ئەتكەن چاي ۋە سالامەتلىك



خەلقىمىز ئۇزاقتىن بۇيان ياقتۇرۇپ ئىچىپ كېلىۋاتقان ئەتكەن چاي كالا سۈتى، قارا چاي ۋە تۇزدىن تەركىپ تاپقان بولۇپ ، ئۇ ئادەم بەدىنىنى بەلگىلىك دەرىجىدە ئوزۇقلۇق بىلەن تەمىللەش ۋە قۇۋەتلەش رولىغا ئىگە . ئۇنىڭدىن باشقا ، ئەتكەن چاي ئادەمنىڭ ھاردۇغىنى چىقىرىپ ، كەيپىياتىنى ياخشىلايدۇ ۋە تىنىچلاندۇرىدۇ. لېكىن ئەتكەن چاينىڭمۇ زىيانلىق تەرەپلىرى بار . مەسىلەن ، كالا سۈتى تەركىبىدە ماي مىقدارى خېلىلا يۇقۇرى بولىدۇ . قارا چاي قان تومۇرلارنى ، بولۇپمۇ مېڭە ، كۆز قىلدام قان تومۇرلىرىنى قورۇپ ، تورلاشتۇرىدۇ . تۇز بۆرەك ۋە كۆزگە زەخمە يەتكۇزىدۇ . يەنە كېلىپ بۇ ئۈچ خىل يېمەكلىكنىڭ ھەممىسىدە ئادەمنى خۇمار قىلىش خۇسۇسيىتى بار . شۇڭا ئەتكەن چاينى دائىم ئىچىپ ئادەتلەنگەنلەر ئۇنى ئىچىمىسە تۇرالمايدۇ . بەزى ئائىلىدىكىلەر شۇنداق ئادەتلەنگەنكى ، مايلىق ، گۆشلۈك تاماقلار بىلەنمۇ ئەتكەن چاينى ئىچىدۇ . شۇنىڭ بىلەن ئەتكەن چاي تەركىبىدىكى ماي ،تۇزلار ، تاماقتىكى مايلار بىلەن بىرلىشىپ بەدەن ئېھتىياجىدىن ئېشىپ كىتىدۇ . نەتىجىدە جىگەرنى ماي قاپلاش ، يۇقۇرى قان بېسىم ، بېشى قېيىش ۋە دائىم ئاغرىش ، ھەتتا ئۇخلىيالماسلىق ، كەيپىياتى ناچارلىشىش ئەھۋاللىرى يۈز بىرىدۇ .
ئەتكەن چاينى بىر ۋاخ ئىستېمال قىلسا ئەڭ مۇۋاپىق بولىدۇ ، ئۈچ ۋاخ ئىچىش ساغلاملىققا زىيانلىق . چۇنكى بەدەن ھەر خىل ئوزۇقلۇققامۇھتاج بولىدۇ . ئەتكەن چاينى دائىم ئىستېمال قىلىدىغان ياش - ئۆسمۇرلەردە كۆزنىڭ كۆرۈش ئىقتىدارى تۆۋەنلەپ كېتىش ، يىراقنى كۆرەلمەسلىك ئەھۋاللىرى كۆرۈلىدۇ . ھازىر كىشىلەر ئەتكەن چاي ، قارا چاي ، دورا چايلارنى قانچە قۇۋەتلىك ئىچسە ، بەدەن شۇنچە كۈچىيىدۇ، قۇۋەتلىنىدۇ ، ئورگانىزملار قېرىيايدۇ ، دەپ قاراۋاتىدۇ ، بۇ قاراش ئىنتايىن خاتا . ئەتكەن چاي ، قارا چاي ياكى دورا چايلارنى سۇسراق ئىچسە ، تاماقنى سىڭدۈرۈش رولىنى ئوينايدۇ . لېكىن بەك قۇۋەتلىك ئىچسە بەدەنگە ئىسسىقلىق ئېنېرگىيە ۋە بىر خىل ماددا يىغىلىپ قېلىپ ، بەدەننىڭ نورمال پائاليىتىگە ۋە ساغلاملىقىغا تەسىر يەتكۈزىدۇ . ئۇنىڭ ئۈستىگە بۇ خىل چايلارنىڭ مىقدارى بەك ئېشىپ كەتسە ، بىز ئىستېمال قىلغان ئاساسلىق ئوزۇقلۇقنىڭ بەدەنگە يەتكۈزىدىغان روھى ۋە جىسمانىي قۇۋۋىتىگە توسقۇنلۇق قىلىش رولىنى ئوينايدۇ .
ئۇزۇقلىنىشتا مۇنداق تەرەپلەرگە دىققەت قىلىش كېرەك :
1 . ئەتىگەندە نان بىلەن ئەتكەن چاي ئىچىش ئىنتايىن پايدىلىق .
2 . چۈشلۈك تاماقتا يەنە ئەتكەن چاي ئىچىشكە بولمايدۇ . چۇشتە غىزالار بىلەن ئەڭ ياخشىسى ، سۇسراق دەملەنگەن چاي ياكى قايناق سۇ ئىچىش كېرەك .
3 . كەچتە ئۈگرە ، چۆچۇرە ، شوۋىگۈرۈچ قاتارلىق يەڭگىل ، سۇيۇق -سەلەڭ ۋە ئاسان سىڭىدىغان تاماقلارنى ئىسېمال قىلىش ، ئىمكانقەدەر ئەتكەن چاي ئىچمەسلىك كېرەك .ئىمكانىيەت يار بەرسە كەچتە بىر پىيالە قېتىق ئىچكەن ياخشى .
4 . مىجەزى ئىسسىق ، بىھۇدە سەمىرىپ كەتكەنلەر ئەتكەن چاي ئورنىغا قايناق سۇ ئىچىشى كېرەك .
ئومۇمەن ئەتكەن چاينى كۈندە بىر ۋاخ ئىچىش بەدەنگە پايدىلىق ، بەك كۆپ ئىچىش زىيانلىق .
بالىلىرىنىڭ كۆزىنى ئوپېراسسيە قىلدۇرماقچى بولغان ، روھى ۋە ئىقتسادىي بېسىمغا دۇچ كېلىۋاتقانلار شىپالىق دورىنى ئالدى بىلەن يېنىدىن ئىزدىگىنى ياخشى . بالىڭىز بىر ئاي ئەتكەن چاي ، سۇت چاي ، قارا چاي ۋە دورا چايدىن پەرھىز تۇتسۇن ، دائىم قايناق سۇ ئىچسۇن ، ماي ، قەنت ۋە تۇز تەركىپلىرى يۇقۇرى تاماقلاردىن پەرھىز تۇتسۇن ، سېمىز كۆش ئورنىغا ھەپتىدە بىر ، ئىككى قېتىم بېلىق شورپىسى ئىچسۇن ، ھەر كۈنى كەچتە بىردىن ئالما يەپ بەرسۇن (3-5 مىنۇتقىچە يەپ بولسۇن ) ، مۇشۇ بىر ئاي ئىچىدە بالىڭىزنىڭ كۆز بېسىمى نورماللىشىپ ياخشىلىنىشقا باشلايدۇ . بۇ ئەمەلىيەتتىن ئوتكەن ئۆتكەن تەجىربە . ئىككىلەنمەي بالىڭىزغا بۇ ئۇسۇلنى قوللىنىپ بېقىڭ ، چوقۇم ئۈنۈمنى كۆرىسىز .


مەنبە-- ئىلى دەرياسى

غۇلجىلىقنىڭ چىشىغا تەگمەڭ ھېلى يامان قىلىدۇ  ماخەق ئۇلار ئەتكەن چايدىن ئايرىلسا ئۆلەپقالىدۇ

مەن بەك ئامراق ھەجەپ ئىچكىمنى كەلتۇر دىڭىزا

مەن غۇل جىلىق ئەمەس جۇما   لىكىن....

تەن ساغلىق زور بايلىق ، ئاغىزنى يىيىش ئىچىشكە ياراتقان دەپ يەۋەرگىلى ، ئىچىۋەرگىلى بولمايدۇ .بەرھەق راست دەيدۇ .ئۆزىمىزنى ئاسرايلى !

قىرىنداشلار!!!!!!! يۇرتۋازلىق قىلشمايلى.

Quote:

引用第5楼milodiy于2008-09-10 18:55发表的  :
قىرىنداشلار!!!!!!! يۇرتۋازلىق قىلشمايلى.

ئارتۇقچە ئويلاپ قالماڭ بۇ يەردە ھىچكىم يۇرتۋازلىق قىلمىدى ...

Quote:

引用第1楼1kirmix于2008-09-10 17:24发表的  :
غۇلجىلىقنىڭ چىشىغا تەگمەڭ ھېلى يامان قىلىدۇ  ماخەق ئۇلار ئەتكەن چايدىن ئايرىلسا ئۆلەپقالىدۇ

راس ، ئىلىخولۇقلار ئەتكەن چايدىن ئايرىيالمايدۇ .مەنمۇ خومار بىر كۈن ئىچمىسەم بىشىم ئاغرىيدۇ .

مەنمۇ ئەتكەنچاي ئىچىشنى بەك ياخشى كۆرىمەن.ئەمىسە ئازىراق ئىچسەم بولغىدەكتە.رەخمەت سىزگە.......

    

تىمىڭىزغا رەخمەت ،،،،،،،،،،،،،،راستىللا سالامەتلىكنى ئاسرىمىساق بولمايدۇ،،،،،،،،،،،،مەنغۇ ئەتكەن چاي ئىچمەيمەن ،،،،،،،،،،،،،،ھەم ئەتكەن چاي  راسلاشنىمۇ بىلمەيمەن ،،،،،،،،،،،دائىم داغ چاي ئىچىمەن

Quote:

引用第10楼atikam于2008-09-10 20:37发表的  :
تىمىڭىزغا رەخمەت ،،،،،،،،،،،،،،راستىللا سالامەتلىكنى ئاسرىمىساق بولمايدۇ،،،،،،،،،،،،مەنغۇ ئەتكەن چاي ئىچمەيمەن ،،،،،،،،،،،،،،ھەم ئەتكەن چاي  راسلاشنىمۇ بىلمەيمەن ،،،،،،،،،،،دائىم داغ چاي ئىچىمەن

توۋۋا ....... دۇنيادىكى ئەڭ ئوڭاي تاماققۇ بۇ . ئىلىخوغا پىراكتىكىغا كىلىڭە بەش مىنۇتتا ئۇگۇنۋالىسىز . ئاندىن دوڭكورۇكتە ئەتكەنچايخانا دىن بىرنى ئىچىۋىلىشىڭىزداگەپ يوق .

Quote:

引用第1楼1kirmix于2008-09-10 17:24发表的  :
غۇلجىلىقنىڭ چىشىغا تەگمەڭ ھېلى يامان قىلىدۇ  ماخەق ئۇلار ئەتكەن چايدىن ئايرىلسا ئۆلەپقالىدۇ

ئەڭ ياخشىسى بۇنداق ئىنكاس يازماڭ.........

مەنمۇ ئەتكەن چايغا بەك ئامراق بىرە كۈن ئىچمىسەم چىدىمايمەن.

مەنمۇ ئەتكەن چاي ئىچىشكە ئامراق .ئەمما بەك قارا بۇلۇپ كەتسە ياخشى كۆرمەيمەن .

غۇلجا ئەتكەن چاي بىلەن ئالمىنىڭ ماكانى، بۇ گەپچە غۇلجىلىقلارنىڭ كۆزى بەك روشەن ئىكەندە!

تاغقا بېرىپ تاغنىڭ ئەتكەن چېيىنى ئىچسىڭىز ئىككىنجى قىتم ئىچمەيلا خۇما بولىسىز. تاتلىقلىقىدا.