باغدىن ئەمەس ياكى  بازاردىن ،
                                   گۈل راسلىدىم قەلبىم بېغىدىن.
                                   تىزدىم ئۇنى دەستە-دەستىلەپ ،
                                   ئىسىل بولدى بىرى - بىرىدىن .

                                   گۈللىرىمنى سىرلىق بولسۇن دەپ ،
                                   چېلاپ  قويدۇم   ئانام    مېھرىگە .
                                   ئېچىلدۇردۇم   ئەجداد   روھيىدىن ،
                                   جەزبى  دارلىق  سېڭار   چېھرىگە .

                                   قېتىپ قويدۇم ئەقىدەمنى ھەم ،
                                   چىن   ۋاپانىڭ  دەۋاگەرى  بوپ  .
                                   سوغا  قىلدىم   بايرىمىڭلار غا .
                                   گۈل  ئورنىدا كۆڭلۈمنى  تۇتۇپ .

سىزنىڭ سوۋغىڭىزلا چىن يۈرەكتىن تۇتۇلغان سوۋغا بوپتۇ، ئەپسۇسكى موشۇنداق ئېسىل سوۋغىنىڭ شۇنچە نۇرغۇن كىشىلەرنىڭ (ئوقۇتقۇچىلارنىڭ) نەزىرىدىن بىر چەتتە قالغانلىقى بەك ئەپسۇسلىنارلىق ئىش بوپتۇ، رەھمەت سىزگە ، بۇ سوۋغىڭىز مېنى ئون يىلدىن بېرى ئەڭ خوش قىلغان بايراملىق سوۋغام بولدى.

گۈل راسلىدىم قەلبىم بېغىدىن،
چىلاپ قويدۇم ئانام مېھرىگە.

.........بۇ كۆرگەنلا كىشىنىڭ قولىدىن كېلىدىغان ئىش ئەمەس.

    شېئىرىڭىز بەك ياخشى چىقىپتۇ. ئوقۇتقۇچىلارغا سۇنغان سوۋغىڭىزنىڭ ھەقىقى چىن دىلدىن چىققان، سەمىمى سوۋغا ئىكەنلىكىنى ھەر مىسرادا ياخشى ئىپادىلەپسىز.
سىزگە ئۇتۇقلار يار بولغاي،ياخشى ئەسەرلىرىڭىزنى داۋاملىق يوللاپ تۇرغايسىز.