( مۇخەممەس )

يىراق-يىقىن يول يۇرۇپ، شادلىق جاھان كەزگۈم بار،
ساياھەتتە بالىنى كۆڭۈل خوشى قىلغۇم بار ،
شۇڭا پىكاپ ئوت كۆرىنەر، زامانغا خاس ئالغۇم بار،
جاپاكەش بىر شوپۇر بوپ، يۇز ئابرۇينى تاپقۇم بار ،
خىسلىتى بار ئۆزگىچە، شۇنداق شوپۇر بولغۇم بار .

يولدا توسسا ئالىدۇ ، ئايرىمايدۇ بىرىنى ،
ساۋاپ ئېلىپ كۆكلەيدۇ ، دۇئاسى بار قېرىنى ،
نىيەت دۇرۇس، يولى كەڭ، ئېلىۋالماس مېلىنى ،
ئەزىز كۆرەر ئۆزىدىن باشقىلارنىڭ جېنىنى ،
قارارى بار ئۆزگىچە ، شۇنداق شوپۇر بولغۇم بار .

چۆلدە توختاپ قالسا گەر، يات شوپۇرلار كۆرىشەر ،
يوق بولسا گەر سايمىنى، خالىسانە بېرىشەر ،
ئۆز كەسىپنى، سەبداشنى چىن يۈرەكتىن سۆيىشەر ،
رەقىپلىرى بولسىمۇ ، بىر- بىرىنى يۆلىشەر ،
مېجەزى بار ئۆزگىچە، شۇنداق شوپۇر بولغۇم بار .

كىچە-كۇندۇز ماڭىدۇ، راھەت كۆرەي دىمەيدۇ ،
سەپىرىدە تاماقنى بىر نەچچە كۇن يىمەيدۇ ،
مەنزىلىگە بارسىمۇ، ئارام ئالاي دىمەيدۇ ،
ئالدىراپلا ئۆتىدۇ ، ئۆيدە تۇرماي كېتىدۇ ،
جاپاسى بار ئۆزگىچە ، شۇنداق شوپۇر بولغۇم بار .

كەسىپ ئەھلى بولغاچقا، خاسلىق بىلەن ئىشلەيدۇ ،
باشقىلاردىن ئۆزگىچە، يۇمشاق ناننى چىشلەيدۇ ،
پۇلى ئاۋۇن، خامان كۆپ، بۇغداي قوناق چەشلەيدۇ ،
<< جاپانىڭ تىگى راھەت>> بۇ كەسىپتىن كەچمەيدۇ ،
ساپاسى بار ئۆزگىچە ، شۇنداق شوپۇر بولغۇم بار .