(ئەجرىم) خاتىرە بېتىگە سىڭگەن تامچىلار

مۇلازىمەتلەر
بانكىسى
دوستلۇق توپى
مېدال مەركىزى
قۇرال مەركىزى
بىلوگۇم
ئىزدەش قۇرالى
ئېلان مەركىزى
ئۇلىنىش
ۋەزىپە
كىيىم دۇكىنى
تور تېلۋىزىيىسى
ئىش ئورنى
تەلەپ قانىلى
Flash
چۈشۈرۈش

دىيارىم مۇنبىرى » ﻛﯚﯕﻠﯜﻣﺪﯨﻜﻰ ﺳﯚﺯﻟﻪﺭ » (ئەجرىم) خاتىرە بېتىگە سىڭگەن تامچىلار

بۇ بەتتىكى تېما: (ئەجرىم) خاتىرە بېتىگە سىڭگەن تامچىلار	پرىنتلاش \| IE دا ساقلىۋېلىش \| تېما ساقلاش \| ئالدىنقى تېما \| كېيىنكى تېما


بۇ تىما 185 قېتىم كۈرۈلدى .

ajrim

تەجىرىبە:

UID نۇمۇرى : 14310

دەرىجە: باشقۇرغۇچى

تور دەرىجىسى :

نادىر تېما: 0

يازما سانى: 1673

ئۇنۋان:13 دەرىجە ھازىرغىچە1673دانە

شۆھرەت: 1610 نۇمۇر

پۇل: 328 دىيارىم تەڭگىسى

تۆھپە: 0 نۇمۇر

باھا: 0 نومۇر

تىزىملاتقان ۋاقىت:2007-03-17

ئاخىرقى كىرگىنى :2008-04-16

(ئەجرىم) خاتىرە بېتىگە سىڭگەن تامچىلار


	خاتىرە بېتىگە سىڭگەن تامچىلار مەن ئۇنىڭغا سىنچى كۆزلىرىم بىلەن قاراشقا باشلىدىم . ئۇنىڭ چىرايى بىر نەچچە كۈن ئىچىدىلا باشقىچە ئۆزگىرىپ كەتكەنىدى . ئورۇقلاپ زاڭاقلىرى چىقىپ ، قاپقارا كۆزلىرى ئولتۇرۇشۇپ ، تەبەسسۇم جىلۋە قىلىپ تۇرىدىغان ئوماق لەۋلىرى سەل كۆكۈرۈپ قاپتۇ . ئۇنىڭ بىچارە ئەپتىگە قاراپ ئىچىم سىيىرىلىپ كەتتى . ئۇ كېسەل ئازابىدا ئەسلىدىكى گۈزەللىكىنى يوقاتقان بولىمسۇ ، ئۇنىڭدا يەنىلا كىشىنى مەپتۇن قىلغۇدەك جەزبىلىك بار ئىدى . ئۇ بۇ دۇنيا بىلەن مەڭگۈلۈك ۋىدالىشىدىغانلىقىنى كۆڭلى تۇيۇپ ، بۇ ئالەمگە كۆزى قىيمايۋاتقاندەك تىترەپ تۇرغان قوللىرى بىلەن ياستۇقى ئاستىدىكى قىزىل تاشلىق خاتىرىسىنى ناھايىتى تەستە ئېلىپ ماڭا سۇنۇپ : __ بۇ خاتىرىنى ... ئاپامغا ...__ دەپلا يەنە ھوشىدىن كەتتى . دوختۇر ، سېستىرالار ئۇنى ھوشىغا كەلتۈرۈش ئۈچۈن پاتپاراق بولۇپ ، جىددىي ھەرىكەتكە كەلدى . بىر دوختۇر مېنى سىرتقا چىقىپ تۇرۇشقا ئىشارەت قىلدى . مەن ئۇنىڭغا قىيمىغان ھالدا كارىدورغا چىقتىم ۋە خاتىرىنى ۋاراقلاشقان باشلىدىم . خاتىرە مۇنداق باشلانغانىدى :« قەدىرلىك ئاپا ، قولۇمغا قەلەم ئېلىپ ، يۈرىكىمنى ئۆرتەۋاتقان دەرد _ ئەلەملەرنى ، سىزگە بولغان چەكسىز مۇھەببىتىمنى مۇشۇ خاتىرىدە قالدۇرۇپ كەتمەكچى ... ئاپا ، سىزنى دەرد - ھەسرەتكە سېلىپ قويۇپ ، كېتىدىغانلىقىم ئۈچۈن مېنى كەچۈرۈڭ ! ياراتقان ئىگەم بۇ قىسمەتنى مېنىڭ پېشانەمگە پۈتكەن بولسا كېرەك ؟! ئاپا ، سىز ئانىلىق مېھرىڭىزنى بېرىپ ۋە يۈرەك قېنىڭىزنى سەرپ قىلىپ مېنى چوڭ قىلغان ئىدىڭىز . سىز بۇ ئەجرىڭىزنىڭ ھېسابىغا مېنىڭ بەختىمنى كۆرۈپ ھۇزۇرلانماقچى بولغىيدىڭىز ؟! ئەمما ئارمانلىرىڭىزنى شور پېشانە قىزىڭىز يەردە قويدى ئاپا ، كىچىكىمدىنلا سىزنى رەنجىتىشىكە كۆڭلۈم ئۇنىمايتتى . ئاشۇ مۇڭلۇق چېھرىڭىزدە تەبەسسۇم جىلۋە قىلىشىنى ئىستەيتىم . ئەمدىلا تولۇق ئوتتۇرا مەكتەپنى پۈتتۈرۈپ 18 ياشقا كىرگىنىمدە ، قەلبىمدە نازۈك ۋە شېرىن بىر مۇھەببەت ئۇچقۇنى پەيدا بولدى . بۇ ئۇچقۇن بىردىنلا گۈرۈلدەپ كۆيۈشكە باشلىدى ئۇ كۆزلىرىدىن بىرخىل مۇلايىملىق ۋە مېھرىبانلىق چاقناپ تۇرىدىغان يىگىت ئىدى . ئۇ مۇ مەن ئىشلەيدىغان زاۋۇتتا ئىشلەيتتى . ئىككىمىز چوڭ رېمونت ۋاقتىدا تونۇشۇپ قالدۇق . ئىككىمىزگە دوستلىرىمنىڭ ھەۋىسى كېلەتتى ، ئۇلار سىلەر خۇدا قوشقان بىر جۈپ قوشماقلار ، دەپ قوياتتى . بىر كۈنى زاۋۇتنىڭ ئۇنى ئىچكىرى ئۆلكىگە ئالتە ئايلىق تېخنىكا ئۆگىنىشىگە ئەۋەتمەكچى بولغانلىقىنى ئاڭلىدىم . مەندىن بۇ ھەقتە مەسلىھەت سورىغاندا ، ئۇنىڭدىن ئايرىلىش تەسكە توختىسىمۇ ، ئۇنىڭ بىلىم ئىگىلەپ كېلىشىنى خۇشاللىق بىلەن قۇۋەتلىدىم . قايسىبىر قىز ئۆزىنىڭ يىگىتىنىڭ كەسىپ ۋە باشقا جەھەتلەردە باشقىلاردىن ئۈستۈن تۇرۇشىنى ئۈمىد قىلمايدۇ دەيسىز ؟! مەن ئۇنى ھاياتىمنىڭ بىر قىسمى دەپ ئويلىغىنىم ئۈچۈن ئۇنىڭ ھەر قانداق تەلىپىنى رەت قىلالمىدىم ، ئايرىلىش ئالدىدا تېخىمۇ شۇنداق بولدى ... ئۇ كېتىپ ئۇزاق ئۆتمەي ماڭا بىر پارچە خەت كەلدى . مەنمۇ جاۋاب خەت يازدىم . كېيىنكى خەتلىرىم جاۋابسىز قالدى ... خېتىم تەگمىدىمۇ ياكى ئۇ بەك ئالدىراش بولسا خەت يېزىشقا ۋاقىت چىقىرالمىدىمۇ بىلمىدىم. شۇ كۈنلەردە ئۆيدىمۇ مىجەزىم چۈسلىشىپ سىزگىمۇ بەزىدە قوپال تېگىپ قويدۇم . ... ئۆزەمدىمۇ غەيرى سېرىملار پەيدا بولغاندەك سەل بىئارام بولۇشقا باشلىدىم . مېنى قۇرۇقتىن _ قۇرۇق ھۆ تۇتاتتى . ... مېنىڭ ئەھۋالىمنى بىر سېمىنادا ئىشلەيدىغان خەنزۇ ئۇستام سېزىپ قاپتۇ . ئۇ مەندىن گەپ سورىغاندا مەن قورقۇپ كەتتىم . ئۇ ماڭا كۆيۈنۈپ دوختۇرخانىغا ئاپاردى . ئاھ خۇدا ، بۇ نېمە كۆرگۈلۈك ؟ مەن ئالىقانلىرىم بىر يۈزۈمنى توسۇپ يىغلاپ تاشلىدىم ، ئۇ ماڭا ئانىلارچە تەسەللى بەردى . قانداقتۇر بىر كۈچ مۈرۈمدىن بېسىپ ئىككى پۈتۈمنى ئېغىرلاشتۇرۇپ ، قايسى تەرەپكە قاراپ مېڭىشىمنى بىلەلمەي قالدىم . ئەتراپ خۇددى قازاننى كۆمتۈرۈپ قويغاندەك قاپقاراڭغۇ كۆرۈنەتتى . ئەتراپىمدىكى ھەممە ئادەملەر ماڭا نەپرەت بىلەن قاراۋاتقاندەك بىلىنەتتى . نەچچە كۈن ئىچىدىلا نومۇس كۈچىدىن تېخىمۇ تۈگىشىپ كەتتىم . ئاپا ، بۇ ئىشىنى سىزگە دېيىشكە مېنىڭ قانداقمۇ ئاغزىم بارسۇن ؟! سىز ماڭا قاتتىق تەلەپ قوياتتىڭىز ، ھەتتا جەمئىيىەتتە يامان گېپى چىقىپ قالغان قىزلار بىلەن ئارىلىشىشىمغىمۇ قارشى ئىدىڭىز . شۇڭا ، بۇ ئىشنىڭ سىزنى تۈگەشتۈرۈۋېتىدىغانلىقىنى بىلەتتىم . ئاخىر بالىنى ئالدۈرۈۋەتمەكچى بولدۇم . مەن دوختۇرخانىغا بېرىپ نۆۋەت كۈتۈپ ئولتۇراتتىم . يان ئۆيدىن بوۋاقنىڭ چىرقىرداپ يىغلىغان ئاۋازى قۇلىقىمغا يېقىملىق ئاڭلاندى ، ۋۇجۇدۇمدا قانداقتۇر بىر خىل ئىللىق سېزىم پەيدا بولدى . ئۇ ئانىلىق مۇھەببەت بولسا كېرەك ... ئۇمۇ بەلكىم مۇشۇ بوۋاقتەك يىغلاپ تۇغۇلار ... ئۇ تېخى دۇنياغا كۆز ئاچماي تۇرۇپلا ئۆلۈمگە مەھكۇم قىلىنسا .... مەن قاتىل بولمامدىمەن ؟ ئۆزۈم ئۆلتۈرسەم ... بۇ نېمىدىگەن ۋەھشىيلىك ؟! ياق ! مەن ئانا بولىمەن ، جەمئىيەتتىكى ئادەملەرنىڭ قانداق قارىشىدىن قەتئىينەزەر ، قايناق ھېسسىياتىمىزدىن تۆرەلگەن ھايات مېۋىسىنى ھاياتلىققا ئېرىشتۈرۈش قارارى بىلەن دوختۇرخانىدىن يېنىپ چىقتىم . مەن ئازابلىرىمنى ئىچىمگە يۇتۇپ زاكىرغا قايتا خەت يازدىم . بىراق ئۇنىڭ ئۆگىنىشىگە تەسىر يەتكۈزمەسلىك ئۈچۈن ، بالا توغۇرلۇق ھېچ نەرسە دېمىدىم . ئەپسۇس ، ئۇنىڭدىن جاۋاب كەلمىدى . شۇنداقتىمۇ مەن سىزدىن يوشۇرۇن ھالدا مۇكاپات پۇللىرىمنى ۋە باشقا ئىشلار ئۈچۈن ئېلىپ قويغان پۇللىرىمنى ئۇنىڭغا ئەۋەتىپ تۇردۇم . « كېسەلنى يوشۇرساڭ ، ئۆلۈم ئاشكارە» دېگەندەك ، مەن قانچە يوشۇرغىنىم بىلەن قورسىقىم بارغانچە يوغىناپ ، مېنى تەشۋىشكە سېلىۋاتاتتى . تۆت ئايدىن ئاشقان چاغدا سىز سىزىپ قالدىڭىز ... ئۆزىڭىزنى كاچاتلاپ ئۇرۇپ يىغلاپ ئايلىنىپ كەتتىڭىز ، مەن ئالدىڭىزدا گۇناھىمنى تىلەپ يىغلاپ ئولتۇرۇشتىن باشقىنى بىلمىدىم ... مېنىڭ ئەمدىكى پۈتۈن ئۈمىدىم زاكىردا ئىدى . ئۇ كەلسىلا توي قىلۋالساق ، كوچا - كويلاردىكى سۆز - چوچەك ۋە سىرلىق پىچىرلاش ، گەپتە چېقىشلار ، يامان كۆزدە ئالىيىپ قاراشلار بېسىقاتتى ... ئاھ ، خۇدا ، دۇنيادا كۈتۈشتىن تەس ئىش يوق ئىكەن ! مەن بۇ ئالتە ئاينى ناھايىتى تەستە توشقۇزدۇم . بر كۈنى دوستۇم ئۇچقۇنئايدىن زاكىرنىڭ قايتىپ كەلگەنلىكىنى ئاڭلىدىم . ئۇ مېنى ئىزدەپ كېلىدىغۇ دەپ ئۈچ كۈن كۈتتۈم . بىراق ئۇ كەلمىدى . ئاخىرى ئۇچقانئاي ئارقىلىق ئۇنىڭ بىلەن كۆرۈشتۈم . كۆزلىرىمگە يىغا يامىشىپلا تۇراتتى ، ئۇنى كۆرسەملا ئۇنىڭغا ئۆزەمنى تاشلاپ قانغۇدەك بىر يىغلىۋېلىشنى ئويلىغانىدىم . بىراق ئۇ مەن بىلەن سۇسلا كۆرۈشتى . ئارىلىقتىكى سۈكۈت مېنى تۇنجۇقتۇرۇپ قويغىلى تاسلا قالدى . __ زاكىر ، مېنىڭ ئەۋەتكەن خەتلىرىم تەگمىدىمۇ ؟ __ تېگىشنىغۇ تەگدى __ نېمىشقا بىرەر پارچىمۇ جاۋاب يازمايسىەن ؟ ئۇ بىر پەس ئويلانغاندىن كېيىن : __ كامىلە ، ساڭا خەت يازماسلىقىمدىكى سەۋەب ، مەن سېنىڭ ئالدىڭدا يۈز كېلەلمەيدىغان بىر ئىش قىلىپ قويدۇم ! شۇڭا ، مەن سېنى بىراقلا ئۇنتۇپ كېتەي دېگەنىدىم ،__ دېدى . بۇ گەپلەرنى ئاڭلاپ قۇلىقىما ئىشەنمەي قالدىم . يەر پىرقىراپ دۈم كۆمتۈرۈلۈپ كېتىۋاتقاندەك ، ھېچ نەرسىنى ئاڭقىرالماي ، ياق ! دەپ ۋاقىراپ تاشلاپتىمەن . پۈتۈن بەدىنىم جالاقلاپ تىترەپ كەتتى ، كۆزۈمدىن تۈكۈلۈۋاتقان ياش ئازابلىرىمنى بېسىىشقا ئاجىزلىق قىلاتتى . __ ئەمدى مەن قانداق قىلىمەن ؟! _ ئېسەدەپ تۇرۇپ سورىدىم . __ نېمىنى قانداق قىلىسەن ؟ ئۇ ھېچ نەرسە بولمىغاندەك ھەيرانلىق بىلەن ماڭا تىكىلدى ، كۆزلىرىدىن يەنىلا بىر خىل سېھىرلىك نۇرنىڭ شولىسىنى كۆرۈپ قالدىم ، ئاشۇ كۆزلەر ئەمدى باشقا بىرىگە تەۋە بولۇپ كەتسە ، مېنىڭ تۈگەشكىنىم شۇ ئەمەسمۇ ؟ ئاھ ، بۇ نېمىدىكەن قورقۇنچلۇق مەن ئۇنىڭ كۆزلىرىگە قاراپ تۇرۇپ ياش تۆكتۈم . شۇ تاپتا مەندە ئاۋاز چىققۇدەك قۇدرەت قالمىغانىدى . بىر پەستىن كېيىن ئۆزۈمنى بېسىۋېلىپ سۆزلىدىم : _ زاكىر ، مەن سېنى بارلىقىم بىلەن سۆيگەن ، قەدىرلىگەنىدىم ، ئەمدى سەن ماڭا ۋاپاسىزلىق قىلاي دەمسەن ؟... ھېچبولمىغاندا قورساقتىكى بالىنىڭ يۈزىنى قىلساڭ بولمامدۇ ؟! ئۇ كۆزلىرىنى پارقىرىتىپ ئۈنسىز قېتىپ تۇراتتى . بۇ نېمىدىكەن كۆڭۈلسىز كېچە ئىدى . __ كامىلە ، سېنى نەقەدەر ياخشى كۆرىدىغانلىقىمنى ئۆزۈملا بىلىمەن . بىراق ئوغۇل بالىنىڭ بېشىغا نېمە كۈنلەر كەلمەيدۇ دەيسەن . ئالتە ئايلىق ئوقۇش جەريانىدا بىرگە ئوقۇشقا بارغان رەخىمە بىلەن يېقىن ئۆتكەنىدىم . ئۇنىڭ بىلەن توي قىلمىسام بولمايدىغان ئىشلار يۈز بەردى . ئەگەر سەنمۇ بۇ ئىشلارنى دەپ مېنى قىينىساڭ ، ماڭا بۇ دۇنيادا ياشاش ھارام بولىدۇ . كامىلە ئەگەر ئىككى يىللىق مۇھەببىتىمىزنىڭ يۈزىنى قىلساڭ بالىنى ئالغۇزۇۋەت ! ئۇنىڭ سۆزى يۈرىكىمگە جەنجەر بولۇپ ئۇرۇلدى ، مەن بۇ ئازابتىن تولغىنىپ كەتتىم . __ زاكىر ، سېنىڭ قولۇڭدىن كەلگەن رەھىمسىزلىك مېنىڭ قولۇمدىن كەلمەيدۇ ، ئەگەر ئۆلۈشكە توغرا كەلسە ، مەن ئۆلۈشۈم كېرەك ! بولمىسا سېنىڭ خۇشاللىقىڭ ، بەختىڭ ئۈچۈن ئازاب- ئوقۇبەت ۋە ئار - نومۇسنى يېڭىپ ياشىشىم كېرەك ! چۈنكى مەن سېنى ياخشى كۆرىمەن . شۇڭا سەن ئۈچۈن قۇربان بېرەلەيمەن . _ مەن شۇنداق دېدىم_ دە قەدەملىرىمنى تەستە يۆتكەپ كېتىپ قالدىم . مەن شۇ كېچىسى ئۆيگىمۇ كىرمەي مەقسەتسىزلا مەھەللىنى ئارىلىدىم . ئاپا ، مەن ئۇنى ياخشى كۆرىمەن . دەپ ئۆزۈمنى يوقىتىپ قويۇپتىمەن . مەن مەلۇم ئارىلىق قالدۇرۇشنى بىلمەپتىمەن . مەن تۇنجى قەدىمىمدىلا چوڭ بىر خاتالىق ئۆتكۈزۈپتىمەن . ئاپا ، مەن بۇ نۇقتىنى چۈشىنىپ يەتكەندە تولىمۇ كېچەككەنىدىم . ئاپا ، ئادەم ئۆزى ياخشى كۆرگەن ، تاغدەك ئىشەنگەن ئادىمىدىن ۋاپاسىزلىق كۆرسە ، دۇنيا ئۇنىڭغا شۇ قەدەر مەنىسىز تۇيۇلۇپ كېتىدىكەن . مەن نومۇس ۋە بەختسىزلىكلەردىن بىراقلا قۇتۇلۇش ئۈچۈن ئۆلۈۋالماقچى بولدۇم ، ياراتقان ئىگەم ماڭا ئۆلۈم بەرسە ، مەن باغرىمدىكى مۇشۇ جان بىلەن ، بۇ ۋاپاسىز ئالەم بىلەن خوشلىشىپ ، ئۇ ئالەمگە كەتسەم دەپ ئويلىدىم . قەدىرلىك ئاپا ، دەل شۇ چاغدا كۆز ئالدىمدا سىزنىڭ ياش تامچىلاۋاتقان كۆزلىرىڭىز پەيدا بولدى ۋە مېنى ياشاشقا ئۈندىدى . سىزنىڭ ئانىلىق مېھىرى يېقىپ تۇرغان مېھرىبان چىرايىڭىز مېنى ھالاكەت ئازگىلىدىن تارتىپ چىقاردى ، ھاياتنىڭ بارلىق گۈزەل شېرىن تەرەپلىرى توساتتىن كۆز ئالدىمدا گەۋدىلىنىشكە باشلىدى . مەن ھايات ھەققىدە كۆپ ئويلاندىم . بىر ئەرنىڭ ۋاپاسىزلىقى ئۈچۈن ئۆلۈۋېلىش مېنىڭ تازىمۇ ئەقىلسىزلىقىم ، ئىرادىسىزلىكىم . .. ئاجىزلىقىم بولۇپ قالمامدۇ ؟! ئۇ ۋاپاسىزلىق قىلىپ مېنىڭدىن ۋە ئۆز پۈشتىدىن بولغان بالىدىن ۋاز كەچكەن بولسا ، مەن ئاللانىڭ ئاياللارغا ئاتا قىلغان ئىللىق مېھرىبانلىقى بىلەن بالىنى بېقىپ ، ئۆستۈرۈپ ۋاپادار ئاتا ، مېھرىبان ئانا ، بۇلۇشۇم كېرەك . مەن بۇرۇن زاكىر ئۈچۈن ياشىغان بولسام ئەمدى سىز ھەم تېخى تۇنياغا كۆز ئاچمىغان بالام ئۇچۈن ياشىماقچى بولدۇم . شۇ كۈنى يېرىم كېچىدە ئۆيگە قايتىپ كەلگىنىمدە ، سىز كىرپىك قاقماي ئولتۇرۇپسىز ، يىغىدىن كۆزلىرىڭىز ئىششىپ كېتىپتۇ . مەن ئۆزۈمنى باغرىڭىزغا ئاتتىم . سىز مېنى چىڭ قۇچاقلىدىڭىز . بىز ئۇزۇن يىللار كۆرۈشمىگەن ئانا - بالىدەك ئۇزاق قۇچاقلىشىپ يىغلاشتۇق . مەن يىغلاپ تۇرۇپ سىزگە دەردىمنى تۆكتۈم . .. _ بوپتۇ قىزىم ، ئەمدى بولدىغان ئىش بولۇپ بولدى ، ياراتقان ئاللا بار ، يىغلىما ، بۇ بەختسىزلىك مەندىن ساڭا مىراس قالغان ئوخشايدۇ ،_ دېدىڭىز كۆز يېشى قىلىپ تۇرۇپ مېنى بەزلەپ . ئەتىسى دوستۇم ئۇچقۇنئاي مېنى ئىزدەپ كېلىپ ، زاكىر بىلەن كۆرۈشۈپ ، ئۇنى خەلقئالەم ئالدىدا رەسۋا قىلىمەن ، دەپ تۇرۇۋالدى . مەن ئۇنى توسۇپ قويدۇم . ئۇچقۇنئاينىڭ ئوغىسى قويناپ : _ خەقلەر سېنى نېمىدەپ ئەيىبلەۋاتىدۇ بىلەمسەن ؟ يامان ئاتاقنى سەن ئال ، ئۇ ھېچ ئىش بولمىغاندەك توي قىلىمەن دەپ يۈرسۈن ! سەن تېخى ئۇنى قوغدا ... ئۇنىڭغا شۇنداق قىلىش ئەرزىمدۇ ، كامىلە ؟! سەن نېمانداق ئەخمەق ! سېنىڭ ئەخمەقلىقىڭدىن پايدىلىنىۋاتىدۇ ئۇ ! خەق ئۆز بەختىنى كۆزلىسۇن _ يۇ سەن يىغلاپ يات . يۈر سوتقا بارىمىز ، ئۇنىڭ سەن بىلەن توي قىلمىغىنىنى كۆرۈپ باقايچۇ قېنى ،_ دېدى ئۇچقۇنئاي مېنى سىرتقا سۆرىدى . مەن زادىلا ئۇنىمىدىم ! مەن زاكىرنى ياخشى كۆرگەنلىكىم ئۈچۈنلا شۇنداق قىلغاندىم . ئۆزى ياخشى كۆرگەن ئادەمنى ئوتقا ئىتتىرىش نامەردنىڭ ئىشى . ئۇ نامەردلىك قىلغان بولسا بوپتۇ . مەن كەڭ قورساقلىق قىلاي ... مېنى مۇشۇ كۈنلەردە ئەڭ ئازابلاۋاتقىنى كىشىلەرنىڭ سۆز - چۆچىكى ئىدى . ھاۋا ئىسسىپ ، تىنجىقنىڭ دەستىدىن ئۆيدە ئۆلتۇرۇش تەس بولۇپ كەتسىمۇ ، ئىشىك ئالدىغا چىقىپ ئولتۇرالمايتتىم . ئۆيدە ئولتۇرۇپمۇ ئاياللارنىڭ توۋا ، زامان ئاخىرى بولۇۋاتامدۇ نېمە ؟ بۇ كەمنىڭ قىزلىرى توي قىلماي تۇرۇپلا قورسىقىنى دومبايتىپ يۇرۇۋېرىدىغان بولۇپ قاپتۇ . دېگەندەك گەپلەرنى ئاڭلىغىنىمدا نومۇس ۋە ئەلەمدىن ئۆرتىنەتتىم ... ھەممىنى ئىچىڭىزگە ئېلىپ تۈگىشىپلا كەتتىڭىز . بۇ سىزگە ناھايىتى ئېغىر كەلدى . سىز مېنىڭ دەردىمنى شۇنچە تارتقان بولسىڭىزمۇ ماڭا زارلىنىپ بەرمىدىڭىز ... مېنىڭ ئاي - كۈنۈم توشۇپ قالغانىدى . بىر كۈنى زاكىرنىڭ ئالدىمىزدىكى يەكشەنبە كۈنى تويى بولىدىغانلىقىنى ئاڭلاپ ، بەكمۇ ئازابلاندىم ، يىغلىدىم ... جۈمە كۈنى تۇيۇقسىز قورسىقىم ئاغرىشقا باشلىدى . ئاپا ، سىز شەنبە كۈنى مېنى دوختۇرخانىغا ئاپاردىڭىز . مەن يەكشەنبە كۈنى _ زاكىرنىڭ تويى بولغان كۈنى يەڭگىدىم . ئاياللار تارتىدىغان ئازابلىرىنىڭ ھەممىسىنى تارتىپ ئاخىرىنى ئانا بولدۇم . دوختۇرخانىدا ھەر بىر ئانا ھاياتلىق غۇنچىسىنى ياراتقانلىقى ئۈچۈن ، ئەرلىرىنىڭ ئادەتتىن تاشقىرى مېھرى - مۇھەببىتىگە ، ھۆرمىتىگە ئېرىشىپ ، ئۆزلىرىنى ئەڭ يۈكسەك تۇيغۇ ئىچىدە سەزسە ، مەن مۇڭلۇق خىياللارغا چۆكتۈم . ئۈچ كۈندىن كېيىن سېستىرا ئايال قىزىمنى يېنىمغا ئېلىپ كىرىپ سۆزلەپلا كەتتى . _ پاھ ، سىلەر نېمىدىگەن بەخىتلىك ، ئاجايىپ چىرايلىق قىزدىن بىرنى تۇغۇۋالدىڭىز ، قىزىڭىز خۇددى قونچاققىلا ئوخشايدىكەن ، دادىسى كۆرسە قانچە خۇشال بولۇپ كېتەر __ ھە ؟! مەن ئۇنىڭ گەپلىرىگە ئۈندىمەستىن قىزىمنى قولۇمغا ئېلىپ يىغلىۋەتتىم . ئاپا ، سىز قىزىمنى قولىڭىزغا ئېلىپ : _ قىز بالىنىڭ چىرايىنى بەرگەن بىلەن بەختىنى بەرمىسە بىكار ! بەختىنى خۇدادىن تىلە !_ دېدىڭىز . ئاپا ، بەلكىم سىز مېنىڭ تەقدىرىمنى ئويلاپ شۇنداق دەۋاتقانسىز . ئادەم دەرد - ئەلەم ئىچىدە ئوبدان ياشاشنىڭ يولىنى بىلىپ قالىدىكەن . قىزلار كۆپ ھاللاردا تۇرمۇش بوسۇغىسىغا يېقىنلاشقاندا ، بەختىنى قانداقتۇر بىرەر يىگىتتىن كۈتىدىكەن . شۇنىڭ بىلەن مۇھەببەت قاينىمىغا بېشىچىلا كىرىپ كېتىپ ، ئاخىر ھالاك بولدىكەن . شۇنىڭ بىلەن ئۇلار بەختسىز بولۇپ قالىدىكەن . مەن قىزىمنى قۇچاقلاپ ئولتۇرۇپ ، زاكىر بىلەن بىرگە بولغان كۈنلەردىكى ئايدىڭ كېچىلەرنى ، كەلگۈسى توغرىسىدىكى شېرىن سۆھبەتلەرنى ئەسلىدىم . بۇلار مەن ئۈچۈن ئازابلىق بولىسمۇ ، لېكىن مەن ئۇنى ئۇنتۇيالمىدىم . قىزىم زۇلالئاي تازا ئەت ئېلىپ ئالتە ئايلىق بولغاندا بىر نەرسىلەرنى گۇڭۇلدايدىغان ، ئەركىلەپ ، ۋىلىقلاپ كۈلىدىغان بولدى . ئۇنىڭ تىلى چقىىپ تۇنجى قېتىم «دادا» دېگەندە سىز ئۇنىڭ غۇنچىدەك ئوماق ئاغزىغا قولىڭىزنى تەڭلەپ تۇرۇپ : _ داداڭ يوق ! داداڭنىڭ قايسىبىر قىلغانلىرىغا دادا دەپ تىلىڭ چىقتى ! _ دەپ كايىدىڭىز . مېنىڭ قىزىمغا قاراپ بەكمۇ كۆڭلۈم يېرىم بولدى . ئىچىمدە ، بىچارە قىزىم ، چوڭ ئاپاڭ توغرا دەۋاتىدۇ ، سېنىڭ داداڭ سەن تۇغۇلغان كۈنى ئۆلگەن ، دېدىم . دوختۇرنىڭ ماڭا تىكىلىپ قارىشىدىن كېسىلىمنىڭ ئېغىرلىقىنى تۇيغانىدىم . مانا بۈگۈن تەكشۈرۈش نەتىجىسىمۇ چىقتى . دوختۇر ماڭا كېسىلىمنى ئۈرۈمچىگە بېرىپ قايتا تەكشۈرتۈپ بېقىشىمنى ئېيتتى . مەن تەكشۈرۈش قەغىزىنى پۇرلاپ تاشلىۋېتىپ ، ئۆيگە قايتىپ كەلدىم _ دە قىزىمنى باغرىمغا بېسىپ تازا يىغلىدىم . ھايات نېمىدىگەن شېرىن _ ھە ؟ مەن زۇلالئاينى خۇددى بىرى قولۇمدىن تارتىۋالدىغاندەك چىڭ قۇچاقلىدىم ، ئاھ تەتۇر پىشانە قىزىم ، دادا مېھىرى كۆرمىدى دەپ يىغلىسام ، ئەمدى ئانا مېھىرىگىمۇ قانمايدىغان بولدۇڭمۇ ... تېنىم كۈندىن _ كۈنگە ئاجىزلاشماقتا ، زۇلالئاينىڭ چوڭىيىشىغا ئەگىشىپ ، مېنىڭ كۈنلىرىم ئازىيىۋاتىدۇ . قىزىم بۈگۈن بىر ياشقا كىردى . بىز زۇلالئاينى ئېلىپ باغچىغا كىردۇق. ئىككىمىز زۇلالئاي بىلەن ئايرىم - ئايرىم رەسىمەگە چۈشتۈق . بەلكىم بۇ قىزىمغا يادىكار سۈرەت بولۇپ قالار . .. كېلەر يىلى قىزىم ئىككى ياشقا كىرگەندە ئۇنى باغچىغا ئۆزىڭىز ئەكىرەرسىز . ئەمدى بالا سىزگىلا قالدى . ئۇنىڭ پىلتىڭلار يۈگۈرۈشلىرىنى كۆرمەي ، تاتلىق سۆزلىرىنى ئاڭلىماي كېتىدىغان ئوخشايمەن . مەندەك بىر ياش ئانا ئۈچۈن بۇنىڭدىنمۇ ئارتۇق ئازاب بولمىسا كېرەك . تۈنۈگۈن كېچىلىك ئىسمېنىدا ئىشلەۋېتىپ ئايلىنىپ يىقىلىپ چۈشۈپتىمەن . بىر چاغدا كۆزۈمنى ئاچسام ، دوختۇرخانىدا ياتىمەن . ئەڭ ئاۋۋال يەنىلا سىزنىڭ ياش تولغان كۆزلىرىڭىزنى كۆردۈم . سىز ئۆيدىن زۇلالئاينى ئەكەلگىلى كەتكىنىڭىزدە ، مەن دوختۇرنى يېنىمغا چاقىرتتىم . ئۇ كېسىلىمنى مەندىن يوشۇردى . مەن نېمە كېسەل ئىكەنلىكىمنى بىلىدىغانلىقىمنى ئېيتتىم . دوختۇر كۆزەينەك ئاسىتىدىن ماڭا تىكىلىپ قارىدى . بەلكىم ئۇنىڭ ئۇزۇنغا قالماي بۇ دۇنيا بىلەن خوشلىشىدىغانلىقىمغا ئىشەنگۈسى كەلمەيۋاتقاندۇ ؟! مەن ئۆزەمنىڭ نەچچە كۈنلۈكلا ئۆمرۈم قالغانلىقىنى بىلەتتىم . قەدىرلىك ئاپا ، شۇ تاپتا تۈرىكىمدىكى سۆزلەرنى خاتىرىگە پۈتۈشكە قەلىمىم ئاجىزلىق قىلىۋاتىدۇ . ئەزرائىل بۇشۇغامغىلا كېلىپ قالغان بولسا كېرەك . سىز بىلەن ۋىدالىشىش ئالدىدا پەقەت ئاپا مېنى كەچۈرۈڭ ! دېگەن سۆزنىلا ئېيتالايدىغان ئوخشايمەن . ئاپا ، خاتىرەمنىڭ ئاخىرقى بەتلىرىدە يەنىلا ۋاپاسىز زاكىرنى تىلغا ئالغانلىقىم ئۈچۈن مېنى ئەيىبكە بۇيرۇماسسىز ... يۈرۈكۈمدىكى سۆزنى قىلسام ، ئۇنى يەنىلا ياخشى كۆرىمەن ، چۈنكى ، ئۇ مېنىڭ تۇنجى ۋە ئاخىرقى سۆيگەن ئادىمىم ... ئادەمنىڭ ئۆزى ياخشى كۆرگەن ئادىمىدىن كۆڭلى بەك رەنجىمەيدىغان ئوخشايدۇ ... ئۇنىڭغا ھېسداشلىقىم كېلىدۇ ، ئۇ ئاخىرى ئايالى بىلەن ئاجرىشىپ كېتىپتۇ . زاكىر ئۇچقۇنئايغا دەردىنى تۆكۈپ ، مەندىن ئەپۇ سورىماقچى بولغانلىقىنى ئېيتىپتىكەن ، مەن رەت قىلدىم . ئاپا ، بەلكىم ، كامىلە ، دىلىڭ بەكمۇ يۇمشاق ئىدى ، ئاخىرقى كۈنلەردە نېمانچە قاتتىقلىق قىلغانسەن ؟ دەپ قالارسىز .. ئەگەر ئۇ تۇرمۇشتا بەختلىك بولۇپ مېنىڭدىن ئەپۇ سورىغان بولسا ئىدى ، ئۇ چاغدا مەن ئۇ كەچۈرگەن بولاتتىم . ھەر ھالدا مېنى ئۇنتۇماپتۇ . گۇناھىنى تونۇپتۇ . دەپ بىلەتتىم . ھازىرچۇ ؟ ئۇ بەخىتسىز بولۇپ قالغانلىقى ئۈچۈن ، مېنىڭ ئالدىمغا كەلگەن تۇرسا ، مەن ئۇنى كەچۈرسەم قانداق بولىدۇ ؟ بۇ ئىش مېنىڭ غۇرۇرۇمغا تەگدى . مەن نېمە كۈنلەرنى كۆرمىدىم ؟ ئاپا ، بۇلارنى سۆزلەپ ئولتۇرمىساممۇ ، سىز بىلىسىز ، ئاشۇ دەردلەر مېنىڭ ياش يۈرىكىمنى زېدە قىلىۋەتتى ... ئاپا ، ئاخىرىدا سىزدىن ئۆتىنىدىغىنىم ، سىز مەن ئۈچۈن دەرد - ئەلەملەرنى چەكتىڭىز ، ئەمدى بولسىمۇ ئۆزىڭىزنى ئاسراڭ ! كۆز يېشى قىلماڭ ! سىزگە دەيدىغان يەنە نۇرغۇن گەپلىرىم بار ئىدى ، لېكىن قەلەم قولۇمدا تۇرمايۋاتىدۇ . مېنى كەچۈرۈڭ !» مەن خاتىرىنى ياپتىم _ دە ، يىغىدىن ئۆزەمنى توختىتىۋالالمايلا قالدىم . كامىلەنىڭ ئاپىسى زۇلالئاينى كۈتۈرگىنىچە كارىدورغا ئەنسىز كىرىپ كەلدى ... بىز ياتاققا كىردۇق . كامىلەنىڭ نەپسى بەكلا تۆۋەنلەپ كەتكەنىدى . ئۇ كۆزلىرىنى تەستە ئېچىپ ئاپىسىغا ، قىزىغا ، ماڭا ۋە تام - تورۇسلارغا بىر قۇر قارىدى . ئۇنىڭ نۇرسىز كۆزلىرى ئاخىرى ئاپىسىنىڭ قۇچىقىدىكى زۇلالئايغا كېلىپ توختىدى . ئۇ ، قورۇپ كەتكەن لەۋلىرىنى مىدىرلىتىپ بىر نەرسە دېمەكچى بولدى _ يۇ ئاۋازى چىقمىدى ... ئۇنىڭ ھەرىكىتىدىن زۇلالئاينى يېنىغا چاقىرۋاتقنالىقىنى بىلدۇق . ئۇ ئۆزىگە قاراپ تۇرغان ئوماق قىزىنىڭ يۈزلىرىنى تىترەپ تۇرغان قوللىرى بىلەن سىلىدى . ئۇنىڭ كۆزلىرىدىن ئىككى تامچە ياش دۇمىلاپ چۈشتى . ئۇنىڭ ئاپىسى ئۆكسۈپ يىغلاشقا باشلىدى . كامىلەنىڭ كۆزلىرىدە ياش بولىسمۇ ، زورىغا كۈلۈمسىرەشكە باشلىدى . توساتتىن ياتاققا ساقاللىرى ئۆسۈپ ، كۆزلىرى ئولتۇرۇشۇپ ، مەڭزىنىڭ سۆڭەكلىرى چىقىپ قالغان زاكىر كىرىپ كەلدى _ دە كامىلەنىڭ باش تەرىپىگە كېلىپ ، يەرگىلا يۈكۈنۈپ ئولتۈرۈپ ، كامىلەنىڭ مۇزلاشقا باشلىغان قوللىرىنى قوش قوللاپ تۇتۇپ ، ھۆڭرەپ يىغلاپ كەتتى . ئۇنىڭ يىغىسى ھېچكىمنى تەسىرلەندۈرەلمىدى . ھەممەيلەنىڭ كۆزى كامىلەدە ئىدى . كامىلە قولىنى زاكىرنىڭ ئالىقىنىدىن تاتىۋېلىپ ، ئۇنىڭ ئۆسۈپ كەتكەن چاچلىرىنى ئاستا سىلاشقا باشلىدى . ئۇنىڭ كۆزلىرىدىن ئاخىرقى ياشنى زاكىر ئۈچۈن تۆكتى . بىر قولىنى زۇلالئايغا ئۇزىتىۋېتىپ خۇددى بىر يېرى ئاغرىۋاتقاندەك بىرلا سىلكىندى _ دە قولى پەسكە چۈشۈپ كەتتى . كۆزلىرى يۇمۇلۇپ تال - تال كىرپىكلىرى گىرەلەشتى . __ كامىلە قىزىم ، ! ئانا ئۆزىنى قىزنىڭ ئۈستىگە ئاتتى . سېستىرالار ئانىنى يۆلىۋالدى ، _ ئېچىلماي توزىغان گۈلۈم . يېتىملىكنى قىزىڭغا تاشلاپ كەتتىڭغۇ قىزىم ... ھەسرىتىم قىزىم ! نادامىتىم قىزىم ... ئانىسىنىڭ بۇ ھەسرەتلىك يىغىسى ھەممەيلەننىڭ باغرىنى ئېزىپ ، كۆزلىرىنى ياشلىدى . مەن زۇلالئاينى كۆتۈرۈپ ياتاق بىناسىدىن ئالدىراپ چۈشۈۋاتسام ، زاكىر خۇددى مەست ئادەمدەك دەلدەڭشىپ كېلىپ ماڭا يېتىشتى ۋە قولىنى زۇلالئايغا ئۇزاتتى : __ ماڭا قارا قىزىم ، مەن سېنىڭ داداڭ ، _ ئۇنىڭ ساقاللىرى ئۆسۈپ ، كۆزلىرى قان قيغاندەك قىزىرىپ كەتكەچكىمۇ ، زۇلالئاي ئۇنىڭغا بىر پەس سەپۋېلىپ قارىدى _ دە ئاغزىنى پۈرۈشتۈرۈپ ئۈمچەيگىنىچە يىغلاپ يېپىشىۋالدى . زاكىرنىڭ زۇلالئايغا ئۇزاتقان قوللىرى بوشلۇقتا ئېسىلىپ قالدى . __ راست ، قىزىم مېنىڭ ۋاپاسىزلىقىمنى ئاپاڭ ئاخىرقى تىنىقىدا كەچۈرگەن بىلەن سەن كەچۈرمەيسەن ، ھەممىڭلار كەچۈرمەيسىلەر .... ،- دەپ ھۆڭرەپ يىغلاشقا باشلىدى زاكىر مەن زۇلالئاينى باغرىمغا چىڭ بېسىپ نەپرەت ھەم ئېچىنىش بىلەن ئۇنىڭغا قارىدىم . مەنبە : ئاخىرقى زامانە ئاياللىرى [ بۇ يازما kuduratulla تەرپىدىن 2008-04-12 14:48 دە ]

ئىللەت تۈزەلمىگىچە
مىللەت تۈزەلمەس .

يوللانغان ۋاقتى: 2008-04-12 14:00 | بۇ قەۋەتكە ئىنكاس=> [باش يازما]

يېڭى يازمىلىق سەھىپە نۇرمال زىيارەت قىلىغىلى بولىدىغان سەھىپە

ئادەتتىكى سەھىپە تاقاق سەھىپە

مەخپىي سەھىپە

ﺋﻪﺳﻜﻪﺭﺗﯩﺶ : ﺗﻮﺭ ﺑﯧﻜﯩﺘﯩﻤﯩﺰﺩﻩ ﯞﻩﻣﯘﻧﺒﯩﺮﯨﻤﯩﺰﺩﻩ ﺩﯙﻟﻪﺗﻨﯩﯔ ﺗﯜﺭﻟﯜﻙ ﻗﺎﻧﯘﻥ - ﺳﯩﻴﺎﺳﻪﺕ ﭘﻪﺭﻣﺎﻧﻠﯩﺮﯨﻐﺎ ﺧﯩﻼﭖ ﻣﺎﻗﺎﻟﯩﻠﻪﺭ ﯞﻩ ﻳﻮﻟﻼﻧﻤﯩﻼﺭﻧﻰ ، ﺳﯜﺭﻩﺗﻠﻪﺭﻧﻰ ﻳﻮﻟﻼﺷﻘﺎ ﺑﻮﻟﻤﺎﻳﺪﯗ.
ﺑﯚﻟﮕﯜﻧﭽﯩﻠﯩﻚ ، ﻗﯘﺗﺮﺍﺗﻘﯘﻟﯘﻕ ﺧﺎﺭﺍﻛﺘﺮﯨﺪﯨﻜﻰ ﻣﺎﻗﺎﻟﯩﻠﻪﺭﻧﻰ ﻳﻮﻟﻠﯩﻐﺎﻥ ﺋﺎﭘﺘﻮﺭﻻﺭ ﺋﺎﻗﯩﯟﯨﺘﯩﮕﻪ ﺋﯚﺯﻯ ﻣﻪﺳﺌﯘﻝ ﺑﻮﻟﯩﺪﯗ . ﺗﻮﺭ ﭘﻮﻧﻜﯩﺘﯩﻤﯩﺰ ﮬﯧﭽﻘﺎﻧﺪﺍﻕ ﻣﻪﺳﺌﯘﻟﯩﻴﻪﺗﻨﻰ ﺋﯜﺳﺘﯩﮕﻪ ﺋﺎﻟﻤﺎﻳﺪﯗ . ﺋﯚﺯ ﺗﻮﺭ ﻣﻪﺩﻩﻧﯩﻴﺘﯩﻤﯩﺰﻧﯩﯔ ﺳﺎﻏﻼﻡ ﺗﻪﺭﻩﻗﻘﯩﻲ ﻗﯩﻠﯩﺸﻰ ﯞﻩ ﺗﻮﺳﺎﻟﻐﯘﺳﯩﺰ ﺋﯩﻠﮕﯩﺮﻟﯩﺸﻰ ﺋﯜﭼﯜﻥ ﺑﯘ ﻣﯘﻧﺒﻪﺭﻧﻰ ﺋﯚﺯ ﻛﯚﺯ ﻗﺎﺭﭼﯘﻗﯩﯖﯩﺰﺩﻩﻙ ﺋﺎﺳﺮﯨﺸﯩﯖﯩﺰﻧﻰﺋﯜﻣﯩﺪ ﻗﯩﻠﯩﻤﯩﺰ.
ﻛﯧﻴﯩﻨﻜﻰ ﭘﯘﺷﺎﻳﻤﺎﻥ ، ﺋﯚﺯﯛﯕﮕﻪ ﺩﯛﺷﻤﻪﻥ . ﻣﯩﻠﻠﻪﺗﻨﻰﺳﯚﻳﮕﯜﭼﯩﻠﻪﺭ ﺋﯚﺯ ﻧﻪﺭﺳﯩﺴﯩﻨﻰ ﻗﻪﺩﯨﺮﻟﻪﻳﺪﯗ .

(ئەجرىم) خاتىرە بېتىگە سىڭگەن تامچىلار

Re:(ئەجرىم) خاتىرە بېتىگە سىڭگەن تامچىلار

Re:(ئەجرىم) خاتىرە بېتىگە سىڭگەن تامچىلار

Quote: