<<  « توۋا! <چىۋىننىڭ كۆڭلى پوققا چۈشتى » دېگەندەك، ئۇ ئەقىلسىزنىڭ ئاشۇ بىرنېمىلىرىنىڭ ئارقىسىدىن سوكۇلداپ، كۈن - كۈنلەپ ئۆيگە قايتماي، تېلېفون قىلسام ئالماي يۈرگىنىنى قاراڭ. قېنى ئېيتىڭە، مېنىڭ ئۇ بۇزۇقتىن نەرىم كەم؟ مەندىن چىرايلىقراق بولسىچۇ كاشكى، ھۈ...ھۈ...ھۈ... 
      ئاغىنەمنىڭ ئايالى ئېرىگە نەسىھەت قىلىپ قويۇشۇمنى ئۆتۈنۈپ كېلىپ، ئەنە شۇنداق ھۈ تارتىپ يىغلاپ - قاخشاشقا باشلىدى. بۇ گەپلەرنى ئاڭلاپ، مەنمۇ بېشىمدىن بىر چېلەك مۇزدەك سۇ قۇيۇلغاندەك ئەندىكىپ كەتتىم - دە، كۆز ئالدىمدا بۇ ئىككى ئايال تەبىئىي ھالدا روشەن سېلىشتۇرما بولۇپ گەۋدىلىنىشكە باشلىدى. دېمىسىمۇ ئاغىنەمنىڭ ئايالى چىراي - تۇرق، مەدەنىيەت سەۋىيە، ئائىلە كېلىپ چىقىش، ئەخلاق - پەزىلەت جەھەتتە ھېلىقى ئايالدىن كۆپ ئۈستۈن تۇراتتى. ئاغىنەمنىڭ ئەقىلسىزلىكىگە ھەيران بولۇپ، ئىشنىڭ تەپسىلاتىنى تېخىمۇ ئىنچىكىلىك بىلەن ئىگىلەپ بېقىش ئۈچۈن: 
      _ ئۇنىڭ كۆڭلىنى ئاغرىتقانمىدىڭىز ياكى ئۆيدىن كۆڭلى سۇ ئىچمەيدىغان جايلىرى بارمۇ؟ _ دەپ سورىدىم. 
      _ ياقەي، ئۆينى گۈلدەك تۇتۇپ، ماۋۇ ئىككى بالىمىزنى چىرايلىق بېقىپ، كىيىم - كېچەكلىرىنى پاكىز يۇيۇپ، ئۆينىڭ جاپاسىنى پۈتۈنلەي ئۈستۈمگە ئېلىپ كېلىۋاتمامدىم؟! قالغىنىنى مەن دېمىسەممۇ ئۆزىڭىزنىڭمۇ خەۋىرى بارغۇ؟ _ دېدى ئۇ كۆزلىرىدىن مارجاندەك ياش تۆكۈپ تۇرۇپ. 
      دېمىسىمۇ ئۇلار توي قىلغاندىن بېرى ناھايىتى ئىجىل - ئىناق ئۆتۈپ كېلىۋاتاتتتى. ئالتۇن ئۈزۈككە ياقۇت كۆزدەك ماس كەلگەن بۇ بىر جۈپلەرگە ھەرقانداق ئادەمنىڭ ھەۋىسى كېلەتتى. تۇيۇقسىز بۇ ئىشنىڭ چىقىشى مېنى تولىمۇ ھەيران قالدۇردى _ دە، ئۇنىڭغا تەسەللى بېرىپ، ئېرىگە چوقۇم نەسىھەت قىلىدىغانلىقىم توغرىسىدا ۋەدە بەردىم. مېنىڭچە بولغاندىمۇ ئۇلارنىڭ ئائىلىسى بۇزۇلۇپ كېتىدىغان ئائىلىلەردىن ئەمەس ئىدى. 
      بىر نەچچە كۈندىن كېيىن ئاغىنەمنى بىر قاۋاقخانىدىن، يەنە كېلىپ ھېلىقى ئايال بىلەن پىۋا ئىچىشىپ ئولتۇرغان يېرىدىن ئاران تەستە تاپتىم ھەم نۇرغۇن چىرايلىق گەپلەرنى قىلىپ يۈرۈپ ئۆيۈمگە قايتۇرۇپ كەلدىم. مەن ئۇنىڭغا بەختلىك ئائىلىسى، كۆيۈمچان ئايالى، ئوماق ئىككى پەرزەنتى بارلىقى، ئۆزىنىڭ مۇنداقلا تۈگىشىپ كەتسە بولمايدىغانلىقى توغرۇلۇق نەسىھەت قىلدىم. ئۇ گەپ - سۆزلىرىمنى ئاڭلاپ بولغاندىن كېيىن ھۆركىرەپ يىغلاپ كەتتى ۋە تەلۋىلەرچە مەيدىسىگە ئۇرۇپ تۇرۇپ: 
        _ ئاداش، سىرتتىن قارىغاندا بىزنىڭ ئائىلىگە ھەقىقەتەن ھەممە كىشىنىڭ ھەۋىسى كېلىدۇ. شۇنداقلا ھازىرقى ئەھۋالدا گۇناھنى ھەممە ئادەم ماڭا قويىدۇ. بىراق << تۈتۈننىڭ ئاچچىقىنى مورا بىلىدۇ >> جېنىم ئاغىنەم! _ دېدى.       
        _ قېنى تەپسىلىيرەك ئېيتە، بۇنچىلىك قىلىپ كەتكۈدەك ئاراڭلاردا زادى نېمە ئىش بولدى؟ _ دەپ سورىدىم ئۇنىڭدن. 
        _ ئاداش، مەن شۇنداق خۇلاسىگە كەلدىمكى، ئائىلە شارائىتى ئۆزىنىڭكىدىن يۇقۇرى قىزلار بىلەن ھەرگىز توي قىلماسلىق كېرەككەن. ئۆيدە ئىككى گەپنىڭ بىرى بولسىلا ئۇ: << بۇنى دادام ئېلىپ بەرگەن، بۇنى ئاپام ئېلىپ بەرگەن، بۇنى ئاكام ئېلىپ بەرگەن، سىزنىڭ ئۆيىڭىزدىكىلەر بىزگە نېمە قىلىپ بەردى؟ >> دەپ ماڭا مىننەت قىلىدۇ. ھە دېسە پۇل تاپالمىدىڭ، ئۆي ئىشلىرىغا قاراشمىدىڭ، دەپ ھۈرپىيىدۇ. ئۆز تۇرمۇشىغا زادىلا قانائەت قىلمايدۇ. ئالغان مائاشىغا ئاينىڭ بېشىدىلا كىيىم ياكى گىرىم بۇيۇمى سېتىۋالىدۇ. << ئۇنداق قىلماڭ >> دېسەم: << مېنىڭ سىزگە ئېغىرىم چۈشمەيدۇ، بىر ئۆينىڭ ھۆددىسىدىن چىقالمايدىغان ئادەم خوتۇن ئېلىپ، بالا تېپىپ نېمە قىلىدۇ؟ >> دەپ مەن بىلەن سوقۇشىدۇ. ھە دېسە رېستۇران، تېز تاماقخانىغا بارايلى دەپ غەلۋە قىلىدۇ. << ئۆيدە ئۆزىمىز ئېتىپ يېسەك بولمامدۇ >> دېسەم، << كۆزى كىچىك، زېدى پەس >> دەپ تىللايدۇ. مەنمۇ مۇشۇ ئۆينى، خوتۇن _ بالىنى دەپ جېنىمنى تىكىپ ئىشلەپ، تاپقىنىمنى ئەكىرىپ شۇنىڭ ئېتىكىگە تاشلاۋاتىمەنغۇ. تېخى گاھىدا گەپ تالىشىپ قالساق ئاغزىدىن چىقىدىغان گەپلەرنىڭ سەتلىكى، ئۇراي دېسەڭ، خوتۇن كىشى. ئۇنىڭسىزمۇ ئارىمىزدا ئازراقلا جېدەل چىقىپ قالسا، ئاكا - ئۇكىلىرى مەن بىلەن ئۇرۇشقىلى كېلىدۇ. ھېلىمۇ ئىككى بالامنىڭ يۈزىنى قىلىپ مۇشۇ كەمگىچە چىداپ كەلدىم. بۇ بىرنەچچە كۈندىن بېرى جەننەتكە كىرىپ قالدىم ئاداش، جەننەتكە... ھۆ ... ھۆ ... ھۆ ... _ ئۇ شۇنداق دېگىنىچە دولامغا ئېسىلىپ ھۆركىرەپ يىغلاپ كەتتى.
      شۇ تاپتا كاللامغا قايسىدۇر بىر ژورنالدىن ئوقىغان ئاشنا توغرۇلۇق مەزمۇنلار غۇۋا كېلىشكە باشلىدى: << ئاشنا يانچۇقىڭىزنى قالايمىقان ئاقتۇرمايدىكەن. ئۆي ئىشلىرىغا قاراشمىدىڭ، پۇل تاپمىدىڭ، بالىلار بىلەن كارىڭ بولمىدى، بۇ ئۆينىڭ يۈكىنى مەنلا ئۈستۈمگە ئالامتىم؟ دېگەندەك گەپ - سۆزلەرنى قىلمايدىكەن. ئۇ سىزنى ھەر ۋاقىت خۇشچىراي قارشى ئالىدىكەن. كۆرۈشەلمىگەن چاغلاردا تېلېفون ئارقىلىق ئىلھام ۋە مەدەت بېرىپ تۇرىدىكەن. قارشى تەرەپنىڭ مۇڭىغا مۇڭ، غەم - قايغۇلىرىغا ئورتاق بولىدىكەن... مۇنداق ياخشى ئىشنى كىم خالىمايدۇ دەيسىز؟ >>.   
      ئاغىنەمنىڭ داد - پەريادلىرى بىلەن يۇقۇرىدىكى مەزمۇنلارنى ئۆزئارا بىرلەشتۈرۈپ بىردەم ئولتۇرۇپ كەتتىم - دە، ئاغىنەمگە كەچتە ئۇلارنى ياراشتۇرۇپ قويۇش ئۈچۈن بارىدىغانلىقىمنى ئېيتىپ، ئۇنى يولغا سالدىم. 
        كېتىۋاتىمەن، پۇت - قوللىرىم تولىمۇ ئېغىر، كاللامدا بىر پاتمان خىيال. بىر ئۆي دېگەندە 365 كۈننىڭ ھەممىسىدە << سىلى - ئۆزلىرى >> بىلەن ئۆتكىلى بولمايدۇ، ئۇنداق ياكى مۇنداق گەپ تالىشىشلار، سۈركىلىشلەر بولۇپ تۇرىدۇ. لېكىن ئۇنى كۆپلىگەن ئەر - خوتۇنلار لايىقىدا ھەل قىلىپ، چىرايلىق ئۆتۈپ كەتسىمۇ، بەزى ئەر - خوتۇنلار بىر - بىرىگە بوي بەرمەي، زىددىيەتنى ئۇلغايتىپ ھەر خىل يامان ئاقىۋەتلەرنىڭ كېلىپ چىقىشىغا سەۋەب بولىدۇ. << توي قىلىشتىن بۇرۇن ئىككى كۆزۈڭنى يوغان ئاچ، توي قىلغاندىن كېيىن بىر كۆزۈڭنى قىسىۋال >> دېگەندەك ھېكمەتلەرنى ئۇنتۇپ قالىدۇ.
      مەن ئويلايمەن، مۇھەببەت پەرۋىشكە موھتاج. مۇھەببەت تەشتەكتىكى گۈلگە ئوخشايدۇ، ئۇنى قانچىكى كۆڭۈل قويۇپ پەرۋىش قىلسىڭىز، ئۇ شۇنچە ياخشى ئاينىپ سىزگە خۇشپۇراق ۋە گۈزەللىك ئاتا قىلىدۇ. ئەكسىچە بولغاندا، ئېرىشىدىغىنىڭىز قۇرۇق شاخ ۋە پۇشايماندىن ئىبارەت بولىدۇ، خالاس. مۇھەببەتلىشىشنى تويدىن بۇرۇن بولىدىغان ھادىسە دەپ قارىماستىن، تويدىن كېيىنكى مۇھەببەتتىكىمۇ سەل قارىماسلىق لازىم. << مۇھەببەت گوياكى بىر ئوت، قالاپ تۇرمىساڭ ئۆچىدۇ>>. سىز مەيلى ئەر ياكى ئايال بولۇڭ، تۇرمۇشتا ئۆز جورىڭىزگە خۇددى مۇھەببەتلىشىپ يۈرگەن چاغلاردىكىدەك مۇئامىلە قىلالىسىڭىز، ئۇنى ھەمىشە خۇشال قىلىشنى، ئۇنىڭغا تېخىمۇ كۆپ مېھرىڭىزنى ئاتا قىلىشنى، ياخشى تەرىپىنى بەكرەك كۆرۈپ، بولمىغان يەرلىرىنى ئەپۇ قىلىشنى بىلسىڭىز، ھەر قانچە گۈزەل پەرىزات ياكى قاملاشقان بوز يىگىتمۇ ئاراڭلارغا قىستىلىپ كىرەلمەيدۇ.         
                                      مەنبە : شىنجاڭ ئاياللىرى

توغرا ،تۇرمۇشتا ھەر ۋاقىت ئۆزىمىزنى تەكشۇرۇپ تۇرۇشىمىز كېرەك ،باشقىلاردىنلا ئاغرىنماي .ئۆز-ئارا چۇشۇنىش بەك مۇھىم جۇمۇ      بولمىسا شۇ      بۇلىدىغان گەپ .  قالغىنى تەغدىر        ئامال يوق

      << مۇھەببەت گوياكى بىر ئوت، قالاپ تۇرمىساڭ ئۆچىدۇ>>،  << توي قىلىشتىن بۇرۇن ئىككى كۆزۈڭنى يوغان ئاچ، توي قىلغاندىن كېيىن بىر كۆزۈڭنى قىسىۋال >>  بۇ بولىدىغان گەپلەر ئىكەن جۇمۇ.

ئۆز ئارا ھۆرمەت ،مۇھەببەت بەختلىك ئائىلىنىڭ ئاساسى.

ئائىلىنىڭ ئىشى دىگەن بىر كىشلىك خىزمەت، ئادەتتە خىزمەت قىلغان  ئايال كىشى ئىككى كىشلىك خىزمەتنى ئۆز ئۈستىگە ئالغان بولىدۇ، مۇنداق ئىش كىمنى چارچاتمايدۇ، كىمنى تىرىكتۈرمەيدۇ، ئەرلەرمۇچۇ بۇرۇنقىدەك خوتۇنلىرىنى ئۆيدە ئولتۇرغۇزۇپ قويسا بىر ئائىلىنى گۈلدەك بېقىپ كېتەلىگىدەك جاھان قالمىغاندىكىن ئاياللىرىغا ئازراق كۆيۈنۈپ ئاسراشنى بىلسە بولىدۇ، ئاياللاردا نىمىشقا ئاياللىق نازاكەت قالمايدۇ؟؟؟؟؟ ئۆزەمنى ئېلىپ ئېيتسام بىر ئەر كىشىگە ئوخشاپ قالغىلى تۇردۇم مۇشۇ كۈنلەردە، ... مەندەك ئاياللاردىن قانچىسى باردۇ بۇ جاھاندا؟؟

ياخشى يېزىلغان ماقالىكەن، يوللانمىڭىزغا كۆپ رەخمەت. ئائىلىدە ھەر كىم ئۆز مەسئۇلىيتىنى ئادا قىلىشى،بەزى بىر ئىختىلاپلارنى ئۆز-ئارا ھەل قىلىپ،ئەپۇچان بولۇشى، بىر-بىرىگە ئالدىراپ ئازار بەرمەسلىكى كېرەك، ئادەمنىڭ كۆڭلى كىچىككىنە يەردە دىگەندەك، بەزىدە ئۆيلاپ-ئۆيلىماي دىيىلگەن سۆزلەر قارشى تەرەپكە ئېغىر كېلىدۇ. بۇ ماقالىدا دىيىلگەن ئايالنىڭ بەزى گەپ-سۆزلىرى يۆلدىشىنىڭ ئۆزىدىن ھەم بۇ ئائىلىدىن يىراقلاپ كىتىشكە سەۋەپ بوپتۇ.

ئۇنداق گەپ- سۆزلەرنى مانا مەن دىگەن ھەر قانداق ئەر كۆتىرەلمەيدۇ. ئەر كىشىنىڭ ئەڭ غۇرۇرىغا تىگىدىغىنى ئايالنىڭ مۇشۇنداق تاپا- تەنىسى.

«ئۇنداق گەپ- سۆزلەرنى مانا مەن دىگەن ھەر قانداق ئەر كۆتىرەلمەيدۇ. ئەر كىشىنىڭ ئەڭ غۇرۇرىغا تىگىدىغىنى ئايالنىڭ مۇشۇنداق تاپا- تەنىسى.»
توغرا ،ئاياللار ھىچ بولمىغاندا ئەرلەرنىڭ غۇرۇرىغا تىگىدىغان گەپ سوزلەرنى ، قىلىقلارنى قىلمىغان بولسا نۇرغۇن ئائىلەر ۋەيران بولماس ئىدى .بەزى ئاياللارنىڭ ئىغىزى ئالامەت كى بۇ گەپلەر ئەرلەرنىڭ سىرىتقا قاراپ كىتىشىگە مەجبۇرلايدۇ .
ئى مەزلۇملار ئەرلىرىڭلار مەيلى سىلاردىن يۇقىرى تۇرسۇن ياكى توۋەن تۇرسۇن بىلىپ تىپىشقان بولغىتىڭلار ئەرلىرىڭلارنىڭ غۇرۇرىغا ھورمەت قىلىپ قويۇڭلار ،بولمىسا ئاخردا ئوزۇڭلار پۇشايمان قىلىپ قالىسلەر .
                    ئوزەم تاپقان بالاغا ،نەگە باراي داۋاغا .

توي قىلىشتىن بۇرۇن ئىككى كۆزۈڭنى يوغان ئاچ، توي قىلغاندىن كېيىن بىر كۆزۈڭنى قىسىۋال                     

ئائىلە قورغاننىڭ ئۆزى...

      مەن ئويلايمەن، مۇھەببەت پەرۋىشكە موھتاج. مۇھەببەت تەشتەكتىكى گۈلگە ئوخشايدۇ، ئۇنى قانچىكى كۆڭۈل قويۇپ پەرۋىش قىلسىڭىز، ئۇ شۇنچە ياخشى ئاينىپ سىزگە خۇشپۇراق ۋە گۈزەللىك ئاتا قىلىدۇ.

راست دەيسىز

جورىڭىزگە كۈيۈنۇڭ ،شۇ چاغدىلا ئالەم تېخىمۇ گۈزەل.

كوز ئالدىڭدىكىلا ساڭا مەنسۇپ ، كوز ئالدىڭدا تۇرغاندا قەدىرگە يەتكىن،ھەممە ئىنسان ئوزگە چۇشلۇق ياشايدۇ  

  لىكىن توي قىلىدىغاندا ظادەمنىث ظىككىلا كأزى قارىغؤ بؤلؤپ قالىدؤ

Quote:

بۇ مەزمون13قەۋەتتىكىkisas10997نىڭ2008-05-17 00:38دە يوللىغان يازمىسى  :
  لىكىن توي قىلىدىغاندا ظادەمنىث ظىككىلا كأزى قارىغؤ بؤلؤپ قالىدؤ

ۋۇي قىساس ئەپەندىمنىڭ كۆزى ياق ئىككىلا كۆزى قارىغۇ بولۇپ قاپتىىكەن دە ، نىمنشقا بۇرۇنراق دىمىگەنسىز ................
يەنىلا ئۆز - ئارا چۈشنىش ، كۆيۈنىش ، مۇھەببەت بولمىسا بىكار جۇمۇ

ۋاي ،خۇدايىم ، توي قىلىدىغاندا ئىككى كۆزى قارىغۇ بوپقالسا قانداق بولىدۇ؟ ئۇنداق بوپقېلىشتىن خۇدايىم ساقلىسۇن جۇمۇ .

تۈتۈننىڭ ئاچچىقىنى مورا بىلىدۇ ،ھەي............................

Quote:

بۇ مەزمون6قەۋەتتىكىturkinazنىڭ2008-05-16 20:42دە يوللىغان يازمىسى  :
ئۇنداق گەپ- سۆزلەرنى مانا مەن دىگەن ھەر قانداق ئەر كۆتىرەلمەيدۇ. ئەر كىشىنىڭ ئەڭ غۇرۇرىغا تىگىدىغىنى ئايالنىڭ مۇشۇنداق تاپا- تەنىسى.

خېلى ئورۇنلۇق  گەپ  قىلىپسىز.

سوئال:
ئۇ ئېرىڭىزنى قانداق قىلىپ تارتىۋالدى؟ 
جاۋاپ:
ۋايتاڭ!

98%دىن يۇقىرى ئەر-ئاياللار نىكاھ تۇرمۇشىدىن رازى ئەمەس، %99 دىن يۇقىرى قىز-يىگىتلەر مۇھەببەتلىك تۇرمۇشىدىن تولىمۇ مەمنۇن!

ئىشقىلىپ باشقىلارنىڭ بولۇپمۇ ئۆز يىقىن كىشىمىزنىڭ غورورىغا ھورمەت قىلىشىمىز كىرەك.

خۇتۇن كىشى ئەردە ياخشى بولمىسا يەردە ياخشى دەيدىغان گەپ بار.
ھازىر ئىرىڭىزنى پۇل تاپمىدى، ياكى ئۇنداق ياكى مۇنداق دىسىڭىزمۇ مەيلى ئاجىرشىپ كەتتىڭىزمۇ دەيلى. ھامان بىر ئەرگە تىگىسىز.  نەدىمۇ بىرىنچىسىدىن ئىككىنچىسى ياخشى بولىدىغان ئىش بار. ھەممىسىنىڭ ئارتۇقچىلىقىمۇ كەمچىللىكىمۇ بار.
خۇتۇن قىلسا ئەرگە قىلىدۇ. ئەر قىلسا بالىغا قىلىدۇ دەيدۇ كونىلار.
چىدىغانغا چىقارغان . توي قىلىپ بالىلىق بولغىچە ئەر خۇتۇن ئۇچۇن، خۇتۇن ئھر ئۇچۇن ياشايمىز . بالىلىق بولدۇقمۇ ھەر ئىككىمىز بالا ئۇچۇن ياشايمىز.
بىرسىمىز ئوڭدا بىرسىمىمىز دۇمدە تۇرۇپ ئاپرىدە قىلغان  شۇ بالىمىزنى بىر چىرايلىق باقالماي ئەر خۇتۇنغا ،خۇتۇن ئەرگە ئازار بىرىپ ئاقىۋەت بالىنى يىتىم قىلىدىغان ئىشنى قىلىپ يۇرسەك بولماس.

مەن قەدىرداننىڭ گېپىگە قوشىلىمەن،

                      مەن بۇ تىمىدا دىيىلگەندەك( باشقا يەنە نۇرغۇن تىمىلاردا ) نىكاھنىڭ بۇزۇلۇشى پەقەت ئايالغىلا باغلىقمۇ ، ئەگەر بىر ئايال بولسىڭىز ئەرنىڭ بارلىق سەت چىرايلىق قىلىقلىرىغا چىدايدىكەنسىز .لېكىن ئەرلەر چىدىمايدىكەن . ئەرلەر سىزدىن ئازراقلا بىر سەۋەنلىك ئۆتتىمۇ سىزنى پەقەت كەچۈرمەيدىكەن ، ھەتتا ئاجرىشىش يولىغا ماڭىدىكەن ، بىز ئاياللار بولساق ئۇلارنىڭ قىلىقلىرىغا چىداپ ، چىشىمىزنى چىشلەپ ئۈتىدىكەنمىز . چۇنكى ئوماق بالىلىرىمىزنى بەك مۇھىم قۇيىمىز . بۇ ئەسەردىكى ئايالنىڭغۇ توغرا قىلمىغان بەزى جايلىرى باركەن . شۇنداقتىمۇ ئەر ئايالىغا ياخشى چۈشەندۈرۈپ تۈگۈننى يەشسە بولمامدۇ ؟ نىمىشقا ئاشنا تېپىۋالىدۇ ؟ ئەگەر ئەر ئاشۇنداق قىلسا ، ئاياللار ھەرگىزمۇ ئاشنا ئويناش يولىنى تاللىمايدۇ . دىمەك ئەرلەر بەك غەيرەتسىز . ئۇلار ئاياللاردەك قەيسەر ئەمەس .

مەيلى كىملا بولسۇن قارشى تەرەپنىڭ غورۇرى بىلەن ئېتىشىدىغان ئىشنى قىلسا،ئاقىۋىتى ھامان شۇنداق بولىدۇ.
....................................................................
ئىنكاس يازدىم دەپ ئاغزىڭلارغا كەلگەن گەپنى دەۋەرمەڭلار ،بەزى گەپلەر بەكلا يالىڭاچ بولۇپ كىتىپتۇ

ئىشقىلىپ خۇلاسىلاپ كەلسەك ئاخىرىدا ھەممە گۇناھ ئاياللاردا بولۇپ چىقىدۇ.ئالدىراش خىزمەتتىن كېلىپ يەنە تۈگىمەس ئۆي ئىشلىرىنى قىلىدۇ،تاماق ئېتىپ ئۆي يۇغۇشتۇرىدۇ،بالىلىرىنىڭ ئەتىكى مەكتەپ تەييارلىقلىرىنى قىلىدۇ ،ئۇھ...ئىشلىرىنى تۈگۈتۈپ بولۇپ يەنە ئېرىگە بەرگەن مېھرى ئاز بولۇپ قېلىپ باشقىلارنىڭ تارتىۋىلىشىدىن ئەنسىرەپ ئارام ئېلىش خىزمىتىدە بولمىسا بولمايدۇ!ئەتىسى ئەتتىگەن ئورنىدىن ھەممىدىن بالدۇر تۇرۇپ ناشتىلىق تەييارلايدۇ،بالىلىرىنى مەكتەپكە رەتلىك يولغا سالىدۇ ،بولمىسا خەقنىڭ رەتسىز دىگەن گىپىگە قالىدۇ! ئېرىنى چوقۇم كۈلۈمسىرەپ يولغا سېلىشى كېرەك ،بولمىسا ئەر بولغۇچىنىڭ ئۆيىدىن كۆڭلىنى  سۇ ئىچكۈزەلمىگەن ئايال بولىدۇ. ئالدىراش ئىشقا بارىدۇ،بولمىسا رەھبەرلىرى ئالدىدا قابىلىيەتسىز ئايال بولىدۇ!
چۈشتە ئىشتىن پالاقشىپ چۈشۈپ تاماقنى يولدىشى كەلگۈچە ئېتىپ بولۇشى كېرەك.بولمىسا سۆرەلمە ئايال بولىدۇ!تاماقنى ئېتىپ بولۇپ ئېرىنىڭ،بالىلىرىنىڭ ئارام ئېلىشىغا تەسىر يەتكۈمەي قاچا-قۇچىلارنى يۇغۇشتۇرىدۇ،بولمىسا رەتسىز ئايال بولىدۇ!
يەنە ئىشقا بارىدۇ.ئىشتىن چۈشۈپ يەنە ئۆيگە قاترايدۇ،يەنە تۈگۈمەس ئائىلە ئىشلىرى بىلەن بەنىت بولىدۇ،تاماق ئېتىدۇ،يۇغۇشتۇرىدۇ،يەنە بىر تەرەپتىن ئۆزىنىڭ ئائىلىدە كىيىنىشىگە ،يۈرۈش-تۈرۈشىگە ئالاھىدە دېققەت قىلىشى كېرەك،بولمىسا ئېرىنىڭ كۆڭلى سۇۋۇپ كىتىدۇ!كۆڭلىنى ئالالمىغان ئايال بولىدۇ
ئۆزىنى تۈزەپ بىرەر يەرلەردە ئېچىلىپ قالسا<ۋىييەي،ئېرى تۇرۇپ قىلغان قىلىقىنى،بۇزۇق ئايال بولىدۇ>.راستنى- راس پېتى سۆزلەپ قويسىا مېھنەتخور ئايال بولىدۇ.....يەنە نۇرغۇن-نۇرغۇن تەرىپلىك ئايال بولالايدۇ ئەرلەر خالىسىلا....
مېنىڭ پىكىرىم خاتامىدۇ سىلەرچە!!!!!!!

Essilamu eleykum 
Erkishishini pul tapalmiding dep urushush bir ahmikhane ish, meningche ekhli bar kishi kholidini kelishiche ishleshke tirishidu emma Allah risikh ve beriket berguchi allah az berseuningdin yeni erkishidin rehjish bir ahmikhane ish. Ayalining tapa-tenilirini dep ashna tutivelish ve yaki harakh ichip yurush bir ahmikhane ish insan khanche haramgha mangsa oydin shunche beriket khachidu u ekishining "osidin ustun hotun bilen toy khilish hataken " dep ozini toven korishimu bir ahmakhning gepi Allah allinburun erkishilerning Ayallardin bir derije ustunlikini butun dunyagha dimigenmidi? shu yiterlik bolmighan erkishiler uchun ozining kimlikini bilmigen erkishiler uchun bundakh nainsap hotunlargha erishishi heyran khalarlikh ish emes. Hemme adem khilsa ozige khilidu. Allah ulargha iman ve insap bersun. Amin.