چىچەن ئۇيغۇر ئۇلىنىش تورى دىيارىم MTV كۇلۇبى بىرمۇبىر ئىزدەش تورى
« 1 2345» Pages: ( 1/5 total )
بۇ تېما 6077 قېتىم كۆرۈلدى
kunkiz
بۇ كۈنلەرمۇ ئۆتۈپ كىتىدۇ...
ئىجاتچان ئەزا كۆزگە كۆرۈنگەن ئەزا دىيارىم باشقۇرغۇچىسى
دەرىجىسى : باشقۇرغۇچى


UID نۇمۇرى : 14159
نادىر تېما : 7
يازما سانى : 6105
شۆھرەت: 3103 نۇمۇر
پۇل: 98597 دىيارىم تەڭگىسى
تۆھپە: 100 نۇمۇر
باھا: 0 نومۇر
توردىكى ۋاقتى : 381(سائەت)
تىزىملاتقان ۋاقىت:2007-03-10
ئاخىرقى كىرگىنى:2008-12-16

 قاچقۇن  (پوۋېىست ) « جالالدىن بەھرام »

0
باشقۇرۇش ئەسكەرىتمىسى :
本帖被 kuduratulla 设置为精华(2008-10-08)



قاچقۇن

جالالدىن بەھرام

(پوۋېىست )




_ئىسىم -فامىلەڭ نېمە ؟
_ ئامان قادىر .
_كېيىنكى ئۆزگەرىتكەن ئىسىم -فامىلەڭچۇ ؟
_ئامان دۆلەتوف .
_نىمە جىنايەت بىلەن قولغا ئىلىندىڭ ؟
-چەت ئەلگە قىچىش جىنايىتى بىلەن .
_ ئېنىق سۆزلە !
باش سوتچىنىڭ سوئال سورقى باشلىنىش بىلەن  ئوچۇق سوت مەيدانى بىردىنلا جىم-جىتلىققا چوكتى ، مىڭلىغان كۆزلەر ئاماننىڭ خۇددى  دەرەخ قوۋزىقدەك تىلىم -تىلىم  تاتۇقلار گىرەلەشكەن يۈزگە  ، كەڭ قاشلىرنىڭ تېگىدىكى  روشەن يېنىپ تۇرغان چوڭ كۆزلىرگە . ئاماننىڭ ھەر بىر سۆزى گويا  قوغۇشۇندەك كىشلەر قەلبىگە قۇيۇلماقتا ئىدى .
ئامان جىنايىتىنىى قىسقىچە تونۇشتۇرغاندىن كىيىن  ،باش سوتچى تەپتىشنىڭ ئەيىبلەپ  ئۆتىدىغانلىغنى ئىلان قىلدى ،ئەيىپنامە قويلۇشقا باشلىغاندا ، سوت مەيدانىنىڭ ئالدىنقى قاتاردىن  ئورۇن ئالغان ، رەتلىك كىيىنگەن ، چېكە چاچلىرى ئاقارغان ، ئوتتۇرا مەكتەپ مۇدىرى ھەسەن پۈتۈن بەدىنى قۇلاققا ئايلانغاندەك بىرلىپ ئاڭلايتتى ، سوت مەيدانىنىڭ ئەڭ چەت  ۋە ئارقا تەرپىدە ، كىشلەرنىڭ كۆزگە چىلىقمايدىغان يەردە  ئەرەنچە كىيىنگەن بىر قىز  ئېڭەك تىرەپ ئۈنسىز يىغلاپ ئولتۇراتتى ، ئۇنىڭ ئۆزگە خوپ كەلمىگەن ئەرەنچە كىيمىمۇ  كونا ۋە مەينەت بولۇپ  گەج ۋە لايدا بۇلغانغان ئىدى . ئۇ دانا-دانا ياش تامچىلىرى ئېسلىپ  تۇرغان كىرپىكلىرنى قاقماي ، قىزرىپ كەتكەن كۆزلىردە  سوت مەيدانىغا قارايتتى .
_مەزكۈر-دېدى ئەيىپلىگۈچى سۆزنىڭ ئاخىردا _ چەت ئەلگە قىچىشنى ئۇزاقتىن بىرى پىلانلاپ كەلگەن بولۇپ  چەت ئەلدىكى سۆيگىنى بىلەن  خەت -ئالاقە قىلشىپ تۇرغان . لىكىن ئۇ ئوتتۇرا مەكتەپ مۇدىرى «X X»  ئايالغا باسقۇنچىلىق قىلىش ئارقىلىق  ئۆلۈم ۋەقەسى كەلتۈرۈپ چىقارغاندىن كىيىن تۇتۇلغان ، ئەممە ئوقۇتقۇچى شېرىنئاينىڭ (بۇ يەرگە كەلگەندە ئەيىپلىگۈچى شېرىنئاينىڭ  بۇزۇق ئۇنسۇر قالپىغى بارلىغنى ئەسكەرتىپ ئۆتتى )ياردىمى بىلەن بىر كىچدە  ۋەتەندىن يۈز ئۆرۈپ چەت ئەلگە قاچقان .
ھەسەن مۇدىر ئېغىر خۇرسىنىش بىلەن  بېشنى ئىرغىتتى ، ئەرەنچە كىيىنگەن قىزمۇ بېشنى چايقىغانچە «توھمەت....»دەپ پىچىرلىدى ، باش سوتچى ئاقلىغۇچنىڭ ئاقلاپ  ئۆتىدىغانلىغىنى ئېلان قىلغاندا ، مەيدان ئىچى «مەمتىمىن ئەپەندى » دېگەن پىچىرلاشلار بىلەن تولدى . ئېگىز بوي  ، بۇغداي ئۆڭلۈك ، نىپىز لەۋلىردىن ھەمىشە تەبەسسۇم  كەتمەيدىان مەمتىمىن ئەپەندى  ئورنىدىن تۇردى !
_سوتچى ، زاسداتېل ، تەپتىش ۋە كۆپچىلىك  يولداشلار _ دېدى  ئۇ مەيدان ئىچگە تەكشى نەزەر تاشلاپ ،_ تۈنۈگۈن خەلىق سوت مەھكىمسىدىن  ئۇيۇشتۇرغان ئوچۇق سوت يىغنىدا  تەپتىش مەھكىمسىدىن  جاۋاپكار ئاماننىڭ  ئەيىپ نامىسنى ئوتتۇرغا قويدى . مەن «جۇڭخۇا خەلىلىق جۇمھۇريىتى  جىنايى ئىشلار دەۋا قانۇنى» نىڭ يىگىرمە ئالتىچى ماددىسىدىكى  كونكېرىت بەلگىلمىلەرنىڭ روھىغا ئاساسەن ، جاۋاپكار ئامان قادىرنىڭ  چەت ئەلگە قىچىش دېلوسى ئۈستىدە  ، ئەملى پاكىتنى تۇتقا قىلىپ ، دەلىل ئىسپاتلارغا ئاساسلىنىپ ، قانۇن نىزاملاردا كۆرسىتىلگەن  پىرىنسىپ -بەلگىلمە ئۆلچەمگە  تەتبىقلاپ «بىرىنچىدىن  قانۇنغا سادىق بولۇش ،  ئىككىنچىدىن   خەلىق   مەنپەتىگە سادىق بولۇش ،ئۇچىنچىدىن  ئەينەن پاكىتقا سادىق بولۇش ....»تىن  ئىبارەت يىتەكچى ھېسياتىم بىلەن ئاقلاش  پىكرىمنى ئوتتۇرغا قويمەن .
مەمتىمىن ئەپەندى ئامانننىڭ جاراھەت ئىزى  قاپلاپ كەتكەن مەسۇم چىرايغا  قارغاندا ، ئۇنىڭ قەلبىنى بىر ئىغىر تاش بىسۋالغاندەك بولدى .....




دۆلەتۇفنىڭ غەزپى .






......ئورمان ئىدارىسنىڭ باشلىغى دۆلەتوف بېغدىكى  ساپسېرىق ياپراقلار ئارسىدا قەت كۆتۈرۈپ تۈرغان  ھەشەمەتلىك ئويدە قوللىرنى  ئارقىسغا  قىلىپ  ئايلانما دېرىزە ئالدىدا تۇراتتى  ،  ئۇنىڭ يەتتە يىلدىن بۇيانقى  ئارزۇ -ئىستەكلىرى ، كۆڭۈل شاتلىقلىرى خۇددى  دەرەخلەر تۇۋگە شىلدىرلاپ  تۆكلىۋاتقان كۈز خازانلىردەك  قاياقلارغىدۇر ئۇچۇپ كەتمەكتە ئىدى !  ئۇ خىرە  چاڭ ئىچدىكى  خۇرۇم زاۋۇتىنىڭ  تۇرخۇنلىرغا  ۋە ئۇنىڭ  چاقماق قەنىتتەك  ئۆيلىرگە ،كەڭ يىيلىپ ياتقان  پىچانلىقىغا  قاراپ ئۇھ تارتاتتى .
دەرۋەقە دولەتۇف تۇز يىگەن يىردىن ئايرىلىپ ، يات ئەللەرگە كىتىش ئالدىدا ئۆز بايلىغىدىن  ، پاقىراپ ئاۋاز يىنىپ تۇرغان تاختايلىق ئۆيدىن لاپاسلىق قورۇسى ھاۋا رەڭ رىشاتكىلق  بېغدىن  ، ئىغىلدا مورشىۋاتقان نەسىللىك كالىلار ،گۆش ، قىمىزلاردىن رىشتىسنى ئۈزەلمىگەنلىكتىنمۇ ئەمەس ئەيتاۋۇر ئۇنىڭ ئىشتىھاسى تۇتۇلۇپ قالغاندەك بولۇپ بىر-ئىككى كۈندىن بىرى  كۆڭلى -كۆكسى كۆتۈرۈلمەي ئېغىر خياللار بىلەن ئۆتمەكتە ئىدى .....
دۆلەتوف ئۆزنىڭ چىرغىنى ياندۇرۇپ  ،تاپقان دۇنياسىغا ئىگدارچىلىق قىلىپ ، ئاتا نامنى ئۆچۈرمەيدىغان  ،ئائىلە نەسەبىنى داۋام ئىتىدىغان ، ئاتا نەسلىنى قۇررۇتمايدىغان  ئوق يىلتىزنىڭ يەنى «ئوغلىى»نىڭ يوقلىغىغا ئېچناتتى ، ئۇ قىزنىڭ ھامان بىر كۈنى  ياتلىق قىلنىپ ، قانداقتۇر بىر  ھارامزادىنىڭ «تەييارغا ھەييار بولدىغانلىغنى »ئويلىسا ، جاپا مۇشاققەتتە تاپقان دۇنياسىىگە ئوت قويۋەتكۈسى كىلەتتى ...ئەلۋەتتە قىزى __نەۋرە  ، نەۋرە ئەمەس ياتنىڭ بالسى  ئۆز ئۇ چاغدا دۆۋلەتوفتىن  نەمۇنىشان قالسۇن !..... شۇڭا ئۇ يەتتە يىلنىڭ ئالدىدا  سىڭلىسىنىڭ كىچىك ئوغلى ناماننى بىقۋالغان ئىدى .
دۆلەتوف ئۇقۇمۇشلۇق ئادەم بولغاچقا ، قىزى بىلەن ئاماننىڭ  بىر- بىرگە كۆڭۈل رىشتىسىنى باغلاش  ئۆچۈن چەككەن  رىيازىتى ئاز ئەمەس  . ئۇ ھەر كۈنى خىزمەتتىن قايتىپ كېلىپ ، ئاتتىن چۈشە -چۈشمەيلا «ئامان  ،گۈلجامال مەن سىلەرگە  نىمە ئىلىپ كەلدىم؟»دىيتتى  «كىتاپ-ژورنال ...»دەپ چۇقۇرشاتتى باللار ،كېچىلىرى «ئىتتىپاق » ژورنىلغا بىسىلغان  يېڭى ھىكايلەرنى «ئەلف-لەيلى »«چاھار دەرۋىش»قىسلىرى ئوقۇلاتتى  ، يىللار ئۆتتى ئامان بىلەن گۈلجامالنىڭ  بىر چاغلاردىكدەك  دەپتەر -قەلەم تالشىپ سوقۇشىدىغان  ، ئەرزىمەس ئىشلارغا قېيدىشىدىغان «ئىت-مۈشۈك» ۋاقىتلىرى ئۆتۈپ كەتتى ،قىرقىپ قويغاندەك تەڭ چوڭ بولۋاتقان بىر جۈپ ئۆسمۈرنىڭ پاك يۈرگىگە سىرلىق بىر ئېقىن  ھارارەت بەرمەكتە ئىدى .....
ئامان بىلەن گۈلجامال گۈل تۈۋلىردە  ،سۇ بويلىردا ،راۋاق پەلەمپەيلەردە  يالغۇچ ئۆچۇرۈتۈپ قالغان دۆلەتوف  قىن-قىنغا پاتماي  ،بىشى كۆككە يەتكەندەك  ،قارمتۇق چىرايغا  خۇپ ياراشقان مويلاۋلىرنى سىلاتتى  ۋە ھىمرىپ قويۇپ  مىيغىدە كۈلۈمسىرەيتتى .... «ئىنشائاللا  ھەرنېمە  بولسا  ئەجرىم چېچەك بەردى »دەپ ئۆزدىن -ئۆزى مەمنۇن بولاتتى ......
بىر خوشاللىققا بىر كۈشەندە جور بولغاندەك  ،دۆلەتوفنىڭ چەتلەگە مېىڭىش  خېتى  چىققاندىن كېيىن  ،ئاماننىڭ مىجەزدىكى ئۆزگىرىش  دۆلەتوفنى  چىۋىن يېۋالغاندەك  كۆڭلىنى غەش قىلىپ قويدى  ، ئۇ گۈلجامالنىڭ يۇمران  ھېس -تۇيغۇلىرى  ،شېرىن سۆزلىرى ئوماق تەلپۈنۈشلەرى قىسقىسى  ، نازۇ كەرەشمە ئىلتىپاتلىرغا  ئاددىلا قارايدىغان .... تۈپ -تۈزلا جاۋاپ بىردىغان ،كۆزلىرنى ئىلىپ قېچىپ  ئۆزنى قاچۇردەىغان بولۇپ قالغان ئىدى  .ھەتتا دۆلەتوفنىڭ  ھەپتە بۇرۇن ئامانغا «ئوغلۇم سۈرتىڭنى ئۆچ نوسخا قىلىپ  ئانكىت توشقۇزۇپ  پاسپورتقا ئالدۇرۇپ بولدۇم ...» دېگەن سۆزلىرنى ئاڭالاپ تۇرۇپ  ، ئامان چىراينىمۇ ئىچىپ قويمىدى ....
دۆلەتوف راۋاق ئىچدە تاقىلدىتىپ  ئالدى -ئارقىغا ماڭدىى ، قوللىرنى  ئۇۋلاپ  بارماق ئۈگلىرنى قارسىلدىتاتتى ، ئۇنىڭ كۆڭلىنى سەكپارە قىلۋەتكەن خىياللار  بىلەن قىزى گۈلجامالنىڭ ئالدىدا  تۇرغانلىقنىمۇ  كۆرمىدى .
__دادا !.....
دۆلەتوف ئوڭ قولدا جەينىكىنى تۇتۇپ  ، سول قول بارماقلىردا قوشۇمىسنى چىمدىغانچە  بىر ھازا گەپ قىلماي تۇرۇپ كەتتى-دە ، قىياپىتىنى بۇزماي تۇرۇپ سوردى :
_ ئامانلار قىنى ؟
__ئۇ..ئۇ ، باغچىغا بارغاندۇق مەھەللىدىكى  دوسلىرى بىلەن ..................قىز يىغلىۋەتتى .
دۆلەتوف  ، ئاماننىڭ مەھەللىدىكىى  دوسلىرغا ئۆچ ئىدى ، چۈنكى ئۇنىڭ نەزىردە <ئاشۇ ئۇششاق شۇملار> ئاماننى <ۋاللەي><گاراتكا> دىگەندەك ئويۇنلارغا قىزىقتۇرۇپ  ، تۇغۇلغان مەھەللىسدىن  ئۈمۈد رىشتىسىنى ئۈزەلمەسلىك ، ھەتتا پۇتۇن مىھرى-مۇھاببىتىنى  ، كونا مەھەللە ،كونا دوسىت  ،كونا ئائىلگە باغلىنىپ قالدۇ ، ئۇنداقتا مېنىڭ كۆرسەتكەن تىرىشچانلىقلىرىم  ، ئۈمۈت-ئارزۇلىرىم سۇ ئۇستىدىكى كۆپۈ ككە  ئايلىنىپ ھەممىسى بەربات بولدۇ  ........شۇڭا ئۇ مەھەللىدىكى  دوسلىرى دىگەن سۆزنى  ئاڭلىشى بىلەنلا سەپرايى ئۆرلەپ كەتتى :
_ماڭ تۇرغان توكۇرنى چاقىر ،_ دېدى دۆلەتوف ئاچچىقى بىلەن  ، ئۇنىڭ غەزپى تاشقان بولسا كېرەك «تۇرغان»دەپ چاقىرىپ كەلگەن خىزمەتچىسنىڭ  مېيىپ پۇتىنىمۇ چىشلەپ تارىتتى ، تۇرغان ئەسلىدە ئۇزۇن يىللىق خىزمەتچى  بولۇپ  ، بىر يىلى قىشتا خاڭدىن كۆمۈر ئەكىرۋېتىپ  سول پۇتى ئۈششۈپ كەتكەنلىكتىن  ، ئۇنىڭ تىزنىڭ يۇقۇرسىدىن  كېسىپ تاشلانغان ئىدى  شۇنىڭدىن بېرى ئۇ قولتۇق تايغىنى  قولتۇغىغا قىستۇرۇپ قويۇپ ، ساق ئادەمدەن چاققانراق ئىشلەيتتى .
_دۆلەتوف ئاكا ،خىزمەت !_ ئېگىز قامەتلىك تۇرغان  راۋاق پەلەمپىيدە قول قويۇشتۇرۇپ تۇراتتى .
« چىلان تورۇقنى»نى ئېگەرلە !
__خوش ....




ئادەم ئەلنى ئەمەس _ يەرنى سېغنىدۇ .




ئاماننى ئۆز ئۆيدە تاپالمىغان دولەتوف  چىلان تورۇقنى رەھىمسىز قامچىلاپ  دەريا يوللىرنى ،پىرىستانلارنى ، ئىش قىلىپ ئامان دوسلىرى بىلەن  ئويناپ  -كۈلۈپ چوڭ بولغان - چىغلىق ، ساي قۇيۇلۇشلىرى ،زەيومكى ،ۋاڭ قادىرنىڭ باغلىرغىچە  ئىزدەپ گۇگۇم بىلەن تەڭ بۇلۇتتەك تۇتۇلۇپ  ،قارا تەرگە چومگەن چىلان تورۇقنىى يېتلەپ  ھويلىغا  كىرىپ كەلدى  ، ئۇ ئامان بىلەن گۈلجامالنىڭ باغ ئىچدە  بىر-بىرنى قوغلىشىپ يۈرگەنلىگىنى كۆرگەندىن كېينلا  يېنىككىنە تىن ئالدى .
تاماقىتىن كىيىن دۆلەتوف  ئامان بىلەن سوھبەتلەشتى ، ئۇ ئاماننىۇ كەگۈسى ئەستىقبالى  _ چەت ئەل پايتەخىتلىردە گۈلجامال  بىلەن  ئوقۇيدىغانلىغى  ، چەت ئەلدىكى باغچا ، كىنوخانا ، رېستۇرانلار  ،  كىنو -  تىياتىرلار ، ئاممىۋى  تۇرمۇش مەئىشەتلىرى - ئومۇمەن ئۇنىڭ گۈزەل پارلاق ھاياتى  ئەڭ ئىنچىكە دەلىللەر  بىلەن  كۆرسىتىپ بېرىلدى ، دۆۋلەتوف ئاماننىڭ سەمىمى چىراينى ، كۆرگەندىن كېيىن  بىردىنلا قولنى يېيىپ جانلىنىپ كەتتى :
_  شۇنداق ئوغلۇم مەن سىنى نېمە ئارزۇ-ئارمانلار بىلەن  شۇ دېمەتلىك قىلدىم  ، دەپ  باقە ياكى مەن سىنى  يەرگە قارتىدىغان  ، دىل ئازار بېردىغان  ئىشلارنى قىلدىممۇ؟ مېنى گۈلجامامالنى داغدا قويمىغىن  ، سىلەر بىر بېغىشتا چۈشكەن  بىر جۈپ غۇنچە  بولۇپ قالدىڭلا  ،ھىم بولۇپمۇ گۈلجامال _....دۆلەتوف ئۆي ئىچدە توختىماي ماڭاتتى  ،__ ئۇ ...ئۇ ھەرگىز سەندىن ئايرىلىپ باقمىغان ! سەنمۇ شۇنداق  ، ماقۇل دە  ، بۇ شۇنداقتۇ ؟!
ئامان بېشنى لىڭىشتتى  ، دۆلەتوف خوشاللىغدا  چانقىنى قورۇق باسقان كۆزلىردىن  ياش چىقىپ كەتكەنلىگىنى ئۆزمۇ تۇيمايلا قالدى .
_ توغرا ، ئوغلۇم  ، ئەنە ئۆزۈڭمۇ قايىل ، مەنغۇ يېشىمنى ياشدىم ، لىكىن گۈلجامال .....
تاشقىرقى ئويدە ئاڭلاپ ، ئاڭلاپ ئولتۇرغان گۈلجامال مول-مول يىغلىماقتا ئىدى ، ئۇ دادىسىنىڭ سۆزلىرى ئاياقلاشماستىنلا ئۇچقاندەك ئويگە كىردى - دە ، دۆلەتوفنى ئۇن-تۇنسىز  كىلىپ  قۇچاقلىۋالدى .
.....كۆز ئاسمىنى چاراقلىغان  لەئەل -ياقۇتلار  بىلەن تولغان ئىدى  ! ئامان  باغدىكى راۋاق پەلەمپەيدە «مارجان» ئىسىملىك  ئېتنى قۇچاقلىغانچە  خىيال سۈرۈپ ئولتۇراتتى ، مارجانمۇ ئاماننىڭ يۈرەك دەردىنى چۈشەنگەندەك ، بويۇنلىرنى سۈركەپ ، ئۆزنىڭ قۇندۇزدەك قارا ، پاخما يالتىراق تۈكرى بىلەن  ئاماننىڭ بەدىنىنى  ئىسسىتاتتى .
تۈن قاراڭغۇلۇقتا ھەمرا بولغان ئامان  مارجاننى قۇچاقلىغىنىچە دۆلەتوفنىڭ  ھېلىلا قىلغان سۆزلىرىنى تەكرارلايتتى  راستىنلا ئۇ گۈلجامالدىن  ئايرىلىپ چىديالارمۇ ؟  خۇددى ئەتيازنىڭ تۇنجى ئەلچىسى __ سېرىقچېچەك گۈلدەك  نازۇك قوڭۇر چاچلىق ، چوڭ كۆزلىرى داۋملىق كۈلۈپ تۇردىغان  ، ھەر قاراشلىردا بىر خىل سىرلىق تەبەسسۇم بىلەن  كۆڭلىنى مەھلىيا قىلىپ  ، ئۇزۇن كىرپىكلىرى ئارقىلىق  كۆزلىرنى يۈشۈرغان  شوخ تەبىئەتلىك  قىزغا كۆزى قىيارمۇ !؟ ...
بۇنىڭدىن يەتتە يىل ئىلگىرى ، ئۇ ئەمدىلا  سەككىز ياشقا كىرىپ  بىرىنجى سىنىپتا ئوقۋاتقان ۋاقتىدا  ، بۇ ئۆيگە كەلدى  گۈلجامال  بىلەن تالشىپ - يالشىپ  ، ئىككى- ئۈچ يىلنى ئۆتكۈزدى ، دەم ئېلىىش  كۈنلىرنىڭ بىرنىمۇ  بوشقا ئۆتكۈزمەي ، دەريا بويلىرغا باراتتى ، سۇ چۆملەتتى .....باغچىلاردا يۇمشاق چىملىقلار  ، بۈك ئاكاتسىيەلەر ئارسىدا  سەيلە -تاماششا قىلشاتتى  ، لېكىن دۆلەتوف ئامان بىلەن  مەكتەپكە بېرىشتا  تەڭ چىقىپ قايتاشىدا بىللە كېلىشنى تاپلايتتى ، ئامان  ئۇيغۇر باشلانغۇچ مەكتەپتە ئوقۇيتتى ، گۈلجامال «سىتالىن » مەكتىپىنىڭ چەتئەل تىل سىنپىدا ئوقۇيتتى  ، شۇڭا ئۇلار «ۋاڭ قادىر» نىڭ بېغىغا كەلگەندە  ئايرىلىپ ، قايسىسى بالدۇر قايىتسا  باغچىدىكى بەلگىلەپ قويغان  ۋە ئۆزلىرمۇ كۆنۈپ كەتكەن  شادا ئورۇندۇقتا ئولتۇرۇپ ساقلاتتى  ، ئۇلار يولدا قوغلىشىپ سۇ چېچىشىپ ، چىرايلىردا كۈلگە ، مەڭزىلىردا قىزىللىق  ،پىشانلىردا تەر  ، كۆزلىردە يالقۇن چاقنىغان  ھالدا  قول تۇتۇشۇپ ھويلىغا كىرىپ كېلشەتتى - دە، دۆلەتوفقا سالام بېرشەتتى ....
بىر قىشلىقى ئامان مەكتىۋىدە  دوسلىرى بىلەن ئويناپ قىلىپ  بەكمۇ كەچ ياندى ، ئۇ گۈلجامالنى  «بەلكىم كەتكەندۇ » دەپ ئويلىغان ئىدى  ، لېكىن  يول باغچا ئىچدە بولغاچ  ، كېتىۋىېىپ بىر قىزنىڭ  پەلتۇسىنىڭ يېڭگە  قولنى چىڭ تىقىپ  مۈگدەپ ئولتۇرغانلىغىنى كۆردى ، ئۇ يېقىن بىرىپ گۈلجامالنى تونىدى .
__گۈلجامال !....
__ئامان ! ..... گۈلجامال يىغلىۋەتتى ،_  قارغىنا قوللۇرۇم مۇزلاپ كەتتى . قولۇمنى ئىسسىتىپ قوي .
ئامان تۈگمىلرنى يىشىپ ، سۇغۇر جۇۋسىنى ئاچتى ، گۈلجامال ئۇنىڭ قولتۇقلىرغا قوللىرنى  تىقىپ  قۇچاقلىغىنىچە :«ئۇھ...ئەجەپ ئىسسىق»دىېدى-دە  سوغۇق يۈزلىرنى ئاماننىڭ يۈزلىرگە يېقىپ  كۆزلىرىدىكى ياشلىرى بىلەن ئىلجايغانىدى.....ئۇنداق ئىشلار كۆپ تەكرارلادى ، بىر قېتىم گۈلجامال  قەستەنلىكمۇ ياكى تاسادىپىيمۇ ، ئىش قىلىپ ئاماننى  قەھرىتان سوغۇقتا  ساقلاتتى ، كوچىلاردا قىشلىق كىيىملىرگە پۈركىنىپ  ، ئۆيلىرگە ئالدىرشىپ كېتۋاتقان كىشلەرمۇ  شالاڭلاشتى ، ئامان تۈگۈلۈپ ، ئىككى موك بوپ قالدى ، تۇيدۇرماي كەلگەن گۈلجامال  ئۇنى ئارقىدىن  قۇچاقلىۋالدى .
ئامان مېنى ساقلىدىڭما ؟....مېنىمۇ راستىنلا ؟.....ۋاي-ۋۇي قوللىرىڭ كاچكۇلغا تىققاندەك بوپ كېتىپتۇ . دومسىيۋالساڭ تېخمۇ ئوماق بوپ كېتىدىكەنسەن ، بولدى ئالايمىغنا ئەمدى ...............
گۈجامال شارپىسنى ئېلىپ  ئاماننىڭ يۈزنى يۆگىدى تىۋىت ئەستەرلىك پەلتۇسىنىڭ يالتىراق تۈگمىلىرنى  بىر -بىرلەپ يېشىپ ، ئاماننىڭ قوللىرنى قوينىغا تىقتى ...
__ قانداق ، ئىسسىقمىكەن ....نىمگە گەپ قىلمايسەن ؟  ۋىييەي توۋا ...ماۋۇنىڭ قىزرىپ كەتكىنىنى ....
ھېس - تۇيغۇلىرى  - بەدىنى ، ھوسنىگە ئوخشاشلا  بىخ ئۇرۇپ يېتلىۋاتقان بۇ قىز  گەرچە ئانانغا گەپ قىلۋاتقان بولسىمۇ  ، لېكىن باش باھارنىڭ تۇنجى يامغۇرى  مايسىلارغا جان كىرگۈزۈپ ، كۆچەت تومۇرلىرغا سۇ ماڭدۇرغاندەك ، ئاماننىڭ قوللىرى  قوينىغا كىرشى بىلەن  يۇمران ۋۇجۇدىنى  يېنىك تىترەك قاپلاپ  شېرىن ۋە لەزىز بىر ئېقىن  يۈرگىگە تارقىلىپ  ، ئۇنىڭ ھوزۇرىدىن مەس بولغانىدى .
___ساڭلا نىمە بولدى ؟.....__قىز ئاماننىڭ قوللىرىرىغا قاردى __ قوللىرىڭ تىترەۋاتىدۇ....
__بۇ....بۇ.... قولۇم توڭلىمدى ...__ ئامان ھىجايدى .
__ساراڭ .......
ئۇلار ئىككىسى بىر-بىرنىڭ مەنە بىلەن تولغان كۆزلىرىگە  قارغانچە بىردىنلا قاقالاپ كۈلدى -دە ، قاردىلا پۇمداقلىشىپ كەتتى ، ئۇلار قېلىن قاردا  خۇددى بىر ئادەمدەك  يۇملىنا - يۇملىنا ، ھىرىپ ھالدىن كېتىشتى ، ئامان بىلەن گۈلجامال كۆك ئاسمانغا قاراپ قانچىلىك  ۋاقىت يېتىشتى ، ئۆزلىرمۇ بىلمەيدۇ  ، بىر چاغلاردا گۈلجامالنىڭ  « بىر ،ئىككى . ئۈچ....» دەپ پەلەيلىك بارماقلىرنى پۈكۈپ ، ئەمدىلا چىقۋاتقان يۇلتۇزلارنى  ساناۋاتقانلىغىنى كۆرگەن ئامان  بىردىنلا ئۇنى قۇچاقلىۋالدى .....
.... ياز ئايلىرى ئاماننىڭ يۈرگىدە ئۆچمەس ئىزلارنى قالدۇرغانىىدى . ئۇلار مەھەللىسدىكى دوسلىرى بىلەن  ئېدىرلارغا چىقاتتى ، سېغىز چىقىرشاتتتى ، رەڭگارەڭ ياۋا گۈللەرنى تېرىتتى ، كىپنەكلەرنى قوغلىشاتتى ، بولۇپمۇ تەتىل ۋاقىتلىرى  دۆلەتوف ئۇنى يايالاقلارغا ئاچىقاتتتى ، قاتمۇقات كۆكۇچ تۇمان ئىچدىكى  ياپيېشىل تاغلار ، قارغاي ،قېيىن ،ئارچىلار  بىلەن قاراڭغۇلاشقان  قاپتاللار ، خىلمۇ خىل رەڭ ئالغان ياۋا مېۋلەر ...... ئۇلار ياۋا تاش ئالمىلارنى  مارجان قىلىپ  بويۇنلىرغا ئېسشاتتى .مالىنا ،قۇلۇپنىكنىڭ  قىپقىزىل سۈينى  بىر-بىرنىڭ يۈزلىرگە سۇۋشاتتى  ، تاشتىن -تاشقا سەكرەپ ئۆرۈلۈپ چۈشۋاتقان  زۇمرەت سۇلاردا ئوينىشاتتى ، مەخمەلدەك تاغ باغرىلىردا  قوغلىشىپ ،دومىلشىپ  ،قۇياشنىڭ قاچانلاردا  ئاقۋاش تاغلار چوقسىغا باش قويغانلىغىنى  سەزمەي قېلشاتتى .... بىر چاغلاردىلا  تۇرغاننىڭ قولنى كاناي قېلىپ «ئا....مان ! گۈل...جامال!....» دېگەن ئاۋازنى ئاڭلىغاندىلا  قارغايلار ئارسىدىن پىلدىرلىشىپ  يۈگۈرشۈپ كېلشەتتى .
ئامان تۇرغاننى بەكمۇ ياخشى كۆرەتتى ، ئاخشاملىرى ئۇنىڭ كىچىك ھوجۇرسىدىن چىقمايتتى . ئۇ «تۇرغان ئاكا ئاتلىرىڭنى سۇغۇرۇپ كېلەيمۇ؟..» «بۇ قىتىم ئاتلىرىڭنى مەن سۇغۇرۇپ كىلەيچۇ ؟...»دەپ پات-پاتلا  ئۇنىڭدىن سورايتتى ، تۇرغان : «ھە پاخمىۋاش تىزلىرىڭغا تامغا بىسۋالارسەن ....»دىيتتى  چۈنكى بىر قېتىم ئات ئېتىۋېتىپ  ، ئاماننىڭ تىزى يېرلىپ تارتۇق بوپ قالغانىدى  تۇرغان  دۆلەتوفتىن  تىل ئىشىتمىگەن بولسىمۇ  يەنلا ئۇنىڭغا بولەكچىلا ئامراق ئىدى ، ئۇ بىر كۈنى ئاماننىڭ قاپقارا  دولقۇنسىمان چاچلىرغا ، تۇخۇمدەك پاك چىرايغا  ،قاڭشارلىق بۇرنىغا  ، قاپقارا يۇمشاق قاشلىرغا قاراپ «ئېھ...پاخمىۋاش  سەندىكى بۇ چىراينى قىزلارغا بەرسە  نېمە..._دېدى -دە  ، ئاماننىڭ گۈلجامال تاراپ  قويغان چېچىنى  چوڭ ئالقانلىردا  چۇۋىۋىتىپ _ ماشتاق- ماشتاق تۇرغىنى تۈزۈك....»دېگەن ئىدى . ئامان : «تۇرغان ئاكا ئۆيلەنسەڭ بولمامدۇ ؟» دەپ بىر قىرتىم سورغىندا  ، تۇرغان : « ھەي.......ئۇكا سەن كىچىك  ، تېخى چۈشەنمەيسەن  ، ئەمدى ئويلەنسەم تۇرمۇشنىڭ لەززىتى بولمايدۇ ...»دېدى .
ئامان كەلگەن يىللىرى دۆلەتوف تۇرغاننى ئۆيلەپ قويۇش ئۈچۈن  لايىق تاپقانلىغىنى ئېيىتقاندا  ، تۇرغان خىلى ئۇزۇنغىچە ئۇنمىدى ، دۆلەتوف ئۇنى مەجبۇرلاۋەرگەندىن  كېيىن ، ئاخىرى مەھەللىنىڭ ئەڭ ئاخىرقىى  چېتىدىكى  قارغۇ خوتۇننىڭ يالغۇز قىزنى  ئالدىغانلىغىنى ئېيتتى ......خەيرىيەت تۇرغان ئۇ قىز بىلەن بىر ياستۇققا باش قويغان بولسىمۇ ، لېكىن ئۇ قىز تۇنجى  تۇغتىدا  ئۆلۈپ كەتتى ، شۇنىڭدىن بېرى ئۇ يالغۇز ياشاپ كېلۋاتىدۇ .....
«شۇنداق ، ئۇكا ،__ دېگەنىدى  تۇرغان شۇ چاغدا ئامانغا  ،__  تۇنجې قىتىم يۈرەككە  داغ سالغان كۆڭۈل  ېشتىسىنى ئۈزمەك تەس ...يۈرەكتىكى بۇ داغ  بۇنىڭدىن كېيىنكى كۆڭۈللەرنى سىغدۇرالمايدۇ....»
....ئاي ئورغىقى  تىك كۆتۈرلۈپ ، سوغۇق شامال ئېسسىپ ، ئاخىرقى كۈنلىرنى  ياشاۋاتقان ياپراقلارنى  ئاماننىڭ ئاغ ئاستىغا تاشلايتتى ..... مارجان ئاماننىڭ قۇچىغىدا ئۇخلاپ قالغاندەك  جىمجىت ئىدى  . قاياقلاردىندۇر  ھارۋىكەش  ناخشىسى كىلەتتى ...

كۆچ ، كۆچ دەيدۇ ، كۆچ دەيدۇ .
كۆچۈپ كۆرمىگەن ئەللەر .
ئۆز شەھرىڭگە يېتەمدۇ ،
بېرىپ كۆرمىگەن يەرلەر .

ئامان يۈزنى مارجاننىڭ بوينىغا يېقىپ يىغلىۋەتتى ، ئۇ ياش قاپلاۋاتقان كۆزلىردە  تۇرغاننىڭ ئۆينىڭ چىرغىنىڭ غۇۋا يېنىپ تۇرغانلىغىنى  كۆردى-دە ، كۆيۇشۈپ كەتكەن تىزلىرنى ئارانلا كۆتۈرۈپ ، ئۇنىڭ ئۆيگە ماڭدى .
__ كال ، ئامان  ، ئۇخلىماپسەنغۇ ؟__ گۈلجامالدىن ئەھۋالنى بىلگەن تۇرغان  ، ئاماننىڭ ياش يۇقى تۇرغان كۆزلىرگە قاراپ  قويدى -دە  ،_ دۆلەتوف  نېملەرنى دېيىشتىڭلار ؟ قېنى  سەنچە قانداق قىلماقچىسەن ؟
تۇرغاننىڭ  بۇ سۇئالنى ئىككى تاشنىڭ ئارسىدا  ئېزلىۋاتقان  ئامان ئۈچۈن  يەنە  بىر تۇگمەن تېشنى ئارتىپ قويغاندەك بولدى .
_ ھىم ، ماقۇلە _ دېدى تۇرغان سىناق نەزىرى بىلەن قاراپ ،_  قىياس قىلشىمچە گۈلجامالدىن  كېچەلمەيسەن _دە ، چۈنكى تۇنجى قېتىم يۈرگىڭگە قول سالغان گۈزەل  ھەي.... دۆلەتوف ئاكام بوش ئادەم ئەمەس ، ئەمدىلا ئونيەتتىگە قەدەم قويدۇڭ ، كىتاپلار بىلەن  بېشىڭنى  ئايلاندۇرۋەتتى ،_ دېدى . ئامان «ياق...» دېگەندەك بېشنى ئېغىتتى .
_ ئەمسە گەپنىڭ راستىنى دىسەم ، كەتمەي دېسەڭ  گۈلجامالغا  ، كېتەي دېسەك تۇغۇلغان يەرگە چىدمايسەن  ، شۇنداقمۇ !؟...
ئامان ئۇن سېلىپ  يىغلاپ تۇرغاننىڭ  بوينىغا ئېسىلدى  :
_  تۇرغان  ئاكا  ، ئويناپ كۈلۈپ چوڭ بولغان يەرلەرگە  ئاتا -ئانا  قېرىنداشلىرىمغا  ، ئەل -ئاغىنىلىرىمگە قانداقمۇ چىدايمەن !؟...
شۇنداق ، ئىنىم ، سەن ئەقكىللىق بالا  كىندىك قان تۆكۈلگەن يەردىنمۇ ئارتۇق  يەنە قانداق  مۆجىزات بولسۇن ! ئىنسان تۇغلۇشى بىلەن  كىندىك قېنى  يەرگە تۆكۈلدۇ ...  تۆكۈلگەن قان قان ئەمەس  ، ئادەمنىڭ مېھرى بولۇپ  ئۇ يەرگە سىڭدۇ ...يەرگە سىڭگەن قان بىلەن  ئادەمنىڭ مېھرى يەرگە  باغلىندۇ !.... شۇنداق ، ئىنىم  ئادەم بالسى ئەلنى ئەمەس يەرنى سېغنىدۇ !.....




داۋامى  بار.....




بۇ ئەسەرنى   رۇخسىتىمسىز  باشقا مۇنبەرگە  كۆچۈرمەڭ .  باشقىلارنىمۇ ھەم ئۆزىڭىزنىمۇ ھورمەت قىلىڭ .
[ 此贴被kunkiz在2008-10-09 16:59重新编辑 ]
تېما تەستىقلىغۇچى : yarken
تەستىقلانغان ۋاقىت : 2008-10-07, 12:00
بۇ يازمىنىڭ يېقىنقى باھالىنىش ئەھۋالى :
  • پۇل:+10(gvzal3.8) ئەجىر
  • شۆھرەت:+10(kuxbeg526) ئەجىر
  • «ئەسقەر (灰狼) بىلەن دىيارىمدا سۆھبەت» تەپسىلاتى ئېلان قىلىندى .
    ئەجەپ تىلدى يۇرەكلەرنى بۇ قىسمەت ،
    تۈن قوينىدىن كۆزلەر ھېرىپ كېلەلمەس .
    قاچان چىللار ئۇيقۇدىكى خورازلار ،
    تاڭ ئاتمىقى بوپ كەتتىغۇ ئەجەپ تەس .
    چوققا [باش يازما] ۋاقتى : 2008-10-07 07:43 PM |
    دىيارىم كىنو قانىلى
    555rikabatqi
    دەرىجىسى : كۆزگە كۆرۈنگەن ئەزا


    UID نۇمۇرى : 30086
    نادىر تېما : 0
    يازما سانى : 462
    شۆھرەت: 462 نۇمۇر
    پۇل: 654 دىيارىم تەڭگىسى
    تۆھپە: 678 نۇمۇر
    باھا: 0 نومۇر
    توردىكى ۋاقتى : 706(سائەت)
    تىزىملاتقان ۋاقىت:2008-09-16
    ئاخىرقى كىرگىنى:2008-12-16

     

    ناھايتى ياخشى ئەسەركەن ئاپتۇرغارەخمەت
    ئائىشە چاچ قارايتىش، يۇيۇش سۇيۇقلۇقى
    چوققا [1 - قەۋەت] ۋاقتى : 2008-10-07 08:16 PM |
    «ئەسقەر (灰狼) بىلەن دىيارىمدا سۆھبەت» تەپسىلاتى ئېلان قىلىندى .
    axikjan
    دەرىجىسى : تەجرىبىلىك ئەزا


    UID نۇمۇرى : 26092
    نادىر تېما : 0
    يازما سانى : 410
    شۆھرەت: 505 نۇمۇر
    پۇل: 1549 دىيارىم تەڭگىسى
    تۆھپە: 0 نۇمۇر
    باھا: 0 نومۇر
    توردىكى ۋاقتى : 178(سائەت)
    تىزىملاتقان ۋاقىت:2008-03-02
    ئاخىرقى كىرگىنى:2008-12-16

     

    رەھمەت كۈنقىز ، بۇ ئادەمنىڭ كىتاپلىرىنى بەك ياقتۇرۇپ ئۇقۇيتىم، مۇنبەردە بۇ پوۋىسىتىنى كۇرۇپ شۇنداق خۈش بولدۇم رەھمەت ، ھېرىپ قالماي يوللاڭ،          ئىچكەچ ئەمىسە
    يۇرتۇم بوۋاقلار سۈت جەۋھىرى
    چوققا [2 - قەۋەت] ۋاقتى : 2008-10-07 08:18 PM |
    بىرمۇ بىر ئىزدەش تورى
    kunkiz
    بۇ كۈنلەرمۇ ئۆتۈپ كىتىدۇ...
    ئىجاتچان ئەزا كۆزگە كۆرۈنگەن ئەزا دىيارىم باشقۇرغۇچىسى
    دەرىجىسى : باشقۇرغۇچى


    UID نۇمۇرى : 14159
    نادىر تېما : 7
    يازما سانى : 6105
    شۆھرەت: 3103 نۇمۇر
    پۇل: 98597 دىيارىم تەڭگىسى
    تۆھپە: 100 نۇمۇر
    باھا: 0 نومۇر
    توردىكى ۋاقتى : 381(سائەت)
    تىزىملاتقان ۋاقىت:2007-03-10
    ئاخىرقى كىرگىنى:2008-12-16

     

    كۆڭۈلسىز ئاق كېچلەر


    دۆلەتوفنىڭ ئازادە قورۇسىى ئەتە ئۆتكۈزلىدىغان خوشلىشى مەرىكىسگە تەييارلىق قىلۋاتقانلار بىلەن تولغان ئىدى ، ئوچاقلار كولىنىپ قويلار سويلۇپ ، سەۋزىلەر قەلەم قىلنىۋاتاتتى ، دۆلەتوفنىڭ ئايالى بۈۋىسارە خېنىم ئالدىراشچىلىق بىلەن ئىشلىرنى جاي-جايدا ئورۇنلاشتۇرۋاتاتتى كەچ بولغاندا دۆلەتوف تەييارلىقلارنى بىر قۇر كۆزدىن كەچۈرۈپ خاتىرجەم بولغاندەك بۇرتىنى سىلاپ قويدى .
    _ ئەتىكى مەركىگە قورۇ -جاينى ئالدىغان كىشمۇ كەلمەكچى ، ھە راسىت باغاقلار تارقىتىلىپ بولدىمۇ ؟ _ سوردى دۆلەتوف ئايالىدىن .
    ۋىييەي ! تېخى بۇ ئش ئېسىمدىن كۆتۈرلۈپتۇ ئەمەسمۇ ،_ دېدى بۇۋسارە پېشانىسگە ئۇرۇپ _ ئەمدى قانداق قىلارمىز ؟
    دۆلەتوف بۇۋسارەگە بىر مۇنچە تاپا - تەنە قىلغاندىن كىيىن ، ئامان بىلەن گۈلجامالنى چاقىرىپ چىقتى .
    _ قېنى باللىرىم ، بۇ كېچە ئۇخلىمساڭلا ئۇخلىماي ، باغاقلارنى تارقىتىڭلا ، ئامانللا سەن قولۇڭغا تاياق ئىلۋال ، مەھەللىنىڭ ئىتلىرى يامان ، گۇمجامال سەن قولچىراقنى ئۇنتۇما ، تېز بولۇڭلا .
    _ ئامان بىلەن گۈلجامال «مارجان»نى ئەگەشتۈرۈپ باغاقلارنى تارقىتىپ بولغاندا يېرىم كېچە بولۇپ قالغانىدى .
    كۈز ئايلىرنىڭ ئايدىڭ كېچلىرى تولمۇ گۈزەل ھەم سىرلىق بولدۇ بولۇپمۇ بۈگۈنكىدەك ئاق كېچلەر كەمدىن - كەم ئۇچرايدۇ ، قاراڭغۇ ، سالقىن كوچلاردا ئامان بىلەن گۈلجامال بەكمۇ ئاستا كېتىپ باراتتى ، ئاماننىڭ ئۇچسىدا يېڭلدا تىكتۈرۈپ بەرگەن چاقماق كۈلرەڭ كاستۇم ، ئاق شىم ، ئايغىدا ئاق شىبلىت بار ئىدى ، گۈلجامالنىڭ ھەرە چىشى ئاق ساراپىنى كېلىشكەن ئۇزۇن ،ئۇزۇن ئاق پۇتلىرغا كىيۋالغان ئاق لودىشكىسى تولمۇ ياراشقان ئىدى «مارجان» تۈكلىرنى يالتىرتىپ ئۇلارنىڭ ئالدىدا يۈگرەيتتى ، ئەركىلەيتتى .
    بۇ كېچدە گەپنىڭ ھەممىسىنى گۈلجامال دېگدەك قىلدى .
    ئاماننىڭ بولسا چىرايى غەمكىن بولۇپ ، تۇرغاننىڭ ئۇنىڭغا قىلغان سۆزلىرى قەلبىنى ئۆرتەپ كۆيدۈرەتتى ، لېكىن گۈلجامالغا چەت ئەل پايتەخىتلىرى ، بىلىم يۇرۇتلىرى ، قىرىم ساناتورېيلىرى ، كاۋكاز تاغ تۇمانلىرى ، ئىسسىق بۇلاقلار ...................توغرىسدا دادىسىدىن ئاڭلىغانلىرنىڭ ھەممىسىنى ھەۋەس بىلەن سۆزلەيتتى ......
    _ ئاھ ئامان بىز نېمدېگەن بەخىتلىك ، ئويلىسام ھەقىقى بەخىت كىتاپلاردا ئەمەس ، بىزدىلا ئىكەن ! .... ئەگەر مەن بىر يازغۇچى بولغان بولسام كىشلەرنىڭ قەلبىنى لەرزىگە سېلىپ ، ساراڭ قىلىپ قويغۇدەك ئۆلمەس ئەسەرلەرنى يازغان بولاتتىم ......
    _ شۇنداق ، ئەڭ ئاۋال مەن ساراڭ بولدىغاندەك تۇرمەن ....
    _ ھا .....ھا ......ھا ...... _ گۈلجامال كېچىكى تۈننى چاڭ كەلتۈرۈپ قاقاقلاپ كۈلدى _ مەن سېنى ساراڭ قىلىپ قويسام ، ئۆزۈم نىمە بولارمەن !_ گۈلجامال بىردىنلا قەسدمىنى توختىتىپ ئامانغا يېقىنلاشتى ،_ ئامان ،_ ئۇ بەكمۇ شېرىن ۋە ئاستا شىۋىرلىدى ، _ سەن بۈگۈن نېمانچىۋالا ھەسرەتلىكسەن ؟!....
    __ ئۇھ ، گۈلجامال ،_ ئۇ گۈلجامالنىڭ مۈرلىرنى ئەلەم بىلەن قۇچاقلىدى سەن تۇتيا بىلگەن ، بىز كۆرمىگەن ئاشۇ يات يەرلەردە بىزگە قانداق بەخىت قۇچاق ئاچار !..... سەن بىلەن بىرگە ئۆسكەن مۇشۇ ئانا تۇپراقنى سېغىنغاندا ، ھىدلىرى بۇرنىمىزغا پۇرغاندا ، يەنە قايتا كۆرگىلى بولارمۇ ؟ ...ياق ،ياق ھەتتا كۆزمىزگە سۈرۈتكىلى بىر سىقىم توپسىغا قەلەندەر بولمىز !!....
    _ ئۇلارنى ئۇنتۇ ! ...
    __ ياق ، گۈلى ، بۇ ئۇنداق ئاسان ئەمەس ۋاقتى كەلگەندە تۇپراق مۇھاببىتتى ئادەمنى ساراڭ قىلىپ ، ئەقىلدىن ئازدۇردۇ ....
    ئۇلار ئاي پېتىپ ، كۆچىلار قاراڭغۇلاشقاندا ھەر قايسىسى ئۆز ئۆيلىرگە سوغۇققىنا خوشلىشىپ كىرىپ كىتىشتى ، لىكىن ئامان كىيىملىرنىمۇ سالماي كارۋاتقا يانپاشلاندى ، ئۇنىڭ كۆزگە ئۇيقۇ كىلدىغاندەك ئەمەس ئىدى ....«كېتىش كېرەك ، ھەتتا ئۆيگىمۇ بارماسلىق كېرەك....» دەپ پىچىرلايتتى ئۇ ....

    دەپىنە قىلغان تۇنجى مۇھاببەت
    قۇشلار يات يەرلەرگە ئۇچۇپ كېتىدۇ ،
    سوغۇقنىڭ شەپىسى كەلگندە ئۇڭا .
    باھارسىز قەھرىتان قىش بولسا مەڭگۈ ،
    شۇندىمۇ يۇرتۇم سۆيۈملۈك ماڭا ...

    ناخشا ئاۋازى دەريا ئېقىنلىرغا قوشلۇپ ئۇزاق -ئۇزاقلارغا تارقالماقتا ...بېلىق تورلىرى بېسىلغان قۇلۋاقتىكى ئامان ۋە ئۇنىڭ دوسلىرى بار ئاۋازى بىلەن ناخشا ئېيتماقتا ...كۈز ئاپتىپى دەريانىڭ ئۇششاق ئۆركەشلىرنى ئەينەك پارچىلىردەك يالتىرتاتتى .
    بىردىنلا ئۇلار ئالدىدىكى يىراق قىرغاققا بىر توپ ئالا يېشىل كىيىنگەن باللارنىڭ چۇقۇرشۇپ ، قىرغاق ياقلاپ يۈگۈرۈپ كېلۋاتقانلىغىنى كۆرۈپ قېلىشتى .
    _ قارا ئامان ، دېدى ئاماننىڭ يىقىن ئاغىنىسى ھاجىئەكبەر يىراق ئېقىننى كۆرسىتىپ ،_ دەريادا قىزىل بىر نەرسە ئېقىپ كېلۋاتىدۇ ، كۆردۇڭمۇ ؟
    _ كۆردۇم قانداق قىلمىز ؟
    _ قېنى ئەمسە سەكرەمدۇق ؟ سىلەر قۇلۋاقنى قىرغاققا يانداڭلار .
    _ ئامان بىلەن ھاجىئەكبەر غۇلاچ تاشلاپ دولقۇنلارنى تېز ئۈزۈپ كېتىشتى ، قىزىل نەرسە ئاقماي ، بىر چۆكۈپ بىر چىقىپ توختاپ قالدى .
    _ ئامان ، لۆجىگە دىققەت قىل ، ئۇ لۆجىگە ئىلنىپ قالغان ئوخشايدۇ ، _ ۋاقىردى ھاجىئەكبەر ئامانغا يانداش كېلىپ .
    قىرغاق ياقلاپ كېلۋاتقانلارغا ئېنىق كۆرنىشكە باشلىدى . ئۇلار چىرايلىق ياسانغان بىر توپ قىزلار ئىدى . ئامان قىزىل نەرسىنى قولغا ئالغاندا ئۇنىڭ قىزلارنىڭ باش كىيمى ئىكەنلىگىنى بىلگەن ھاجىئەكبەر :« ۋاي ئاناڭنى » دەپ تۈكۈرۋەتتى ، ئامان ئۇششاق شېغىللىق قىرغاققا چىقتى ، قىزلارمۇ ئۇنىڭ ئالدىغا يۈگرەپ كېلىشتى ، ئامان قىزلاغا قاراپ ئورنىدا قېتىپلا قالدى !... ئۇنىڭ ئالدىدا دەريا ۋادىسنىڭ ئۈزۈلمەس سەلكىن شاماللىردا چاچلىرى توزۇپ تۇرغان گۈلجامال تۇراتتى !... ئۇنىڭ چىرايى تاترىپ كەتكەن بولۇپ ، بەرنا سېماسى يېنىك تىترەۋاتاتتى .... ئامان باشقا قىزلارنىمۇ توندى ، ئەسلىدە گۈلجامال ئائىلسى بىلەن چەت ئەلگە مىڭىش ھارپا كۈنى مەھەللىسدىكى بىللە ئۆسكەن دوسلىرى بىلەن ئەڭ ئاخىرقى خاتىرە ئۈچۈن دەريا بويغا ئوينىغىكى كەلگەن ئىدى ، ئۇلار دەريا بويلاپ ئويناپ يۈرگەندە گۈجامالنىڭ ياغلىقىنى شامال ئۇچۇرۇپ دەرياغا چۈشۈرۋەتكەن ئىدى .
    __ ئامان !....
    __........................
    ئالابالداق مايكىسى ، ئىسپوڭتچىلا كۇسىردىن سۇ ساقىپ بۈدۈر چاچلىرى قاش - قۇلاقلىرنى تەرتىپسىز يېپۋالغان ئامان ياغلىقنى گۈلجامالغا سۇندى _ دە ، قىرغاق ياقلاپ دەرياغا مېڭىپ ، دەرياغا قىڭغىيتىپ يىقىلغان قارياغاچقا ئولتۇردى ، قىزلار ئىككىسىنى يالغۇز قالدۇرۇپ توقايلىققا كىرىپ كېىشتى ، ھاجىئەكبەر ئاماننىڭ بېلىق قاسراقلىرى چاپلىشىپ ، بېلىق پۇراپ تۇرغان كىيمىنى ئەكېلىپ ، ئامانغا كۆزنى قىقسىپ قويۇپ كېتىپ قالدى .
    ئامان بىلەن گۈلجامال قېلىن ۋە ئېگىز ئوتلارنى دەسسەپ دەريانىڭ بەش تارام بولۇپ ئاقدىغان بۈك ئورمان ۋە قارىقاتلار قاپلاپ كەتكەن ئارال بويدىكى قورام تاشتا يانمۇ -يان ئولتۇرشاتتى ، ئاماننىڭ ياش يۈرگىنى تەقدىر يەنە بىر قېتىم سىناپ رەھىمسىز ئىسكەنجىلىردە قاتتىق سىقۋاتاتتى ، گۈلجامالنىڭ گۈزەل رۇخسارى سەل يادغان ، قوڭۇر چاچلىرى ھېلمۇ يۇمران بوينى ، يۇملاق مۈرلىرنى يىپىپ تۇراتتى ، چوڭ قارا كۆزلىرى مەيۇس بىر ھالەتتە يەرگە باقاتتى .
    __ بىز يەنە كۆرۈشتۇق !__ دېدى گۈلجامال سۇغا قاراپ ، بۇ توققۇز كۈن ماڭا توققۇز يىل بوپ تۇيۇلدى يۈرەكلىرىم ھەرە كۆنكىدەك بولۇپ كەتتى ...ئاھ.... ئامان باغرىمنىڭ نەقەدەر سۇنۇقلىغىنى بىلسەڭ ئىدىڭ كاشكى ، بىر ئۆمۈر داغدا قويدۇڭ...._ قىز بۇقۇلداپ يىغلىۋەتتى .
    _ ئاھ خۇدا ، ئامان دەريا قىرغاقلىرغا قاراپ ئېغىر ئۇھ ئۇردى ،_ گۈلى ميىنىڭ گۈلۈم !!.... مېنىڭ قەلبىمنى ، ئۇنىڭ پىنھان قاتلىرغا سىڭگەن گۈزەل خاتىرلەر نى ، بىز ئارزۇ قىلغان شېرىن چۈشلەرنى ، مەڭگۈ ئەستىن كۆتۈرۈلمەس ئەھدۇ -ۋاپالارنى ۋەيران قىلدۇق ، شۇنداق بىز ئىككىمىز ۋەيران قىلدۇق ....سەن كېتسەن !!... مەن ساڭا قانداق چىداي ....ئىلاجىم...... يوق !
    _ ئامان ،_ قىز بىردىنلا ئامانغا ئۆزنى تاشلاپ ئۇن سېلىپى يېغلىۋەتتى ،_ ئەمدى مەن ھاياتىمدا بىرۇنى سېنى ياخشى كۆرگەندەك ياخشى كۆرەلمەيمەن ....سەن ....سەن.... ھەممىنى....ھەممىنى...ئەكەتتىڭ .
    _ گۈلى ، گۈلجامال ، بۇ نېمە دىگەن دەھشەتلىك تەقدىر ......
    بۇ شۇم تەقدىر بىزنىڭ پېشانىمىزگە پۈتۈلگەنمۇ ؟ ئەمدى سېنى سېغىنسان گۈلگە قارايمۇ ؟! سۇ بويلىردا قالغان ئىزلىرىڭغا قارايمۇ ؟... سەندىن ماڭا باغچىدىكى شادا ئورۇندۇق قالدىمۇ ؟ ئەمدى ھەر كۈنى شۇنى يوقلايمۇ ؟ ! ....
    _ ئامان ! ئامان ! ..... گۈلجامال ئاماننىڭ بىلەكلىردىن . مۇرلىردىن سىلكىشلەيتتى ،_ مېنى غازاڭدەك قۇرۇتتۇڭ !.. گۈلدەك توزۇتتۇڭ !...ئۆچمەس چاڭقاق تەشنالىقىمنى ئەبەدى دەپىنە قىلۋەتتىڭ !.... ئەمدى مەن سېنى قۇمدىنمۇ تاپالمايمەن !...
    قۇياش دەرياغا پاتماقتا ئىدى ، شەپەقتىن قاندەك قىزارغان سۇ يالتىراپ كۆزنى چاقاتتى ، سۇغا كىرىپ كېتۋاتقان قۇياش مەركىزدە بىر قۇلۋاق دەريانى كېسىپ كېتۋاتتى .... ئارقىسىغا قايتىپ پالاق ئۇرۇپ ناخشا ئېيتىۋاتقان قىز ، قۇلۋاقنىڭ يەنە بىر ئۇچدا بېشنى باس تۈگمىلىرگە يىقىپ گارمۇن چېلۋاتقان يىگىت خۇددى قىزىل نۇر ئىلكىدە تاۋلىنىپ تۇرغان ھەيكەلدەك كۆرنەتتى ، گارمۇننىڭ مۇڭلۇق ساداسى ، قىز يۈرەكلىرنى تىترەتكەن ناخشا ئاۋازى دەرىتلىك قەلىبلەرنى كۆيلىگەندەك ھەسرەتلىك ئىدى .
    ئۆردەك كۆللەردە بولۇر ،
    لاچىن چۆللەردە بولۇر .
    ياش چېغىڭدا كىمنى سۆيسەڭ ،
    كۆڭلۈڭ شۇنىڭدا بولۇڭ .
    بىر ئۆمۈر ۋىدالىشدىغان ئىككى ياش ، ئەڭ ئاخىرقى خوشلىشىش مىنۇتلىردا كۆز ياشلىرنى ئانا دەريا ئېقىنلىرغا قوشماقتا ئىدى ، بىراق تاغ چوقلىرى سۇس نامان ئىچدە ئېرگەن بولۇپ ،شەپەق قىزارغان ئاسماندا بىنەپشە رەڭ پارچە بۇلۇتلار مۇئەللەق ئېسلىپ تۇراتتى _ گۈلجامال !
    گۈلجامال ياش بىلەن قىزارغان كۆزلىرنى لاپپىدە ئاچتى -دە ، ئارقىسدا تۇرغان دوستى ئاسىلتاشنى كۆردى .
    _ قىزلارنىڭ ھەممىسى ھارۋىغا چىقىپ بولدى ، ئۇلار ساڭا ساقلاپ قالدى تېز بارغىن _ ئاسىلتاش يۈگۈررۇپ كېتىپ قالدى .
    يۈرگى دەريا سۈيلىردەك ئىقىپ تۈگىگەن گۈلجامال ئامانغا ئۇزاق تەلمۈرۈپ قاردى .
    _ خوش ! ... ئاماننىڭ ئاۋازى بوغلۇپ كۆزنى ياش قاپلىۋالدى ...._ خوش گۈلجامال !...
    _ ئامان !.......
    پاك سەمىمى مۇھاببەت شەربىتىدە سۇغۇرۇلغان ئىككى ياش يۈرەك ، داغدا قالغان ھاياتىدا تۇنجى قېتىم كۆز ياشلىرنى ، ئاتەش تىنىقلىرنى بىر -بىرگە قوشتى ....
    ئاماندىن كۆز ئۈزۈلمىگەن گۈلجامال ئارقىچە بىر نەچچە قەدەم ئالدى ،لېكىن ئۇ «ئامان ! ...» دېدى-دە ئوت -چۆپلەرگە پۇتلىشىپ يۈگۈرۈپ كىلىپ ئۇنى قۇچاقلىۋالدى ....
    ئامان دەريا بويدا يالغۇز قالدى .... ئۇ گۈلجامالنىڭ ئوت باسقان چىغىر يوللا بىلەن گاھ ئارقىسغا قاراپ ، گاھ دەرەخ غوللىرنى قۇچاقلاپ توقايلىقلار ئارا قىزىل ياغلىقى كۆزدىن يۈتكەنگە قەدەر قاراپ تۇردى ! ئۇنىڭ قارسى غايىپ بولغاندىن كېيىن يۈرگىدە چىدغۇسىز ئاچچىق ئاغرىقنى ھېس قىلدى -دە تاش ئۈستىدە ئولتۇرۇپ يىغلىۋەتتى .....
    _ ئاھ تۇنجى مۇھاببەت تۇگدى !!!.....
    ئاردىن بىر ئاي ئۆتۈپ ، ئامان ئۈرۇمچىگە ئوقۇشقا ماڭدى .....

    داۋامى بار ....
    بۇ يازمىنىڭ يېقىنقى باھالىنىش ئەھۋالى :
  • پۇل:+10(ajrim) ئەجىر
  • MP3كۈي ناخشا - مۇزىكا تورى
    ئەجەپ تىلدى يۇرەكلەرنى بۇ قىسمەت ،
    تۈن قوينىدىن كۆزلەر ھېرىپ كېلەلمەس .
    قاچان چىللار ئۇيقۇدىكى خورازلار ،
    تاڭ ئاتمىقى بوپ كەتتىغۇ ئەجەپ تەس .
    چوققا [3 - قەۋەت] ۋاقتى : 2008-10-07 08:49 PM |
    دىيارىم كىنو قانىلى
    baxtogragh
    دەرىجىسى : تىرىشچان ئەزا


    UID نۇمۇرى : 30591
    نادىر تېما : 1
    يازما سانى : 209
    شۆھرەت: 226 نۇمۇر
    پۇل: 894 دىيارىم تەڭگىسى
    تۆھپە: 0 نۇمۇر
    باھا: 0 نومۇر
    توردىكى ۋاقتى : 155(سائەت)
    تىزىملاتقان ۋاقىت:2008-09-23
    ئاخىرقى كىرگىنى:2008-12-16

     

                  رەخمەت سىزگە كۇنقىز .....
       جالالىدىن بەھرام ئاكىمىزنىڭ پوۋىسىتلىرى ساقلاش قىممىتى يۇقرى . خەلىق ئىپتىخارلىق ئىلكىدە ئوقۇشقا تىگىشلىكتۇر . ( تولۇق توپلاملىرى 2000 سوم ئەتىراپىدا )
    يۇرتۇم بوۋاقلار سۈت جەۋھىرى
    چوققا [4 - قەۋەت] ۋاقتى : 2008-10-07 08:59 PM |
    دىيارىم كىنو قانىلى
    kunkiz
    بۇ كۈنلەرمۇ ئۆتۈپ كىتىدۇ...
    ئىجاتچان ئەزا كۆزگە كۆرۈنگەن ئەزا دىيارىم باشقۇرغۇچىسى
    دەرىجىسى : باشقۇرغۇچى


    UID نۇمۇرى : 14159
    نادىر تېما : 7
    يازما سانى : 6105
    شۆھرەت: 3103 نۇمۇر
    پۇل: 98597 دىيارىم تەڭگىسى
    تۆھپە: 100 نۇمۇر
    باھا: 0 نومۇر
    توردىكى ۋاقتى : 381(سائەت)
    تىزىملاتقان ۋاقىت:2007-03-10
    ئاخىرقى كىرگىنى:2008-12-16

     

    مەن  جالالدىن بەھرام ئەپەندىنىڭ  رومان پوۋسىتلىرنى تولمۇ ياختۇرۇپ ئوقۇيمەن  ھەم كىتاپلىرنى يىغىپ ساقلاپ قويمەن  ، <  قاچقۇن > بۇ پوۋسىتلا توپلىمدا  بىر قانچە تىما بار ئىكەن  ھەممىسى بىر -بىردىن ئىسىل يىزلىپتۇ ، قارسام كىتاپقا بۇ <قاچقۇن > دېگەن پوۋسىتىنىڭ  نامدا نەشىر قىلدۇرۇپتۇ شۇڭا بۇ  تىمسىنى تورداشلارنىڭمۇ كۆرۈپ بىقشىغا سۇندۇم .
    بىرمۇبىر ئىزدەش تورى
    ئەجەپ تىلدى يۇرەكلەرنى بۇ قىسمەت ،
    تۈن قوينىدىن كۆزلەر ھېرىپ كېلەلمەس .
    قاچان چىللار ئۇيقۇدىكى خورازلار ،
    تاڭ ئاتمىقى بوپ كەتتىغۇ ئەجەپ تەس .
    چوققا [5 - قەۋەت] ۋاقتى : 2008-10-07 09:06 PM |
    دىيارىم كىنو قانىلى
    hazritim
    دەرىجىسى : تەجرىبىلىك ئەزا


    UID نۇمۇرى : 26077
    نادىر تېما : 0
    يازما سانى : 305
    شۆھرەت: 305 نۇمۇر
    پۇل: 1095 دىيارىم تەڭگىسى
    تۆھپە: 0 نۇمۇر
    باھا: 0 نومۇر
    توردىكى ۋاقتى : 227(سائەت)
    تىزىملاتقان ۋاقىت:2008-03-02
    ئاخىرقى كىرگىنى:2008-12-10

     

    يۇرتۇم بوۋاقلار سۈت جەۋھىرى
    چوققا [6 - قەۋەت] ۋاقتى : 2008-10-07 09:18 PM |
    دىيارىم كىنو قانىلى
    yuksaki
    دەرىجىسى : ئۈمىدلىك ئەزا


    UID نۇمۇرى : 23227
    نادىر تېما : 0
    يازما سانى : 58
    شۆھرەت: 68 نۇمۇر
    پۇل: 244 دىيارىم تەڭگىسى
    تۆھپە: 2 نۇمۇر
    باھا: 0 نومۇر
    توردىكى ۋاقتى : 173(سائەت)
    تىزىملاتقان ۋاقىت:2008-01-06
    ئاخىرقى كىرگىنى:2008-12-06

     

    ياخشى ئەسەركەن، داۋامىنى قاچانمۇ كۆرەرمىز ئەمدى؟ ئاخىرى ياخشى چۈشسە بولاتتى.
    ئائىشە چاچ قارايتىش، يۇيۇش سۇيۇقلۇقى
    چوققا [7 - قەۋەت] ۋاقتى : 2008-10-07 09:25 PM |
    دىيارىم كىنو قانىلى
    tughrul
    دەرىجىسى : دىيارىم ئەزاسى


    UID نۇمۇرى : 30541
    نادىر تېما : 0
    يازما سانى : 71
    شۆھرەت: 81 نۇمۇر
    پۇل: 0 دىيارىم تەڭگىسى
    تۆھپە: 0 نۇمۇر
    باھا: 0 نومۇر
    توردىكى ۋاقتى : 105(سائەت)
    تىزىملاتقان ۋاقىت:2008-09-22
    ئاخىرقى كىرگىنى:2008-12-15

     

    بۇلىدىغان ئەسەركەن !!!!
    چوققا [8 - قەۋەت] ۋاقتى : 2008-10-07 09:31 PM |
    دىيارىم كىنو قانىلى
    arkuighur
    دەرىجىسى : تىما چولپىنى


    UID نۇمۇرى : 3010
    نادىر تېما : 0
    يازما سانى : 316
    شۆھرەت: 292 نۇمۇر
    پۇل: 943 دىيارىم تەڭگىسى
    تۆھپە: 0 نۇمۇر
    باھا: 0 نومۇر
    توردىكى ۋاقتى : 1191(سائەت)
    تىزىملاتقان ۋاقىت:2006-03-29
    ئاخىرقى كىرگىنى:2008-12-16

     

    رەھمەت....مەن بۇ تېمىنى ساقلىۋالاي كەچتە ئالدىرماي ئۇقۇيمەن~~~ئەسەرنىڭ بېشىلا ئادەمنى جەلىپ قىلدىكەن..........
    يۇرتۇم بوۋاقلار سۈت جەۋھىرى
    چوققا [9 - قەۋەت] ۋاقتى : 2008-10-07 10:23 PM |
    دىيارىم كىنو قانىلى
    hakikatkizi
    دەرىجىسى : تەجرىبىلىك ئەزا


    UID نۇمۇرى : 29001
    نادىر تېما : 0
    يازما سانى : 187
    شۆھرەت: 247 نۇمۇر
    پۇل: 203 دىيارىم تەڭگىسى
    تۆھپە: 0 نۇمۇر
    باھا: 0 نومۇر
    توردىكى ۋاقتى : 551(سائەت)
    تىزىملاتقان ۋاقىت:2008-09-06
    ئاخىرقى كىرگىنى:2008-12-16

     

    مەن رومان - پوۋېسىتلارنى ئانچە ياقتۇرۇپ ئۇقۇپ كەتمەيتىن ، ئەجەپ بۇ پوۋېستىنى قىزىقىپ ئوقۇپ كىتىمەن ، ئو ،،،،،،،،،، بۇنىڭ داۋامى چۇ ؟ تىزاق يولسىڭىز بۇلاپتىكەن كۈنقىز ، تەققەزا بۇلۇپ كەتتىم .
    ئائىشە چاچ قارايتىش، يۇيۇش سۇيۇقلۇقى
    چوققا [10 - قەۋەت] ۋاقتى : 2008-10-07 10:44 PM |
    دىيارىم كىنو قانىلى
    520530
    دەرىجىسى : ئۈمىدلىك ئەزا


    UID نۇمۇرى : 29049
    نادىر تېما : 0
    يازما سانى : 10
    شۆھرەت: 10 نۇمۇر
    پۇل: 144 دىيارىم تەڭگىسى
    تۆھپە: 0 نۇمۇر
    باھا: 0 نومۇر
    توردىكى ۋاقتى : 242(سائەت)
    تىزىملاتقان ۋاقىت:2008-09-06
    ئاخىرقى كىرگىنى:2008-12-16

     

    باش قىسمى <<لىيىغان بۇلاق>>رومانىغا ئوخشاپ كىتەمدۇ نىمە؟
    يۇرتۇم بوۋاقلار سۈت جەۋھىرى
    چوققا [11 - قەۋەت] ۋاقتى : 2008-10-07 11:50 PM |
    دىيارىم كىنو قانىلى
    520530
    دەرىجىسى : ئۈمىدلىك ئەزا


    UID نۇمۇرى : 29049
    نادىر تېما : 0
    يازما سانى : 10
    شۆھرەت: 10 نۇمۇر
    پۇل: 144 دىيارىم تەڭگىسى
    تۆھپە: 0 نۇمۇر
    باھا: 0 نومۇر
    توردىكى ۋاقتى : 242(سائەت)
    تىزىملاتقان ۋاقىت:2008-09-06
    ئاخىرقى كىرگىنى:2008-12-16

     

    يەنى گۈلجامال بىلەن ئاماننىڭ بالىلىق چاغلىرى
    چوققا [12 - قەۋەت] ۋاقتى : 2008-10-07 11:52 PM |
    دىيارىم كىنو قانىلى
    zulhuma
    دەرىجىسى : تىرىشچان ئەزا


    UID نۇمۇرى : 29143
    نادىر تېما : 0
    يازما سانى : 176
    شۆھرەت: 206 نۇمۇر
    پۇل: 803 دىيارىم تەڭگىسى
    تۆھپە: 0 نۇمۇر
    باھا: 0 نومۇر
    توردىكى ۋاقتى : 192(سائەت)
    تىزىملاتقان ۋاقىت:2008-09-06
    ئاخىرقى كىرگىنى:2008-12-16

     Re:قاچقۇن  (پوۋېىست ) « جالالدىن بەھرام »

    ئەجرىڭىزگە رەھمەت كۈنقىز . مەن جالالىدىن بەھرامنىڭ ئەسەرلىرنى ئەڭ ياقتۇرۇپ ئوقۇيمەن ھەم بارلىق كىتاپلىرنى يىغىپ ساقلاۋاتىمەن . بۇ پوۋىستنىمۇ قايتىلاپ ئوقىغان ئىدىم ، يەنە بۇ مۇنبەردە كۆرۈپ بەك خوشال بولدۇم ، بىزنى مۇشۇنداق ياخشى ئەسەر بىلەن يۈز كۆرۈشتۈرگەنلىكىڭىزدىن تولىمۇ مىننەتدار بولدۇم . داۋامىنى تىزرەك يوللىغايسىز .
    ئائىشە چاچ قارايتىش، يۇيۇش سۇيۇقلۇقى
    چوققا [13 - قەۋەت] ۋاقتى : 2008-10-07 11:59 PM |
    دىيارىم كىنو قانىلى
    kunkiz
    بۇ كۈنلەرمۇ ئۆتۈپ كىتىدۇ...
    ئىجاتچان ئەزا كۆزگە كۆرۈنگەن ئەزا دىيارىم باشقۇرغۇچىسى
    دەرىجىسى : باشقۇرغۇچى


    UID نۇمۇرى : 14159
    نادىر تېما : 7
    يازما سانى : 6105
    شۆھرەت: 3103 نۇمۇر
    پۇل: 98597 دىيارىم تەڭگىسى
    تۆھپە: 100 نۇمۇر
    باھا: 0 نومۇر
    توردىكى ۋاقتى : 381(سائەت)
    تىزىملاتقان ۋاقىت:2007-03-10
    ئاخىرقى كىرگىنى:2008-12-16

     

    كۈندە  ئەسەرنىڭ بىر  بۆلۈك قىسمىنى چوقۇم تورداشلار بىلەن دىدارلاشتۇرمەن .  ياختۇرغىنىڭلارغا كۆپ رەخمەت .
    ئەجەپ تىلدى يۇرەكلەرنى بۇ قىسمەت ،
    تۈن قوينىدىن كۆزلەر ھېرىپ كېلەلمەس .
    قاچان چىللار ئۇيقۇدىكى خورازلار ،
    تاڭ ئاتمىقى بوپ كەتتىغۇ ئەجەپ تەس .
    چوققا [14 - قەۋەت] ۋاقتى : 2008-10-08 01:42 AM |
    كۆرۈلگەن تېما خاتىرىسى كۆرۈلگەن سەھىپە خاتىرىسى
    « 1 2345» Pages: ( 1/5 total )
    دىيارىم مۇنبىرى » ﻧﻪﺳﯩﺮﻯ ﺋﻪﺳﻪﺭﻟﻪﺭ

     يېڭى يازما بار سەھىپە يېڭى يازمىلىق سەھىپە  نۇرمال زىيارەت قىلىغىلى بولىدىغان سەھىپە ئادەتتىكى سەھىپە  تاقاق سەھىپە مەخپىي سەھىپە  


    ﺋﻪﺳﻜﻪﺭﺗﯩﺶ : ﺗﻮﺭ ﺑﯧﻜﯩﺘﯩﻤﯩﺰﺩﻩ ﯞﻩﻣﯘﻧﺒﯩﺮﯨﻤﯩﺰﺩﻩ ﺩﯙﻟﻪﺗﻨﯩﯔ ﺗﯜﺭﻟﯜﻙ ﻗﺎﻧﯘﻥ - ﺳﯩﻴﺎﺳﻪﺕ ﭘﻪﺭﻣﺎﻧﻠﯩﺮﯨﻐﺎ ﺧﯩﻼﭖ ﻣﺎﻗﺎﻟﯩﻠﻪﺭ ﯞﻩ ﻳﻮﻟﻼﻧﻤﯩﻼﺭﻧﻰ ، ﺳﯜﺭﻩﺗﻠﻪﺭﻧﻰ ﻳﻮﻟﻼﺷﻘﺎ ﺑﻮﻟﻤﺎﻳﺪﯗ.
    ﺑﯚﻟﮕﯜﻧﭽﯩﻠﯩﻚ ، ﻗﯘﺗﺮﺍﺗﻘﯘﻟﯘﻕ ﺧﺎﺭﺍﻛﺘﺮﯨﺪﯨﻜﻰ ﻣﺎﻗﺎﻟﯩﻠﻪﺭﻧﻰ ﻳﻮﻟﻠﯩﻐﺎﻥ ﺋﺎﭘﺘﻮﺭﻻﺭ ﺋﺎﻗﯩﯟﯨﺘﯩﮕﻪ ﺋﯚﺯﻯ ﻣﻪﺳﺌﯘﻝ ﺑﻮﻟﯩﺪﯗ . ﺗﻮﺭ ﭘﻮﻧﻜﯩﺘﯩﻤﯩﺰ ﮬﯧﭽﻘﺎﻧﺪﺍﻕ ﻣﻪﺳﺌﯘﻟﯩﻴﻪﺗﻨﻰ ﺋﯜﺳﺘﯩﮕﻪ ﺋﺎﻟﻤﺎﻳﺪﯗ . ﺋﯚﺯ ﺗﻮﺭ ﻣﻪﺩﻩﻧﯩﻴﺘﯩﻤﯩﺰﻧﯩﯔ ﺳﺎﻏﻼﻡ ﺗﻪﺭﻩﻗﻘﯩﻲ ﻗﯩﻠﯩﺸﻰ ﯞﻩ ﺗﻮﺳﺎﻟﻐﯘﺳﯩﺰ ﺋﯩﻠﮕﯩﺮﻟﯩﺸﻰ ﺋﯜﭼﯜﻥ ﺑﯘ ﻣﯘﻧﺒﻪﺭﻧﻰ ﺋﯚﺯ ﻛﯚﺯ ﻗﺎﺭﭼﯘﻗﯩﯖﯩﺰﺩﻩﻙ ﺋﺎﺳﺮﯨﺸﯩﯖﯩﺰﻧﻰﺋﯜﻣﯩﺪ ﻗﯩﻠﯩﻤﯩﺰ.
    ﻛﯧﻴﯩﻨﻜﻰ ﭘﯘﺷﺎﻳﻤﺎﻥ ، ﺋﯚﺯﯛﯕﮕﻪ ﺩﯛﺷﻤﻪﻥ . ﻣﯩﻠﻠﻪﺗﻨﻰﺳﯚﻳﮕﯜﭼﯩﻠﻪﺭ ﺋﯚﺯ ﻧﻪﺭﺳﯩﺴﯩﻨﻰ ﻗﻪﺩﯨﺮﻟﻪﻳﺪﯗ .

    باشقۇرغۇچى بىلەن بىۋاستە پاراڭ قىلىش


    Total 0.113688(s) query 8, ھازىرقى ۋاقىت : 12-17 10:45
    Powered by PHPWind v6.3.2 Certificate Beta 2 Code © 2008-07 Uypw.cn Corporation

            

    增值电信业务经营许可证B2-20070030号