بىلىم ھەققىدە(مۇخەممەس)

بىلىم بىلسەڭ ئىنسان ئۇچۇن پۇتمەس سائادەتتۇر،
بىلىم ئۇ سىرلار ئاچار تۇگىمەس كارامەتتۇر،
بىلىم ئىنسان ئۇچۇن تەڭرىم قىلغان شاپائەتتۇر،
بىلىم دۇنيا ئۇچۇن ھەقىقەتكە دالالەتتۇر،
بىلىم كىمدە بولسا بۈيۈكلۈككە كاپالەتتۇر.

بىلىمنى كىم يار تۇتسا، ئۇ قالماس ھىچ نادان،
بىلىم ۋەجى بارچە سىرلار بولغاي ئاڭا ئايان،
بىلىملىك خار بولماس يۇرت كېزىپ بارسا قايان،
بىلىملىك ئىلكىدە بۇلۇر ئەسلى پۈتۈن جاھان،
بىلىمسىز يۇرمەك ئىنسان ئۈچۈن زور ھاقارەتتۇر.

بىلىمسىزنىڭ ھالى خاراپ بىلگىن بۇ ئالەمدە،
بىلىمسىز مەشھۇر بولغان ئەمەس ھىچ زامانەمدە،
بىلىمسىز دائىم قالۇر ئۇيقۇ كەبى غەپلەتتە،
بىلىمسىز نامسىز قالۇر ئىشلىسىمۇ غەيرەتتە،
بىلىم ئىككى ئالەمدە ئەڭ ئېسىل تاپاۋەتتۇر.

بىلىمنى سۆي،بىلىمگە ئاشىق بىقارار بولغىن،
شاھلىق بىر تىيىن،بىلىمدىنلا سەلتەنەت قۇرغىن،
بىلىم بىلەن ۋەتەن قوينىنى لالەزار قىلغىن،
ئالىم بولۇپ خەلقىڭ قەلبىدە ياتلىنىپ تۇرغىن،
پەرىز بىلىم ئالماق،ھەق پەرمانى ئامانەتتۇر.

مەنبە:پىداكار

ياخشى يېزىلغان مۇخەممەس ئىكەن.

ياخشى يېزىپسىز .رەخمەت

ياخشى يېزىلغان شېئىركەن .ھوشۇر قارىنىڭ ئورۇنلىشىدىكى بىلىم ئىشقىدا دىگەن ناخشا يادىمغا كىلىپ قالدى .

بىلىمنى سۆي،بىلىمگە ئاشىق بىقارار بولغىن،
شاھلىق بىر تىيىن،بىلىمدىنلا سەلتەنەت قۇرغىن،
بىلىم بىلەن ۋەتەن قوينىنى لالەزار قىلغىن،
ئالىم بولۇپ خەلقىڭ قەلبىدە ياتلىنىپ تۇرغىن،
پەرىز بىلىم ئالماق،ھەق پەرمانى ئامانەتتۇر.
*******************************************
بەك ياخشى يېزىلىپتۇ.