ئەي پەرى،ۋەسلىڭنى دەپ،شاتلىقتىن بىدارى مەن،
شۇ ۋەسلىڭ بولماي نەسىپ،بۇ جاندىن بىزارى مەن.
بىر كۆرۇپ كۆيدۇم ساڭا،ئىككى كۆرۇپ ئوت ئالدىم،
شۇ ئوتۇڭ ھالەك قىلغان،ئوت پەرەز پەرۋانى مەن.
مېنى دەرتكە مۇپتىلا قىلغان سېنىڭ شۇ ئىشقىڭ،
ئىشقىڭنىڭ دىشۋارىدىن ئازاپتا غەمخانى مەن.
بۇ بىتاپ يۈرۈگۈمگە شۇ ۋەسلىڭ داۋاسىدۇر،
ئىشقىڭدا قان-قان يىغلاپ ئاشىقىڭ بىمارى مەن.
ئاشىق تەلىپى كۈندە مەشۇق يۈزىنى بىر كۆرۈش،
كۆرەلمەي گۈل يۈزۈڭنى رۇخسارىڭ خۇمارى مەن.
سۆيگۈگە نائىل كىشى ئۈلۈمنى ھىچ ئويلىماس،
گەر كېرەك بولسا بۇ جانىم يولۇڭدا پىدائى مەن.
قىينىسىمۇ ھىجران، ۋىسال ئۈمۈدى خۇش ئېتەر،
شۇ ھىجران پايخان قىلغان مىسكىنىڭ بىچارى مەن.
ئەي پەرى،ۋەسلىڭ ئۈچۈن سەن بەرگىنە بىر ئىمكان،
ۋەسلىڭگە يەتمەك بولۇپ، شاتلىقتىن بىدارى مەن.
مەنبە:(پىداكار)
[ pidakar123 تەرپىدىن 2008-06-05 11:06 قايتا تەھرىرل ]
يېڭى يازمىلىق سەھىپە 
ئادەتتىكى سەھىپە 
مەخپىي سەھىپە 