ھېلارىنىڭ سايلامغا تەسىر كۆرسەتكۈدەك ئەمەلىي كۈچى بار ئىكەن
شىنخۇا ئاگېنتلىقى ، بېرلىن ، 4- ئىيۇن تېلېگراممىسى : گېرمانىيىدىكى « ئەينەك گېزىتى» بۈگۈن ئېلان قىلغان خەۋەردە مۇنداق دېيىلدى : ئوباما تۈنۈگۈن ئامېرىكا دېموكراتلار پارتىيىسىنىڭ زۇڭتۈڭ نامزاتلىقىنى تالىشىش سايلىمىدا غەلىبە قىلغانلىقىنى جاكارلىدى ، ئەمما ئۇ نويابىردىكى زۇڭتۈڭ سايلىمىدا ماك كايېننى يەڭمەكچى بولىدىكەن ، ئۇنداقتا چوقۇم ھېلارىنىڭ قوللىشىغا ئېرىشىشى كېرەك . چۈنكى ئۇ ئۆزىگە تايانسا ، مەيدانى تۇراقسىز سايلىغۇچىلارنىڭ قوللىشىغا ئېرىشەلمەيدۇ ، ئۇلار ھېلارىنى ياخشى كۆرىدۇ . دېمەك ، ھېلارىنىڭ ھېلىمۇ سايلام نەتىجىسىنى ئۇيان - بۇيان قىلغۇدەك ئەمەلىي كۈچى بار .
ھېلارى ئوباماغا « ھەمراھ بولۇش » نى خالايدىغانلىقىدىن بېشارەت بەردى
شىنخۇا ئاگېنتلىقى ، ۋاشىنگتون ، 4- ئىيۇن تېلېگراممىسى : ئامېرىكا سىملىق تېلېۋىزىيە ئاخبارات تورى بۈگۈن ئېلان قىلغان خەۋەردە مۇنداق دېيىلدى : دېموكراتلار پارتىيىسنىڭ زۇڭتۈڭ نامزاتى ئاخىرى بارلىققا كەلدى ، دەسلەپكى سايلامدا ئۇتتۇرغان ھېلارى ئاخشام مۇنداق دېدى : ھەر قانداق بەدەل تۆلەشتىن قەتئىينەزەر ، ئاقسارايغا دېموكراتلار پارتىيىسنىڭ نامزاتى كىرگۈزۈشكە تىرىشىمەن .
خەۋەردە يەنە مۇنداق دېيىلدى : ھېلارىنىڭ بۇ سۆزى بىزگە مۇنداق ئۇچۇر بەردى ، ئۇ ئوباماغا ھەمراھ بولۇپ ، ئاقسارايغا كىرىش رىقابىتىدە ئۇتۇشنى خالايدۇ .
كەرىم :ئادەم سودىسى ئىنسانىيەتكە قارشى جىنايەت ، دېدى
شىنخۇا ئاگېنتلىقى ، ب د ت ، 4- ئىيۇن تېلېگراممىسى : تېلېگراممىسى : تۈنۈگۈن ئېچىلغان 62 - نۆۋەتلىك ب د ت قۇرۇلتىيىنىڭ رەئىسى كەرىم مۇنداق دېدى : ئادەم سودىسى ئىنسانىيەتكە قارشى جىنايەت ئاتلانتىك ئوكياندىن ھالقىغان قۇل سودىسىنىڭ ئاياغلاشقىنىغا 200- يىل ،« دۇنيا ئىنسانىي ھوقۇقى خىتابنامىسى » ئېلان قىلىنغانغا 60 يىل بولغان بولىسمۇ ، لېكىن ئادەم بىدىكلىرى يەنىلا ئىنسانىيەتنىڭ بىخەتەرلىكىگە ئېغىر تەھدىت پەيدا قىلىۋاتىدۇ . بۇ تەھدىتنى يوقىتىمىز دەيدىكەنمىز ، خەلقئارا جەمئىيەت ئورتاق تىرىشچانلىق كۆرسىتىشى كېرەك .
خەۋەردە مۇنداق دېيىلدى : ھازىر دۇنيادا ئادەم بىدىكلىرىنىڭ زىيانكەشلىكىگە ئۇچرىغان 2 مىليون 500 مىڭ ئادەم بار ، ئۇلارنىڭ كۆپىنچىسى ئايللار ۋە بالىلار .
روكۋېن : ئىراق ئۇرۇشى يالغانچىلىقىنىڭ نەتىجىسى ، دېدى
شىنخۇا ئاگېنتلىقى ، كانبېررا ، 4- ئىيۇن تېلېگراممىسى : ئاۋسترالىينىڭ زۇڭلىسى روكۋېن ئالدىنقى كۈنى ئامېرىكا قوزغىغان ئىراق ئۇرۇشىنى قاتتىق سۆزلەر ئۇرۇشى يالغانچىلىقنىڭ نەتىجىسى ، سابىق زۇڭلى خۇۋارد ئۇرۇشىنىڭ ئاقىۋىتىگە ئومۇميۈزلۈك توغرا باھا بەرمەيلا ، بۇرمىلانغان ئاخباراتقا ئىشىنىپ ئامېرىكىغا ئەگەشكەن .
روكۋېنىدىن بۇرۇن ۋەزىپە ئۆتىگەن خۇۋارد « سادامنىڭ قىرغىنچىلىقى زور قوراللىرى بار » دېگەن ئاخباراتنى ئاساس قىلىپ ، ئىراق ئۇرۇشىىغا قاتناشقانىدى . روكۋېن مۇنداق دېدى : ئەينى چاغدا مەن رەھبەرلىك قىلىۋاتقان قاتنىشىش باھانىسىگە قارشى تۇرغان ، بىز ھېلىمۇ بۇ باھانىنى رەت قىلىمىز .
ئەرەب رەقىمىنى ھىندسىتانلىقلار ئىجاد قىلغانمۇ ؟
شىنخۇا ئاگېنتلىقى ، رىياد ، 4- ئىيۇن تېلېگراممىسى : ئەرەب ئەللىرىگە بېرىپ باققام ھەر قانداق ئادەم ئەرەبلەرنىڭ ئەرەب رەقىمىنى ئىشلەتمەي ، ئۆزگىچە رەقەملىك يېزىق ۋە ھېسابلاش ئۇسۇلىنى قوللىنىۋاتقانلىقىدىن ھەيران قالىدۇ . بىر ئەرەب ئالىم بۈگۈن كىشىلەردىكى بۇ خىل ھەيرانلىققا چۈشەنچە بېرىپ مۇنداق دېدى :« 0» دىن باشلاپ توققۇزغىچە بولغان 10 رەقەمنى ھىندىستانلىقلار ئىجاد قىلغان ، بۇ رەقەم مىلادى 760 - يىللىرى ئەرەب ئىمپېرىيىسنىڭ پايتەختى باغدادقا تارقالغان .
ھىندىستاندا ئاياللار تۆمۈر يولنى قامال قىلىۋالدى
شىنخۇا ئاگېنتلىقى ، يېڭى دېھلى ، 4- ئىيۇن تېلېگراممىسى: ھىندىستاندىكى ئاخبارات ۋاستىلىرى تۈنۈگۈن ئېلان قىلغان خەۋەردە مۇنداق دېيىلدى : راجەستان شتاتىدىكى چۇجېرو مىللىتىدىن بولغان 10 مىڭچە ئايال پايتەخت يېڭى دېھلىدىن جەيپۇرغا بارىدىغان تۆمۈر يولنى قامال قىلىۋالغاچقا ، 40 مىڭدىن ئارتۇق يولۇچى يولدىن قالدى .
خەۋەردە مۇنداق دېيىلدى : چۇجېرولار چارۋىچىلىق بىلەن كۈن كەچۈردىغان مىللەت ، ھىندىستاننىڭ شىمالىي ۋە غەرىبدىكى شتاتلارغا تارقالغان . ئۇلار مايدا راجەستاندا نامايىش قىلىپ ، سالاھىيىتى ۋە ئورنىنى يۇقىرى كۆتۈرۈشنى تەلەپ قىلغاندا ، ھۆكۈمەت رەت قىلغانىدى . 1- ئىيۇن چۇجېرولار يېڭى دېھلىغا بارىدىغان تاشيولنى قامال قىلىۋالدى ھەمدە ساقچىلار بىلەن توقۇنۇشتى ، توقۇنۇشتا 40 نەچچە ئادەم ئۆلدى .
شاخۇيابو : روسىيە تۆمۈر يول قىسمىنى ئابغازىيىدىن چېكىندۈرۈشى كېرەك ، دېدى
شىنخۇا ئاگېنتلىقى ، بريۇسسېل ، 4- ئىيۇن تېلېگراممىسى : ش ئا ئەت ت نىڭ باش كاتىپى شاخۇيابو بۈگۈن مۇنداق دېدى : روسىيە ئابغازىيىدىكى تۆمۈر يول قىسمىنى دەرھال چېكىندۈرۈشى ، گرۇزىيە بىلەن سۆھبەتلىشىپ جىددىي ۋەزىيەتنى پەسەيتىشى كېرەك . روسىيىنىڭ بۇ ھەرىكىتى گرۇزىيىنىڭ ئىگىلىك ھوقۇقى ۋە زېمىن پۈتۈنلۈكىگە بۇزغۇنچىلىق قىلغانلىق ، ش ئا ئە ت گرۇزىيىنى قەتئىي قوللايدۇ .
شاخۇيابو يەنە مۇنداق دېدى : روسىيىنىڭ تۆمۈر يول قىسمىنى ئابغازىيىگە ئەۋەتىشىدە ھېچقانداق قانۇنىي ئاساس يوق ، ھەتتا مۇستەقىل دۆلەتلەر بىرلەشمە گەۋدىسىگە ئەزا ئەللەرنىڭ تىنچلىق ساقلاش رامكىسىغىمۇ ئۇيغۇن كەلمەيدۇ .
ئەل شەيخ : ئامېرىكا ئارمىيىسنىڭ ئىراقتا مەڭگۈ تۇرۇش تەلىپىنى رەت قىلدۇق ، دېدى
شىنخۇا ئاگېنتلىقى ، تېھران ، 4- ئىيۇن تېلېگراممىسى : ئىراقنىڭ ئىراندىكى باش ئەلچىسى ئەل شەيخ تۈنۈگۈن مۇنداق دېدى : چەت ئەل ئارمىيىسىنىڭ ئىراقتا مەڭگۈ تۇرۇپ قېلىشى مۇمكىن ئەمەس ، چۈنكى ئىراق بۇنىڭغا قەتئىي قوشۇلمايدۇ .
ئەل شەيخ يەنە مۇنداق دېدى : ئىراق بىلەن ئامېرىكىنىڭ مەڭگۈلۇك مۇناسىۋەت سۆھبىتىدە ئېغىر ئىختىلاپ پەيدا بولدى . بولۇپمۇ ئامېرىكا ئارمىيىسىنىڭ كەلگۈسىدە ئىراقتا قانداق ئورۇن تۇتىدىغانلىقى ھەققىدە پىكىر ئىختىلاپى كۈچلۈك بولدى . ئىراق ئىگىلىك ھوقۇقىغا زىيان سالىدىغان ھەر قانداق تەلەپنى قوبول قىلمايدۇ .
كاپاشېن : روسىيە 10 نەچچە مىڭ توننا خىمىيىلىك قورالنى كۆيدۈرۈپ بولدى ، دېدى
شىنخۇا ئاگېنتلىقى ، موسكۋا ، 4- ئىيۇن تېلېگراممىسى : روسىيە خىمىيىلىك قوراللارنى ساقلاش ۋە كۆيدۈرۈش ئىدارىسىنىڭ باشلىقى ۋالېرى كاپاشېن تۈنۈگۈن مۇنداق دېدى : روسىيە خەلقئارالىق مەجبۇرىيەت رامكىسى ئىچىدە قولىدىكى 40 مىڭ توننا خىمىيىلىك قورالنىڭ 10 نەچچە مىڭ توننىسىنى كۆيدۈرۈپ بولدى .
كاپاشېن يەنە مۇنداق دېدى : 1997- يىلى نويابىردا روسىيە خەلقئارا خىمىيىلىك قوراللارنى داۋاملىق ياسىماسلىق ۋە ئىشلەتمەسلىك ئەھدىنامىسىنى تەستىقلىغاندىن كېيىن ، 2012- يىلىغىچە قولىدىكى 40 مىڭ توننا خىمىيىلىك قورالنى تولۇق كۆيدۈرۈپ بولۇشنى قارار قىلغان .
مەنبە :ئۈرۈمچى كەچلىك 5- ئىيۇن گېزىتى