تېلۋېزۇر ۋاقتىمىزنى، خىيالىمىزنى،گۇڭۇر -مۇڭۇر مۇڭدىشىشلىرىمزنى...تارتۋېلىۋاتقاندىن باشلاپ، بىز ئۆزىمىزمۇ سەزمىگەن تۈردە،تېلىۋۇزۇرنىڭ <قۇلى> بولۇپ قالدۇق.تېلىۋۇزۇر بىزنىڭ 24 سائەت ۋاقتىمىزدىن تەخمىنەن ئوتتۇرا ھېساپ بىلەن 10سائەتكە يېقىن ۋاقتىمىزنى ئىگىلەپ بولدى،
شۇنداق بولغاندا، بىز يېڭى ئۇچۇر، يېڭى ئىدىيە، يېڭىچە قىممەت قاراشلىرىنى تېلىۋۇزۇردىن ئالىدىغان،ياكى شۇنىڭدىن ئۆگۈنىدىغان بولۇپ كەتتۇق.ئەمدى كىتاپ ئوقۇيلى، جىمجىت تەپەككۇر قىلايلى،<ئىبادەتنىڭ بۆيۈك لەززىتى تەپەككۇردىدۇر> دەپ، قولىمىزغا ياخشى كىتاپتىن بىرنى  ئالايلى دەۋاتساق،ئۇرۇق- تۇققانلار بىلەن،ئەل ئاغىينىلەر بىلەن، بالا-چاقا، خوتۇن بىلەن تېلىۋۇزۇرسىز ئۆزىمىزنىڭ ئىشلىرى ھەققىدە ئويلىنايلى دەۋاتساق،ئۆز ئارا ئىچكىشىپ مۇڭدىشايلى دەۋاتساق... تېلىۋۇزۇر ھەممىنى ...يوق قىلىۋېتىىپ بارىدۇ...
  ماقۇل، ئېلىشقا  تېگىشلىكنى تېلىۋۇزۇردىن ئالساقمۇ ئالىلى،دەيلى دىسەك،تېلىۋۇزۇردىكى زاڭ، بىمەنە،ئېلانلار،بىزنىڭ مىللىي مەدەنىيىتىمىزنى چىمدىپ تۇرۇپ يەيدىغان ئەبگا كېنولار...تايىنى يوقلۇقىدا بىرىنچى ئورۇندا تۇرىدىغان بىر قىسىم لاۋزا پىرۇگىراممىلار... بىزگە ھېچنىمە بېرەلمەيتى.
  تېلىۋۇزۇر سەۋەپلىك مەدەنىيتىمىز ،گەپ سۆزلىرىمىز، قىلىقلىرىمىز، ئىدىيىلىرىمىزنىڭ...شۇنچىكى سۇيۇقلىشىپ كېتىۋاتقانلىقىنى بىز ئۆزىمىز سەزمەيۋاتىمىز. پەقەت ئېلان ئارىلاشمىغان <خەلقئارا خەۋەرلەر بىلەن مەملىكەت خەۋەرلىرى>  قاتارلىق ئازغىنە پىرۇگىراممىلارلا سەل- پەل ئاچقان يەرگە باراتتى.
  گەپ شۇ يەرگە كەلگەندە <ناۋا> پىرۇگىراممىسى ھەققىدە سۆز ئاچمىسام بولمايدىغانلىقىنى ھىس قىلىۋاتىمەن.
<ناۋا> نىڭ ئۇيغۇر تىلىدىكى مەنىسى- كۈي، نەغمە،ئۆرلەش،مەۋج ئۇرۇش،سايراش ...دۇر.
<ناۋا> پىرۇگىراممىسى شىنجاڭ تېلىۋېزىيسى2-قانىلىدا تارقىتىلىشقا باشلىغاندىن تارتىپ ئەزەلدىنلا قېنىدا ناخشا-مۇزىكا گېنى بار خەلقىمىزگە،شۇنداقلاشۇنىڭ ئىچىدىكى كۆپ قىسىم ياشلارغا ياخشى پۈرسەت، مەدەت، زوق بولدى دېيىشكە بولىدۇ. خەلقمىزنىڭ كۈيلىرىگە كۈي قوشۇۋاتقان <ناۋا> گەرچە شۇنداق مەنپەئەتلەرنى بەرسىمۇ لېكىن ئەمما ئۇنىڭ <سايراش>ى
زەئىپ،چۈشكۈن،خارامۇش، تېتىقسىز...پۈچەك... بولۇپ قېلىۋاتىدۇ.ئۇنىڭدىكى بىر قىسىم ناخشىلارنى، ناخشىچىلارنى شاللاقلارنىڭ دىباخانىسىدا ناخشا ئوقۇيدىغان نېمىمىدۇ، شۇ يەردە ئوقۇيدىغا ناخشىمدۇ بۇ؟... دەپ قالىمىز.شۇنداقلارنىڭ ناخشلىرى پۈچەكلىكتە چېكىگە يەتكەن،تېكىستلەرنىڭ بەتتاملىقى ياخشى شېئىر يازىدىغان شائىرلارغا ھاقارەتتەك تۇيىلىدۇ.
<ئەي، گۈزەل> دېگەن ناخشا تېكستى مۇنداق:
مەسىلەن:<ماڭدىم ماڭدىم يېتەلمىدىم مەلەڭگە،
بەك شاشكەنسىز كۆزى خۇمار ئەي گۈزەل،
تۇققان بولاي دېسەم مەن ئاناڭغا،
كۆز ئالايتىڭ نېمىشقا سەن پەرىشان،
ئەي يارەنلەر ، ئەي يارەنلەر بىلمىدىم
، ئۇ قىز سۆيەر كىملەرنىدۇ بىلمىدىم،
مەن سېغىندىم سېغىنمىدى كىمنىمۇ؟
قانداق چىداي بۇ دەرتلەرگە پەرىشان.>
    ...تېلىۋۇزۇر كۆردۇق، <ناۋا > نى كۆردۇق دەپ مانا مۇشۇنداق <ئېغى بىلەن بېغى يوق> تۇترۇقسىز ناخشلارغا قىممەتلىك ۋاقتىمىزنى ئاۋارە قىلامدۇق؟<اتۇققان بولاي دېسەم مەن ئاناڭغا، كۆز ئالايتىڭ نېمىشقا سەن پەرىشان،> ئانىسىنىڭ ھەققى بارمۇ، ناتۇنۇش بىر قىز بىلەن تۇققان بولغىلى،ناتۇنۇش قىزغا تۇققان بولىلى دېسە، ئۇ كۆز ئالايتمامتى ئەمىسە، ياكى مانا مەن تەييار، كېلىڭە دەمدۇ؟<مەن سېغىندىم سېغىنمىدى كىمنىمۇ؟> بۇ مىسرا شېئىر شېئىرمۇ ياكى ھېلەك ساراڭنىڭ  جۆيلىشىمۇ؟ سەن كىمنى سېغىندىڭ؟  كىم كىمنى سېغىنمىدى؟ ... مۇشۇنداق بېمەنە ئەخلەت مىسرالاردىن تۈزۈلگەن ناخشىنى سەھنىگە ئېلىپ چىقىشقا قايسى بىر تايىنى يوق يول قويغاندۇ؟ ناخشا تېكىسىتى دېگەننىڭ ئەقەللى تەلىپى راۋان، چۈشىنىشلىك، مەزمۇنلۇق بولۇش ئەمەسمۇ؟
توۋا دەيمەن، كۆرۈڭ، ئەشۇنداق چاكىنا ناخشىلارنى ئوقۇۋاتسا ياقى ئوقۇپ بولغاندا تاماششىبىنلارنىڭ <ھاياجانلىنىپ> مەتۇلارچە چاۋاك چېلىپ كېتىشىنى،چاۋاك دېگەننىڭ ئەقەللىي تەلىپى- رازى بولغاندا، مەمنۇن بولغاندا چالامدۇق ياكى ئىككى قولىمىز بىكار تۇرغىچە دەپ چېلىۋېرەمدۇق؟ كۆرۈڭ ئۇلارنىڭ ئاتالمىش ئېستىتىكىسنى؟!...كۆرۈڭ ئۇلارنىڭ ئاتالمىش سۈرەن-شاۋقۇنلىرىنى؟...بىزنىڭ ئېستىتىك تۇيغۇمىز شۇنچىلىك پۇچەكلەشتىمۇ؟
بۇنىڭدىن باشقا يەنە بىر قىسىم <مۇكەممەل لاۋزا> ناخشلار، ناخشا ئوقۇۋېتىپ ئۆزىچە ئېلىشىپ قالغان ئادەمدەك سۆزلەپ كېتىدىغان ناخشىلار <ناۋا>نى تېتىقسىزلاشتۇرۋاتىدۇ.
چەتئەللىكلەر بۇنى كۆرسە، بەلكىم،<ما خەقنى، مايمۇنلارنىڭ يېڭى نەسلى ئاپىرىدە بولدىمۇ نېمە؟  ئوينا ۋا، خەق،بىز سېنىڭ تارشا پۈتۈكلىرىڭنى، سەن ئىتىقىمۇ يالاق قىلمايدىغان  ئەشۇ قىممەتلىك تەڭنە، كوزىلىرىڭنى...  مېڭىمىزنىڭ قېتىقىنى چىقىرىپ بىز تەتقىق قىلايلى! > دېمەسمۇ؟
بىر قارىسا ھەركەتلىرىمىز <قوڭامدا ئىشتان يوق، ئېتىم مارجانبۈۋى>دېگەندەك كېتىپ بارىدۇ. بىر قارىسا ھەممەيلەن ناخشا - مۇزىكىچى بوپ كەتكەندەك كۆرىنىدۇ. مەرھۇم ئالىم ئابدۈشكۈر مۇھەممەتئېمىن دېگەندەك< مىللەتنىڭ مەۋجۇتلىقى بىسەرەمجان>، ئەجەبا، ھەجەپ بىر پەن -تېخنىكا كۆرگەزمە پىرۇگىراممسى، ئايدا بىر كەشپىيات پىرۇگىراممسى دىگەندەك پىرۇگىراممىلار بولمايدىكىنە؟ كەچكىچە لاۋزا ناخشلارنى ئوقۇۋەرسەك  تېخنىكىمىز شىپپىدە، ئۆسۈپ قالارمۇ؟
خەلقمىزنىڭ زوقلىرىغا سۇنىۋاتقان  <ناۋا> شۇمۇ ئەمدى؟ بىزنىڭ ئېلاندىن  ھۆ...!....دېگەندىكى بىزارلىق تۇيغۇمىزنى نېرى قىلىدىغان <يېقىملىق ناۋا> شۇ بولدىمۇ؟
خەلقنى، ئۆزىمىزنى ئويلايلى، <ناۋا> خەلقمىزنىڭ كۈي- ناۋاسىدىن قېنىپ سۇ ئېچسۇن!؟ يېڭىلىق ،مودا دەپ ،نەدىكى بىر چېرىندى نەرسىلەرنى نېرى قىلايلى،بىزنىڭ قىممەت قارىشىمىزغا ئۇيغۇن بولمىغان ھەر قانداق مودىنىڭ ئۆمرى كۆتە بولىدۇ.
<ناۋا> نى تېزدىن <داۋالايلى>، ئەخلەت تېكىستلەرگە ئىشلەنگەن ئەخلەت ناخشا- مۇزىكا سەھنىدىن يوقالسۇن...
بىزگە ئېسىللىرى كېرەك.

 

كۆڭلۇمدىكى گەپنى دەپسىز ،ماڭىمۇ  بىر يىرىم ئايچە بولدى «ناۋا»نى كۆرمىگىلى .

مەنغۇ بۇ پىروگىراممىنى بىكارچى ئالىي مەكتەپ ئوقۇغۇچىلىرىنىڭدەكلا ھېس قىلىمەن.

ئۇنداقمۇ دەپ كەتمەيلى!بىر مەزگىل بولسىمۇ بىزگە تەقەززالىق بېغىشلىغان ناۋا شۇ!
لېكىن يېقىنقى قىسىملىرىدا دىمىسىمۇ بىر قىسىم تېتىقسىز ناخشىلار پەيدا بولۇپ قالدى!پىراگىرامما ئىشلىگۈچىلەر دېققەت قىلسا بولغۇدەك !!

كۆك نۇر دەڭ ،،،،،،،،،،،،،،،،،،،،،،،،،،،،،،،،،،،،،،،،،،،،  ئىسىم ئوغۇرلىرى بەك ھەيۋەتلىك بوپ كېتىۋاتىسەن جۇما ،،،، ئىسىم بىلەن تەڭ ھەممە نىمسى مېنىڭ دەپ قالمىغانسەن ، كۆكمىي

ھەي قانداق قىلىمىز ئەمدى. 

قايناپلا قاپسىز .....قايناپ ئۇسساپ قالغانسىز ...... 
دىمىسىمۇ شۇ بەزى ناخشىلار ئادەمنى بىزار قىلىپ قۇيىدۇ ~!  

ئۇنداق دىيىشىپ كەتسەك بولماس دوسىتلار ، نىمىلا بولمىسۇن ۇ بىر قىسىم تالانىت ياشلىرىنىڭ تالانتىنى جارى قىلىدىغان مەيداندە ..!

بۇرۇن خېلى ياخشىتى ھازىر تۇگىشىپتۇ.

شۇنداق،بۇرۇن شۇنداق قىزىقىپ كۆرەتتىم ،ھازىر بىر قىسىم ئالجۇقا ناخشىچىلار ناۋانى تۈگەشتۈردى!

ئۇنى سەھنىگە چىقارغىنى ھەرگىزمۇ داۋاملاشتۇر دىگىنى ئەمەس ،سىلەرگە ئۇخشاش خەلىقنىڭ باھاسىنى ئاڭلاش،تەنقىتلەش،ئالقىشلاشتۇر،يامىنى شاللىنىدۇ ،ياخشىسى ئېتىۋارغا ئېلىندۇ تىخىمۇ ياخشىلىندۇ.

ياخشى يىزىپسىز .راسىنچە شۇنداق ،نەدىكى قاملاشمىغان ناخشىلارنى .ئىيتىپ ئادەمنىڭ ۋاقتىنى ئالىدۇ.

مەن تېلىۋىزور كۆرمىگىلى  7 يىل بولدى ، جېق پىروگرامىلار چىقىپتۇ ، سەپتىنمۇ چۈشۈپتۇ ، يەنىلا مۇشۇ كەمپۈتەرگە  يەتمەيدىكەن جۇمۇ ......
قاقشىماڭلار ، ئۇمۇ سەپتىن چۈشىدۇ ناچارلىق قىلسا ......    

ئەجەپ ياخشى يىزىپسىز . يازمىڭىزنى كۆرۈپ تازا كۈلدۈم .  كۈڭلىمدىكى گەپلەرنى يىزىپسىز . نىمدىگەن قىزىقارلىق يىزىلغان. قەلىمىڭىز ئۆتكۈركەن ،تەپەككۈرلىرىڭىز مەڭگۈ كۆكلىسۇن . مىنىڭچە بۇلغاندا ناخشىچىلارغىلا داۋا لازىم بۇلۇپلا قالماي ، بەلكى بۇ پروگراممىنىڭ رىياسەتچىللىرىگىمۇ داۋا كىرەك ،مۇشۇ تۇغرىلىق بىر نەرسە يىزىپ قۇيسىڭىز بۇپتىكەن     

ھازىر بۇ پىروگراممىلارمۇ پۇل تېپىشنى مەقسەت قىلىۋالدى.
ناخشىلارنى ئالدىن لېنتىغا ئېلىپ قويۇپ . سەھنىدە دوراپ ئېيتىپ،
خەلىقنى ئالداپ پۇل تاپىدىغان بولۇپ كەتتىغۇ ھازىر

----------------------------------------------------------------------------------------
بۇ يولداش قايناپلا كېتىپتىغۇ

قۇلىقىڭىزنى بىر كۈن ئولتۇرۇپ كوچىلىۋىتىپ ئاڭلاپ بېقىڭ، ھەممە ئادەم توغرا ئاڭلىغان ناخشىنى سىز قايسى تىلغا تەرجىمە قىلىۋەتتىڭىز ئەمدى.


بۇ ناخشىنىڭ ئەسلى تېكىستى مۇنداق

ماڭدىم ماڭدىم يېتەلمىدىم مەلەڭگە،
بەك شاشكەنسىز كۆزى خۇمار ئەي گۈزەل،
تۇققان بولاي دېىسە ئانام ئاناڭغا،
كۆز ئالايتىڭ نېمىشقا سەن ئەي گۈزەل،
ئەي يارەنلەر ، ئەي يارەنلەر بىلمىدىم
ئۇ قىز سۆيەر كىملەرنىدۇ بىلمىدىم،
مەن سېغىندىم سېغىنمىدىڭ ؟؟؟؟؟؟
قانداق چىداي بۇ دەرتلەرگە پەرىشان

بۇ تېكىسىتنىڭ نەرى پۈچەك نەرى بەتتام؟

ئەگەر بۇ تېكىستىنى بەتتام، چۈشكۈن دېسىڭىز مۇشۇ ناخشىغا ماسلاشتۇرۇپ بىر تېكىست يېزىپ بېقىڭ( بىز كۆرۈپ مازاق قىلايلى)

توۋا، شۇنداق بىر يېڭىلىق، بىر ياخشى ئىشنىڭ كەينىدىن ھامان قاۋايدىغانلار ، چىشلەيدىغانلار چىقماي قالمايدۇ.

ناۋا دىكى ناخشىلارنى  كەسپى خادىملار نۇرغۇن ناخشىلار ئىچىدىن تاللاپ چىقىدۇ. ئەجەبا ئەشۇلار « ھېلەك ساراڭنىڭ  جۆيلىشىمۇ؟ » «شاللاقلارنىڭ دىباخانىسىدىكى ناخشا » « ئانىسىنىڭ ھەققى بار » لىقىنى بىلمەسمۇ؟ (بولمىسا بۇندىن كېيىن سىز تاللاپ بېرىڭ)

تاماشىبىنلاردا نىمە گۇنا ئەمدى ....مەتۇ دەپ كېتىشلىرىچۇ      سىز بەك مودا ئوخشىمامسىز؟!

ئۇنداق قىلمايلى دوسلار، ھەممە ئىشنىڭ 100%لىكى بولمايدۇ.ئازراق خاتالىقىنى تۇتىۋېلىپ ئاغزىمىزنى بولىشغا قويپېرىپ غەيۋانىسىغا تىللىساق بولماس.

بىر ناخشىنى ئشلەپ چىقىشنىڭ قانچىلىك تەستلىكىنى بىلەمسىز؟ ئۇلار تېخى ئەمدى يېتىشىپ چىقىۋاتقان باللار، ئۇلار ئۆز خەلقىنىڭ قوللىشىغا، يېتەكلىشىگە مۇھتاج!

-------------------------------------------------------------

J a m 

ئۇنداقمۇ دەپ كەتمەيلى! پىكىرلەرنى يولىدا بىرەيلى .

Quote:

بۇ مەزمون13قەۋەتتىكىmedineنىڭ2008-05-15 18:05دە يوللىغان يازمىسى Re:<ناۋا> غا <داۋا> كېرەككەن... :
ئەجەپ ياخشى يىزىپسىز . يازمىڭىزنى كۆرۈپ تازا كۈلدۈم .  كۈڭلىمدىكى گەپلەرنى يىزىپسىز . نىمدىگەن قىزىقارلىق يىزىلغان. قەلىمىڭىز ئۆتكۈركەن ،تەپەككۈرلىرىڭىز مەڭگۈ كۆكلىسۇن . مىنىڭچە بۇلغاندا ناخشىچىلارغىلا داۋا لازىم بۇلۇپلا قالماي ، بەلكى بۇ پروگراممىنىڭ رىياسەتچىللىرىگىمۇ داۋا كىرەك ،مۇشۇ تۇغرىلىق بىر نەرسە يىزىپ قۇيسىڭىز بۇپتىكەن     

k
كۆڭلۇمدىكى گەپنى قانداق بىلىۋالدىڭىز؟

بۇ قانداق گەپلەر ئەمدى؟
ھەمىمىزنىڭ ئاغزىدا يېڭىلىققا ئىنتىلىش،تەرەققىياتقا يۈزلىنىش دىگەندەك گەپلەر چۈشمەيدۇ،ئەمما ناۋا پىروگىراممىسىدىكى خېلى كۆپ قىسىم نۇمۇرلار دەۋرىمىز ياشلىرىدىكى ئىجادنىڭ يارقىن نامايەندىسى ئەمەسمۇ؟بىزگە كۈيمۇ لازىم،ئۆگىنىشمۇ لازىم،جىم تۇرۇپ سېسىپ كەتكەندىن ئانچە-مۇنچە كاللا ئىشلىتىپ،مەيلى ناخشا بولسۇن ياكى باشقا بىر باشقىلارغا ياردىمى تېگىدىغان،قىممىتى بار بىر نەرسە بارلىققا كەلتۈرۈپ خەلققە تەقدىم قىلىش ياخشى ئىش ئەمەسمۇ؟
بىز زادى نىمە بۇلۇپ كەتتۇق؟بىر دەم بىرىمىزنى ئۇنداق دىسەك،يەنە بىردەم يەنە بىر نەرسىمىزنى بۇنداق دىسەك،بىز غاجلىغۇچى ھايۋانلارغا ئوخشاپ قالدۇقمۇ يا؟
ناۋا پىروگىراممىسىدىكى بىر قىسىم ناخشىلار ھەقىقەتەن دىگەندەك ياخشى ئەمەس(مۇتلەق ئەمەس،بۇ ناخشىلارنى ياقتۇردىغانلار بۇلۇشى مۇمكىن)،يەنە بىر قىسىم ناخشىلار خېلىلا ياخشى.بىز ناۋا پىروگىراممىسىنى ئەمەس،بىزگە ۋەكىللىك قىلالايدىغان ئوت يۈرەك،ئەزىمەت ناخشىچىمىز ئابدۇللانىمۇ ئابدۇللا ئۇنداق،ئابدۇللا بۇنداق دەپ باقتۇق،ئەمەليەتتە باشقىلارنىڭ،باشقا نەرسىلەرنىڭ بىزنى بەھىرلەندۈرگەن قىممىتىنى،ياخشى تەرىپىنى تىلغا ئېلىشنى خالىمىدۇق.
ئاخىرىدا تورداشلارغا دەيدىغىنىم:جىم تۇرغاندىن ھەرىكەت قىلغان ياخشى،ھەرىكەت بارچە ئىختىرانىڭ ئاساسى.لېكىن ئاغزىمىزنى ئاز ھەرىكەتلەندۈرۈپ،مېڭىمىز بىلەن  كۈچىمىز،پۇت-قولىمىز ۋە پاكىز ئەقلىمىزنى كۆپرەك ئىشلىتەيلى!

        ناخشىنىڭ تۇلۇق تېكىستى

ماڭدىم ماڭدىم يېتەلمىدىم مەلەڭگە،
بەك شاشكەنسىز كۆزى خۇمار ئەي گۈزەل،
تۇققان بولاي دېىسە ئانام ئاناڭغا،
كۆز ئالايتىڭ نېمىشقا سەن ئەي گۈزەل.

ئەي يارەنلەر ، ئەي يارەنلەر بىلمىدىم،
بۇ قىز سۆيەر كىملەرنىدۇ بىلمىدىم.
ساقلاپ ھەركۈن كوچىلاردا پەرىيشان،
جامالىنى ھچبىر كۆرۈپ باقمىدىم.

بارغۇم بارۇبارغۇم بار قېشىڭغا
ھەمرا بۇلاي مەيلىڭ بولسا ئەي گۈزەل
مەن سېغىندىم سېغىنمىدىڭ كۈنمۇ بۇ؟
قانداق چىداي بۇ دەرتلەرگە ئەي گۈزەل.

بۇنداق باش ئايىغى چىقماس پاراڭلارنى تاشلاپ ، <ناۋا>بېرىدىغان ياخشى پىكىر -تەلەپلىرىمىز بولسا ئوتتۇرىغا قويايلى قېرىنداشلار ، بۇ يەردە بۇنداق مۇنازىرە قىلىپ ئولتۇرغانغا ھېچقانداق ئىش پۈتمەيدۇ ، بۇ پروگرامما تېخى يېڭىلا يولغا قويۇلدى. ئۇ كەڭ ئاممىنىڭ پىكىر -تەلەپلىرىگە مۇھتاج ، ئەلۋەتتە .

خەت شەكلى مېنىڭكىدە ئوچۇق چىقمايۋاتىدۇ؟

Quote:

بۇ مەزمون19قەۋەتتىكىنەۋرۇزنىڭ2008-05-15 21:21دە يوللىغان يازمىسى Re:<ناۋا> غا <داۋا> كېرەككەن... :
         ناخشىنىڭ تۇلۇق تېكىستى

ماڭدىم ماڭدىم يېتەلمىدىم مەلەڭگە،
بەك شاشكەنسىز كۆزى خۇمار ئەي گۈزەل،
تۇققان بولاي دېىسە ئانام ئاناڭغا،
.......

تازا بىر تۇترۇقسىز بالىمۇ بۇ يا؟بىردەم سەنلەپ بىردەم سىزلەيدىغان؟

  ئۇيغۇردىنغۇ مەنلا قالغان ناخشا ئېيتمىغان .....ناۋادىكى  رېجىسسورلاغا  پۇل بەرسە ھەرقانداق ئادەم  بۇ پروگراممىدا ناخشا ئېيتىش پۇرسىتىگە ئىگە بولامىش ...راستمىدۇ ؟؟؟ 

15-قەۋەتنى قوللايمەن~~~~~~~
دېمىسىمىچۇ مۇشۇ ئارىمىزدا ئازراق نەرسە بىلىۋالسا .بىر ۋالاقشىپ سۆزلىۋالمىغىچە،ئۇيقۇسى ھارام بولۇپ قالىدىغان ئادەملەر جىق جۇما!!!
  يېرىم چېلەك سۇ بەك شالاقشىيدۇ دېگەن شۇدە!!!!!!!!!

رىياسەتچىگە ئۆزپىكىرىمنى دەپ باقسام،ئەر رىياسەتچىنى بەك كۆپ ئالماشتۇرۇپ كەتتى،بەلكىم ئەڭ ياخشىسىنى تاللاشتۇر مەخسەت،بىراق ھېشكىم قەيسەردەك ياخشى قىلالمىدى،(گەپنى سوزۇپ)،قىز رىياسەتچىگە كەلسەك،كىيم مەسىلىسىدە ھەممە ئادەم ئۆزى خالىغاننى كىيىدۇ،قارغۇلاچە مودا قوغلىشىش ياخشى ئىش ئەمەس،قىز رىياسەتچى باشتىن ئاخىرىئۇخشاش شەكىلدىكى كىيىمنى كىيىپ كەلدى(رەڭگى،پاسۇنى ئوخشمىغان بىلەن شەكلى ئاساسى جەھەتتىن ئوخشايدۇ)، شۇ خىلدىكى پاسۇنلۇق كىيىملەرنى ياخشى كۆرسە كىرەك ،بىراق بۇ پىرىگۇرامما پۈتۈن شىنجاڭدىكى خەلىق كۆرىدىغان بولغاشقا كىيىمگە دىققەت قىلسا دەيمەن دىمەكچى بولغىنىم ،كىيىمى سەت ئەمەس بىراق ئۇ قىزنى سەل پاكا ھەم سىمىز كۆرسىتىپ قويىدىكەن.(مېنى تالاپ كەتمەڭلار يەنە ئويلىغىنىمنى دىدىم)

مۇزىكىسىنى ياخشى ئىشلەپتىكەنتۇق ،

دورداشلار ياخشى پىكىرلەرنى بەردىڭلار ،بىراق ئويلاپ باقتىڭلارمۇ ھازىر ناۋا فىراگىراممىسى بۇرۇنقىغا قارىغاندا مەزمۇن ،شەكىل جەھەتتىن يېڭىلاندى ،بىراق شۇ ئەر رىياسەتچى ئالماشتى .بۇمۇ ۋاقىتلىق ئىش ئەگەر بىز ئۇلارغا ھەمكارلىشىپ ،قوللاپ بۇ فىراگىراممىنى ياخشى باشقۇرساق ئۇ چاغدا ئوبدان بولمامدۇ . تەلەي يۇلتىزى فىراگىراممىسىنى يولغا قۇيۇپتى .مەركىزىي تېلىۋىزىيە ئىستانسىدىكىلەرنى دوراپتۇ دىدۇق ،ئەمدى بۇنى ئۇنداق بۇنداق دىسەك  ھەي  سىلەرنىڭ تەلىۋىڭلار بەك يۇقۇرى ئىكەن ،سىلەرگە خىزمەت قىلماق بەك تەسكەن .ئويلۇنۇپ بېقىڭلار .

ناۋا پىراگىراممىسى  بىر ئايدا بىر قىتىم ئۆتكۈزۈلگەنلىكى  ئۈچۈن ،بەك ماز  بوپ كەتتى ...  ناخشىچىنىڭ ئازلغىدىن بىر ناخشىچى نەچچە قىتىم  چىقىدىغان بولدى ياكى بىر قانچە ناخشىچىلار بىرلىشىپ ناخشى ئېيتىپ چىقتى ....
ئېيتقان ناخشىلىرىنىڭ سۈپىتى چۈشۈپ كەتتى ، ئوخشاش مەزمۇندىكى ۋە  ئاھاڭدىكى  ناخشىلار جىقايدى . بىر ناخشىچىنىڭ راۋرۇس  بىر ئولتۇرۇپ ئىجات قىلغان ناخشىىلىرى  يوق دىيەرلىك ....
ئازىر خۇددى ئاشۇ بىر سائەت  ۋاقتتى توشقۇزۇش ئۈچۈن قىلىۋاتقاندەكلا  كۆرىنىدۇ ...
يەنەبەزى ناخشىچىلارنىڭ  سەھنىدە تۇرۇپ ناخشا  ئېيتقان قىياپەتلىرى ،ئۇسۇللىرى ،كىيىنىشلىرى  بەك سەت ،بۇلارنىڭ  mtv  لىرىنىمۇ  كۆرگەن ،ھىچقانداق ئۆزگۈرۈش يوق...بۇلار مۇشۇ جەھەتتە پەقەت ئەھمىيەت بەرمەيدىغان ئوخشايدۇ ...
ئىلگىرلەشلەر مۇشۇ ئىشلاردىن  باشلانمىسا  ،  نەدىن باشلىنىدۇ .....

ئش كىلىپ غەيۋەت كىلما يلى باللا ،