دىيارىم تورى ئەڭ يېڭى خەۋىرى :
            گۇلى ماركىسىدىكى بىخەتەرلىك قاپچۇقىنى ئىشلەپ چىقارغان زاۋۇت ۋە ئورۇنلار قاتتىق تەكشۈرۈلدى .
دىيارىم مۇنبىرىدە ئىلان قىلىنغان « گۇلى ماركىسىدىكى بىخەتەرلىك قاپچۇقى » ناملىق خەۋەر تارقىتىلغاندىن كېيىن دىيارىم تورىدا قاتتىق نارازىلىق ۋە قارشىلىق كەيپىياتى شەكىللىنىپ تورغا كىرىدىغان ئۇيغۇر قىرىنداشلار ئارىسىدا كەڭ جامائەت نارازىلىقى كۆرۈلدى .
ئەسلى يازمىنىڭ ئادرىسى تۆۋەندىكى ئۇلىنىشتا : ./read.php?tid=19655
دىيارىم تورى بۇ ئىشقا ئالاھىدە ئەھمىيەت بەردى ۋە شىنجاڭ ئۇيغۇر ئاپتونوم رايۇنلۇق سودا - سانائەتنى مەمۇرىي باشقۇرۇش ئىدارىسىدىكى مۇناسىۋەتلىك خادىملارنىڭ بۇ ئىشقا كۆڭۈل بۆلۈشىنى ۋە قاتتىق بىر تەرەپ قىلىشىنى تەلەپ قىلدى .
بۈگۈن يەنى 2008-يىلى 9-ئاينىڭ 19- كۈنى چۈشتىن كېيىن ئاپتونۇم رايۇنلۇق سودا سانائەتنى مەمۇرىي باشقۇرۇش ئىدارىسىدىكى مۇناسىۋەتلىك خادىملار دىيارىم تور بېكىتىگە بۇ ئىشنىڭ خەۋەرىنى يەتكۈزدى ۋە يۇقارقى ئىش توغرۇلۇق نارازىلىق كەيپىياتىدا بولغان بارىلىق تور ئەھلىگە ۋە ئۇيغۇر خەلقىگە دىيارىم تور يۈزىدە بۇ ئىشنىڭ نەتىجىسىنى يەتكۈزۈپ قويۇشنى ئالاھىدە تەلەپ قىلدى .
ئاپتونۇم رايۇنلۇق سودا سانائەتنى مەمۇرىي باشقۇرۇش ئىدارىسى كەڭ ئاممىنىڭ كۈچلۈك ئىنكاسى ۋە نارازىلىق تېلېفۇنىنى تاپشۇرۇپ ئالغاندىن كېيىن بۇ ئىشقا ئالاھىدە كۆڭۈل بۆلدى ۋە دەرھال چارە تەدبىر قوللاندى . « گۇلى » ماركىسىدىكى بىخەتەرلىك قاپچۇقىنى ياسىغان ۋە ساتقان ئورۇنلارنى قاتتىق تەكشۈردى ۋە ئىنىقلاپ چىقتى .  شۇنداقلا شۇ زاۋۇتنىڭ شىنجاڭدىكى بارىلىق ئېلان تەشۋىقاتىنى توختۇتۇش ، بازارلاردا گۇلى ماركىسىدىكى بىخەتەرلىك قاپچۇقنى سېتىشنى چەكلەش ،قارارىنى چىقاردى  ۋە مۇناسىۋەتلىك ئورۇنلارنىڭ ۋە كىشلەرنىڭ گۇلى ماركىسىدىكى شۇ خىل مەھسۇلاتنى بايقىسا دەرھال ئىنكاس قىلىشىنى مۇراجەت قىلدى .
ئۇندىن باشقا يەنە ئاپتونۇم رايۇنلۇق سودا سانائەتنى مەمۇرىي باشقۇرۇش ئىدارىسى دۆلەت سودا سانائەتنى مەمۇرىي باشقۇرۇش باش ئىدارىسىگە ۋە دۆلەت تاۋار ماركا باش ئىدارىسىگە « گۇلى »ماركىسىنىڭ ئىشلىتىش ھوقوقىنى بىكار قىلىش  ۋە يۇقارقىدەك تىجارەت بىلەن شۇغۇللىنىشىنى توختۇتۇشنى تەلەپ قىلىپ ھۆججەت ۋە ئالاقە ئەۋەتتى . پات ئارىدا دۆلەتنىڭ مۇناسىۋەتلىك ئاپپاراتلىرىنىڭ بۇ ئىشنى بىر تەرەپ قىلغانلىق خەۋەرىنى ئېلان قىلىمىز .

~~~~~~~~ دىيارىم تور بېكىتىمىز مۇشۇ مۇناسىۋەت بىلەن بىزنىڭ كىشلىك مەنپەتىمىزنى ۋە نام شۆھرىتىمىزنى قوغداشقا دەرھال كۆڭۈل بۆلگەن ئاپتونوم رايۇنلۇق سودا - سانائەتنى مەمۇرىي باشقۇرۇش ئىدارىسىنىڭ رەھبەرلىرىگە ۋە مۇناسىۋەتلىك يولداشلارغا چىن كۆڭلىمىزدىن رەھمىتىمىزنى بىلدۈرىمىز .

ئىشىنىمىزكى بۇ ئىشنىڭ نەتىجىسى چوقۇم بىزنى رازى قىلغۇدەك ياخشى بولغۇسى ! ! !


دىيارىم تورى كوللىگىيسى
دىيارىم تورى

ۋاي يۇركىم قاچان چىقا نەتىجىسى!!!!!!!!!!!!!!!!!!

بەك ياخىشى بوپتۇ دەپ تۇراي ھازىرچە ھە

     مۇشۇ ئىشقا ئۇلاپ (ئوغۇزخان) ...................
   قاتارلىق ھەرخىل ماركىدىكى ھاراق ۋە ئىچىملىكلەرنىمۇ تەكشۇرسە بولاتتى .
      

مانا بۇ «شەھەر ئېستىمال گېزىتى» گە بىرىلگەن ئىلان.

راسلا مۇۋاپىق ھەل قىلىنمىسا، بۇ ئىشنىڭ  مۇنداقلا بېسىقىپ قېلىشىغا ، كاللامنى كىسىۋەتسىمۇ ئىشەنمەيمەن!!!

ئاتامان يارايسىز !

مىنىڭچە شىنجاڭدىلا ئەمەس ، پۇتۇن جۇڭگۇدا توختىتىش كېرەك.

ئاتامان سىزگە تەشەككۈر ! ئىشىنىمەن ، بۇ ئىش چوقۇم ياخشى بىرتەرەپ بولىدۇ .
مەن تېخى ئۇ ماركىدا ئوراپ-قاچىلاش يېشىكى ئىشلەپ چىقاردىمىكىن دەپ ئويلاپتىمەن ~ توۋا ماۋۇ ئىشنى ئەمدى ، ئۇنىڭغا گۈلىى دىن باشقا ئىسىم چىقمىغانمىدۇ ؟ ھەي بىچارە ئۇيغۇر قىزلىرى ! ئىسمىڭ چۈشمىگەن ئاشۇ نەرسە قالماپتۇ-دە ! توۋا توۋا  ، ، ، ھەجەپ ئىچىمگە ئۆتەپ كەتتا ماۋۇ ئىش ! ئۆزەمنى سەل تۇتۇۋالاي . .

بۇ ئىشقا جىددى قارايلى ، مەھسۇلات ئىشلەشنى ھاۋالە قىلغان شېركەتنى قانۇن ئورگانلىرىغا تاپشۇرۇپ،بارلىق رەسمىيەتلىرىنى ئەمەلدىن قالدۇرۇپ، « ج خ ج نىڭ ئېلان قانۇنى» ، « ئېلان باشقۇرۇش نىزامى »، «يولغا قويۇش تەپسىلى قائىدىسى »قاتارلىق قانۇن بەلگىلىمىلەر بىلەن قاتتىق سۈرۈشتە قىلىپ ، ئېغىر مەمۇرى چارە كۆرۈش لازىم. گېزتخانا ۋە زاۋۇت ،شېركەت ئۇيغۇر خەلقىدىن گېزىت يۈزىدە ئاشكارە كەچۈرۈم سورىشى كېرەك.
ئېلان قانۇنى نىڭ 7- ماددىسىدا - ئېلاندا تۆۋەندىكى ئەھۋاللار كۆرۈلسە بولمايدۇ : (7)-تارمىقىدا: مىللى ، ئېرىقى ،دىننى ، جىنىسي كەمسىتىش مەزمۇنى بولماسلىقى كېرەك ، دەپ بەلگىلەنگەن. ئېلان باشقۇرۇش ننىزامىنىڭ 8-ماددىسىدا :ئېلاندا تۆۋەندىكى مەزمۇنلارنى تارقىتىشقا ، ئورنىتىشقا ، چاپلاشقا بولمايدۇ: (2)- مىللى غورۇرنى دەپسەندە قىلىدىغان مەزمۇنلار بولماسلىقى لازىم .

ئۇندىن باشقا ئاپتۇنوميىلىك جايلاردا ئېلانلار « ش ئۇ ئا ر نىڭ تىل يېزىق باشقۇرۇش  نىزامى» نىڭ چەكلىمىسىگە ئۇچىرايدۇ.

بەك ياخشى بوپتۇ.ديارمدىكى دوسلارغا، دىيارم شىركىتگە كوپ رەخمەت ، نۇرغۇن نەرسىلىرنى ئۇيغۇر مىللتىمىز ئۇچۇن ھەل قىلپ بەردى.   

نەتىجىسى قاچانمۇ چىقار؟شۇنداقتىمۇ ناھايىتى خوشال بولدۇم..........

سودا-سانائەتنى  مەمۇرى  باشقۇرۇش  ئورنىغا  مىڭ  رەخمەت .





          

بەك ياخشى بوپتۇ.....جاجىسىنى بېرىش كېرەك بۇلارنىڭ .......

ئاتامان رەھمەت سىزگە ، مىللىتىمىزنىڭ ئىناۋىتى ئۇچۇن خىلى كۈچ چىقاردىڭىز