قىممەتلىك ئاتا -ئانالار ، قىممەتلىك ھەدە - سىڭىللىرىمىز ، ئاكا -ئىنىلىرىمىز !
ئائىلە ، بىر مىللەتنىڭ باشلىنىش ۋە جەمىيەتنىڭ ئۇرۇقىدۇر . ئائىلە بولماي مىللەت بار بولمايدۇ .
بىر مىللەتنىڭ كۈچى ئائىلە مۇناسىۋىتىنىڭ ساغلام بولىشى بىلەن مۇناسىۋەتلىك . قىز -ئوغۇللارنىڭ توي قىلىپ ئائىلە بەرپا قىلشى روھى ، تەن قۇرلىشى ساغلام بولغان ھەرقانداق ئىنساننىڭ تەبىئى ھەققىدۇر . ھىچ قانداق بىر ئۆزرىسى بولماي تۇرۇپ ئائىلە قۇرۇش مەسئۇلىيىتىدىن قاچماق دىنىمىزدە ، ھەم مىللىتىمىز ئۆرپ -ئادەتلىرىمىزدىمۇ ياخشى كۆرۇلمەيدۇ . بۇ سەۋەپتىن ئىختىسادى جەھەتتىن قىينىلىپ تۇرمۇش قۇرالمىغانلىغا ياردەم قىلىشنى ، خەلقىمىزگە دىنى بىر ۋەزىپە قىلىپ كۆرسۈتۈپ ، بويتاق قىز -يىگىتلىرىمىزنىڭ توي قىلغانغا قەدەر ئوز ئىپپەتلىرىنى قوغدىشىنى ، ساقلىشىنى بۇيرۇغان . جانابى اللە قۇر 'ئان كەرىمدە شۇنداق بۇيرۇغان :( ئاراڭلاردىكى بويتاق ئەر ،ئاياللارنىڭ ۋە ياخشى قۇل ۋە ياخشى چۆرىلىرىڭلارنىڭ بىشىنى ئوڭلاپ قويۇڭلار ، ئەگەر ئۇلار يوقسۇز بولىدىغان بولسا (ئۇلارنىڭ يوقسۇزلىقى سىلەرنىڭ ئۇلارنىڭ بىشىنى ئوڭشاپ قويشۇڭلارغا توسۇق بولمىسۇن)، اللە ئۇلارنى ئۆز كەرىمى بىلەن باي قىلىدۇ . اللە نىڭ كەرىمى كەڭدۇر . اللە بەندىلەرنىڭ مەنپەئىتىنى بىلگىچىدۇر . ئۆيلىنەلمەيدىغانلار اللە ئۇلارنى ئوز كەرىمى بىلەن باي قىلغۇچە ،ئۆزلىرىنى ئىپپەتلىك تۇتسۇن .) سۈرە نۇر 32-33ئايەت
يەنە بۇ ھەقتە ئالەملەرگە رەھمەت قىلىپ ئىبەرتىلگەن ، جاھانغا نۇر ئىنسانىيەتكە شەرەپ ئىلىپ كەلگەن پەيغەمبىرىمىز ھەزرىتى مۇھەممەد ئەلەيھىسسالام شۇنداق دىگەن :( سىلەرگە ، دىنى ۋە ئەخلاقى جەھەتتە يارىغان كىشىلەر كەلسە ئۇلارنىڭ تويىنى قىلىپ قويۇڭلار بولمىسا بۇنىڭ ئەكسىچە يەر يۈزىدە پىتنە -پاسات، ۋە ئەخلاقسىزلىق ، بۇزۇقچىلىق مەيدانغا چىقىدۇ ). بۇ ئەخلاقسىزلىق ، بۇزۇقچىلىقنىڭ كۈنىمىزدە ئۇچرۇتۇپ قالغان مىساللاردىن بىرى . نىكاھسىز بىرگە ياشاش ، ئىككى يات جىنس ئۇتتۇرسىدىكى ئەركىن مۇھەببەتلىشىشتىن كىلىپ چىققان شەھۋانى ھەۋەسلەر . شۇنى قەتئى ئۇنۇتمايلىكى ! ئىسلام دىنىمىز تۇرمۇش قۇرۇشنى مۇستەھكەم قىلىش ئۈچۈن نىكاھ قىلىشنى شەرت قىلىپ كۆرسەتكەن . يىڭى بىر ئائىلە دىنى ،ۋە ھوقۇقى بىر نىكاھ بىلەن قۇرۇلدۇ . ھەرخىل باھانىلەر بىلەن قىلۋالغان ۋاقىتلىق نىكاھلار دىنىمىزدە قوبۇل قىلنىمايدۇ . تۇرمۇش قۇرۇش ،ئىنساننىڭ ساغلام ۋە تەرتىپلىك بىر ھاياتتا ياشىشىغا سەۋەپ بولىدۇ . قىلىنغان تويلىرىمىز ئاددى ،ئىسراپچىلىق بولماي ، قىز -يىگىت تەرەپكە ئىغىر چىقىم بولماسلىقى لازىم . دىنىمىزگە ئۇيغۇن بولمىغان ، مىللىتىمىزنىڭ ئۆرپ-ئادەتلىرىمىزگىمۇ ئۇيغۇن بولمىغان ، دىنسىز مىللەتلەرنىڭ ئۆرپ-ئادەتلىرىگە ئوخشاپ قالىدىغان كىيىنىشتىن ، دىنىمىز ھارام دەپ كۆرسەتكەن ئىچىملىك -چىكىلىكلەردىن خالى بولىشىمىز لازىم . تويلىرىمىز يىڭى بىر تۇرمۇشنىڭ قەدەم باسقۇچى ، بەخىتلىك كۈنلەرنىڭ باشلانغۇچى بولغان بۇ تويلار جانابى اللە نىڭ بىزگە بۇيرىغان ئەمىرلىرىگە ئۇيغۇن بولىشى لازىم .
پەيغەمبىرىمىز ھەزرىتى مۇھەممەد ئەلەيھىسسالام شۇنداق دىگەن : تويلارنىڭ خوشال جۇشقۇن كەيپىيات ئىچىدە ئۆتىشىنى ئۇيغۇن كۆرۈپ، ئىسراپسىز ئاددى بولىشىنى تەۋسىيە قىلغان .

قىممەتلىك ياش ئوغۇل -قىز قىرىنداشلىرىمىز دىن ئۈمۈت قىلىدىغىنىمىز !
سىلەرنىڭ بارلىق ياش ئۇغۇل-قىزلارغا ئۈلگە بولۇپ پۈتۈن ، ئىتىقات ،مۇئامىلىمىزدە، تويلىرىڭلاردا ۋە باشقا مەرىكە ئىشلىرىڭلاردا دىنى ۋە مىللى ئورپ-ئادەتلىرىمىزگە ئەھمىيەت بىرەيلى . ھالال-ھارامنىڭ چەك-چىگرىسىنى ئايرىۋالايلى ،

پەيغەمبىرىمىز ھەزرىتى مۇھەممەد ئەلەيھىسسالام شۇنداق دىگەن:
( ئەڭ خەيرىلىك توي مۇشەققەتسىز ،ئىسراپسىز بولغان تويدۇر )

جانابى اللەدىن تۇرمۇش قۇرۇش ئالدىدا تۇرۋاتقان بارلىق ئوغۇل- قز قىرىنداشلىرىمغا اللادىن رەھمەت مەغپىرەت تىلەيمەن . جانابى اللە بەخىتلىك خاتىرجەم تۇرمۇش ئاتا قىلسۇن . دىنى مىللىتىمىز ئۈچۈن ياراملىق ئەۋلاتلار نەسىپ قىلسۇن ئامىن .

كۆڭۈل خاتىرەمدىن . ( ئىستانبۇل )

راسىت دەيسىز،ئۇنىڭسىزمۇ توينىڭ چىقىمىنىڭ جىقلىقىدىن توي قىلىلمايۋاتقان قىز-ئوغۇللىرىمىز ئازمۇ؟

ئەڭ خەيرىلىك توي مۇشەققەتسىز ،ئىسراپسىز بولغان تويدۇر .
بەك ياخشى ظىيتىلغان سأز ظىكەن .

ئاللاھ رەخمەت قىلسۇن ..تىمىڭىزغارەخمەت

ھەقىقەتەن ياخشى تىما يوللاپسىز رەخمەت سىزگە.

بەك ياخشى ظىيتىلغان سأز ظىكەن .

ھەممىمىز قاتتىق ئويلىنىشقا ۋە ھەل قىلىشقا تېگىشلىك مەسىلىلەر ئىكەن.

توي  سىلىقى  دەردىدىن  بىز  تىخىچە  توي  قىلالماي  يورمىز  مانا  ھەي         

ئىنشااللاھ،ياشلىرىمىز بۇ نەسىھەتلەرنى ئاڭلاپ قۇيار،دىنىمىزدا ئىسراپچىلىق چەكلەنگەن
ھەممە ئادەم ياراتقۇچىمىزنىڭ بۇيرىقىغا بوي سۇنسا ،شۇنداق خاتىرجەم ياشايدۇ 
تەۋسىيەڭىزگە تەشەككۈرلەر!ئەرتۇغرۇل بەي

بەكمۇ ئېسىل تېما بوپتۇ.
بىز خەقنىڭ ئىسراپچىلىق قىلىدىغانغا نىمە ھەققىمىز بار، يەنە كىلىپ توينى ھەددىدىن زىيادە ھەشەمەت قىلىپ ئىسراپخورلۇق قىلغۇچە، ئاددى - ساددا قىلىپ ئەتراپىمىزدىكى بىچارە-مىسكىنلەرنى يوقلىساق ئۇنىڭدىنمۇ ئارتۇق ساۋاب بولماس.

ئاللاھ تائاللاھ قۇرئان كەرىمدە «يەڭلار،ئىچىڭلار ئىسراپ قىلماڭلار» دىگەن،بىز توينى زىمىندا مۇسۇلمانلارنى كۆپەيتىپ،ئىسلامنى كۈچەيتىش ئۇچۇن، ئەڭ مۇھىمى ئاللاھ رىزالىقى ئۇچۇن قىلماي،ھەدىسە ھەشەمەت، كۆز-كۆز ئۇچۇن قىلىۋاتىمىزمۇ قانداق؟.........ئاللاھ قېرىنداقلىرىمىزغا ۋە ماڭغا توغرا يولنى ئۆزەڭ كۆرسىتىپ قويغايسەن.ئامىن!