تېخىمۇ كۆپ كىشلەرنى خەۋەردار بولۇشىنى كۆزدە تۇتۇپ مەزكۇر تىما 6 كۈن نادىرلاندى

ئەۋلات بەختىگە سۇنۇلدى سېىخي قوللار،
《ئىخلاس》 بىلەن ياشاردى سەبىي دىللار.

بىر مىليۇن يۈەندىن ئارتۇق مەبلەغ سېلىنغان قەشقەر، خوتەندىكى 《ئىخلاس باشىلانغۇچ مەكتىپى》 پۈتۈپ رەسمىي ئوقۇش باشلاندى.

<1>

15-ماي ئابتۇبۇس تەكلىماكاننڭ ئوتتۇرىسىدىكى يىلانباغرى قۇملۇق تاشيولىدا خوتەن شەھرىگە قاراپ ئىلگىرىلىمەكتە ،باتۇرلۇق، چىدامچانلىققا تەققاس توغراقلار ياشىرىپ، مەزمۇت قەد كۆتۈرۈپ تۇراتتى، شۇنداقلا قۇرىغان، يېقىلغان قاقشال توغراقلارمۇ كۆزگە تاشلىنىپ تۇراتتى. بىپايان قۇملۇقنىڭ جەنۇبىي چىتىدە مەرۋايىتتەك جۇلالىنىپ تۇرغان خوتەن دىيارى تالاي يىللاردىن بېرى ئۆزى بېقىپ ئۆستۈرگەن تىرىشچان، ئەمگەكچان، ئىجادچان قولى گۈل كىشىلەرنىڭ ئەجرى- مېھنىتىدە جاھان ئەھلىنى تاڭ قالدۇرۇپ خۇددى ئەتلەس،گىلەم،قاشتىشىدەك ئەتىۋارلىنىپ كەلگەن.
قەدىمكى يىپەك يولىنىڭ سەلتەنەت دەۋرىدە خوتەن ئۆز مەدەنىيىتى، تارىخى بىلەن جۇلالانغان بولسا، ئانا دەريا تارىمنىڭ ئەركەك سۈيىدە خوتەن يەنە تۇپرىقى مۇنبەت، سۈيى ئەلۋەك مۇقەددەس دىيارغا ئايلانغان، غەرپتە ياۋروپانىڭ جاي-جايلىرىغىچە، شەرقتە خۇاڭخې، چاڭجىياڭ ساھىلىلىرىغىچە پۈتۈن ئەللەرنى مەھلىيا قىلغان.
قەدىمىي يىپەك يولى سەلتەنىتىنىڭ ئۆچۈشى، يېڭى دېڭىز يوللىرىنىڭ ئېچىلىشى، ئانا دەريانىڭ ئالا كۆڭۈللۈك قىلىپ ئېقىن ئۆزگەرتىشى، تۇپراقنىڭ قۇملىشىشى، ھەرخىل تەبىئىي ئاپەت قاتارلىقلارنىڭ تەسىرىدە، خوتەن دىيارىنىڭ تەبىئىي، ئىجتىمائىي ئىگىلىكى، سانائىتى قاتارلىقلاردا چېكىنىش كۆرۈلگەن بولسىمۇ، ئازاتلىقتىن كېيىن ھەر دەرىجىلىك پارتىيە- ھۆكۈمەت تارماقلىرىنىڭ ئالاھىدە غەمخورلۇق قىلىشى، توغرا سىياسىتى ئارقىسىدا خوتەندە ئالەمشۇمۇل ئۆزگىرىشلەر ھاسىل بولدى. شۇنداقتىمۇ خوتەن ۋىلايىتىنىڭ ئايرىم جايلىرى يەنىلا نامراتلىقتىن قۇتۇلالماي كەلدى.
ئاپتوبۇس خوتەن شەھىرىگە يېقىنلىشىشقا باشلىدى. بۇنىڭ بىلەن مەنمۇ بۇنىڭدىن بىر يىل ئىلگىرى خوتەندىكى تەسىرلىك مىنۇتلارنى كۆز ئالدىمدىن ئۆتكۈزدۈم.
خوتەن ناھىيىسى دۆلەت دەرىجىلىك نامرات ناھىيە، ناھىيە بازىرى يوق، ئىقتىسادنىڭ تەرەققىياتى باشقا ناھىيەلەرگە قارىغاندا سەل كەينىدە، بولۇپمۇ بەزى يېزا كەنتلەردىكى ھەرقايسى مەكتەپلەرنىڭ سىنىپ-ئىشخانا قۇرۇلۇشلىرى ئۆلچەمدىن يىراق، ھەتتا خەتەرلىك ھالغا كېلىپ قالغان ئىدى. خوتەن ناھىيە باغچى بازىرى ئويشۇما كەنت باشلانغۇچ مەكتىپى مۇشۇنداق مەكتەپلەرنىڭ بىرى ئىدى.
بۇ ھال 200 يۈز خىلدىن ئارتۇق مەھسۇلاتلىرى بىلەن ئاپتونوم رايونىمىز ئىچى-سىرتىدا كۈچلۈك ئىناۋەت تاپقان شىنجاڭ ئىخلاس كەسپىي تەرەققىيات چەكلىك شىركىتىنىڭ رەھبەرلىرىنڭ دىققىتىنى تارتتى. ئىخلاس شىركىتى رەھبەرلىرى يەنە قەشقەر كونىشەھەر ناھىيە ئوغۇساق يېزا قاقۇللا كەنىت باشلانغۇچ مەكتىپىنىڭمۇ قۇرۇلۇشلىرى كونىراپ خەتەرلىك ئەھۋالىغا چۈشۈپ قالغانلىقىنى،ئوقۇغۇچىلارنىڭ كەنىت ئىشخانىسى ۋە بەزى ھاللىق دىھقانلارنىڭ ئۆيلىرىدە دەرس ئاڭلاۋاتقانلىقىدىن خەۋەر تاپتى.
شۇنىڭ بىلەن ئىخلاس شىركىتى رەھبەرلىرى مەخسۇس ئادەم ئەۋەتىپ ئالاقىدار كادىرلار بىلەن سۆزلىشىپ قەشقەر كونشەھەر ناھىيىسى ئوغۇساق يېزىسى ۋە خوتەن ناھىيە باغچى بازىرىدا باشلانغۇچ مەكتەپ سېلىپ بېرىشتىن ئىبارەت خاسىيەتلىك ئىشنى قىلىشنى قارار قىلدى.
2007 -يىل ئاپىرىلنىڭ ئاخىرىدا ئىخلاس شىركىتىنىڭ باش دېرىكتورى روزاخۇن ئاتۇش ئەپەندى خوتەن ناھىيىسىگە ۋە قەشقەر كونشەھەر ناھىيىسىگە كىلىپ ئالاقىدار تارماقلارنىڭ رەھبەرلىرىنىڭ ھەمراھلىقىدا ئايرىم-ئايرىم ھالدا خوتەن ئىخلاس باشلانغۇچ مەكتىپى ۋە قەشقەر كونشەھەر ئىخلاس باشلانغۇچ مەكتىپى قۇرۇلۇشىغا ئۇل سالدى. نۆۋەتتە بۇ ئىككى مەكتەپ پۈتۈپ ئوقۇش باشلاندى، بۇ ئىشتىن ئاتا-ئانىلار، ئوقۇتقۇچى-ئوقۇغۇچىلار قاتتىق تەسىرلىنىشتى.
مەن مانا شۇنداق خىياللارنى سۈرۈۋىتىپ ئەتە يۈز بېرىدىغان يەنە بىر قېتىملىق خاسىيەتلىك ئىشنىڭ گۇۋاھچىسى بولغانلىقىمدىن يەنە بىر قېتىم سۆيۈندىم، مېنىڭ بۇ قېتىملىق خوتەن سەپىرىم يەنى 16-مارت ئۆتكۈزۈلدىغان خوتەن ئىخلاس باشلانغۇچ مەكتىپىنىڭ لېنتا كېسىش مۇراسىمىغا قاتنىشىش ئۈچۈن ئىدى.

<2>

16-ماي بىز سەھەردىلا مېھمانخانىدىن چىقىپ باغچى بازىرى ئۇيشۇما كەنتىگە قاراپ يولغا چىقتۇق.ھاۋا ئوچۇق،ئەتراپ ياپيېشىل تۈسكە كىرگەن بولۇپ، ماشىنا ئىككى تەرىپى دەرەخلىك، تۈپتۈز ئاسفالىت يولدا ئىل‍گىرىلىمەكتە ئىدى. بىز ئويشۇما كەنىتى ئىخلاس باشلانغۇچ مەكتىپىگە يېقىنلاشتۇق. يول بويىدا ئوقۇتقۇچى-ئوقۇغۇچىلار، ئالاقىدار تارماقلارنىڭ مەسئۇللىرى ۋە دېھقانلار بىزنى قىزغىن قارشى ئېلىپ كۆرۈشتى. ماشىنىدىن چۈشۈپلا كۆزۈمگە چېلىققنى، ئالتۇنرەڭلك چوڭ تاختىسىغا يېزىلىپ مەكتەپ دەرۋازىسىغا ئورنىتىلغان، 《خوتەن ناھىيە باغچى بازىرى ئويشۇما كەنىت ئىخلاس باشلانغۇچ مەكتىپى》 دىگەن ھەيۋەتلىك مەكتەپ ئىسمى، لەپىلدەپ تۇرغان قىزىل بايراق ۋە رەت-رەت سىنىپ ھەيۋەتلىك قەد كۆتۈرگەن مەكتەپ سىنىپ، ئىشخانا بىنالىرى بولدى.
ئارقىدىنلا رەھبەرلەر چۈشكەن ماشىنىلارمۇ يېتىپ كەلدى.ناغرا-سۇناي ساداسى ئىچىدە بول بويىدا رەتلىك تىزىلىپ تۇرغان ئوقۇغۇچىلار قوللىرىدىكى قىزىلگۈللىرىنى تۇتقىنىچە رەھبەرلەرنىڭ ئالدىغا بېرىپ ئۇلارغا گۈللەرنى تۇتتى. بۈگۈنكى لېنتا كېسىش مۇراسىمىغا ئاپتۇنۇم رايۇن، خوتەن ۋىلايىتى ۋە ئىخلاس شىركىتى رەھبەرلىرى قاتارلىقلار بولۇپ 30غا يېقىن ھەر دەرىجىلىك رەھبەرلەر ،خوتەن ناھىيىسىنىڭ رەھبەرلىرى ناھىيىلىك مائارىپ ئىدارىسىنىڭ مەسئۇللىرى، مەكتەپتىكى ئوقۇتقۇچى-ئوقۇغۇچىلار، ئاتا-ئانىلار، كەنىت ئاھالىسى بولۇپ 1000دىن ئارتۇق ئادەم قاتناشتى. ئاپتۇنۇم رايۇن، خوتەن ۋىلايەت ۋە ھەر دەرىجىلىك رەھبەرلەردىن: شىنجاڭ ئۇيغۇر ئاپتونوم رايوننڭ مۇئاۋىن رەئىسى جاپپار ھەبىبۇللا؛ خوتەن ۋىلايەتلىك پارتىكومنىڭ شۇجىسى چېڭ جىڭشەن؛ شىنجاڭ ئۇيغۇر ئاپتونوم رايونلۇق خەلق ھۆكۈمىتنىڭ باش كاتىپى پەرھات جالال؛ ئاپتۇنۇم رايۇنلۇق ئەدەلىيە نازارىتىنڭ نازىرى ئابلىز ھوشۇر؛ خوتەن ۋىلايەتلىك خەلق قۇرۇلتىيى دائىمىي كومىېتىتىنىڭ مۇدىرى ئابدۇراخمان قۇربان؛ ئاپتۇنۇم رايۇنلۇق مېيىپلار بىرلەشمىسى پارتگۇرۇپپا شۇجىسى ۋاڭ جۈن؛ خوتەن ۋىلايەتلىك پارتىكومنىڭ ئەزاسى، مەمۇرىي مەھكىمىنڭ دائىمى مۇئاۋىن ۋالىيسى جاڭ جىنباۋ؛ ئاپتۇنۇم رايۇنلۇق خەلىق ئىشلىرى نازارىتىنىڭ مۇئاۋىن نازىرى جۇ جۈنلىن؛ ئاپتۇنۇم رايۇنلۇق ، مىللەت دىنىي ئىشلار كومىتىتى ، ئاپتۇنۇم رايۇنلۇق مۇھاجىرلار ئىشخانىسى، ئاپتۇنۇم رايۇنلۇق مالىيە نازارىتى، ئاپتۇنۇم رايۇنلۇق پارتىكوم بەنگۇڭتىڭى قاتارلىق ئورۇنلارنىڭ ھەر دەرىجىلىك رەھبەرلىرى، خوتەن ناھىيىلىك پارتىكومنىڭ مۇئاۋىن شۇجىسى ،سىياسى،قانۇن كومۇتىتىنىڭ شۇجىسى ليۇ جيەنجۈن؛خوتەن ناھىيىلىك پارتىكومنىڭ دائىمى ئەزاسى، تەشۋىقات بۆلۈمىنىڭ باشلىقى جۈرئەت مەتسەيدى؛شىنجاڭ ئىخلاس كەسپىي تەرەققىيات چەكلىك شىركىتىنىڭ باش دېرىكتورى روزاخۇن ئاتۇش؛ شىنجاڭ قىران بۈركۈت ئۆي-مۈلۈك چەكلىك شىركىتىنىڭ باش دېرىكتورى قۇدرەت ئاتۇش؛ شىنجاڭ ئامىنە ئالاھىدە يېزا ئىگىلىك مەھسۇلاتلىرى تەرەققىيات شىركىتىنىڭ لىدىرى ئەمەتجان نامەت قاتارلىق رەھبەرلەر رەئىس ئورنىدىن ئورۇن ئالدى.
يىغىن كۈنتەرتىپى بويىچە دۆلەت شېئرى ئورۇنلىنىپ دۆلەت بايرىقى چىقىرىلغاندىن كېيىن ئاپتۇنۇم رايۇننىڭ مۇئاۋىن رەئىسى جاپپار ھەبىبۇللا؛خوتەن ۋىلايەتلىك پارتىكومنىڭ شۇجىسى چېڭ جىڭشەن؛شىنجاڭ ئىخلاس كەسپىي تەرەققىيات چەكلىك شىركىتىنىڭ باش دېرىكتورى روزاخۇن ئاتۇش؛ خوتەن ناھىيىلىك پارتىكومىنىڭ مۇئاۋىن شۇجىسى، سىياسى قانۇن كومىتىتىنىڭ شۇجىسى ليۇ جىيەنجۈن قاتارلىق لېنتا كەستى.
ئارقىدىن ناھىيىلىك پارتىكومنىڭ مۇئاۋىن شۇجىسى،سىياسى-قانۇن كومىتىتىنىڭ شۇجىسى ليۇ جيەنجۈن سۆز قىلىپ ئىخلاس شىركىتىنىڭ خوتەن ناھىيىسىگە باشلانغۇچ مەكتەپ سېلىپ بەرگىنىگە تەشككۈر بىلدۈردى.ئارقىدىن ئىخلاس شىركىتىنىڭ باش دېرىكتورى روزاخۇن ئاتۇش سۆز قىلىپ مۇنداق دېدى:
-مەن بىزنىڭ مەكتەپ سېلىش ئىشىمىزنى قوللىغان، بىزگە مەدەت بەرگەن پارتىيە ۋە ھۆكۈمەتكە ھەر دەرىجىلىك رەھبەرلەرگە رەھمەت ئېيتىمەن ۋە ئوقۇتقۇچى، ئوقۇغۇچىلارغا ئېھتىرام بىلدۈرىمەن. بىز ئۆز ئەمەلىيىتىمىز ئارقىلىق 8 يىلدىن بېرى بىزنى قوللاپ كەلگەن، ئىخلاس مەھسۇلاتلىرىنى ئىستىمال قىلىپ كەلگەن كەڭ ئىخلاسمەن خەلقىمىزگە پايدىلىق ئىشلارنى قىلىش ئارقىلىق جاۋاپ قايتۇرۇشنى ئۇزۇندىن بۇيان ئارزۇ قىلىپ كەلگەن ئىدۇق. مانا بۈگۈن بىزنىڭ بۇ ئارزۇيىمىز ئەمەلگە ئاشتى، بۇ بىزنى، ئىخلاس چوڭ ئائىلىسىنى، ئەزىز خوتەن خەلقىنى، ئوقۇغۇچى-ئۇستازلارنى سۆيۈندۈرىدۇ. بىزمۇ بۇ نەتىجىدىن ئۆزىمىزنى بەختىيار چاغلايمىز. شىركىتىمىز مەكتەپنىڭ ئەھۋالىغا ھەرۋاقىت كۆڭۈل بۆلۈپ تۇرىدۇ. روزاخۇن ئاتۇش ئەپەندى يەنە مەكتەپنىڭ ئوقۇ-ئوقۇتۇش ئىشلىرىنىڭ ياخشى ئېلىپ بېرىلىشىنى، ئوقۇغۇچىلارنىڭ تىرىشىپ ئۆگىنىشكە بولغان تىلەكلىرىنى بىلدۈردى ھەمدە رەھبەرلەر بىلەن بىرلىكتە، ئۆزى ھەربىر ئوقۇغۇچىغا ئاتاپ ئېلىپ كەلگەن 300 قۇرغا يېقىن << ئىخلاس>> بەلگىسى چۈشۈرۈلگەن ئوقۇغۇچىلار فورمىسىنى نەق مەيداندا تەقدىم قىلدى.
بۇ ئەھۋاللارنى كۈرۈۋېتىپ، ئىخلاس شىركىتىنىڭ خوتەندە مەكتەپ سېلىپلا قالماي، چوڭ ئىخلاس تاللا بازىرى ئېچىپ، خوتەن خەلقى تولىمۇ ياقتۇرىدىغان ھەرخىل ئىخلاس، ئۈلكەر مەھسۇلاتلىرى بىلەن تەمىنلىگەنلىكىنى، ئىستىمالچىلارغا مەنپەئەت يەتكۈزۈش پائالىيەتلىرىنى ئۆتكۈزگەنلىكىنى، شۇنداقلا غايەت زور كۆلەملىك خوتەن خەلقئارا چوڭ بازار قۇرۇلۇشىنىڭمۇ شىركەت قۇرغۇچى ئاكا-ئۇكىلارنىڭ ھەمكارلىقىدا رەسمىي پۈتۈپ، خوتەن شەھىرىنىڭ ئىقتىساد-سودا ئىشلىرىغا يېڭى بىر گۈللىنىش پۇرسىتى ياراتقانلىقىنى ئويلىدىم. دېمىسىمۇ ئىخلاس شىركىتى قۇرۇلغاندىن تارتىپ ھازىرغىچە خەيرى-ساخاۋەت، مائارىپ ئىشلىرىغا ئىزچىل ياردەم قولىنى سۇنۇپ كەلدى. شىنجاڭ ئۇنىۋېرسىتېتى، ئېس ئو ئېس بالىلار كەنتى، مارالبېشىدىكى يەرتەۋرەش، سىچۈەندىكى يەر تەۋرەش قاتارلىقلارغا زور سوممىلىق ياردەم بېرىپ كەلدى ۋە كەلمەكتە. بولۇپمۇ ئاپەت ئەھۋالى بىر قەدەر ئېغىر بولغان سىچۈندىكى يەر تەۋرەش رايونىغا 110000 يۈەن قىممىتىدىكى ئىخلاس مەھسۇلاتلىرى ياردەم بەردى. بۈگۈنكى خوتەن ئىخلاس مەكتىپى قۇرۇلۇشىمۇ يۇقىرىقى ساخاۋەتلىك ئىشلارنىڭ بىرى. بۇ ئىش كىشىلەرنى قانداقمۇ خوشال قىلمىسۇن؟ بولۇپمۇ مەكتەپتىكى ئوقۇتقۇچى-ئوقۇغۇچىلار بەكرەك خوشال بولدى. ئوقۇتقۇچىلار ۋەكىلى ۋە ئوقۇغۇچىلار ۋەكىللىرى خۇشاللىقىنى ئىپادىلەپ مۇنداق دېيىشتى:
-بۇرۇن بىزنىڭ سىنىپلىرىمىز كونىراپ خەتەرلىك ئەھۋالغا چۈشۈپ قالغان ئىدى. ئىخلاس شىركىتى بىزگە يېڭى سىنىپلارنى سېلىپ بەردى. بىز بۇ سىنىپلارنى، ياخشى شارائىتنى قەدىرلەپ چوقۇم ياخشى ئوقۇيمىز. سىنىپلارنى، تاملارنى، ئوقۇش ئەسلىھەلىرىنى ئاسرايمىز. ئارقىدىن ئوقۇتقۇچى- ئوقۇغۇچىلار ئۆزلىرى تەييارلىغان ھەرخىل ناخشا-ئۇسۇل نومۇرلىرىنى ئورۇنلىدى.
پائالىيەت ئاخىرلىشىش ئالدىدا ئىخلاس شىركىتىدىكى خادىملار يەنە بالىلارغا ئاتىغان 250 سومكا، 1000تال قەلەم، 1000 تال دەپتەر ۋە 5000 يۈەن قىممىتىدىكى ھەرخىل ئىخلاس مەھسۇلاتلىرىنى نەق مەيداندا بالىلارغا تەقدىم قىلدى.
پائالىيەت قىزغىن كەيپىيات ئىچىدە ئاخىرلاشقاندىن كېيىن، رەھبەرلەر ۋە ئامما مەكتەپنىڭ سىنىپ-ئىشخانىلىرىنى ئىكىسكۇرسىيە قىلدى.
مەكتەپكە يېڭىدىن 8 سىنىپ، بىر قىرائەتخانا، بىر تەجرىبىخانا، 4 ئىشخانا يېڭىدىن سېلىنغان بولۇپ، يېڭىدىن سېلىنغان ئومۇمىي قۇرۇلۇش كۆلۈمى 730 كۋادىراتمېتىر كېلىدۇ.- دىدى.
مەكتەپ مۇدىرى شىرئەلى مۇھەممەتئىمىن چۈشەندۈرۈپ- نۆۋەتتە مەكتىپىمىزدە 262 نەپەر ئوقۇغۇچى، 11 نەپەر ئوقۇتقۇچى بار. ھازىر بىزنىڭ شارائىتىمىز ھەقىقەتەن ياخشى بولدى. بىز بۇنىڭدىن كېيىن بۇ شارائىتنى قەدىرلەپ، مەكتىپىمىزنىڭ قاتتىق، يۇمشاق دېتال قۇرۇلۇشىنى تېخىمۇ ياخشىلاپ، ساغلام، پاكىز، ئازادە بولغان ئوقۇ-ئۇقۇتۇش مۇھىتىنى بەرپا قىلىمىز. ئىخلاس شىركىتىگە ئەمەلىي نەتىجىلىرىمىز بىلەن ياخشى جاۋاپ قايتۇرىمىز.
پائالىيەت ئاخىرلاشتى، ئەمما كىشىلەرنىڭ قەلبىدىكى ئىللىق سېزىم تارقىغىنى يوق! بۇ ئىللىقلىق قەيەردىن كەلگەن؟ ئەلۋەتتە مېھرى-مۇھەببەتكە تولغان ئىللىق ئىخلاس چوڭ ئائىلىسىدىن، ھەردەىجىلىك رەھبەرلەرنىڭ، ئالاقىدا تارماقلارنىڭ <<ئىخلاس>> نى، << ئىخلاس>> نىڭ ئەلگە بولغان ھەقىقىي خەيرى-ساخاۋەتلىك، مېھرى مۇھەببەتلىك قەلىبلىرىدىن كەلگەن، << ئىخلاس>> تىككەن بۇ مەرىپەت كۆچەتلىرى يىللارسېرى يەنىمۇ ياشنايدۇ.   (مۇھەممەد ئىمىن )

2008-يىل 15-16-ماي كۈنلىرى

ياخشى  ئىشتىن بىرنى  قىلىپتۇ  بۇلار  ئەجرىنى ئاللاھ  بىرەر 

ياشاڭ ئۇيغۇرۇم !،،،،،،،، ساۋاپ تاپساڭ مەسچىت ، مەكتەپ سال دەپتىكەن ! ،،،،،،،،،،نۇرغۇنلىغان سەبى بالىلارنىڭ دىلىنى يۇرۇتماقچى بولغان بۇ ئاكىنىڭ ساخاۋەتلىك ئىشلىرىنىڭ مەڭگۈ روناق تېپىشىنى ئۈمۈت قىلىمەن !

مائارىپنى زور كۇچ بىلەن قوللاپ مىللەتنىڭ ساپاسىنى يۇقۇرى كۆتۈرۈش كېرەك.

مائارىپ قا  مەبلەغ سالغان ساخاۋەتچىللىرمىز ، گۇللەپ ياشنىغاي  .

  مائارىپ تەرەققىىي  قىلسا ، مىللەت تەرەققىي قىلدۇ .

مائارىپ تەرەققىىي  قىلسا ، مىللەت تەرەققىي قىلدۇ .

چىن ئىخلاسى بىلەن كەلگۈسى ئەۋلاتلارغا ئاساس سالغان ئىخلاس شىركىتىگە ۋە روزى ھاجىغا بەخىت ئامەت تىلەيمەن .

ناھايىتى كاتتا ئىش بوپتۇ. ئىخلاس شىركىتىنىڭ كىيىنكى ئىشلىرىنىڭ تىخىمۇ تەرەققىي قىلىشىنى ئۈمىد قىلىمەن.
ۋە ئۇيغۇرلىرىمىزنىڭمۇ مۇشۇنداق ئىستىقبالى پارلاق بولغان مىللى كارخانىلىرىمىزنى كۆپرەك قوللاپ بىرىشىنى ئۈمىد قىلىمەن، چۈنكى ھەرقانداق شىركەت ئۆزيىرىدە تەرەققىي قىلسا، ۋە خەلقىنىڭ  كۆپرەك  قوللىشىغا  ئىرىشسە ئاندىن خەلقىئاراغا يۈزلىنەلەيدۇ.

               

مائارىپ تەرەققىي قىلسا ھەقىقەتەن مىللەت تەرەققىي قىلىدۇ، بىراق بۇرمىلانغان مائارىپ تەرەققىي قىلسا ئەكىسچە ئۈنۈم بىرىدۇ.

مائارىپ تەرەققىي قىلسا ھەقىقەتەن مىللەت تەرەققىي قىلىدۇ،ئاللاھ  ئىشلىرىنى／

سېخىلىقنىڭ  جايى ، ئەسلىمۇ شۇ .

ئىخلاس شىركىتىنىڭ ھەر يىلى بىر مەكتەپ سېلىشىنى ئۈمىد قىلىمەن.
ھەقسىز ئوقۇتسىمۇ بالىلىرىنى مەكتەپتىن چىقىرىۋالىدىغان ئاتا - ئانىلارنىڭ ئۇيقۇسىنى ئېچىشىنى تىلەيمەن...

ناھايىتى كاتتا ئىش بوپتۇ. ئىخلاس شىركىتىنىڭ كىيىنكى ئىشلىرىنىڭ تىخىمۇ تەرەققىي قىلىشىنى ئۈمىد قىلىمەن.

بەك ياخشى ئىش بۇپتۇ،
ئىخلاس شىركىتىنىڭ كىيىنكى ئىشلىرىنىڭ تىخىمۇ تەرەققىي قىلىشىنى ئۈمىد قىلىمەن........

ھازىر مەكتەپ سالغاننىڭ پايدىسى يوق ،بەرىبىر باشقا مەكتەپكە قۇشىۋىتىدۇ .....

شۇ خىزىر سۇپەت كىشىلىرىمىزنىڭ قولىغا ئاللاھ بەرىكەت بەرگەي .

ئىخلاس شىركىتى رەھبەرلىرىدە ئاكا ئۇكا مۇسابايلارنىڭ روھى بار ئىكەن!
ئىخلاس شىركىتى گۈللەپ ياشنىسۇن!
ئىخلاس شىركىتىنى قوللايلى، ئىخلاس شىركىتى بىزنى قوللايدۇ...
ئىخلاس قۇۋۋەت تالقىنىنى ئىچەيلى... ئىخلاس شاكىلاتلىرىنى يەيلى. 

ناھايىتى  ئەھمىيەتلىك  ئىشتىن  بىرنى  قىلدى。بەرىكەت  تاپقايسىز روزاخۇن ئاتۇش ئاكا。

ناھايتىمۇ ساخەۋەتلىك ئىش بوپتۇ،

ئىخلاس شىركىتىنىڭ مۇشۇنداق ئىشلارنى داۋاملىق قانات يايدۇرشىنى ئۇمىت قىلىمەن.

ئىخلاس شىركىتىگە ؛كۆپتىن -كۆپ تەشەككۈر!
  تېلىۋيزور ئىلانىغا خەجلىگەن پۇلۇڭلارنى مۇشۇنداق ئشلارغا كۆپىرەك خەجلىسەڭلەر ،
پەقەت مەنلام ئەمەس ، پۈتۈن ئۇيغۇر خەلىقى ؛«ئىخلاس شىركىتى»نىڭ مەھسۇلاتلىرىنى
قىممەت بولسىمۇ ئىككىلەنمەي كۆپلەپ ئستىمال قىلاتتۇق.

  ئىلاھىم  ئۇقۇش ئۈچۈن بېسىلغان قەدەملەر ھارمىسۇن ! مەكتەپكە تام ياسىغانلار ئىچىنىمۇ ئويلىسۇن ! ....

ياشاپ كەت  ئويغۇرۇم ،ئاللا  ئېگەم ھەر بىر قىلغان  ساۋابلىق ئىشلارنى كۈرۈپ تۇرىدۇ .
ئىلاھىم تىجارىتىڭلار يەنىمۇ روناق تاپسۇن .       

دۆلىتىمىزدىكى تەرەققى تاپقان شەھەر لەردە ئەڭ چىرايلىق سېلىنغان قۇرلۇش
مەكتەپ،ئۇلا ئۆزلىرىنىڭ مەكتەپلىرىدىنن پەخىرلىنىدۇ.بىر مەكتەپ كۆپەيسە 10 تۇرما ئازىيىدۇ،رەخمەت سىلەرنىڭ ئەجرىڭلارغا.  گايىدا ئويلاپ قالىمەن ناھىيە رەكپەرلىرى ئىسىل ماشىنلارغا  ئولتۇرماي شۇ ماشنا ئالغان پۇلغا مارىپ ئۈچۈن،مەكتەپ قۇرلۇشى ئۈچۈن ئشلەتسە مەكتەپلەرنىڭ قىياپىتىدە زور ئۆزگىرىش بولاتتى ھە دەپ. دىڭ شىپىڭمۇ < دۆلەتنى قۇدرەت تاپىۇزىمىز دەيدىكەنمىز مائارىپنى تەرەققى  قىلدۇرىشىمىز كىرەك> دىگەن.بىر يەرنىڭ تەرەققىياتىنىڭ تىز -ئاستىلىقى مائارىپقا سالغان مەبلەغنىڭ ئاز-كۆپلىكى بىلەن مۇناسىۋەتلىك،مائارىپنىڭ تەرەققىياتى ئۆز جايىنىڭ تەرەققىياتىدىن 20يىل ئالدىدا ماڭالىسا شۇندىلا شۇ زىمىن تەرەققى قىلالايدۇ،ھەقىقى گۇللەپ ياشنىالايدۇ.تەرەققىياتنى ئىمارەتلەرنىڭ كۆپلەپ سېلىنىشى بىلەن تەرەققىيات دىگەن مانا مۇشۇ دىسەك تۇلىمۇ نادان بوپ قالىمىز.
ئىىخلاس شىركىتىنىڭ بۇ ئىشلىرى ھەممە كىشىنى سۈيۈندۈردى،ئىخلاسقا يەنە بىر قىتىم تەشەككۈر.