[h2]   ھەجىۋى سۈرەتلەش[/h2]

        سۇخەنچى
                                بۇزماق بولۇپ ئارىنى،
                                 قوشار ئاققا قارىنى.

           ھەسەتخور
                  باشقىلارنىڭ بەختىگە پارقىرىتىپ كۆزىنى،
                 دەسسىگەندەك قوقاسقا قويالمايدۇ ئۆزىنى.

            خۇشامەتچى
                      ھېجىيىپ كۈلكىدىن ئاغزى يۇمۇلماس،
                       موكىدەك چاپسىمۇ جاپا تۇيۇلماس.

               پارىخور
                   نەپىسى ئۈچۈن غاردەك ئېچىپ ئاغزىنى،
                   يىسەم دەيدۇ خەقنىڭ چېقىپ ماغىزىنى.

                تاماخور
                    كۆز ئۈزمەيدۇ تەلمۈرۈپ،قايدىن كىلەر زەللە دەپ،
                    سورايدۇتەپ تارتماستىن <نىمە ئالغاچ كەللە>دەپ.

               چېقىمچى
                           گەر تاپسا بىراۋدىن ئەيىپنى قىلدەك،
                           سۆزلەيدۇ ئارقىدىن كۆرسىتىپ پىلدەك.

                  ئىككى يۈزلىمىچى
                                   ئالدىدا خۇشچىراي باھاردەك ئىللىق،
                                    ئارقىدا ئىغۋادىن ئوقلايدۇ مىلتىق .

                          غەيۋەتخور
                       ئاغزىدىن چىقىرىپ كۆپۈك دالدىدا،
                       دىيەلمەس گېپىنى كىشى  ئالدىدا.


[ بۇ يازما orki تەرپىدىن 2008-03-16 00:11 دە قايتا ت ]