ئايال : ھەجەپ تويدۇم بۇ تۇرمۇشتىن، ئۇ ھە دېسىلا كەچ كېلىۋاتقان. تېخى بىرنىمە دېسەم ھۆرپىيىدۇ بۇنداق تۇرمۇشنىڭ نىمە لەززىتى بولسۇن؟
       ئەر : ئايال خەق دېگەن نىمىنى بىلەتتى ئۇنىڭ ئۇستىۋېشىغا ئەڭ مودا كىيىملەرنى ئېلىپ بېرىۋاتسام تېخى قولىدىكى ئالتۇن ئۇزۇكلەرمۇ ھېچكىمنىڭ قولىدا يوق، يەنە زارلاپلا يۇرگەن.
      ئايال : مەن ئۇنىڭدىن ھەقىقەتەن بىزارلىق ھېس قىلىۋاتىمەن، بىراق ھەممىنى تەل قىلىپ بېرىۋاتقان ئەردىن يەنە ۋايسراپ يۇرۇش نەھاجەت.
     ئەر : خوتۇن مەندىن رەنجىپ يۇرمىگىن ئىدارىنىڭ ئىشلىرى ماڭىلام قاراشلىق بولۇپ قالدى. شۇڭا بەزىدە كەچ قالىمەن، تېخى ئىدارىدە تۇنەپمۇ قالىمەن.
     ئايال : ئۇنىڭ دېگەنلىرىنىڭ ھەممىسى يالغان، بەلكىم راس جايلىرى بولىشىمۇ مۇمكىن، نىمىلا دېگەن بىلەن، شۇ بىچارە ئىرىمنىڭ قىلغانلىرى يەنىلا مۇشۇ ئۆي ئۈچۈن ئەمەسمۇ.
      ئەر : خوتۇن ئاخىرى رايىمغا باقتى. ئەمدى ئۇ مېنىڭ ئاغزىمغا قارايدىغان بولدى. مەن ئۈچۈن بۇنىڭدىنمۇ زور ئەركىنلىك بولامدۇ؟
      ئايال : بۈگۈن ئۇ مېنى باشلىقلارنىڭ سورۇنىغا ئېلىپ بارماقچى. ئېھتىمال سورۇن تانسا، ئۇسسۇلسىز بولمايدۇ، سورۇندا ئېرىمنىڭ باشلىقىنى بىر قانچە قېتىم تانسىغا تارتىپ قويمىسام بولمايدۇ، بۇنىڭغا مېنىڭ تېنىم ئۇپىراپ قالامتى.
     ئەر : خوتۇن خەقنىڭ كارامىتىنى ئەمدى بىلگەندەك بولىۋاتىمەن، ئاشۇ بىر قانچە قول تانسىدىن كېيىن باشقارما باشلىقى بولۇپ قالدىم تېخى مالىيە ھوقۇقىمۇ مېنىڭ قولۇمدا.
      ئايال : ئاجايىپ ئىش ئېرىم باشقارما باشلىقى بولىۋېدى، بىر قىسىم كىشىلەر ئۆيىمىزنىڭ ئىشىكىدىن ئەگىپ كېتەلمەيدىغان بولىشتى. سوۋغا - سالاملارنىڭ كۆپلىگىنى دېمەيلا قوياي، ھەممىدىن چاتاق يېرى نەگىلام بارسام  چۇجاڭنىڭ  ئايالى دەپ سالام - سائەتنىڭ كۆپلىگى يا ئادەم يولدا ئەركىن ماڭالمىغان.
       ئەر : ئەمدى « چىشىڭنىڭ بارىدا گۆش يە» دېگەندەك ھوقۇقۇم بار چېغىدا ئاز - تولا « چاۋا - ياغ » يىغىۋالمىسام بولماس ھە راس ھازىر يۇقۇردىن ئاساسىي قاتلامغا چۈشۈرگەن مەبلەغ مېنىڭ تەستىقىمنى كۈتۈپ تۇرۇپتۇ، تېخى ئالدىنقى كۇنىلا بەش - ئالتە يېزىنىڭ باشلىقلىرى ئويۇمگە قاتىراپ بولدى.
      ئايال : ئولتۇرىۋاتقان ئۆيۇم 200 كۋادرات كېلىدۇ خىزمەتداشلىرىم ئۆتكەندە پەتىگە كېلىپ ئاغزىنى ئېچىپلا قالدى.
ئەر : « قارا يورغا مىنمىگۈچە چۆللەر كېزەلمەس » دېگەن گەپ بار، ئەمدى يۇقۇرغا يامىشىىغان ۋاقتىم كەلدى.
      ئايال : ئەمدى ئوبدانلا يېتىلىپ قالدىم، چەتئەلگە بىر بېرىپ كەلسەم بولاتتى، ئۇ يەرنىڭ ئادەملىرى بىزدەك لەڭمەن، پولو يەمدىغاندۇ.
      ئەر : ھەي! خوتۇن قەيەرگە مۆكۇنۇۋالدىڭ؟ تىز چىق، يۇقۇردىن تەكشۇرۇش خادىملىرى كەپتۇ، مېنى تەشۈرگۈدەك.....

مەنبە: شىنجاڭ قانۇنچىلىق گېزىتى 2007 - يىلى 7-ئاينىڭ 13-كۈنىدىكى سانىدىن ئېلىندى.
2008-05-23-14:25

مەن بؤ تىمىنى خوتەن قاشتىشى تور بىكىتىدە كأرگەن ، هازىرقى بىر قىسىم ظەرلەر ظأز خوتؤنىدىن پايدىلىنىإاتىدؤ .

ئىنساپ !!!!!!

مۇشۇنداق ئىشلار مۇشۇ جەمىيەتتە ئەۋج ئېلىۋاتامدۇ قانداق   

ئادەم بەزى ئىشلاردا شۇكرى -قانائەت دىگەننى بىلىش كىرەك .ئۇنداق بولمىسا بېشىغا چىقىپ قېلىش مۇمكىن .<<ئىنساپ ،ئىنساپلىقنىڭ دىلى ساپ >>دىگەندەك ،ئىنساپ -ئىمان تۇگۈگەندە ئادەم بەك ئاچ كۆز ھەم قارا نىيەت بولۇپ كىتىدۇ .رەخمەت ياخشى تىما يوللاپسىز .

لەنەت!!! ئىنساپسىزلارنىڭ بارار جايى تۈرمە بىلەن دوزاق!!!!

مۇشۇنداق  ئادەملەر جەمىيىتىمزدە ئاز ئەمەس. يۇقۇرغا يامىشىش ئۈچۈن ئۆزىنىڭ ئايالرىنى دەستەك قىلپ يۇقۇرغا ئۆرلەشنى ئويلايدۇ. شۈكرە ئالاھ !

خوتۇنىنى كۈللىمىگەن ئەر قىيامەتتە چوشقىنىڭمۇ ئارقىدا تۇرىدۇ .

  ئىنساپ بولمىسا بىكار .

ئۇنداق ئەردىن ئېنساپ تىلەش ..............              ..تىلگەندەكلا  بىر ئىش

نومۇس ! نومۇس ! نومۇس !

توۋا

«لاتا قوزۇق» فىلىمى ئىسىمگە كەلدى دىسە؟

بەزى  بىر ئەر-خوتۇنلىرىمىزنىڭ قىلىپ يۈرگەن ئىشلىرى ئادەمنى يىرگەندۈرىدۇ.

ئۇ ئەر خوتۇن ئالماي  شوتا ئالغان ئوخشايدۇ

شۇنداق بىرنەرسىلەرنى دىگىم كىلىۋاتىدۇ، لىكىن نىمە دىسەملا قاملاشمايدىغاندەك! تۆبە قىلىدىغان جاھان. قىيامەتنىڭ بەلگىسى!

تەڭشەلمىگەن جاھان.
بۇنداقلارغا نېمە دىگۈلۈك.