ئۈگەنگىن
<باۋۇدۇن نىياز>
بىلمىگەننى سەن ئوغلۇم بىلەي دىسەڭ ئۈگۈنگىن،
كائىناتنىڭ سىرىنى يېشەي دىسەڭ ئۈگەنگىن.
ماڭدى خەلقىم سەپەرگە،يېتىش ئۈچۈن زەپەرگە،
دۇلدۇلىغا سەپەرنىڭ مىنەي دىسەڭ ئۈگەنگىن.
ياشلىغىڭنى بىر مىنۇت،ئۆتكۈزمىگىن بىھۇدە،
مەرىپەتنىڭ كانىغا كىرەي دىسەڭ ئۈگەنگىن.
سۇ باشلىغىن چۆللەرگە،قانسۇن سېنىڭ ئەجرىڭدە،
تەكەببۇرنىڭ تاغ بېشىنى ئېگەي دىسەڭ ئۈگەنگىن.
ۋەتەن شۇنچە قەدىرلىك چۈشەن ئوغلۇم جېنىڭدىن،
دۈشمىنىنى خەلقنىڭ يېڭەي دىسەڭ ئۈگەنگىن.
يۈرۈگىڭنى تىڭشىسام،يۈكسەك ئىكەن تىلىگىڭ،
سەن شۇ مەخسەت-تىلەككە يېتەي دىسەڭ ئۈگەنگىن.
بارلىغىڭنى بېغىشلاپ ۋەتەم ئۈچۈن،ئەل ئۈچۈن،
ئۆچمەس تۆھپە قالدۇرۇپ كېتەي دىسەڭ ئۈگەنگىن.
بېرىلمەستىن چاكىنا،ئەيش-ئىشرەت،ھەۋەسكە،
”خەلقىم ماڭا ئاپىرىن دىگەي“دىسەڭ ئۈگەنگىن.
---«تارىم»ژورنىلى1981-يىللىق1-سانىدىن.
يېڭى يازمىلىق سەھىپە 
ئادەتتىكى سەھىپە 
مەخپىي سەھىپە 