مەن شۇنداق باي، مەن.....

ئۆزۈمگە خاس تاللىۋالغان يولۇم بار،
ئېلىشقىلا كۆنۈپ كەتكەن قولۇم بار.
بىر داچەننىڭ تۆشۈكىدىن مىڭ ئۆتۈپ،
يىمەي ئىچمەي تىقىپ يىغقان پۇلۇم بار.

                   خەق يەيدىكەن گۆش، پولونى قاچىلاپ،
                   مەن ياشايمەن سىقىپ، يالاپ، غاجىلاپ ،
                   نان بېرىمەن بالىلارغا پارچىلاپ،
                  شۇڭا بايمەن تىقىپ يىغقان پۇلۇم بار.

چىدىمايمەن خوتۇن كىيگەن كيىمگە،
چىدىمايمەن ئىچكەن سوغۇق سۈيۈمگە،
چاي بەرمەيمەن مېھمان كىرسە ئۆيۈمگە،
شۇڭا بايمەن تىقىپ يىغقان پۇلۇم بار.

                  مىتە چۈشتى قازناقتىكى ھەسەلگە،
                  يىمەي يىغىپ تەننى چاقتىم كېسەلگە،
                 يىمىگەننىڭ چىشىغا تاش شۇ مەسەلگە،
                لايىق بايمەن تىقىپ يىغقان پۇلۇم بار.

پۇل بار جاينى خوتۇن باللا ئۇخمايدۇ،
پۇلنى جايلار چاغدا ئۇلار ئۇخلايدۇ.
مەندىن خەققە قىلچىلىك نەپ يۇقمايدۇ،
شۇڭا بايمەن تىقىپ يىغقان پۇلۇم بار.

                 توۋا دەيمەن بەزى ئەرلەر بايلاشسا،
                تاپاۋىتى ئاۋۇپ قولى مايلاشسا،
                خەققە سۇۋار، مەن تاپسام خەق چايناشسا،
                چىدىمايمەن، شۇڭا بايمەن پۇلۇم بار.

ئەخمەقمۇ مەن پۇل چاچقىلى بىكارغا،
تاپقان پۇلدا نامراتلارنى باقارغا،
ئۆزى تاپسۇن دىتى بولسا تاپارغا،
شۇڭا بايمەن تىقىپ يىغقان پۇلۇم بار.
  

                مەنبە: روزى سايىت شېئرىلىرى

            

نىمە دىگەن ياخشى يىزىلغان شىئېر بۇ ھە  رەھمەت سىزگە

پىخسىق بايكەنسىزدە................................     

مەزمۇنى ياجشى ئىكەن.

ئەجەپ ياخشى يىزىلغان شىئىركەن..................
ئۇنداق ھىچكىمگە ھەتتا ئائىلسىدىكىلەرگىمۇ پايدىسى تەگمەيدىغان بايلىقتىن .......؟

روزى ساھىت دىگەن خوتەىنلىكقۇ دەي مەن ؟ مەنچە ئۇ بەزىبىر خوتەنلىك پىخسىقلارنى سوكۇپ يازغان ئوخشايدۇ ،،،،   

جەمىيەتتىكى بىر قىسىم سىقىپ سۇيىنى ئىچىدىغان بايلارنىڭ ئەپتى -بەشىرىسى ناھايىتى ياخشى ئېچىلىپتۇ .

  << خەققە بەرسەم ئىسىت ئىشىم .، ئۈزەمدە قالسا سېسىق ئىشىم >> دەيدۇ كونىلار . بېخسىق ئادەمنى تازا سۈكۇپسىز .

جەمىېئيەتتىكى بىر قىسىم كىشىلىرىمىزگە نەخ قامچا بۇپتۇ .