ھەي مائارىپ! بىز قاچانغىچە مۇشۇنداق ياشايمىز؟


              كىچىك ۋاقتىمدا ئاتا- ئانام ، بالام چوڭ بولساڭ نىمە بۇلىسەن دىسە،  دۇختۇر بۇلىمەن، مۇئەللىم بۇلىمەن، كادىر بۇلىمەن دىگەندەك  جاۋابلارنى بېرەتىتىم. بەلكىم  مەنلا ئەمەس نۇرغۇن كىشىلەر شۇنداق دەپ جاۋاپ بەرگەن بۇلىشى مۇمكىن. دىمىسىمۇ بىز ئەزەلدىن  مۇئەللىم، كادىر، بۇغالتىر، پۇچتىكەش، ساقچى،دۇختۇر، شوپۇر، پىركازچىك بۇلۇشنى ئارزۇ قىلىپ كەلگەن. ھەتتا ئالىي مەكتەپكە ئىمتىھان بېرىدىغان چاغدا كەسىپ تاللىغۇچە يەنىلا مۇشۇ ساھە ئىچىدىن ھالقىپ كىتەلمىدۇق. بىر مەزگىل تېخى سىفەن مەكتەپلەردە ئۇقىسا خىزمەت مۇقىم بار دەپ قارا قۇيۇق سىفەن مەكتەپتە ئۇقۇش قىزغىنلىقى كۈتۈرۈلگەنىدى. بىز ھىچقاچان ئۆز كۈچىمىزگە تايىنىپ جان بىقىش تۈرىدىكى كەسىپلەرنى تاللىغان ئەمەس. بىز كەسىپ تاللىساقمۇ ھۈكىمەتكە تايىنۋىلىش ئىدىيسىدە بۇلۇپ كەلدۇق. شۇڭا بىز خەقتىن سانائەت تۈرىدىكى يىرىك كەسىپلەردىن ئادەم چىقمىدى. ئاپتۇنۇم رايونىمىزدىكى قايسى بىرياساش كەسپىدىكى داڭلىق  كارخانىنىڭ خۇجايىنى ئۇيغۇر ئىكەن؟ تېخى  يۇقارقى ھۈكىمەت كاپالىتىدىكى يۇمشاق كەسىپلەر ساھەسىدە بىر كىشىلىك ئورنىمىزنى ساقلاپ قىلىش ھەلەكچىلىكىدە غەم - ئەندىشە بىلەن ئۈتۋاتىمىز. ئەمدىلەتىن ئىسلاھات تۈرتكىسىدە بۇ ئىشلارنىڭ ئۈزگىرىشى كېرەكلىكىنى ھىس قىلماقتىمىز. كەلگۈسى ئەۋلاتلارنىڭ كەسىپ تاللىشى، خىزمەت، جان بىقىش يۇلىنى تاللىشىدا مىنىڭچە مائارىپنىڭ باش تارتىپ بولمايدىغان مەجبورىيىتى بار.  بىز چۇقۇم قاتتىق خىرىسقا، رىقابەتكە  تولغان بۇ جەممىيەتتە پەرزەنتلىرىمىزگە مائاشلىق بۇلۇشنىلا ئەمەس، باشقىلارغا مائاش تارقىتىدىغان ئىقتىدارغا يىتىش ئۈچۈن كۈرەش قىلىدىغان غايىنى سىڭدۈرىشىمىز لازىم.بىزدىنمۇ  مۇرەككەپ يۇقىرى تېىخنىكىلىق  مەھسۇلات ئىشلەپچىقىرىدىغان كارخانىنىڭ خۇجايىنى، قۇرغۇچىلىرى چىقسا ئارتۇقچە بولماس. بىزمۇ دېھقان مىللەتتىن سانائەت مىللىتىگە يۈرۈش قىلساق نىمىشقا بولمايدىكەن. ياپۇنلار 100 پەيلاسوپ تەربىيلىگەندىن بىر كارخانىچىنى يىتىشتۈرۈپ چىققان ئەۋزەل دەپ قارايدىكەن. شۇڭا مائارىپىمىز ئۇقۇغۇچىلارنى ئۈزىنىڭ جىنىنى بىقىشنى ئاساس قىلغان تۈرىدىكى كەسىپلەردىن جەمئىيەتكە ئىقتىسادىي قىممەت يارتىدىغان ، باشقىلارنىڭ جىنىنى بىقىشنى مەقسەت قىلغان تۈرىدىكى كەسىپلەرگە يۈزلەندۈرىشى  تۇلىمۇ زۆرۈر.

بەزىلەر بۇ ئىشلار ئاستا-ئاستا بۇلىدۇ دىيىشى مۈمكىن، ئەمما دۆلەت ئىسلاھات قىلىپ، ئىشىكنى سىرتقا ئىچىۋەتكىلى نىكەم، ئەمدى يەنە مۇشۇ ھالەتتە كىتىۋەرسەك ياخشى بولماس. مەبلەغ بولمىسا ئاز تۇلا پۇلى بارلار بىرلەشسە بۇلىدۇ، تېخىنىكا بولمىسا تەربىيلەنسە بۇلىدۇ. بىزدە مائارىپنىڭ كۈچى كەم ئەمەس. كارخانىچى بۇلالايدىغان، دىرىكتۇر، لىدىر بولالايدىغان بالىلارنى بىزنىڭ ئاتا-ئانىلىرىمىز تۇغالايدۇ.ھىلىمۇ بىر قىسىم رادىل ئابلادەك بىر نەچچە ۋەكىللىك كارخانىچىلىىرىمىز بىزنىڭ كىملىكىمىزنى ئۆزىنىڭ مەھسۇلاتلىرى ئارقىلىق خەلقئاراغا تۇنۇتۋاتىدۇ. ئەمما بۇ كۇپايە قىلمايدۇ.بىزدە ئەمدىلەتىن تەرەققىي قىلۋاتقىنى تۇلىمۇ ئاددىي تېخنىكىلىق، ئش تەرتىپى ئاددىي مەھسۇلاتلار.بىز ئېغىر سانائەت تىپىدىكى بىرەر مەھسۇلات تاۋار ئىشلەپچىقىرىپ باقمىدۇق.  ھەتتا ئېغىر ، يىرىك سانائەت تىپىدىكى  ھۈنەر كەسىپنى ئۇقۇيدىغان مىللىيلار يوق  شۇ مۇناسىپ كەسىپنىڭ تېخىنىكلىرىنى ئۇقۇيدىغان بالىلار كەمچىل. ئەگەر مىللىيلار ئىغىر سانائەت تىپىدىكى زاۋۇت قۇرۇپ قالسا ھۈكىمەت چۇقۇم يۈلەيدۇ.مەدەت بېرىدۇ. ھازىرقى جەمئىيەتتە سانائەتنىڭ گىپى ئوڭ .

بىزنىڭ مائارىپ بىزنى تەربىيلەيدۇ، ئەۋلاتلار ئارقىلىق بىزنىڭ كەلگۈسىمىزنى بىكىتىدۇ.ئەۋلاتلىرىمىز كەتمەن بىلەن قەلەملا تۇتىدىغان ئادەم بۇلۇپ قالمىسۇن، ئەڭ ياخشىسى پۇل تۇتىدىغانلاردىن  بولسۇن.ئىقتىسادچى، كارخانىچىلاردىن، ئۇستا تېخنىك ئىنژىنىرلاردىن ، ئالىملاردىن بولسۇن.خەلقىمىزگە بەخىت ياراتسۇن.

ئاپتور:  قۇتۇق

ئەجەپ تۇغرا گەپ قىلىپسىز ، ياخشى تىما يۇللاپسىز .     

پىكىرىڭىز ناھايىتى ئۇرۇنلۇق، بۇ ھەممىمىز كۈڭۈل بۈلۈشكە تىگىشلىك مەسىلە.  

ئەجەپ تۇغرا گەپ قىلىپسىز ،ئاغىزىڭىزگا ناۋات  ،  ھارمىغايسىز     

تازنىڭ ئەقلى چۈشتىن كىيىن

ناھايىتى ئەھمىيەتلىك تېما يوللاپسىز رەھمەت.        

مائارىپ مەمورى ھۇقوقنىڭ كونتىروللۇقىغا چۈشۈپ قالغاندا ئەسلى ماھىيىتىدىن چەتنەپ كېتىدۇ،مائارىپنىڭ ئەسلى ماھىيىتى ئادەم تەربىيلەش،ئادىمىلىكنى ئۇگىتىشتىن ئىبارەت،لىكىن ھازىرقى رىئال مائارىپ بولسا جان بېقىشىنى ئاساسى مەقسەت قىلغان.مىللى مائارىپ تۇغرىسىدا بىز جىددى ئويلانمىساق بولمايدىغان يەرگە يەتتى،مائارىپ پىداگوكىكا ۋە پىسخىكىنى ئاساسى لىنىيە قىلىپ تەرەققى قىلىشى كېرەك،لىكىن بىزدىكى مائارىپچۇ؟بىزدىكى ئوغرى-يانچۇقچى،پاھىشە-لۈكچەك،.....لەرنىڭ بارغانچە جىقلاپ كېتىشى مائارىپىمىزغا قىلىنغان ھاقارەت ۋە سىگنالدۇر.پىسخىكىسى مىللى مەدەنيەت چەمبىرىكىدىن ھالقىپ كېتىۋاتقان لەيلىمە ئەۋلادلار بارغانچە جىقلاپ كېتىۋاتىدۇ.بۇنىڭغا زادى كىم سەۋەپچى؟ئاددى ئوقۇتقۇچىلارمۇ ياكى تەدبىر تۈزۇگۈچىلەرمۇ؟ نىمە ئۈچۈن مائارىپچىلاردىن بۇرۇنقىدەك پىداكار ئەزىمەتلەر چىقمايدىغان بۇلۇپ قالدى؟ئۇنۋان ئېلىش،مائاش ئۇستۇرۇش،ھوقوق-ئەمەل غىمى بىلەن يۇرگەنلەر بۇ سۇئالغا جاۋاپ بېرەلمەيدۇ.بىر كۇن ئۆتسە ئەۋزەل دىگۇچىلەر ياكى تۈكنىڭ يىتىشىغا سىلاپ يۇرگەن،ئولۇغ قۇرۇق ئىلمى ماقالە يېزىشقا ئادەتلەنگەنلەر بۇ سۇئالغا جاۋاپ بېرەلمەيدۇ.رىئاللىققا كۈزىنى يۇمۇۋالغانلار ھەم بۇ سۇئالغا جاۋاپ بېرەلمەيدۇ. مائارىپىمىزنىڭ چىقىش يۇلى زادى نەدە؟مەسلىنى بايقىماق ئاسان،لىكىن شۇنىڭغا لايىق چارە-تەدبىر تۈزۇمەك بەسى مۇشكۈل ئۇلۇغ ۋەزىپىدۇر.

ئوقۇتۇش خىزمىتىگىمۇ تۈزۈك «كۆڭۈل بۆلەلمەيۋاتساق»،ئۇ ئىشلارغا ھەي......

ناھايتى ياخشى تىما يوللاپسىز ،بۇ تىمىنى بولسا ھەربىر ئۆزىنى ئويغۇر دەپ يۈرگەن قىز-ئوغلانلىرىمىز جۈملىدىن مىللىتىمىز بىر ئۇقۇپ قۇيۇشقا تىگشلىك تىما ئىكەن .
سىزگە كۆپ رەخمەت !  بولسا مۇشۇنداق مىللىتىمىزنى ئالغا ئىنتىلىش روھىغا ئىگە قىلدىغان تىمىنى كۆپرەك يوللاپ تۇرسىڭىز !

«1)مائارىپىمىزنىڭ مەقسىدى سوتسىيالىزىمغا ياراملىق ئىز باساريېتىشتۈرۈش.
  2)رايونىمىزنىڭ شارائىتى ئېغىر سانائەتنى تەرەققى قىلدۇرۇشقا ماس كەلمەيدۇ.
3)رايونىمىز دۆلىتىمىزنىڭ موھىم دېھقانچىلىق ، چارۋىچىلىق بازىسى» تۇرسا بىز بۇنى تاشلىۋېتىپ ئېغىر سانائەتكە، باشقىلار ياراتقاننى پىششىقلاپ ئىشلەپ مېنىڭ دەۋىلىشقا يۈرۈش قىلساق يەرنى كىم تېرىيدۇ، كىم پاختا ، گۆش ، بۇغداي بىلەن تەمىنلەيدۇ؟!!!
بۇ دۆلىتىمىزنىڭ دۆلەت مەنپەئەتىگە مۇناسىۋەتلىك چوڭ سىتراتىگىيىسىنى ئۆزگەرتىۋەتكەنلىك بولمامدۇ؟
مۇشۇنداق دۆلەت سىتراتىگىيىسىگە قارشى ئادەمنى تەربىيلىسەك قانداقمۇ جوڭگوچە سوتسىيالىزىمغا لايىق ئىزباسار تەربىيلىگەن بولىمىز؟