ئۆز مۇخبىرىمىز تاھىرجان ھامۇت خەۋىرى ، فوتوسى : 4–ئىيۇن ، ‹‹تۇنجى نۆۋەتلىك شىنجاڭ خەلقئارا مىللىي ئۇسسۇل بايرىمى›› ئاخبارات ئېلان قىلىش يىغىنى ئۈرۈمچى ئاخبارات سارىيىدا ئۆتكۈزۈلدى . يىغىنغا شىنجاڭ ئۇيغۇر ئاپتونوم رايونىنىڭ مۇئاۋىن رەئىسى ، ‹‹تۇنجى نۆۋەتلىك شىنجاڭ خەلقئارا مىللىي ئۇسسۇل بايرىمى›› تەشكىلىي ھەيئىتىنىڭ مۇئاۋىن باشلىقى تىلىۋالدى ئابدۇرېشىت ، ئاپتونوم رايونلۇق مەدەنىيەت نازارىتى پارتگۇرۇپپىسىنىڭ شۇجىسى خەن زىيوڭلار قاتناشتى ، ئاپتونوم رايونلۇق پارتكوم تەشۋىقات بۆلۈمىنىڭ مۇئاۋىن باشلىقى ۋاڭ شياۋپىڭ يىغىنغا رىياسەتچىلىك قىلدى .







يىغىندا ، ئاپتونوم رايونىنىڭ مۇئاۋىن رەئىسى ، ‹‹تۇنجى نۆۋەتلىك شىنجاڭ خەلقئارا مىللىي ئۇسسۇل بايرىمى›› تەشكىلىي ھەيئىتىنىڭ مۇئاۋىن مەسئۇلى تىلىۋالدى ئابدۇرېشىت مۇھىم سۆز قىلدى . ئاپتونوم رايونلۇق مەدەنىيەت نازارىتى پارتگۇرۇپپىسىنىڭ شۇجىسى خەن زىيوڭ ئاپتونوم رايون ئىچى سىرتىدىكى ئاخبارات ۋاستىلىرىدىن كەلگەن مۇخبىرلارنىڭ سۇئاللىرىغا جاۋاب بەردى .








‹‹تۇنجى نۆۋەتلىك شىنجاڭ خەلقئارا مىللىي ئۇسسۇل بايرىمى››— گوۋۇيۈەن تەستىقلىغان ، مەدەنىيەت مىنىستىرلىكى ، گوۋۇيۈەن ئاخبارات ئىشخانىسى ۋە شىنجاڭ ئۇيغۇر ئاپتونوم رايونلۇق خەلق ھۆكۈمىتى قاتارلىق ئورۇنلار بىرلىكتە ئويۇشتۇرغان بولۇپ ،دۆلەت دەرىجىلىك خەلقئارا تاشقى مەدەنىيەت – سەنئەت ئالماشتۇرۇش سورۇنى . بۇ قېتىملىق ئۇسسۇل بايرىمىغا روسىيە ، مىسىر ، تۈركىيە ، ئېفىئوپىيە ، گرېتسىيە ، مېكسىكا قاتارلىق 9 دۆلەت ۋە رايوندىن كەلگەن دۆلەت دەرىجىلىك داڭلىق ئۇسسۇل ئۆمەكلىرى ۋەدۆلەت ئىچىدىكى يوقىرى سەۋىيىلىك ئۇسسۇل ئۆمەكلىرى قاتنىشىدۇ .
‹‹تۇنجى نۆۋەتلىك شىنجاڭ خەلقئارا مىللىي ئۇسسۇل بايرىمى›› نىڭ باشلىنىش مۇراسىمى —‹‹تەڭرىتاغدا ئۇسسۇل ›› 8–ئىيۇن شىنجاڭ تەنتەربىيە مەركىزى ئۆي ئىچى زالىدا ئۆتكۈزۈلىدۇ . بۇ پائالىيەت 9–ئىيۇندىن17–ئىيۇنغىچە داۋاملىشىدىغان بولۇپ ، بايرام جەريانىدا شىنجاڭ خەلق سارىيى ، خەلق تىياتېرخانىسى قاتارلىق 10ئورۇندا جەمئىي 45 مەيدان ئويۇن قويۇلىدىكەن . شىنجاڭ ساھىبخانا بولۇش سۈپىتى بىلەن ، ‹‹قۇياش نۇرىغا چۆمۈلگەن شىنجاڭ ›› ، ‹‹مۇقام باھارى›› ، ‹‹مۇز تاغدىن كەلگەن مېھمان›› قاتارلىق ئۈچ چوڭ تىپتىكى سەنئەت نومۇرلىرىدىن سىرت يەنە شىنجاڭ ئەل ئىچى سەنئەتكارلىرى ئورۇندىغان ‹‹غەربىي دىيار ناخشىسى›› تاماشىبىنلار بىلەن يۈز كۆرۈشىدىكەن .
18–ئىيۇن ،بۇ قېتىملىق بايرامىنىڭ يېپىلىش مۇراسىمى ئۆتكۈزۈلىدىكەن .

ياخشى خەۋەركەن!