ماددى ۋە مەنىۋى ئىھتىياجنى تەڭشەش ئۇسۇلى
مۇھەممەد ئەلى
ئادەمنىڭ پۈتكۈل ھايات مۇساپىسى ئۆزىنىڭ ماددى ياكى مەنىۋى ئىھتياجىنى قاندۇرۇش دەپ ئىيىتساق ھەرگىزمۇ خاتالاشقان بولمايمىز. ماددى ۋە مەنىۋى ئىھتىياجدىن ئىبارەت ئىككى چوڭ كاتوگورىيەدە بىر ئادەمنىڭ پۇتكۈل ئارزۇ-ئارمان ۋە غايە-ئىستەكلىرى سىڭگەن بولىدۇ.بەزىلەر ماددى ئىھتياجىنى قاندۇرۇش ئۇچۇن بولسا يەنە بەزىلەر مەنىۋى ئىھتىياجىنى قاندۇرۇش ئۇچۇندۇر.
ئۇنداقتا ماددى ۋە مەنىۋى ئىھتىياجنى قانداق تەڭشەش كىرەك؟
1. مەنىۋى ئىھتىياجنى يىتەكچى ، ماددى ئىھىياجنى قوشۇمچە قىلىش كىرەك.
ماددى ئىھتىياج چەكلىك بولىدۇ. لىكىن ئۇ بەلگىلەنگەن چەكلىكتنى ئىشىپ كەتسە ئاچكۆزلۇككە ئايلىنىدۇ-دە، ئادەم ماددى ئىھتىياجنىڭ قۇلى سۇپىتىدە، ياشاۋاتقان شۇ دەۋىر ۋە شۇ زامانغا ھەرخىل بالاي-ئاپەت ۋە قارغىش ئىلىپ كىلىدۇ. بۇ ئەڭ خەتەرلىك.
مەنىۋى ئىھتىياج چەكسىزدۇر. لىكىن قانچە چەكسىزلىككە يىقىنلاشقانسىرى، مەنىۋى ئىھتىياج ئىشىپ بارىدۇ. بىز مەنىۋى ئىھتىياجنى بىر چەكسىزلىككە سوزۇلغان سىزىققا ئوخشاتساق، ماددى ئىھتىياجنى بولسا سانسىز چىكىتلەرگە ئوخشتىش مومكىن. ئۇ پەقەت ئەشۇ سىزىقچىلارنىڭ ياردىمىدىلا چەكسىز سىزىق شەكلىگە كىلىشى كىرەك.
بەزىلەر پۇل بولمىسا، ھىچ ئىش قىلغىلى بولمايدۇ دەپ قارايدۇ، يەنە بەزىلەر نۇرغۇن نەرسىلەرنى پۇلغا سىتىۋالغىلى بولمايدۇ دەپ قارايدۇ. بۇ ئىككىلا خىل قاراشنى مۇتلەق ئىنكار قىلىشقىمۇ بولمايدۇ. چۇنكى ئالدىنقىسى ماددى ئىھتىياجنى يىتەكچى قىلغان بولسا، كىيىنكىسى مەنىۋى ئىھتىياجنى يىتەكچى قىلغان بولىدۇ.
ماددى ئىھتىياجنىڭ تۇرتكىسىدە مەنىۋى ئىھتىياجنى قاندۇرىمەن دەپ ئويلاش خاتا.
2.ماددى ئىھتىياج مەنىۋى ئىھتىياج ئۇچۇن خىزمەت قىلىشى كىرەك.
ماددى ئىھتىياجنى مەنىۋى ئىھتىياج ئۇچۇن خىزمەت قىلدۇرۇشتىكى مەقسەت : ئىھتىياجنىڭ شەرت ۋە تولۇقلىمىسىنى ئايدىڭلاشتۇرۇش مەقسەت قىلىنغان.
سىز كىلەر يىلى غولجىغا ساياھەتكە بارماقچى، شۇنداقلا ئەڭ مەنزىرىلىك جايلاردىن ھوزۇرلىنىش بىلەن بىرگە، قازاقلارنىڭ تۇرمۇش ئۇسۇلى، مەدەنىيتىنى تەتقىق قىلماقچى ۋە ئۆزۇڭىزگە ئۆمۇرلۇك ئەسلىمە قالدۇرۇش ئۇچۇن بىر پارچە ھىكايە ياكى سىن فىلىمى ئىشلىمەكچى دەپ پەرەز قىلايلى.
ئۇنداقتا، سىز ئاۋال بارلىق چىقىملارنى ئالدىن ھىساپلاپ چىقىشىڭىز كىرەك. بەك تەپسلى بولمىسىمۇ تەخمىنى ھىساپتا قانچىلىك پۇل بولسا، بۇ ئارزۇيىڭىزغا يىتەلەيدىغانلىقىڭىزنى بىلىشڭىز كىرەك. بۇ مەسىلە ئايدىڭلاشقاندىن كىيىن، سىز ئۆزىڭىزنىڭ ھازىرقى مەبلىغىڭىزنى كەملىكىنى ھىس قىلغان ۋاقتىڭىزدا، چوقۇم كىلەر يىلغىچە قانچىلىك پۇل تاپسىڭىز ئاندىن ئارزۇيىڭىزغا يىتەلەيدىغانلىقىڭىزنى بىلەلەيسىز.
مانا بۇ ، ماددى ئىھتىياجنىڭ مەنىۋى ئىھتىياج ئۇچۇن خىزمەت قىلىشىدۇر.
ئەكسىچە،سىز يۇقۇرقىدەك ئارزۇنى كۆڭلىڭىزگە پۇتكەندىن كىيىن، ئۆزىڭىزنىڭ ھازىرقى مەبلىغڭىزنىڭ قانچىلىك كەملىكىنى بىلگەندىن كىيىن، سىزدە بۇ خىل مەنىۋى ھوزۇردىن ۋاز كىچىش تۇيغۇسى بولغاندا، مەنىۋى ئىھتىياج ماددى ئىھتىياج تۇپەيلى رولىنى يوقىتىدۇ.
كونىلار <پۇل تاپقان بىر ئىش، ئۇنى خەجلەشكە كىتىدىغان ئەقىل باشقا ئىش> دەپ توغرا ئىيىتقان. دىمەكچى بولغىنى مەنىۋى ئىھتىياجنى كۆزدە تۇتقان بولسا كىرەك، بۇنىڭدا ماددى ئىھتىياجنىڭ مەنىۋى ئىھتىياجنى قاندۇرۇش ئۇچۇن پەقەت ۋاستىلىك رول ئوينايدىغانلىقى ئالاھىدە ئەكىس ئەتتۇرۇلگەن.
ئومۇمەن قىلىپ ئىيىتقاندا، ئادەمدە مەنىۋى ئىھتىياج شەكىللەنگەندىن كىيىن ، ماددى ئىھتىياجقا بولغان ئىھتىياج بارلىققا كىلىدۇ.چوقۇم بۇ ئىككى خىل ئىھتىياجنىڭ مۇناسىۋىتىنى توغرا تەڭشەش كىرەك. ھەرگىزمۇ قارىغۇلارچە ماددى ئىھتىياج قوغلىشىپ، مەنىۋى ئىھتىياجىمىزنى پۇچەكلەشتۇرۇپ قويماسلىقىمز لازىم. مەنىۋى ئىھتىياج ئاشقانسىرى، ماددى ئىھتىياجقا بولغان ئىھتىياجمۇ ئىشىپ بارىدۇ. لىكىن ماددى ئىھتىياجغا بولغان ئىھتىياج ئاشقانسىرى، مەنىۋى ئىھتىياج قۇرۇق سۆزگە ئايلىنىپ قالىدۇ.پىكىر قىلغۇچى: كۈنتىكىن
يېڭى يازمىلىق سەھىپە 
ئادەتتىكى سەھىپە 
مەخپىي سەھىپە 