ئوقۇتقۇچى- ئۇستازنىڭ مېھرڭ ئۇلۇغ بىر دەريا،
ئوقۇتقۇچى ئەجرىدىن ياشناپ تۇرار بۇ دۇنيا.
ئوخشىتىمىز بىز شۇڭا ئۇنى ئىشچان باغۋەنگە.
ھۆرمەت بىلەن باغۋەنگە تەزىم قىلار گۈل-گىيا.
يەتتە ياشقا كىرگەندە ئۇستازىمدىن نۇر تېلەپ،
بارسام ئۇنىڭ ئالدىغا قارشى ئالغان ئىززەتلەپ.
تۇنجى قېتىم ئۇستازنى كۆرگەن چاغدا تەمتىرەپ
بىلىم ئىشقى قەلبىمدە شاۋقۇنلىغان ئۆركەشلەپ.
شۇندىن كېيىن ئۇ مېنىڭ يۈرىكىمگە نۇر بەرگەن،
بوستانىغا قەلبىمنىڭ كېچە كۈندۈز گۈل تەرگەن.
ناھەق نېمە، ھەق نېمە ئۆلچەم قىلىپ ۋىجداننى
داۋنلاردىن ھالقىشنىڭ سىرلىرىنى دەپ بەرگەن.
سەبىلىكتە ئۇستازىم تۇتۇپ ماڭغاچ قولۇمنى،
سەھەر ئەمەس تۈندىمۇ تېپىپ بەرگەن يولۇمنى.
ئۇ باشلىغان يول بىلەن ماڭدىم پارلاق مەنزىلگە
ئۇزتازىمدەك مەنمۇ ھەم سۆيدۈم ئانا يۇرتۇمنى.
بۈگۈن مانا ئۇستازنىڭ يېتىپ كەلدى بايرىمى،
يۈرىكىمدە كۈۋەجەر ئاڭا ھۆرمەت قاينىمى.
ئەقىدەمنى سوغات قىپ تىزىپ چىقتىم گۈلدەستە
ئۇنتۇمايمەن ھەرگىزمۇ ئۇستازىمنىڭ قەدرىنى.
ھۆرمەتلەيلى دوستلۇرۇم ئۇستازلارنى تائەبەت،
ئۇستاز مېھرى يۈرەكتە مۇقەددەس بىر مۇھەببەت.
بىلىم بەرگەن ئۇستازغا جان بەرسەكمۇ ئەرزىيدۇ
ئۇستاز ھۆرمەت تەختىدە تۇرسۇن دائىم سالامەت.
مەنبە: ئىجادىيىتىم،
[ 此贴被esra在2008-09-09 23:52重新编辑 ]
يېڭى يازمىلىق سەھىپە 
ئادەتتىكى سەھىپە 
مەخپىي سەھىپە
