمۇ،چاي ياكى قايناقسۇ ئۆتۈپ كېتىدۇ،لېكىن تاماق ئېشىپ قالىدۇ،شۇنىڭ بىلەن ئىچىم سىقىلىپ،بەك جىلى بوپكېتىمەن. ) ئاشۇنداق قىلىپ،بىرەر ھىكايىنىڭ يېرىمىنى سۆزلەپ بولۇپ،قالغىنىنى ئەپقالىمەن. داۋامىنى يەنە بىر قېتىملىق تاماق ۋاقتىدا سۆزلەيمەن. شۇنىڭدا تەبىئىلا تاماققا ئالدىرايدىغان بوپقالىدىكەن.

  2.ئۇششاق-چۈششەكلەردىن توستۇم. ئامال بار يىگۈزمىدىم،يىسىمۇ مىۋە-چىۋىلەردىن كۈندە ئازراق يەيدۇ.

  3.يېقىندا ئوغلۇمنى يېزىدىكى ئاچامنىڭ ئۆيىگە ئاپىرىپ قويۇپ،بىر ھەپتە تۇرغۇزسام،سۈتنىمۇ ئىچمەس بوپتۇ. تاماققا خېلىلا كىرىشىپ قاپتۇ. ئاپتاپتا خېلى چىنىقىپ،ۋىتامىن D بىلەن كالتىسيغا يېتەرلىك تويۇنۇپ،كېچىدىكى ۋە كۈندۈزدىكى ئۇيقىسى بۇرۇنقىدىنمۇ بەكرەك ياخشى بوپكېتىپتۇ.ئۆزى تېخىمۇ جانلىنىپ، كىرىسلونىڭ يۆلەنچۈكىنىڭ ئۈستىگە چىقىپ قورقمايلا يەرگە سەكرەيدىغان بوپتۇ

1 كۇن ئاچ قويساق ئەتىسى قاتتىق نان بىلەن قايناقسۇ بولسىمۇ ھوزۇرلنىپ يەيدۇ.
چۇنكى ھازىر ئىستىمال سەۋىيمىز يۇقۇرى، يەيدىغان ئىچىدىغىنىمىز ئىسىل نازۇنىممەت، بولۇپمۇ بالىلارنىڭ يىمەك-ئىچمىكى ئۇنىڭ دىنمۇ سەرخىل.
بالىلارغا بىرىدىغىنىمىز قىممەت باھالىق سۇت پاراشۇگى، ئالى دەرجىلىك چەتئەلدىن كىزگۇزگەن بالىلار پىرانىكى ۋە بۇلمىقى.
مىنىڭچە بالىلارنى يەرلىك ئۇسۇلدا پەرۋىش قىلغان ياخشى.

يۇقۇرقى ئەھۋاللارردىن قارىغاندا بالىڭىزنىڭ ھەزىم قىلىشى ياخشى ئەمەسكەن. ھەزىم قىلىشنى ياخشىلايدىغان دورا يىگۈزۈڭ. ئاۋۇ تالقانلارمۇ باللارنىڭ ئىشتىھاسىنى تۇتۇپ قۇيۇدۇ، شۇڭا مەلۇم مەزگىل توختۇتۇڭ. دوختۇرغا تەكشۈرتۈپ كۆرۈڭ بالىڭىزدا كالىتسى، سېنىك، تۈمۈر كەملىك بارمۇ. ئەگەر سېنىك كەمچىل بولسا بالىلاردا ئىشتىھاسىزلىق كۆرۈنىدۇ. يۇقۇرقىلار مىنىڭ تەجرىبەم مىنىڭ بالاممۇ تاماقنى تازا ئىشتىھا بىلەن يىمەيدۇ.

بالىڭىزنى ئۇششاق-چۈششەك يىمەكلىكلەردىن كونتىرول قىلىڭ.ھاۋا ئىسىق دەپ سۇغۇق ئىچىملىكلەرنى جىق ئىچمىسۇن.ئامال بار ئۆيدە مۇزلىتىلغان چاي ياكى قايناقسۇ ئىچكەن ياخشى.ئاشقازان تىۋىتىنى ياخشىلاش ۋە ھەزىم قىلىش ئېقتىدارىنى يۇقۇرى كۈتۈرۇش ئۈچۈن يۇلغۇن يىلىمىنى ھاۋانچىدا سوقوپ، تالقان قىلىپ كۇندە ناشتىلىققا يېرىم قۇشۇق ئىچسە ئىشتىھاسى كارامەت ياخشىلىنىپ كېتىدۇ.بەدەنگە ئەكىس تەسىرى يوق بولغان ئەڭ ياخشى مىللى تىبابەتتىكى مەخپى رىتسىپ شۇ.

مېنىڭ بالامغىمۇ تامق يىگۈزۈش بەك تەس(1ياش4ئاي)،دوختۇرغا تەكشۇرتسەم،سىنىك،تۆمۈر كەمچىلكەن،دورا بېرىۋاتىمەن،لېكىن ئۈنۈمى ئانچە ياخشى بولمايۋاتىدۇ،يېرىم كېچىدە ئويغىنىۋالسا،قايتا ئۇخلىشى بەكمۇ  مۈشكۈل،تورداشلارنىڭ ياخشى تەجرىبىلرى بولسا دەپ بەرسە.(مەسىلەن:قانداق دورىلار ئارقىلىق بۇ خىل ئەھۋالنى ياخشىلىغىلى بولىدۇ)

Quote:

بۇ مەزمون6قەۋەتتىكىtotemنىڭ2008-06-16 12:20دە يوللىغان يازمىسى  :
بالىڭىزنى ئۇششاق-چۈششەك يىمەكلىكلەردىن كونتىرول قىلىڭ.ھاۋا ئىسىق دەپ سۇغۇق ئىچىملىكلەرنى جىق ئىچمىسۇن.ئامال بار ئۆيدە مۇزلىتىلغان چاي ياكى قايناقسۇ ئىچكەن ياخشى.ئاشقازان تىۋىتىنى ياخشىلاش ۋە ھەزىم قىلىش ئېقتىدارىنى يۇقۇرى كۈتۈرۇش ئۈچۈن يۇلغۇن يىلىمىنى ھاۋانچىدا سوقوپ، تالقان قىلىپ كۇندە ناشتىلىققا يېرىم قۇشۇق ئىچسە ئىشتىھاسى كارامەت ياخشىلىنىپ كېتىدۇ.بەدەنگە ئەكىس تەسىرى يوق بولغان ئەڭ ياخشى مىللى تىبابەتتىكى مەخپى رىتسىپ شۇ.

كۆپ رەھمەت مەن مۇشۇ ئۇسۇلنى قوللىنىپ باقاي،بازادا بادۇ يۇلغۇن يىلىمى دىگەن؟

مېنىڭ تەكلىۋېم مىللى تىبابەت دورىخانىلىرىدا << ئامىلە نوشىدارى >> دەيدىغان دورا بار شۇ دورىنى ئويىڭىزدىن ئۈزمەڭ ،بالىڭىزغا دائىم بېرىڭ ،ئىشتىھاسى ئېچىلمىغىنىنى كۆرەيلى قېنى .
يەنە  بىر گەپ بالىڭىزغا مېۋە چېۋە ۋە تاتلىق تۈتۇملەرنى ئازراق بېرىڭ ،ئۇنىڭدىن باشقا ھازىر دۇكانلاردا سېتىلىۋاتقان كىچىك بالىلار يېيىشكە ئامراق بولغان تەييار چۆپ ۋە لازا دېگەندەك ئەخلەت يېمەكلىكلەرنى يېيىشتىن چەكلەڭ .
بالىڭىزنىڭ تېنىگە سالامەتلىك تىلەيمەن .

مەن بىر نەچچىنى دەپ باقاي .پايدىسى تېگىپ قالسا ئەجەپ ئەمەس.
1.ئەگەر بالىڭىزنى بىنا ئۆيدە بېقىۋاتقان بولسىڭىز يېزا-قىشلاقلارغا ئاپىرىپ يالاڭ-ئاياغ قويىۋىتىڭ.چېپىپ يۇگۇرۇپ ئوينىسۇن.ماددا ئالمىشىش ياخشىلىنىدۇ،سوغۇق ئەڭگىزنى ئالىدۇ.ئىشتىھا ئېچىلىدۇ.ئەسكەرتىش ئىسسىق ئۆتۇپ قالمىسۇن.ياكى ئىسسىق تەبىئەتلىك مايلار بىلەن مايلاڭ.
2.ئۇششاق -چۇششەك بولۇپمۇ ئەخلەت يىمەكلىكلەرنى بەرمەڭ.ئىشتىھانى تۇتىدۇ.ئاچلىقنى پەسەيتكەن بىلەن قۇۋۋەتلەندۇرمەيدۇ.
3.ئىشتىھا ئاچقۇچى دورىلارنى بېرىڭ .ئاشقازان ئۇچەينىڭ ھەزىم قىلىش سۇمۇرۇش قۇۋۋىتىنى ياخشىلايدۇ.ئۇيغۇر تىبابەتنىڭ ئەنئەنىۋى دورا ياسالمىللىرىنى بالىلارغا يىگۇزمەك تەس.ئەگەر يىگۇزەلىسىڭىز  ئامىلە نوشدارى ،جاۋارىش ئامىلە،نارپىننە شەربىتى ،بېھى شەربىتى ....قاتارلىق دورىلاردىن تاللاپ يېگۇزسىڭىز بولىدۇ<ئەگەر بالا ئېمىۋاتقان بولسا ئانىسى يېسىمۇ بالىغا ياخشى تەسىر قىلىدۇ> ئەمما مەن بۇنداق كىچىك،ھەم دورا ئىچىشكە قېرىق  بىمارلارغا <ئالامەت>شېركىتىنىڭ بالىلارنىڭ ئىشتىھاسىنى ئاچىدىغان ھەم كالىتسى تولۇقلايدىغا بىر شەربىتى بار شۇنى بەردىم.بۇنۇڭمۇ بەزىلەرگە ئۇنۇمى ياخشى بولغان بىلەن بەزىلەرگە تەسىر قىلمىدى.ئاندىن <ئىستىقبال>شېركىتىنىڭ ئىشتىھا ئاچىدىغان بىر دورىسى بار <مەخسۇس كىچىك بالىلارنىڭ>ئۇنىمۇ بەزى بىمارلارغا بەرسەم ئوبدان تەسىر قىلدى. خۇدا بالىڭىزنى تېنىنى ئىمانىنى سالامەت قىلسۇن.

يەنە بىر دىققەت قىلىدىغان ئىش قىزىڭىزنىڭ چوڭ تەرىتى نورمالمۇ يوق ،ئەگەر چوڭ تەرەت قېتىم سانى بەك ئاز ياكى قاتتىق بولسا ئىچىنى سۇرىدىغان دورا بېرىڭ ،
بولسا بىنەپشە گۈلقەنتى بەرسىڭىز  بالىنىڭ ئىچىدە توختاپ قالغان قۇرۇق ئىسسىقنى ئېلىپ ئىچىنى ھەيدەيدۇ ئۈنۇمى بەك ياخشى .

يۇلغۇن يىلىمىنى ئېتىز-ئېرىقلېرىدا يۇلغۇن بارلار ياكى يۇلغۇنلۇق ئەتراپلېرىدا ئولتۇراقلاشقان دېھقانلار ياخشى بىلىدۇ،يۇلغۇننىڭ ئەركەك چىشىسى بۇلۇپ،يىلىم ئالىدىغان مەخسوس پەسىلى بار.تەجىربىلىك بولمىسىڭىز 100گىكتار يولغۇنلۇققا 10 يىل قاماپ قويسىمۇ تاپالمايسىز.بۇرۇن تۇۋەنگە خىزمەت گۇرۇپىسى بۇلۇپ چۈشكەندە دېھقانلاردىن يولغۇن تۇغرىسىدا نۇرغۇن بىلىم ئالغان ئىدىم.بازاردا ساتماسلىقى مومكىن،شىپاخانىلارغا بېرىپ ئىزدەپ باقسىڭىز بىلمىدىم،لىكىن يۇلغۇن يىلىمىنى ئۈرۈمچىدەك چوڭ شەھەرلەردە ياكى ئىچكىرى ئۆلكىلەردە بەك قىممەت ساتىدۇ دەپ ئاڭلىغان ئىدىم.يۇلغۇن يىلىمىنى بۆرەك كاۋىپىغا سىپىپ يىسە،بۆرەككە ئىنتايىن پايدىسى زور.يۇلغۇن يىلىمنىڭ ئاشقازاننى ياخشىلاش،ئاشقازان تىۋىتنى ئاسراش،ھەزىم قىلىشنى ياخشلاش،ئۆچەينى راۋان قىلىش،بۆرەكنى كۆچلەندۇرۇش،بەدەننى قۇۋۋەتلەندۇرۇشتەك كۆپ خىل رولى بار.يۇلغۇن يىلىمى مىللى تىبابەتتە ئىشلىتىلدۇ.

سىز  باىلڭىزغا بىر نەرسە يىگۇزگەندە ياڭاق،توخۇم قاتارلىقللارنى قۇشۇپ يىگۈزۇپ بىقڭ،بالىڭىزنى ئاپتاپقا سىلىپ تۇرۇڭ ئسىڭىزدە بولسۇن بالىنى ئاپتاپقا سالغاندا قۇرسىقىنى تۇيدۇرۇپ سىلىڭ بولمىسا بالىغا ئاپتتاپ ئۇتۇپ كىتىدۇ.

مېنىڭ ئائىلەم ۋە يولدۈشۈمنىڭ ئائىلىسىدىكى نەۋرىلەرنىڭ ئىچىدە ،مۇشۇ مېنىڭ 3 بالام قاتتىق تاماقنى پەقەت تاللىماي
يەيدۇ ،
بالىنىڭ بەك رايىغا بېرىۋەتسىڭىزمۇ  تاماق يىمەيدۇ،
باشقا نەۋرىلەر تاماقنى يىمىسە مېنىڭ قېشىمغا ئەكىرىپ قويىدۇ،مېنىڭ قېشىمدا گەپ قىلماي تامىقىنى يەۋېتىدۇ،
تاماق يىمىگەن بالىنى قېشىمغا ئەكىلىپ قويۇڭلار بىردەمدىلام تاماق يەيدىغان قىلىۋېتىمەن (چاقچاق )  
بۇلۇپمۇ تاماق پىشىشقا 1-2 سائەت قالغاندا ھەرگىزمۇ ئۇششاق -چۈششەك ،مىۋە-چىۋە بەرمەڭ ،
ئەگەر بېرىپ سالسىڭىز بالىڭىز تاماقنى ھەرگىز يىمەيدۇ،
گۈزەل3.8 نىڭ تەجرىبىسى بۇلۇپ قويىدىكەن ،مەن ئۇنداق قىلىپ باقمىدىم ،
مەن تاماق ۋاقتىدا پەقەت رايىغا باقمايمەن ،بەلكىم مەنمۇ تاماق يىگەندە رايىغا باققان
بولسام  ئۇلار مۇ تاماق يىمەس بولاتتى ،باشقا ئىشقا ئانچە خاپا بۇلۇپ كەتمەيمەن ،مۇشۇ تاماق يىمىسە ،
ياكى تاماق ۋاقتىدا خاپا قىلسا ،ئاچچىغىم بەك كېلىدۇ،ئەڭ ياخشى ئۇسۇل تاياق ؛مۇشۇ تاماق يەيدىغان جوزىغا تاياق بىلەن
بىر .ئىككىنى قويىدىغان بولسام ؛تاماق دىگەننى بىرنىمۇ ئاشۇرماي يەۋېتىدۇ،
 
مەن ھەرگىزمۇيالۋۇرمايمەن ،شۇڭا مېنىڭ بالىلىرىم تاماقنى پەقەت تاللىماي يەيدۇ،
بۇلۇپمۇ 2-سىگە تاماقنى جىق يىسەڭ نەۋرە ئىنىڭنى ئۇرۇۋېتىسەن ،دىسەم  بەك يەيدۇ،
ۋە بەزىدە خۇەنمېيچى ،شوپولەر دەپ ۋاقىرىغانلارنى تاماقنى يىمىگەن بالىنى ئەكىتىمەن دەيدۇ دەپ تەرجىمە قىلىپ بېرىمەن ،
ئۇلار مۇشۇ  ئاۋازنى ئاڭلىسا ئاپا مېنى تاماق يىدى دەڭ دەيدۇ،ۋە تاماقنى بەك تېز يەيدۇ،
بالىلارنى ئازراق قورقۇتۇپ قويمىساقمۇ بولمايدىكەن ،
مەن تېخىي يۈرىگى ئاجىز بۇلۇپ قالارمىكىن دىسەم ،ئۇنداق بولمىدى

بۇ تىمىغا قۇرۇق گەپ ساتىدىغانلار ئىنكاس يازماڭلار، ئىنكاسلارنىڭ سەۋيىسىگە قاراپ بۇ تىما نادىرلىنىدۇ.
ئاتا-ئانا بولغۇچىلار تەجىربەڭلارنى ئايماي يېزىڭلار، بۇ ناھايتى پايدىلىق مۇنازىرە بوپتۇ،بۇ تىمىغا ئەستايىدىل مۇئامىلە قىلىشىڭلارنى سورايمەن.

يۇلغۇن يېلىمىنى خەنزۇچە قانداق ئاتايدۇ؟بىلىدىغان تورداشلار بولسا يېزىپ قويساڭلار بوپتىكەن.

مەنمۇ بالامغا « ئىستىقبال ئىشتىھانى ئاچقۇچى قۇۋۋەت جەۋھىرى» (تەبئىتى ئىسسىق ) نى بىرىۋاتىمەن، ئۈنۈمى ياخشىكەن، سىزمۇ سىناپ بېقىڭ.

مەن بۇ تىمىنىڭ ئىگىسى بۇلىمەن .1 - قېتىم تىما يوللىشىم . نۇرغۇنلىغان تورداشلار ياخشى تەكلىپلەرنى بېرىپتۇ . بەك خوشال بولدۇم . بولسا باشقا تەكلىپلەرنى يەنە يېزىشىڭلارنى ئۈمىد قىلىمەن . ھازىر بىزنىڭ بۇ يەردە تىمپىراتۇرا 45 گرادۇس ئەتراپىدا بۇلىۋاتىدۇ . مەن بىنا ئۆيدە ئولتۇرىمەن . قىزىمنى مۇشۇ ئايدىن باشلاپ ئارىلاپ ئارىلاپ يېزىغا ئاپىرىپمۇ تۇرغۇزىۋاتىمەن . قەتئى ئاپتاپتا تۇرمىدى . تېخى كۈنلۈك بولمىسا تالاغا چىقمايمەن دەپ تۇرىۋالدى . چۆپ ، لازا .....دىگەندەك ئەخلەت يىمەكلىكلەرنى قەتئى يىمەيدۇ . سوغوق ئىچىملىكلەرنى ئىچمەيدۇ، چۇكا مۇزلارنى يىمەيدۇ .ئاشۇنداق يىمەكلىكلەرنى يىگەنلەرنىڭ ئاغرىپ قالغانلىقىدەك ئىشلارنى ۋەھىمىلىك ھىكايە قىلىپ توقۇپ ئىشەندۈرىۋەتتىم . خىزمەت ئالدىراشلىقىدىن بەزىدە ئالدىراپ تەييار سۈت ، تالقان دىگەنلەرنى يىگۈزىۋاتىمەن . گۈزەلنىڭ دىگىنىدەك تاماقنى ھىكايەئېيتىش ئارقىلىق يىگۈزۈپ باقاي . كالتىسى ، سىنىك ...تۇلۇقلاش دورىلىرىنىڭ ( جياجياگەي ئىچىملىكلىرى ) ئۈنۈمى ياخشى ئەمەس دەپ ئاڭلىدىم . مىنىڭچە يەنىلا تەبىئى ئۇسول ياخشىمىكىن دەيمەن . ئىشتەي ئاچار دورىلىرىغا ئادەتلىنىپ قالمىغىيدى دەپ ئەنسىرەۋاتىمەن . بولساپات ئارىدا بالىنى ئۈرۈمچىگە ئەچىقىپ مىللى تىبابەت بۇيىچە داۋالىتىپ بېقىش خىيالىم بار . قىزىم سەل ماغدۇرسىز . 4 - قەۋەتكە چىققىچە ھە دەپ بەرسەم ماڭا ئۆزىنى كۈتەرتكۈزگىسى كىلىدۇ . ھازىرقى يىگەن بارلىق يىمەكلىكلىرىمىزغۇ ساپ خىمىيىۋىلىك بولۇپ كەتتى . شۇڭلاشقىمۇ ئارمان شىركىتىنىڭ ئېلانىدا دىيىلگەندەك ھەممە ئادەم ئىككىلەمچى ساغلاملىق ھالىتىدىمۇ نىمە دەپ ئويلاپ قالىمەن . مۇشۇنچىلىك يازاي، بولسا يەنە ئورتاقلاشساق دەيمەن . باشقۇرغۇچىلارغا ھەم تورداشلارغا  رەھمەت .

Quote:

بۇ مەزمون7قەۋەتتىكىMICRAN417نىڭ2008-06-16 13:25دە يوللىغان يازمىسى  :
مېنىڭ تەكلىۋېم مىللى تىبابەت دورىخانىلىرىدا << ئامىلە نوشىدارى >> دەيدىغان دورا بار شۇ دورىنى ئويىڭىزدىن ئۈزمەڭ ،بالىڭىزغا دائىم بېرىڭ ،ئىشتىھاسى ئېچىلمىغىنىنى كۆرەيلى قېنى .
يەنە  بىر گەپ بالىڭىزغا مېۋە چېۋە ۋە تاتلىق تۈتۇملەرنى ئازراق بېرىڭ ،ئۇنىڭدىن باشقا ھازىر دۇكانلاردا سېتىلىۋاتقان كىچىك بالىلار يېيىشكە ئامراق بولغان تەييار چۆپ ۋە لازا دېگەندەك ئەخلەت يېمەكلىكلەرنى يېيىشتىن چەكلەڭ .
بالىڭىزنىڭ تېنىگە سالامەتلىك تىلەيمەن .

مەن ئىلىپ يەپ باقتىم ئامىلە نۇشىدارى دىگەن دورىنى لېكىن ئۈنمى بولمىدى ھازىرمۇ تاماق يىگۈم كىلمەي ئولتۇرىمەن مانا !

سالام دۇستلار ،مىنىڭ بالام بۇيىل ئىككى يېرىم ياشتا.زور كۆپچىلىك دىگەندەك مىنىڭ بالاممۇ تاماق يىگىلى ئۇنىمايدىغان.لىكىن مۇشۇ بىرياش ۋاقتىدىن باشلاپ خۇشنامغا باققىلى بەردىم .قىززىق يېرى بۇ بالام مەن بولسام ھىچنەرسە يىمىگەن بىلەن يوق چاغدا ئاچ قالغاندەك يەيدىكەن .شۇنىڭدىن باشلاپ تاماق يۈگۈزەلمىسەم خۇشنامغا ئەكىرىپ بېرىمەن.ھازىر تەبىئىلا تاماق يەيدىغان  بۇلۇپ كەتتى.يىمەيمەن دىگەندە«بوپتۇ يىمە .ئۇنداقتا پالانچىغا بېرىۋىتەيچۇ،پۇستانچى ياۋاسىنچۇ،بالامغا بەرمەيمەن» دىگەندەك گەپلەرنى قىلىمەن. قەستەن قاچۇرۇپ ئۆز ئاغزىمغا سىلىۋالىمەن بۇ چاغدا ئۇ تەشەببۇسكارلىق بىلەن قۇلۇمدىن قۇشۇقنى ئالىدۇ.بۇچاغداقەستەن «بولدى،بولدى ،سەن يىمە »دىسەم ئۇتالىشىدۇشۇنىڭ بىلەن بىر مەيدان جەڭ ئاياغلىشىپ تامىقىنى پاك-پاكىز يەپ تۈگىتىدۇ.ھىچقانداق تاماق تاللىمايدۇ،سەيلەرنىمۇ تالىشىپلا قويسام پاكىز يەۋىتىدۇ.شۇڭا ھازىرغىچە خېلى ساغلام .ئاندا-ساندا زۇكامداپ قالغاننى ھىساپقا ئالمىغاندا بەدەن سۇپىتى ياخشى.سۇغاق ئىچىملىكتىن تارتىپ مۇزقايماققىچە ،ئۇژمە ،قوغۇندىن تارتىپ ئۆرۈك ،ئۈزۈمگىچەتاللىمايدۇ.ئوينىشى تۇپۇلۇق يەر،بىردەم سۇكىچىپ كىيىملىرى ھۆل.ئىككىنچى ئايدىن باشلاپ باش كىيمىنى ئىلىپ تاشلىسا قاچان بىشى مۇزلىسا ئاندىن كىيىدۇ .مەنمۇ بۇلىشىغا قۇيۇپلا بەردىم. بالام سۈت پاراشوكى دەمدۇ ،تالقان دەمدۇ،پىچىنە -پىرەنىك ،تورت دىگەننى ئەسلا ياقتۇرمايدۇ.باقالى ،قات-قات دىگەننىغۇ يىگىزەلمىدىم.ئاساسەن ئۆي نىنى بىلەن ،تاماق يەيدۇ.ئاق شىفەن دىگەننى ئىچىپ قۇيىدۇ.خالىساڭلار سىناپ بىقىڭلار.

بالىلار چايناش ئاۋارىچىلىقىدىن قېچىپمۇ  تاماق يىگىلى ئۇنىمايدىغان ئەھۋاللار بار
چوڭلارغا قارىغاندا،
تاماقنى دەسلەپكى كۈنلەردە بىر قەدەر يۇمشاقراق تەييارلاڭ.
تاماقتىكى  سەي كۆكتاتلارنى ئۇششاق توغراڭ.
قورۇمىلارنى دەسلەپكى بىر قانچە ئايدا تازا پىششىق قىلىپ پۇشۇرۇڭ.
بەك ئەكىلىتىۋەتمەڭ.

بالىلارغا ياخشى تاماق يىگۈزۈشنىڭ  ئەڭ ياخشى ئۇسۇلى . ئارقا-ئارقىدىن  بالا تۇغۇش، بالىلار 3ياكى 4 بولسا ياش پەرقىمۇ ئانچە پەرىق قىلمىسا، مانا كارامەت ئىشەنمىگەنلەر سىناپ باقسۇن. (بالىلار بىر -بىرسى بىلەن قىزغىنىپ بەسلىشىپ يەپ كىتىدۇ) بالىڭىز كۆپ بولسا ،ئۇلارنىڭ ھالىدىن ۋاقتى -ۋاقتىدا  خەۋەر ئالالمايسىز، تاشلىۋەتكەننى بۆرە  يىمەپتۇ دىگەندەك ئۇلار ناھايىتى ساغلام ئىشتەيلىك چوڭ بولىدۇ.

بالىلارنىڭ1ياشتىن3ياشقىچە بولغان مەزگىلى ئەتراپتىكى ھەممە نەرسىلەرگە ھەيرانلىق بىلەن قىزىقىدىغان مەزگىلى . شۇڭا بۇ مەزگىلدە بالىلارنى قىزىقتۇرىدىغان ئىشلار كۆپ بولغاچ تاماق يىگەندىمۇ ياخشى يىگىلى ئۇنىمايدۇ.مىنىڭ بالاممۇ 1يېرىم ياشقا كىردى،ئۇنى قويۇپ بەرسەم ئۇمۇ تاماق يىمەيدۇ،لېكىن مەن ئۇنىڭغا ھېكايە ئېيتىپ بېرىش،قوشاق ئېيتىپ بېرىش،ئەتراپىغا قونچاقلىرىنى ئولتۇرغۇزۇپ ئۇلارغىمۇ تەڭلەپ بالىنى تالاشتۇرۇش ئارقىلىق ئۇنى تاماق يىگۈزىمەن ھەم ئۇنىڭغا،ئۇ يەيدىغان ئايرىم تاماق ئېتىپ بېرىمەن.بۇ مېنىڭ ئاپامنىڭ3بالىنى بېقىشتىكى تەجرىبىسى..بالام يەنە مېۋە چىۋىنىمۇ بەك يەيدۇ،مەن ئۇنىڭدىنمۇ چەكلەپ باقمىدىم،لېكىن ئېزىپ تېزىپ ئەخلەت يىمەكلىكلەرنى بەرمەيمەن.

بۇ ،ھەقىقەتەن ياخشى تىما بۇپتۇ . ھەممىىز مۇشۇ پۇرسەتتە پىكىر ئالماشتۇرىۋالغىدەكمىز ،مىنىڭمۇ 4ياشقا كىرەي دەپ قالغان ئۇماق تاتلىق قىزىم بار ، مەنمۇ ئۆزەمنىڭ بىر نەچچە تەجرىىبىسىنى دەپ باقاي .
مەن قىزىم تۇغۇلۇپ 12كۈن بۇلغاندا ئۆزەم يىگەن تاماقلارنىڭ يۇمشاق سىڭىشلىك دەپ بىلگەن نەرسىللىرىنى يۇمشاق چايناپ ئاغزىغا سىلىپ تىتتىپ قۇيۇشقا باشلىغان ئىدىم ، يەنە ئانچە ئۇزاق كۈن ئۆتمىگەن كۈنغۇ دەيمەن(قانچە كۈنلىگى تازائىسىمدە قالماپتۇ) ئانامنىڭ يىتەكچىلىگىدە شۇرپىغا ئازراق قۇرۇق ماي سىلىپ قاينىتىپ ئۇنىڭغا  ئازراق نىپىز يىيىلغان چۆپ سىلىپ كۈندە قىزىمغا ئاز - ئازدىن چايناپ بەردىم . بۇنىڭ قىزىمنىڭ چۈچۈگىنى چىقىرىشقا ھەم ئىشتىيىنى ئېچىشقا پايدىسى بۇلدى دەپ قارايمەن . 70كۈن بۇلغاندا مەن قائىدە بۇيىچە ئۆيۈمگە قايتىپ
كەلدىم . ئارام ۋاقتىم بۇلغاچقا قىزىم ئۇخلاپ قالغان ۋاقىتتىن پايدىلىنىپ ھەرخىل سەي -كۆكتاتلار بىلەن تۈگۈرمەك(بەنشىر) تۈگۈپ بىر قوسىقى ئاچقاندا ئىمىتكەن بۇلسام يەنە بىر قوسىقى ئاچقان ۋاقىتتا تۈگۈرمەك سىلىپ پىشۇرۇپ ئۇنى يۇمشاق چايناپ يىگۈزدۈم(ناھايىتى ئاز مىقداردىن) . ئارىلاپ بەزى كۈنلىرى قورۇق بىلەن چۆپ بىرىشنى ئۈزۈپ قويمىدىم . يەنە بەزى كۈنلىرى كىچىك كورىغا گۆشنى ۋە سەي-كۆكتاتلارنى ئۇششاق توغراپ قاينىتىپ ئۇنىڭغىمۇ چۆپ سىلىپ بەردىم ، ھەر قىتىم تەملىك بولسۇن دەپ تامىقىغا ئازراق ئاچچىقسۇ تىمىتىپ بەردىم .  بۇنداق قىلىشنىڭ پايدىسى بەك ياخشى بۇلدى ، قىزىم تەملەرنى تىخى ئايرىغىدەك بولمىغان بوۋاق چىغىدىلا تاماق تەملىرىنى يەپ كۈنگەن بۇلغاچقا خىزمەتكە چۈشكەن چىغىمدا بالامنى  باققۇچىلارمۇ قىينالمىدى ، مەن بۇلمىغان چاغلاردا تاماق بەردى ، كەلگەندىن كىيىىن قىزىمنى تويغىدەك ئىمىتىپ قۇيدۇم . بۇنداق بۇلغاندا مەنمۇ بالاممۇ قىينالمىدۇق . مىنىڭچە بالىنى بوۋاق ۋاقتىدا پەقەتلا ئىمىتىپ تاماق بەرمەي بالا تەملەرنى بىلىپ بولغاندا تاماق بىرىشكە باشلاش ئاقىلانىلىك ئەمەس . بىرىنجىدىن بالا ئىمىشتىن ئىبارەت بۇ قۇلايلىق ھەم ئاسان بىر خىللا ئۇزۇقلىنىشقا كۈنۈپ قالىدۇ .ئىككىنجىدىن سۈتكە ئۈگىنىپ قالغان بالا تاماق تەمىگە كۈنەلمەي تاماققا ئشتىھاسى يوق بۇلۇپ قالىدۇ . شۇڭا بالا تۇغۇلۇپ ئۇزاق بۇلماي تاماق تەمىنى بىلدۈرۈش ۋە تاماققا ئۈگىتىش بالىنىڭ ئىشتىھاسىز بۇلۇپ قىلىشنىڭ ئالدىنى ئالامدىكىن دەيمەن .
بالام شۇنداق قىلىپ تاماق خىللىمايدىغان تىمەن ئۇماق چوڭ بۇلدى . مەن بالامغا ھىچقانداق سۈت پاراشۇكى بىرىپ باقمىدىم ، بۇنىڭغا پۇرسەتمۇ بۇلمىدى چۈنكى بالامنى ئىمىتىمەن ۋە تاماق بىرىمەن ئەمەسمۇ ، بەزىدە قۇسىقى ئاچقان چاغلاردا نان چىلاپ بەردىم مەن سۈت پاراشۇكىغا قارىغاندا نان بىلەن  ياڭاق باداملارنى چايناپ بەرسەم ياخشىراق بۇلامدىكىن دىدىم . چۈنكى ئۇ نەرسىلەرنى  ئىشلەپ چىقارغاننى ئۆز كۆزۈم بىلىن كۆرمىگەن بۇلغاندىن كىيىن زادى قانچىلىك ئۇزۇقلۇق قىممىتى بارلىغىنى بىلەلمىدىم . شۇڭا ئۆزۈم يەپ پايدىسىنى كۆرۈپ چۇڭ بۇلغان نەرسىنى بەردىم . ھەممىلا ئادەم قىزىمنىڭ ياخشى تاماق يىىيشىنى ماختايدۇ . قىزىم باغچىغا كىرگەندىن كىيىن باشقا بالىلاردىن ئۈگىنىپ تاماقنى ئانچە يىمەس بۇلىۋالدى ، مەن توردىن ھەر-خىل بالىلار تاماق تۈرلىرىنى ئۈگىنىپ بالامغا ئىتىپ بالامنى تاماق يىيىشكە قىزىقتۇردۇم .مەسلەن :شىر ئىشى دۈملەپ پىشۇرۇلغان ئاق گۈرۈچنى تەخسىنىڭ ئۇتتۇرىسىغا ئالىمىز ، ئاندىن قەلەمچە قىلىپ قۇرۇلغان سەۋزىنى (گۆش پەمىدۇر ئازراق لازا بىلەن قۇرۇلىدۇ)تەخسىنىڭ چۆرىسگە يىىيتىپ قۇيىمىز  ،ئاندىن ئۇتتۇرىدىكى ئاق گۈرۈچكە ئىككى تال چىلاننى كۆز ،سەۋزىنى ئىغىز شەكلىدە تىزىپ قۇيساق راستلا بىر شىر شەكلىگە كىلىدىكەن ،بۇ ئەمىليەتتە بىر مىيفەن لىكىن ئىرىنمەي ئازراقلا تۈزۈتۈش كىرگۈزۈپ قۇيسىڭىز بالىڭىزنىڭ يىيىشلىك بىر ۋاق ئېشى بۇلىدىكەن . بۇنى تەييارلاشقا بالامنىمۇ قاتناشتۇردۇم پىشقۇچە تازا تەققازا بۇلدى . پىشقاندىن كىيىن ئۇنىڭ شىردىن قۇقمايدىغان بالا ئىكەنلىگىنى شىرنىڭ ئاغزى ۋە بۇرنى بىشىنى قۇرۇقماي يىۋىتىدىغانلىغىنى سۆزلەپ تۇرۇپ بىرمۇ بىر يىگۈزدۈم ، بالام ناھايىتى زۇق - شۇق بىلەن تاماقنى قانداق يىۋەتكىنىنىمۇ بىلمەي قالدى . مەنمۇ تاماق ۋاقتىدا قىزىمغا ناھايىتى قىزىقارلىق خەلق چۆچەكلىرىنى ئىيتىپ بىرىشنى ئۇنتۇپ قالمىدىم . ئىشتىن چۈشىدىغان ۋاقىت بۇپ كىتىپتۇ ، قالغان تەجرىبەمنى ئەتە ۋاقىت چىقىرىپ يازاي. 

كەم بولمىغان مۇشۇ مىس تۇنكىلار قالغان ئوخشايدۇ بىزدە...

ئەسسالامۇ  ئەلەيىكۇم ،مىنىڭىچە ھازىر يىمەك ئىچىمەك كەڭىرى شۇڭا باللار ئۇششاق چۈششەك نەرىسىلەرىنى كۇپ يىۋىلىپ تاماق يىمەسىلىكى مۇمىكىن،،،،،، ھازىر بىزىلەرىدە 1ياكى2  بالا بار شۇڭا بىز ئۇلارىنىڭ كۈزىگە قاراپ داۋامىلىق تاماق يەدەيىمىز شۇڭا بالىلارىنىڭ قوسىقى ئاچىمايىدۇ،
ھەم بىزىگە ئەكىلەيىدۇ،،،،، شۇڭا باللارىنىڭ كۈزىگە كىرىۋالماسىلىق كىرەك ،،،،،
بىز بولسا باللارىنى ئۆزىنىڭ  ئىشىنى ئۆزى قىلىشىنى ئۈگىتەيىلى ،،،،،،



بالىلرىمىزىنى ئۆزىنىڭ يولىنى ئۆزى تىپىشىنى ئۈگىتەيىلى ،،،،،
تىما ئىگىسىگە رەخىمەت،
بۇمىنىڭ پىكىرىم  خاتايەرىلىرى بولسا كەچۈرەسىلەر،،،،،

بۇ يالغۇز مىنىڭ باش ئاغرىقىم ئەمەسكەن. مىنىڭ 3 بالاممۇ شۇنداق تاماق يىمەيدۇ. قىلمىغان ئامال قالمىدى. بۇ چەت ئەلدە ئاتا-ئانام، قېينى ئاتا-ئانىلىرىم يوق. ئايالىم كىچىك، تەجرىبىسىز. يوقۇردىكى ئاماللارنىڭ كۆپىنى قىلىپ باقتىم.<<قۇدرەتۇللا>>سىز دىگەندەك بالىلىرىم 4ياش،2ياش،1ياش.بىرسى-بىرسىدىن قىزغىنىپمۇ تاماق يىمەيدۇ. بىر بالا يىگەن تاماقنى مىنىڭ 3 بالام يەپ بۇلالمايدۇ. لىكىن شۇنداق ساغلام. ئەلھەمدۇلىللا.
ياخشىراق تەجرىبىسى بارلار ئايىمىغايسىلەر. ئاللا رەھمەت قىلسۇن.

miningmu ikki balam bar likin ar ikkilisila ubdan tamak yaydu

ئەڭ ياخشىسى <<نارپىننە  شەربىتى>> مۇشۇنىلا بېرىڭلا...

      دوستلار ،مەن بۇ تىمىنىڭ ئىگىسى بۇلىمەن .مەدىنەنىڭ تەجرىبىسى خېلى بۇلامدىمۇ نىمە ؟ قېنى ھەممىمىز ئۆزىمىزنىڭ تەجرىبىلىرىنى تۇنۇشتۇرۇپ باقايلى . مەدىنە سىز شۇنداق تەپسىلى يېزىپسىز . يەنىمۇ قالدۇرماي يېزىپ تۇرۇشىڭىزنى ئۈمىد قىلىمەن . تەجرىبىلىرىڭىز ئانا بۇلۇش ئالدىدا تۇرغان ھەم يېڭى تۇغۇتلۇق ئاياللاردىن تارتىپ ھەممىسى  پايدىلانسا بولغىدەك . قېنى باشقا تورداشلارمۇ بىلگەنلىرىمىزنى يېزىپ تۇرايلى . ھەممىمىز ئورتاقلىشىپ ، ئوماق بالىلىرىمىزنى تېخىمۇ ساغلام قىلىش ئۈچۈن تىرىشايلى !
      قىزىمنىڭ تاماق يىيىشى ئۈچۈن خوشنامنىڭ قىزىنى( 8ياش)ئۆيگە چاقىرىپ  بىللە تاماق يىگۈزدۈم . بۇنىڭمۇ ئۈنۈمى ياخشى بولدى .قىزىم بەزىدە ئەركىلەپ قۇشۇقنى تۇتماس بۇلىۋالدى . ئېرىنمەي يىگۈزۈپ قويدۇم . يەنىلا يىمىگەندە قۇشۇققا تاماقنى قۇيۇپ «قۇشۇقنى يىمەڭ جۇمۇ ، تاماقنى يەڭ ، قۇشۇقنى چېقىۋەتمەڭ يەنە» دىگەندەك گەپ قىلسام ، قىزىم «چېقىۋاتىمەن» دەپلا ئۆزىمۇ تۇيماي تاماقنى يەپ سالدى .بۇ ئۇسولمۇ كار قىلىپ قالدى . تاماق يىمىسىڭىز كىچىكلەپ كىتىسىز . گەپ قىلالمايدىغان بۇلۇپ قالىسىز دىگەندەك يالغانچىلىقلارنىمۇ قىلىپ باقتىم . لېكىن مىنىڭ تەجرىبەمدىن قارىغاندا يۇقارقىلاردىن بىرخىلى نەچچە قېتىم قوللانساملا زىرىكىپ قېلىۋاتىدۇ . قارىغاندا ھەركۈنى ھەرخىل ئۇسۇللارنى قۇللىنىپ باقسام بولغىدەك .

مېنىڭمۇ بالام بەزىدە پەقەتلا تاماق يىگىلى ئۇنىمايدۇ،لىكىن مەن ئەزەلدىن «تامىقىڭنى باشقا بىرسىگە بېرىۋىتىمەن،باشقىلار يەۋالدىغان بولدى »دىگەندەك گەپلەرنى قىلمايمەن،چۇنكى بالامغا تاماق يىگۈزىمەن دەپ كەلگۈسىدە ئىچى تار قىزغانچۇق ئادەم قىلىپ قويۇشنى خالىمايمەن .