ئامىرىكىلىق ئائىلە پىسخىلوگىيە پىراپپىسسورى ئوخشاش بولمىغان ياشتىكى ئاياللارنىڭ ئەرلەرگە بولغان تەلىپىنى بىلىش ئۈچۈن ، 500دىن كۆپرەك ئاياللار ئۈستىدە تەكشۈرۈش ئېلىپ بارغان.
  20ياش ئەتراپىدىكى ئاياللارنىڭ ئىنتىلىدىغىنى مۇھەببەت ھەم رومانتىك تۇرمۇش بولۇپ، ئۇلارنىڭ نەزىرىدىكى كۆڭۈلدىكىدەك ئەر ھىسسىياتى قىزغىن ھەم رومانتىك بولۇشى، شۇنداقلا جۆرىسىنىڭ ئەقىل- پاراسىتى ۋە قابىلىيىتىنى چۇقۇم ھۆرمەتلەيدىغان ۋە قەدىرلەيدىغان بولۇشى كېرەك ئىكەن.
  30ياشتىن كېيىن ئاياللارنىڭ ئەرلەرگە بولغان تەلىپىدە ئۆزگىرىش بولىدىكەن، ئۇلارنىڭ نەزىرىدىكى كۆڭۈلدىكىدەك ئەر بىر ياخشى دادا، ئىقتىسادى كىرىمى مۇقىم، مەسئۇلىيەتچان ھەمدە خىزمەتتە تىرىشچان، ئائىلىنىڭ ئىشلىرىنى ئۆز ئۈستىگە ئالالايدىغان بولۇش ئىكەن، شۇنداقلا ئۆزىنىڭ خىزمىتى ۋە كەسپىنىمۇ ھۆرمەتلىشىنى تەلەپ قىلىدىكەن.
  40ياشقا كىرگەندىن كېيىن، ئاياللار ئېرىنىڭ ھەممە ئىشتا ئۆزى بىلەن بىردەك بولۇشىنى ئۈمىد قىلىدىكەن، بۇ ياشتىكى ئاياللار مۇھەببەتكە يەنە تەشنا بولۇدىكەن، ئۇلار ئېرىنىڭ ئۈزلۈكسىز كۆڭۈل ئىزھار قىلىشىغا ئېھتىياجلىق بولۇپ، دائىم ھىسسىيات ئالماشتۇرۇش ئۇلارنىڭ ئەڭ چوڭ تەلىپى ئىكەن. ئادەمنىڭ كۆڭلىنى چۈشىنىدىغان، ھەققانىيەتنى ياقلايدىغان ئەرلەر، بۇ ياشتىكى ئاياللارنىڭ كۆڭلىدىكى ھەمراھى بولالايدىكەن.
  50ياشقا كىرگەندىن كېيىن ، ئاياللارنىڭ نەزىرىدىكى كۆڭۈلدىكىدەك ئەر ئۇلار بىلەن تۇرمۇشتا ھەممە نەرسىدىن ئورتاق بەھرىمان بولۇشى كېرەك ئىكەن، ھىسسىياتى مول، يومۇرىستىك، تۇرمۇشنى چۈشىنىدىغان، تېنى ساغلام ئەرلەر ئاياللارنىڭ ئاخىرقى مەزگىللىرىنى بىللە ئوتكۈزىشىگە تولىمۇ ماس كېلىدىغان ھەمراھى ھىساپلىنىدىكەن.
    مەنبە: پەن ۋە تۇرمۇش