قىممەتلىك  ياش  ئوغۇل-قىز دوسلىرىمىز  !
پۈتۈن ئالەمنى يوقتىن بار قىلغۇچى ،چەكسىز  نىمەت  ۋە رىزق بەرگۇچى جانابى اللە  : بۇ دۇنيادا : جانلىقلار ئىچىدە ئىنساننى ئەڭ گۈزەل ،ئەڭ قابىلىيەتلىك قىلىپ ياراتقان . ئەقلى  تەپەككۇرىمىزنى ئىشقا سىلىپ نەزەر سالدىغان بولساق ،ھىچ شەك شۇبھىسىزكى جانابى اللە نىڭ چەكسىز قۇدرىتىنى  چۈشۈنۈپ ئۆز ھىكمەتلىرىنى بىلەلەيمىز .  ئىنسان  تۇغۇلۇپ  ئاتا -ئانىمىزنىڭ تەربىيلىشىدە  چوڭ بولۇپ ، بالىلىق ،ئۆسمۈرلۈك ، دەۋرىنى ئاخىرلاشتۇرۇپ ،ياشلىق دەۋرىگە قەدەم قويىمىز . بۇ ۋاقىت ئىنسان ھاياتىنىڭ ئەڭ گۈزەل ،ئەڭ جۇشقۇنلۇق دەۋرى ياشلىق چاغلىرىدۇر .
بۇ دەۋىر  ئۇلۇغ ياراتقۇچىمىز جانابى اللە نىڭ  بىزگە سۇنغان ئەڭ چوڭ نىمەتلىرىدىن بىرسى بولۇپ ، بۇنىڭ قىممىتىنى بىلىش ،بۇ ۋاقىتنى قولدىن بىرىپ قويۇش ئەڭ چوڭ پۇشايمانغا قىلىشىمىزغا سەۋەپ بولۇپ قالىدۇ .  بۇ ھەقتە : ھەزرىتى پەيغەمبىرىمىز مۇھەممەت ئەلەيھىسسالاممۇ  بىز ياشلارغا شۇنداق تەۋسىيەلەردە بولغان (( قىرىلىق يىتىشتىن بۇرۇن ، ياشلىقنىڭ  قەدرىنى بىلىڭلار )  بۇ  دەۋرىمىزگە ئىبادەت نەزىرىمىزدىن قارغان ۋاختىمىزدا ، بۇ ۋاقىتتا قىلىنغان ئىبادەت ، ۋە  قىلغان ساۋاپلىق ئىشلار ، ئىلىم ئۈگۈنۈش ، باشقا  دەۋىرلەرگە قارغاندا پۈتۈنلەي پەرقلىق . ھەم ئوخشاش بولىشى مۈمكىنمۇ ئەمەس . دۇنيا نەزىرىيەسى نۇقتىسىدىن قارىغان ۋاختىمىزدا ، ئەۋلاتلىرىنىڭ كەلگۈسىنى  بىخەتەر كاپالەتكە ئىرىشتۈرۈش ئۈچۈن غەيرەت قىلۋاتقان مىللەتلەر  ياشلارغا ئالاھىدە ئەھمىيەت بەرمەكتە ،ئۆز مەدىنىيتى ، تارىخى ، سەنئىتىنى ئۈگۈتۈشكە كۈچ سەرپ قىلماقتا . ياشلار  ساغلام بىر جەمىيەتنىڭ ۋە ئۆز  مىللىتىنىڭ داۋام ئەتتۈگۈچى  مۇھىم شەخىسلىرىدۇر . بىر مىللەتنىڭ  قانچىلىك ساغلام  ۋە پاكىز بولۇشى  شۈمىللەتنىڭ  جەمىيەتتە  يۈرۋاتقان ياشلىرىغا مۇناسىۋەتلىك .
قىممەتلىك  ياش ئوغۇل-قىزلار
ياشلىق  مىللەتنىڭ كەلگۈسى ، ھازىر  خەلىق  مىللەت بولۇش سۈپىتىمىز بىلەن  ياشاۋاتقان  مۇشۇ ماددى ۋە مەنىۋى  پۈتۈن نەرسىلىرىمىزنى  بىزنىڭ ئارقىمىزدىكى  ئىنىلىرىمىز ،سىڭىللىرىمىزگە ، سۆيۈملۈك پەرزەنتىلىرىمىزگە مىراس قالدۇرۇپ كىتىمىز .  ۋاقىت قىممەتلىك  بىز  كەلگۈسى ئەۋلاتلىرىمىزغا ، كەلگۈسى ياشلىرىمىزغا  ماددى ۋە مەنىۋى جەھەتتىن  ساغلام بولغان  گۈزەل بىر مۇھىت ، گۈزەل بىر دۇنيا مىراس قالدۇرايلى . ئىتىقاتلىق مەسئۇلىيەت تۇيغۇسىنى ھىس قىلالايدىغان ، مىللى ئىرادە  مەنىۋى ھىس تۇيغۇلارغا باي ، ۋەتىنىگە ، مىللىتگە تەلپۇندىغان ياشلاردىن بولۇپ ئۈلگە بولىشىمىز لازىم .  تارىخ بەتلىرىنى ئوقۇپ باقساق  باشتا  ئسلام دىنىمىزنىڭ كىڭىيشىدە  ۋە قەلبىمىزدە ئورۇن ئىلىشىداكۆپلىگەن ياشلارنىڭ كۆرسەتكەن پىداكىرانە روھىنى كۆرۋالالايمىز .
قىممەتلىك  ياش ئوغۇل-قىزلار
ئۇلۇغ دىنىمىز ئسلام، ئىنسانلارنىڭ بەخىتلىك ۋە خاتىرجەم ئۆتىشىگە ۋاستە بولغان نەرسىلەرنى بۇيرىغان. خەتەرلىك ۋە زىيانلىق بولغان نەرسىلەرنى چەكلىگەن ياكى توسقان. يەنە ياراتقۇچىمىز جانابى ئاللاھ ، قۇرئان كەرىمدە« ئىنسانلارنىڭ ئۆزلىرىنى خەتەرلىككە ئاتماسلىقنى، ئۆزلىرىگە زەرەر بىرىدىغان نەرسىلەردىن ئۇزاق تۇرۇشنى بۇيرىغان.» (سۇرە بەقەرە 195.ئايەت) . شۇنداق تىنىچ خاتىرجەم ياشاۋاتقان تۇرمۇشىمىزغا قەيەردىن، كىملەر تەرىپىدىن سوقۇلۇپ كىرگۈزىلگەن زەھەرلىك ئىچىملىكلەر ۋە چىكىملىكلەرنىڭ ئىستىمال قىلىش نىسبىتى كۈندىن كۈنگە كۆپىيىپ، مىللىتىمىز ئۇيغۇر خەلقى ۋە مۇسۇلمان قىرىنداشلىرىمىز ئۈچۈن ئىغىر دەرىجىدە ۋەيران بولۇش خەۋپىگە ئىلىپ بارماقتا.بىر قىتىملىقىغا نىمە بولىدۇ دەپ باشلاپ قىلىپ، ئىنسانى قايتىشى قىيىن بولغان بىر يولغا باشلاپ كىرگەن زەھەرلىك ماددىلار ئىنسانلارنىڭ ھاياتىغا تەھدىت سىلىپ ياشلىرىمىزنىڭ مىڭىسىنى ئايلاندۇرۇپ جەمىيەتىمىزگە خاتىرجەمسىزلىك ۋە جىنايەت، ھەرخىل تۈردىكى يامان ئىشلارغا دۇچار قىلماقتا.زەھەرلىك ماددىلار، جانابى ھەقنىڭ ئىنسانلارغا بەخىش ئەتكەن ۋە ئىنساننى ئىنسان قىلغان ئەڭ مۇھىم ۋاستىلاردىن بىرى بولغان ئەقىل-پىكىرنى ئىشلىتەلمەيدىغان ئەھۋاللارغا ئەكىلىپ، ئىنساننىڭ ئەقىل-قابىلىيىتىنى بۇزۇپ، بەدەن ۋە رۇھى سالامەتلىك بىلەن بىرگە ئىنساننىڭ ئۆزىدە تۇغۇلۇشىتىن بىرى بولغان تەبىئى خىسلەتلىرىنى ۋە گۈزەللىكلەرىنى يوق قىلماقتا. زەھەرلىك چىكىملىك ۋە ئىچىملىكنى قوللۇنىشنىڭ ناھايىتى كۆپ سەۋەپلىرى بار، تەتقىقاتچىلارنىڭ ئىسپاتلىشىچە: ياشلىرىمىزدىكى مەنىۋى بوشلۇق، تەلىم-تەربىيەنىڭ كەمچىللىكى، ئىتىقات ئاجىزلىقى، ئائىلىسىدە ئىتتىپاقلىق بولمىغانلىقى، ياشلارنىڭ مىڭىسىنى زەھەرلەيدىغان شەھۋانى مەتبۇئاتلار، ئۆزىگە ئىشەنچ قىلالماسلىق، ئەتراپىدىكى دوستلارىنى ياخشى تاللىيالماسلىقى قاتارلىقلار ،  بۇلارنىڭ يامان تەسىرى ياشلىرىمىزنى زەھەرلىك ئىچىملىك ۋە زەھەرلىك چىكىملىك پاتقىىقىغا كىرگۈزگەن باشلانغۇچ سەۋەپلىرىدىن بىرىسى. 
بىز بىر جەمىيەت بولۇش سۈپىتىمىز  بىلەن بۇ ھەقتە ئالاھىدە دىققەت قىلىشىمىز ، بۇنداق مەسىلىلەرنىڭ پەقەتلا ھۆكۈمەت ۋە قانۇن ئورگانلىرىنىڭ مەجبۇرىيىتى دىمەي ئومۇمى بىر مىللەتنىڭ تەغدىرى ۋە كىلەچىكى دەپ ھەربىر ئۇيغۇرغا چۈشكەن ۋەزىپىمىزنى ئىجرا قىلىشىمىز لازىم
قىممەتلىك  ياش  ئوغۇل-قىز دوسلىرىمىز  !
ئەر بولغۇچى  ئۆينىڭ تۈۋرىكى ،ئەگەر ئوينىڭ ئۈستىنى كۆتۈرۈپ تۇرغۇچى تۈۋرۈك مۇستەھكەم بولمىسا ئۆيمۇ ساغلام بولمايدۇ . شۇنىڭ ئۈچۈن ، مىللەتنىڭ ئاتىسى ،مىللەتنىڭ ئاساسى بولغان ئەرلىرىمىز ، ئوزىمىزنىڭ ئەرلىك غۇرۇرىمىزنى ساقلاپ  مىللىتىمىزنىڭ  يىرمى ، مىللىتىمىزنىڭ ئانىسى بولغان ،ۋە بولۇش ئالدىدا تۇرۋاتقان  قىزلىرىمىزغا ئىگە چىقايلى . ھەر قانداق ئىش ئىككى تەرەپلىمىلىك بولىدۇ . ھەر ۋاقىت بىر تەرەپلىمىلىك بولماي ئادىل ھەق بولىشىمىز . ئادالەتلىك بولىشىمىز لازىم . ھىچ بىرىمىز  ئەتىمىزدىن ۋەدە بىرەلمەيمىز . بۈگۈنكى كۈندۈلۈك تۇرمۇشىمىزدا كۆرەۋاتقان بەزى كۆرنۈشلەرگە ، مەن ۋە مىنىڭ ئائىلەم  يولۇقمايدۇ دىيەلمەيمىز . بىز بىر مىللەت  بىر خەلىق بولۇش سۈپىتىمىز بىلەن  ، بىرلىك ئىناقلىقنى بەرپا قىلىشىمىز لازىم . 

قىممەتلىك  ياش  ئوغۇل-قىز دوسلىرىمىز  !
ھەر ئىجتىمائى مەۋجۇدىيەت ئەر بىلەن ئايالنىڭ ئورتاق ھەمكارلىشىدىن بارلىققا كىلىدۇ. ئەر ياكى ئايال يالغۇز ھالدا، ھىچ قانداق بىر ئىشنى ۋۇجۇتقا كەلتۈرەلمەيدۇ. پەقەت ئەر بىلەن ئايال بىرلىكتە يىڭىلمەس كۈچ تەشكىل قىلالايدۇ.ئەرلەر ئاياللىرى بىلەن تىخىمۇ باھادىر، تىخىمۇ پەزىلەتلىك، ۋە تىخىمۇ ئەقىللىق كۆرنىدۇ. ئاياللارمۇ ئەرلىرى بىلەن تىخىمۇ مەرتىۋىلىك، تىخىمۇ ئەدەپلىك، ۋە تىخىمۇ جانغا يىقىن كۆرنىدۇ. ھەر بىر مۇۋاپىقىيەت قازانغان ئەرنىڭ ئارقىسىدا مۇتلەق بىر ئايال بار. ئەگەر ئۇ ئايال، ئۇنىڭغا ھەر تۈرلۈك يارىدەملەرنى قىلمىغان بولسا، ئۇ مۇۋاپىقىيەتلەرنى قولغا كەلتۈرشى ناتايىن. بۇنىڭدىن شۇنى كۆرۋىلىشقا بولىدۇكى ئەر بىلەن ئايالنى بىر بىرىدىن ئايرىپ قاراشقا بولمايدۇ
ئەمدى كۈنىمىزگە قارايدىغان بولساق، مىللىتىمىزنىڭ كەلگۈسدىكى ئانىلارى بولدىغان ياش قىزلىرىمىز ئويۇن-تاماشادىن بىشىنى كۆتۈرەلمەي يۈرۈشمەكتە. بۇ مۇناسىبەت بىلەن بەزى بىر قىزلىرىمىزغا شۇ كۆڭۈل سۆزۈمنى دىمەكچى:

ئەي! مىللىتىمىزنىڭ كەلگۈسىدىكى ئانىلىرى، ئەي! ئۇيغۇر قىزى، دۇنيانى تىترەتكەن،ئاتىللالار، ئالىپ ئارسىلانلار، ئوغۇزخانلار، ساتۇق بۇغراخانلار يىڭىلمەس كۈچلىرىنى سىزنىڭ ئانا قۇچاغىڭىزدىن ئالمىدىمۇ؟ مەھمۇد قەشقىرى، يۈسۈپ خاس ھاجىپ، ئەلشىر نەۋايى ۋە فارابىلارنى سىز تۇغمىدىڭىزمۇ؟ ۋە ئۇلار سىزنىڭ ئەمدۈرگەن ئاق سۈتىڭىزنىڭ قۇدرىتى بىلەن ئۇيغۇر تارىخىنىڭ بىرەر پارلاق يۇلتۇزى بولمىدىمۇ؟ سىز ھەر زامان ئەركىنلىك ئۈچۈن كۆرەش قىلغانلارغا قۇچاق ئىچىپ مىھرىڭىز بىلەن بىاغرىڭىزغا باسمىدىڭىزمۇ؟ 
ئەي! ئۇيغۇر قىزى، ئۈچ ۋىلايەت ئىنقىلاۋىدىكى قەھرىمانلىق داستانلارنى ئۇنۇتىڭىزمۇ؟ قەھرىمان مىللى ئارمىيىنىڭ جەڭچىلىرىگە شەپقەت ھەمشىرىسى بولمىدىڭىزمۇ؟ مۆلدۈردەك ئىتىلىۋاتقان ئوقلارغا قارىماي، جەڭگاھلاردا ياردار جەڭچىلەرگە ياردەم قولىڭىزنى ئۇزاتمىدىڭىزمۇ؟ 
ئەي! ئۇيغۇر قىزى، ئۇيغۇر تارىخىنىڭ شانلىق سەھىپىلىرىدەسىزنىڭ روھىڭىز بارلىقىنى بىلمەيۋاتامسىز؟ دۇنيانىڭ ئەڭ نەپىس سەنئەت ئەسەرلىرىدىن بىرى بولغان «تاج-مەھەل مەقبەرىسى» سىزنىڭ ئىچىڭىزدىن بىرلىرى ئۈچۈن ياسالمىدىمۇ؟ فۇزۇلى ۋە ناۋايىلارنىڭ شىئىرلىرىدە ئۆزىڭىزنى كۆرمەيۋاتامسىز ؟

ئەي! ئۇيغۇر قىزى، ئەتەڭ بەخىتلىك ۋە پارلاق بولسۇن. بىز سىنىڭ ئىتىقاتىڭغا، سىنىڭ ئىپپەت-نۇمۇسىڭغا، سىنىڭ پەزىلەتلىك ئەخلاقىڭغا، ۋە سىنىڭ ياردىمىڭغا مۇھتاچ. سەن خالىساڭ ھەرقانداق ئىشتا مۇۋاپىقىيەت قازىنالايدىغانلىقىڭغا ئىشىنىمەن. چۈنكى سىنىڭ تومۇرىڭدا ئىقىۋاتقان قان ئۇيغۇر قانىدۇر...................

-كۆڭۈل دەپتىرىمدىن-

بۇلارنىغۇ بەك ياخشى يېزىپسىز، لېكىن ئۇلارنى قانداق قىلىپ بۇ ھالاكەتتىن قوتۇلدۇۋالغىلى بۇلىدۇ.؟ بۇلارنى ھالاكەتتىن قوتۇلدۇرماق ئۇنچىۋېلا ئاسان ئەمەس.

ئىتىقات بولسىلا ھەممە ئىش ئاسان~ئىتىقات سۇس ھەممە ئىش قالايمىقان بوپ كىتىۋاتىدۇ~

ياشلارغا تەربىيإى ظەهمىيتى باركەن . يوللىغىنثىزغا رەهمەت .

كۆ پ ئەپسۈس . مۈشۈنداق ياخشى تىمىلارنى ئوقۈيدىغان ياشلىرىمىز كەمدىن-كەم بولىۋاتىدۇ.                                                                                                                                                                       

مۇشۇنداق ياخشى گەپلەرنى ئاڭلايدىغانلار ناھايىتى ئاز .

تەربىيىۋى ئەھمىيىتى ھەقىقەتەن ياخشىكەن،كىشىنى تەسىرلەندۈرىدۇ.
رەخمەت سىزگە!!!كۆڭۈل دەپتىرىڭىزگە ئىسىل دۇردانىلەرنى تولدۇرۇپسىز.

ھەقىقەتەن ياشلارغا تەربىيإى ظەهمىيتى باركەن .

ياشلىرىمىزمىڭ ھىدايەت تاپمىقى تەس بولىۋاتقاندا ياخشى يازما يوللاپسىز رەخمەت.  

           

---

بۇنداق قونچاق تىزىپ ئىنكاس يازماڭ،قېرىندىشىم!

Quote:

بۇ مەزمون1قەۋەتتىكىartanنىڭ2008-06-12 03:17دە يوللىغان يازمىسى Re:ياش ئوغۇل -قىز دوسلىرىمىزنى، ھالاكەتتىىن قۇتۇلدۇرۋالايلى ! :
بۇلارنىغۇ بەك ياخشى يېزىپسىز، لېكىن ئۇلارنى قانداق قىلىپ بۇ ھالاكەتتىن قوتۇلدۇۋالغىلى بۇلىدۇ.؟ بۇلارنى ھالاكەتتىن قوتۇلدۇرماق ئۇنچىۋېلا ئاسان ئەمەس.

  مۇشۇنداق بىر تىمىنىڭ يېزىلىشىنىڭ ئۆزىمۇ بىر ئۇلارنى ھالاكەتتىن قۇتقۇزىشقا بولغان تەدبىرلەرنىڭ بىرى . 
تىمىلىرىڭىزنى مۇنبەردىن ئايىمىغايسىز .  رەخمەت .

ياخشى يىزىلىپتۇ  لىكىن  كوردىغان  ئادەم  بەك  ئاز    شونداق  بولسىمو  بوشاشمايلى  قىرىنداشلا      بىر بىرمىزگە  كويىنىپ  ياردەم  قىلايلى    تىما  ئىگىسىگە  رەخمەت       

بۇ تېمايوللاپ ياخشى قىلىپسىز،سىزگە اللە رەھمەت قىلسۇن،بولسا مۇشۇنداق تېمىلىرىڭىزنى مۇنبەردىن ئايىمىغايسىز! اللە قۇلىڭىزغا دەرت بەرمىسۇن!  ئوغۇل -قىز  دوسلىرىمىزنى، ھالاكەتتىىن  قۇتۇلدۇرۇش ئۈچۈن ،ھەممىمىز بڭرلىكتە دۇئا قىلايلى!

ئەسسالام!ئەرتۇغرۇل ئەپەندىم ،بۇ يازمىڭىزنى كۈرۈپ ھەقىقەتەن ھاياجانلاندىم،ئىنسان ئەقىل-ئىدراك ساھىبى. چۇقۇم ياخشى سۆز -نەسىھەتلەر ياخشى تەسىر كۆرسىتىدۇ دەپ ئويلايمەن.كۆپىنچە ھاللاردا بىر بىرىنى رەنجىدە قىلىپ ، قاخشاپ،نەپرەت بىلەن  يۈرگەندىن مۇشۇنداق دەلىل -ئىسپات بىلەن مىھرىبانلىق كۆرسىتىپ  چىرايلىق تەربىيە قىلىشنىڭ  تەسىرى ياخشىراق بۇلىدۇ،،بىر-بىرىمىزگە قېرىنداشچە كۈيىنىش مۇھىم،ئىشىنىش،ساھىپ چىقىش(يۆلەش)  مۇھىم................
مۇنبەرلەردىكى بەزىبىرتىمىلاردا بەزىبىر  قىزلارنى ئەڭ سەت تىللار بىلەن ھاقارەتلەيدىغان ،بارلىق ئەيىپنى ئەركەكلەرگىلا يۈكلەپ قۇيىدىغان................ مەزمۇنلارنى ھەر بىر كۆرگىنىمدە ئىچىم ئاچچىق بۇلۇپ نەچچە كۈن ئۈزەمگە كىلەلمەيمەن،ئەڭ ياخشىسى-چىرايلىق نەسىھەت،بىر بىرىمىزگە مىھرىبانلىق يەتكۈزۈش،
قانداق قىلغاندا شۇ قىرىنداشلارغا ياردەم قۇلىمىزنى يەتكۈزەلەيمىز ؟قانداق قىلغاندا يامان ئىشلاردىن خالى بۇلالايمىز؟نىشانىمىز بۇ بۇلىشى كىرەك.سىزگە يەنە بىر قىتىم تەشەككۈر بىلدۈرىمەن!
جانابى ئاللاھ ئەجرىڭىزنى بەرسۇن!
گەرچە مەن ئۆز مىللىتىمدىن يىراقتا ياشىساممۇ ئۇلارنى كۈيۈمچان،مىھماندوست،ئىتىقاتلىق،ئاقكۆڭۈل،ساپ خەلق دەپ بىلىمەن،سىلەرنى چىن قەلبىمدىن سۈيىمەن!ئۇيغۇر ئەۋلادى بولغانلىقىمدىن سۈيۈنىمەن !پەرزەنتىمگىمۇ ئۇيغۇر مىللىتىمىزنى شۇنداق چۈشەندۈرىمەن

بۇلار بىزنىڭ ئەۋلاتلىرىمىز. ئەۋلاتلارغا كۆڭۈل بۆلۈش ھەربىرىمىزنىڭ مەسئۇلىيىتى.

<<ئەي! ئۇيغۇر قىزى، ئەتەڭ بەخىتلىك ۋە پارلاق بولسۇن. بىز سىنىڭ ئىتىقاتىڭغا، سىنىڭ ئىپپەت-نۇمۇسىڭغا، سىنىڭ پەزىلەتلىك ئەخلاقىڭغا، ۋە سىنىڭ ياردىمىڭغا مۇھتاچ. سەن خالىساڭ ھەرقانداق ئىشتا مۇۋاپىقىيەت قازىنالايدىغانلىقىڭغا ئىشىنىمەن. چۈنكى سىنىڭ تومۇرىڭدا ئىقىۋاتقان قان ئۇيغۇرنىڭ قېنىدۇر>>>...................

تەربىيىۋى ئەھمىيىتى ھەقىقەتەن .كىشىنى ئويغا سالىدىغان تېما بوپتۇ. ئەجىرىڭىزگە رەھمەت.

.................................................................

ئەي! مىللىتىمىزنىڭ كەلگۈسىدىكى ئانىلىرى، ئەي! ئۇيغۇر قىزى، دۇنيانى تىترەتكەن،ئاتىللالار، ئالىپ ئارسىلانلار، ئوغۇزخانلار، ساتۇق بۇغراخانلار يىڭىلمەس كۈچلىرىنى سىزنىڭ ئانا قۇچاغىڭىزدىن ئالمىدىمۇ؟ مەھمۇد قەشقىرى، يۈسۈپ خاس ھاجىپ، ئەلشىر نەۋايى ۋە فارابىلارنى سىز تۇغمىدىڭىزمۇ؟ ۋە ئۇلار سىزنىڭ ئەمدۈرگەن ئاق سۈتىڭىزنىڭ قۇدرىتى بىلەن ئۇيغۇر تارىخىنىڭ بىرەر پارلاق يۇلتۇزى بولمىدىمۇ؟ سىز ھەر زامان ئەركىنلىك ئۈچۈن كۆرەش قىلغانلارغا قۇچاق ئىچىپ مىھرىڭىز بىلەن باغرىڭىزغا باسمىدىڭىزمۇ؟ ...........................................
....................................................
yene bir ketim ukup qiktim,sizge yene bir ketim rehmet eytimen!

قىز بولۇپ تۇغۇلدۇممەن، ئانا بولۇشتىن ئارتۇق چوڭ مەرتىۋەم بولمىسا كېرەك؟! مىللەتنىڭ مەنىۋىي يېتىملىكىنى قۇتۇلدۇرۇش بىز قىزلارنىڭ ئىجدىمائىيلىشىش دەرىجىمىزنىڭ قانچىلىك بولىشى بىلەن مۇناسىۋەتلىك.ئىلگىركى تەبىي ئانىلارنىڭ ئورتاق پاجىئەسى،گەرچە ئانىلىق مەسئۇلىيىتىنى ھەقىقىي ئۇرۇندىغان بولسىمۇ،  ئۆزىدىن ھالقىپ ئۆزلۈككە سىڭىپ كىرەلمىدى. دېمەكچىمەنكى،پۈتۈن مىللەتنىڭ ياتسىراپ قېلىۋاتقان مەدەنىيەت، ئۆرۈپ-ئادەت، ئېتىقاد،ئەخلاق ...قاتارلىق ئەڭگۈشتەرلىرىمىز مىراسخورلۇق رولىنى تولۇق جارى قىلدۇرالمىدى... مانا بۈگۈنكى دەۋىرگە كەلگەندە، يوقىلىش ئالدىدا تۇرىۋاتقان تەبىئي مىللەتلەر قاتارىدا ئورنىمىزنى ئاران ساقلاپ كېلىۋاتىمىز.قانداقتۇر، <<ئاغرىنىش،قاخشاش>>ھاسىياتىمىز بىلەن ھەممىنى<<تاشلاپ>>كېتەلەمدۇق؟ مەن بۇ ئىنكاسنى يوللىغان ھامان (يەنى بىر سىتودېنت بولۇش سۈپىتىم بىلەن) ئىجتىمائىي بىلىملەر،تارىخىي مەلۇمات، ئېتىقاد-ئەخلاق...قاتارلىق جەھەتلەردە مۇككەممەل بولغان تەييارلىققا كىرىشسەم بولىدۇ-ئەمەسمۇ؟ بىز قىزلار <<ئانا>>لىق بۈيۈك مەسئۇلىيەتكە قارىتا نەچچە ئون يىل تەييارلىق قىلىمىز.  ئەپسۇسكى، تەييارلىقى پۈتمەيلا <<ئانا>>لىق سالاھىتىگە ئېرىشىپ قالغانلارنىڭ پۇشايمىنى ئۆز پەرزەنتىدە ئەكىس ئېتىدۇ.  بۇنداق  ئادەتلىنىپ قالغان بىر دۆۋە تەييارلىقسىز ئانىلاردىن بولماسلىق ئۈچۈن مەن،سىز،ئۇ... بىرلىكتە تىرىشساق ئەتىراپىمىزدىكى <<غەمسىز>>ئۇيغۇر قىزى ئۆزىنىڭ ئېسىنى تېپىۋالىدۇ-ئەمەسمۇ؟ئەي، ئۇيغۇر قىزى،  سەنمۇ ئۆزۈڭنىڭ  پات ئارىدا  ئۇيغۇر ئانىسى بولىدىغىنىڭنى ئۇنتىما...

يۇقۇردىكىلەر ئېيتقىنىدەك نايىتىمۇ ئەتىراپلىق پىكىر قىپسىز .

قىزلار بۇزۇلسا دۇنيا بۇزۇلىدۇ .قىزلارنىڭ بۇزۇلىشغا ئۇغۇلار سەۋەبچى بۇلىدۇ

مەن بۇ تىمىنى مۇڭداشقۇمدىكى بارلىق توپلارغا ئەۋەتىمەن .

بۇنىداق ياخىشى تىمىلارىنى دوسىلارىغا  تەۋسىيە قىلايىلى ،،،،  

ياخشى يېزپسىز..............        

سىزنڭ بۇ  تىما  يول غنڭ  زغا  رەھمەت     بۇنڭ  دىڭ  بىزنڭ  ياش ئوغۇل -قىز دوسلىرىمىزڭ،  بۇ  ھالاكەتتىىن  قۇتۇلىسۇن 

راسلا  تەربىيىۋىي  ئەھمىيىتى  چوڭ  تىما  بوپتۇ  ،بوسا  شۇنىڭدەك  ياخشى تىمىلىرىمىز  ئۈزۈلۈپ  قالمىغاي  .