ئەسىرىڭىز يۇمۇرىستىك چىقىپتۇ ، « بوۋاي»نى تەسەۋۇر قىلسام خىزىر سۈپەت ئاتىلىرىمىز كىلىۋاتىدۇ جۇما !   

ئىلانچىلىق ساھىسىنىمۇ  كىزەي دەپسىزدە ئەپەندوووووووووووووووم  گاچ - گاچ يازىلى جۇما !!


[ بۇ يازما guzalkaxkar تەرپىدىن 2008-03-05 13:56 دە ]

...........ھازىر ئېلان ۋاختى ،سەرخىل ئېلانلاردىن ھوزۇرلانغاچ تۇرۇڭ!
داۋامى باردەك قىلامدۇ نىمە؟

ھە ، مەن تېخى دونكىخوت تىرىلىپ قايتىپ كەلەەن ئوخشايدۇ دەپتىمەن .
قىززىق ماقالىكەن بۇ ، سىلىىڭ بوۋاي نېمانداق سەپىرا ، < -ماڭا خوتۇن ئېلىپ بەر،ئوزەڭ خوتۇن ئېلىۋېلىپ، ئىسسىق تاماق ،يۇمشاق يوتقاندا ئۇخلاپ ! مەنمۇ خوتۇن ئالىمەن ....

بۇ چاغدا بوۋاينىڭ سەپراسى ئۆرلەيدۇ دە مىنى تىللاپ قوغلاشقا تەمشىلىدۇ، بۇ ۋاقىتتىكى مەن ئاللىبۇرۇن كوچىدىن تاكسىدىن بىرنى توسۇپ يولغا چىقىپ بولغان بۇلىمەن... >
دېگەن يەرلىرى ھەجەپ قىزىققىكىنا ، بوۋاي ئېلىۋالغان ئاشۇ خوتۇن سىلىنىڭ ئانىلىرى ئەمەسما ؟ ...
سىزنىڭ ئانىڭىز بۇ سەپىرا بوۋاينىڭ ئىشلىرىغا ئارىلاشمامدا ؟ دېمەكچى بولغىنىم سىزنى بوۋاينىڭ تايىقىدىن توسۇپ قالمامدا ؟ .......

[quote]بۇ مەزمون 3 - قەۋەتتىكى karegay نىڭ 2008-03-05 17:18 دە يوللىغان يازمىسى“”:
ھە ، مەن تېخى دونكىخوت تىرىلىپ قايتىپ كەلەەن ئوخشايدۇ دەپتىمەن .
قىززىق ماقالىكەن بۇ ، سىلىىڭ بوۋاي نېمانداق سەپىرا ، < -ماڭا خوتۇن ئېلىپ بەر،ئوزەڭ خوتۇن ئېلىۋېلىپ، ئىسسىق تاماق ،يۇمشاق يوتقاندا ئۇخلاپ ! مەنمۇ خوتۇن ئالىمەن ....

بۇ چاغدا بوۋاينىڭ سەپراسى ئۆرلەيدۇ دە مىنى تىللاپ قوغلاشقا تەمشىلىدۇ، بۇ ۋاقىتتىكى مەن ئاللىبۇرۇن كوچىدىن تاكسىدىن بىرنى توسۇپ يولغا چىقىپ بولغان بۇلىمەن... >
دېگەن يەرلىرى ھەجەپ قىزىققىكىنا ، بوۋاي ئېلىۋالغان ئاشۇ خوتۇن سىلىنىڭ ئانىلىرى ئەمەسما ؟ ...
.......
ياش ۋاقىتلىرىمىزدا توسىتى، ما ياشتا چوڭىيىپ توشقاندەك يۇگۇرەيدىغان بولغاندا مومايلارمۇ كۆرۇپ يەتتى  بوۋاينىڭ يۇگۇرۇپ ماڭا يىتىشەلمەيدىغىنىنى...شۇنىڭغا ئانچە ئارىلىشىپ كەتمەيدۇ!

  كەچۇرىسىلەر ساقلىتىپ قويدۇم! مۇشۇ دۇنيادا ئىككى  ھورۇن ئادەم بار دىسە بىرىنى مەنمىكىن دەپ ئويلايمەن. چۇنكى كومپىيوتۇر بىلەن ھەپىلىشىۋاتقىنىمغىمۇ ئالاھەزەل 7-8يىل بولۇپ قالغان مەندەك تور قېرىسى ئۇچۇن كومپىيوتۇردا خەت يېزىش ئەڭ جاپالىق ئەڭ ئېغىر ئىش،تەييار بولسا ئوقۇپ بەرسەم ،مۇنداقراق ئەسەرلەرنى چوقۇم بەرسەم ! خوش، ئوزەمنىڭ گىپىگە كىلەي:

  2006-يىلى 7-ئاي مەزگىللىرى. مەن ۋە دوستۇم ۋېليام ئىككىمىز كۆزلىگەن نىشانىمىز -ئايغىر بولاققا قاراپ  ئۇرۇمچىدىن يول ئالدۇق. بىز ئالدى بىلەن پويىز دا يۈئېرگۇ بىكىتىگە بېرىۋالدۇق. بۇ يۈئېرگۇ ئۇرۇمچىنىڭ جەنۇبى كان رايونىغا تەۋە بولۇپ ئۇرۇمچىدىن پويىز بىلەن ساق 4 سائەت يۇرسەك ئاران بارغىلى بۇلىدۇ،ئارىلىقتا توقسۇن،داخىيەن بىكەتلىرىدىن ئوتۇشكە توغرا كىلىدۇ. بۇ يەر تۇمۇر يول ئوچاستىكىسىدا خىزمەت قىلىدىغانلارنىڭ تىلى بۇيىچە <كىچىك شاڭخەي >.كىچىمۇ كۇندۇز چىراقلىرى يورۇپ تۇرىدىغان ،تاغ ئارىسىغا جايلاشقان بولسىمۇ ئادەم ئۆكسىمەيدىغان بۇ جاي دىمىسىمۇ ئىسمى جىسمىغا لايىقلا <كىچىك شاڭخەي> دىگەن ئىسىمغا مۇناسىپ. بىز بۇ بىكەتتە چۇشۇپ ئالدى تەرىپىمىزگە قاراپ ئىلگىرلىدۇق. بايىنبۇلاق بىزنىڭ ھەقىقىي نىشانىمىز ئىدى. بىز بىر مەزگىل يول يۇرگەندىن كىيىن بىر تاغ باغرىدا ئولتۇرۇپ ئوزىمىز تەييارلىغان غىزالىرىمىزنى يىدۇق.
ئاللاتالا ئىگەم زىمىنغا ھەرخىل گۇزەللىك ۋە بايلىقنى ئاتا قىلغان،بىزنىڭ بۇ سەپەر نىشانىمىز بولغان ئايغىر بولاققىمۇ ھەم شۇنداق ئىدى. بۇ ئايغىر بولاق دىگەن نامنىڭ قانداق كىلىپ قالغانلىقىنى مەن ئاساسەن بىلمەيمەن بىراق كونىلاردىن ئاڭلىشىمچە ،ئەينى زاماندا شىنجاڭ دىيارىدا بولغان ئۇرۇشلاردا بىزنىڭ قوشۇن قاتتىق يېڭىلىپ مۇشۇ تاغ جىلغىسىغا چىكىنگەن، ھەم مۇشۇ تاغ جىلغىسىدىن ئىچكىرلەپ ئوزلىرىگە چىقىش يولى تاپماقچى بولغان ئىكەن. لىكىن تەغدىرنىڭ كاجلىقىمۇ ياكى شۇ ۋاقىتتى يولباشچىنىڭ كاملىغىمۇ ،بۇ قوشۇن داۋاملىق ئىلگىرلەش سەپىرىدە ئەسكەرلەر ئارىسىدا ۋابا تارقىلىپ كەتكەننى ئاز دەپ يولدىن ئېزىپ چىقىش يولى تاپالمىغان. كىيىن شۇ قوشۇن ئىچىدىكى مويسىپىت ئادەمنىڭ كۆرسەتمىسى بىلەن بىر چىشى ئايغىرنى قويىۋەتكەن، ئۇ ئايغىر بۇ كىشىلەرنى ئاخىرى چىقىش ئېغىزىغىچە ئېلىپ چىقىپ بۇلارنىڭ ھاياتىنى قۇتقۇزۇپ قالغاچقا بۇ جىلغىنى ئايغىربۇلاق دەپ ئاتىغان ئىكەنمىش( بۇ جىلغىدا بۇلاق بەك جىق). بىز سەپىرىمىزنى داۋاملاشتۇرۇپ يېرىم كىچە بولغاندا نىشانىمىز -بايىنبۇلاق ئەتراپىغا ئۇلاشتۇق، ھەم شۇ يەردە ئوزلىرىمىز تەييارلىۋالغان يىغما ئۆيلىرىمىزگە كىرىپ ئۇخلاپ قىلىشتۇق،چۇنكى ھەر ئىككىلىمىزدە گەپ-سۆز قىلغۇدەك مادارمۇ ھەم يوق ئىدى.تاڭمۇ ئاتتى.بەلكىم بۇ يەرگە بارمىغان ئادەم بۇنداق ھېسىياتنى بىلمىسە كېرەك،قارىسىڭىز ئەتراپىڭىز ياپ-يىشىل يايلاق،تاغ باغرىنى بويلاپ ئازراق يۇقۇرى ئورلىسىڭىز يىشىللىق ئازىيىپ ئاپئاق قار زىمىننى قاپلايدۇ.يەنە داۋاملىق يۇقۇرى ئۆرلىسڭىز قار بارغانچە قېلىنلىشىپ تىزىڭىزغا يوتىڭىزغا كىلىشكە باشلايدۇ.مانا بۇ تەبىئەتنىڭ ئوزگىچە خاسىيىتى بولسا كېرەك.بىز ئىككى تاغ تىزمىسىدىن ئېشىپ يەنە بىر جىلغىغا بېرىپ چۇشتۇق.مەن ئوزەمنىڭ پاكارلىغىغا باقماي كۆتۇرىۋالغان يۇكۇم ئوزەمدىن جىق چوڭ جىق يوغان ئىدى.دىمىسىمۇ بىر ئۆينى يەيدىغان ئىچىدىغان نەرسىلەرنى ئۆشنىسىگە ئارتىپ ماڭماق ھەقىقەتەن تەس، مىنىڭ چۇمۇلىدەك مىڭىشىپ تولا ئولتۇرىۋېلىشىم بۇرادىرىم ۋېليامنى دائىم زېرىكتۇرۇپ  قوياتتى. دىمىسىمۇ مەن ئالدىرايمەن ماڭغىلى ئىشىگىم ئالدىرايدۇ ياتقىلى دىگەندەك ئۇ ئۇزۇنتۇرا ئاداش قەدەملىرىنى يوغان -يوغان ئېلىپ بىر ماڭغىلى تۇرسا مىنى نەچچە كىلومىتىر تاشلاپ قوياتتى.بۇ قېتىممۇ ھەم شۇنداق بولدى. مەن بىچارە بېشىمنى كۆتۇرمەي مېڭىۋېرىپتىمەن بىر چاغدا قارىسام بۇرادىرىم يوق،ئاپلا ما ئاداشنىڭ كەينىدە خېلىلا قاپتىمەن دە دىدىم ئىچىمدە ھەم قەدىمىمنى ئىتتىكلىتىپ ئۇنىڭغا يىتىشىۋېلىش ئۇچۇن تىرىشتىم. ئاخىرى جىلغىنىڭ يەنە بىر چىقىش ئېشىزىغا بارغاندا ئۇنىڭغا يىتىشتىم ، ئۇ مىنى كۆرۇپ تۇنجى قېتىم <دونكىخوت ساياھەتچىكەنسەن> دەپ ئاتىدى.بۇنى ئاڭلاپ تولا كۇلۇپ شۇ يەرنىڭ ئوزىدە سوقۇر ئۇچەي بولۇپ قېلىشقا تاسلا قاپتىمەن...بىز بىردەم چاخچاقلاشقاچ شۇ يەردە قونالغۇ قىلىشنى پىلانلىدۇق. تاغ ئىچىدە كەچ بەك بالدۇر كىرىدۇ. بۇرادىرىم كانسىپىكىغا بىر نىمىلەرنى جىجىلاپ ئۆزىنىڭ ئۇيىدە ئولتۇراتتى، مەن ئۇنىڭغا يالغۇز ئايلىنىپ كىلىشنى ئېيتىپ قويۇپ تاغنى بويلاپ ئىچكىرىلەپ كەتتىم.
ياپيىشىل چىملىق.چىملىقنى قولىڭىز بىلەن قايرىسىڭىز ياۋا ئۆسكەن موگۇ.....(بەلكىم ھازىر بۇ گۇزەللىك ئۇ يەردە قالمىغان بۇلىشى مۇمكىن). ساپ ھاۋادىن نەپەس ئالسىڭىز ئۆپكىڭىز ئۆرۇلۇپ قالغىلى تاس قالىدۇ. بولۇپمۇ ماڭا ئوخشاش بەنگى ئۇچۇن بۇ ھاۋا ئۆزگىچە . مەن خېلى ماڭغاندىن كىيىن قايتىش نىيىتىگە كەلدىم چۇنكى بۇ قاراڭغۇ كىچىدە ئېزىپ قىلىشنى مەنمۇ ئەلۋەتتە خالىمايمەن دە. تاغدىن سېيرىلىپ دىگۇدەك چۇشىۋېتىپ يۇرتۇمنى ،ئۆيدىكىلەرنى ،يەنە ئۇ بۇ تونۇشلارنى ئويلاپ مېڭىۋاتىمەن.  قولۇمدا قول چىرىغى ئالدىمدىكى يولنى يورۇتۇپ دىگۇدەپ كىتىۋاتىمەن. تۇيۇقسىز ئەتراپىمدىكى چىملىقلارنىڭ مىدىرلىشى كەينىمدىن ئاڭلانغان شىپ-شىپ ئاۋاز مىنى سەگەكلەشتۇردى. كەينىمگە ناھايىتى تىزلىكتە ئۆرۇلدۇم ھەم قولۇمدىكى قول چىرىغى بىلەن پۇتكۇل كەينى تەرىپىمنى يورۇتۇپ چىقتىم ھېچنىمە يوق. يەنە كىتىپ بارىمەن. تۇيۇقسىز كاللامغا:-بۆرە! دىگەن خىيال كىلىپ قالدى، ھەم بۇ خىيالىمدىن ئوزەممۇ قورقۇپ كەتتىم. شۇ يەرلىك مۇڭغۇللاردىن ئاڭلايدىغان تاغ ئىچىدە بۆرە جىق، ئەگەر بىرەسى كەينىڭگە چۇشۇپ ئېسىلىپ قالسا ھەرگىز كەينىڭگە قارىما ،بۆرە ئادەتتە ھەرقانداق جانلىقنىڭ كىكىردىكىدىن ئالىدۇ دەپ ئاڭلىغان. يۇرۇگۇم قارتلا قىلىپ قالدى ،قەدىمىمنى تىز-تىز ئېلىپ قونالغۇ يېرىمىزگە ئوقتەك كىتىپ بارىمەن.بۇ ۋاقىتتىكى مەن مېڭىۋاتىمەن دىگىنىمدىن يۇگۇرىۋاتىمەن دىسەممۇ خاتالاشمىغان بۇلىمەن. ئەنە كۆزۇمگە چىراق كۆرۇنۇپلا قالدى....قەدەم ئېلىشىممۇ بىر ئاز ئاستىلاپ قالغان ،تۇيۇقسىز كەينىمدىن بىرسى ئىككى قولىنى ئىككى مۆرەمگە قويدى.بۇ ۋاقىتتىكى مەن روھىم بىر قېتىم چىقىپ كىتىپ بولدى دىسەممۇ ئازلىق قىلىدۇ. جايىمدا قېتىپ قالغاندەك تۇرۇپلا قالدىم.يۇرۇگۇمنىڭ سوقۇشى ئوزەمگە ئاڭلىنىپ تۇرىدۇ، كەينىمگە ئۆرۇلۇشكە ،كەينىمدە كىمنىڭ بارلىقىنى بىلىشكە مەندە مادار يوق.بىلىپ تۇرۇپتىمەن ،كەينىمدىكى بۇ <جانلىق>نىڭ ئىتتىك -ئىتتىك نەپەس ئېلىشىلا ئۇنىڭ ئىنسان ئەمەسلىكى مانا مەن دەپ چىقىپ تۇرىدۇ.شۇ ۋاقىتتىكى ھېسىياتىم :ئاھ خۇدا ،لىيۇخۇلەن بولۇپ كىتەمدىم نىمە ! دىگەن خىياللار كاللامنى كىزىپ يۇرەتتى.شۇ يەرنىڭ ئوزىدە قانچىلىك تۇرغىنىمنى ئوزەممۇ بىلمەيمەن. ھېلىقى <جانۋار>مۇ مەن بىلەن ئىككى قولىنى مۆرەمگە قويۇپ تەڭ ئۆرە تۇراتتى. كىچىگىمدە يىتىلگەن مىجەزىمنىڭ قاتتىقلىغى، چۇسلىقىم،قاپيۇرەكلىگىم،جاھىللىغىم، ئەڭ مۇھىمۇ يىگختلىك غورورۇم بولسا كېرەك ،ئوزەممۇ بىلمىگەن بىر غايىۋى كۈچ ئۇنىڭ مۆرەمگە ئېلىنغان ئىككى قولىنى ئىككى قولۇم بىلەن چىڭ تۇتىۋېلىشقا تۇرۇتكە بولدى.ئىككى قولۇم بىلەن <ئۇنىڭ> مۆرەمگە ئېلىنغان ئىككى قولىنى ئەڭ ياخشىسى ئالدى پۇتى دىسەم تۇزۇك بولغۇدەك،چىڭ تۇتتۇم يو،يۇرۇگۇم يەنە بىر قېتىم قېپىدىن چىقىپ ئورنىغا چۇشۇشكە ئۇلگۇردى.چۇنكى كەينىمدىكى <ئۇ> ھەقىقەتەن بىر بۆرىنىڭ ئالدى پۇتى ئىدى.ئاستا قەدەملەر بىلەن ئىلگىرلەۋەتىمەن،كەينىمدىكى <بۇرادىرىم>مۇ مەن بىلەن تەڭ قەدەم ئېلىپ ئادەمدەك ئىلگىرلەپ كىتىپ بارىدۇ. ئۇنىڭ ئىتتىك نەپەس ئېلىشى مانا باش ئۇستۇمدىلا، تىلىنىڭ ئاندا-ساندا چاچلىرىمغا تىگىپ تۇرىشى مىنى مانا -ئەنە ئۇلۇم يېقىنلاۋاتىدۇ دىگەن خىيالغا ئەكىلىپ يۇرەك ئالدى قىلىپ تۇراتتى.يۇرۇگۇم توختىماي دۇپۇلدەيتى. قۇراشتۇرما ئۇيىمىزگە يېقىنلاشقانسىرى قەدەمنى ئىتتىكلەتتىم. ئۇ جانۋارمۇ مەن بىلەن قىلىشمايلا ئەگىشىپ كىلىۋتىدۇ، چۇنكى ئۇنىڭ ئىككى ئالدى پۇتى مۆرەمدە مىنىڭ ئىككى قولۇمدا چىڭ سىقىمداپ تۇتۇغلۇق. شۇ ۋاقىتتىكى تۇنجى خىيالىم ،نىمىشقىمۇ تىرناقلىرىمنى ئېلىۋەتكەندىمەن، مۇمكىن بولغان بولسا تىرناقلىرىمنى ئۇ جانۋارنىڭ پۇتلىرىغا سانجىپ كىرگۇزىۋېتىش ئىدى....
قۇراشتۇرما ئۆيگە يىگىرمە مىتىرچە قالغاندا مەندە كۇچ دىگەن نەرسىدىن ئەسەر قالمىدى. بىلىپ تۇرۇرىمەن ،بۇ جانۋارمۇ مىنىڭ ھاياتلىق ئۇچۇن ئۇنى قۇربان قىلىش ئىستىكىدە ئىكەنلىگىمنى ھېس قىلىپ بولغان چېغى كەينى پۇتلىرى بىلەن يەرنى تىرەجەپ دىگۇدەك ماڭغىلى ئۇنىمايۋاتاتتى...
خۇداغا شۇكرى قەدىرلىك بۇرادىرىم ۋېليام ئۇخلىماي مىنى ساقلاپ ئولتۇرغان ئىكەن، مەن ئاۋازىمنى قويۇۋېتىپ ئاستا ئاۋازدا :-ۋېليام، ۋېليام-دەپ ۋاقىرىدىم.كەينىمدىكى جانۋار مەندىن قۇتۇلۇش ئۇچۇن خېلى جىق تىپىرلاپ باقتى.مەن بىلىمەن، ئۇنى قويىۋەتسەملا ئوزەمنىڭ ساق قالمايدىغىنىنى....ئاخىرى بار ئاۋازىم بىلەن ۋېليامنى چاقىردىم. ئۆي بىلەن ئارىلىقىم جىق بولسا ئون مىتىر بولسا كېرەك ، ئۇ بۇرادەر ئاۋازىمنى ئاڭلاپ خەنزۇچە ؛مىنى تىللىغاچ ئۆيدىن سېيرىلىپ دىگۇدەك چىقتى.مانا مەن ۋە مەن تاغدىن يۇدۇپ دىگۇدەك ئېلىپ كەلگەن يەنە بىر بۇرادەر ئۇنىڭ ئالدىدا تۇرۇپتىمىز.مىنىڭ پۇتۇن بەدىنىم چىلىق-چىلىق تەر دىگەندىن ھازىرلا سۇغا چۇشۇپ كەتكەندەك دەپ تەسۋېرلىسە ئازلىق قىلمايدۇ. ئۇ ئۆيدىن چىقىپ قول چىراقنى ماڭا ياقتى دە چۆچۇپ كەتتى. مەن ئۇنىڭ كۆزلىرىگە يالۋۇرۇش ،تەلمۇرۇش ،بىچارىلەرچە يىغلامسىراپ قاراپ تۇراتتىم، بەلكىم بۇ خىل ئىپادە مەندىلا ئەمەس كەينىمدىكى بۇرادەردىمۇ بولسا كېرەك. ئۇ خېلى چىڭقىلىپ كۇچىنىپ باقتى. ئاڭغىچە ۋېليام تىز سۇرئەتتە ئۆيگە بېشىنى تىقىپ بىر كىچىك گۈرجەكنى ئېلىپ چىقىپ كەينىمدىكى بۇ كۇتۇلمىگەن مېھماننىڭ باش-كۆزىگە ئۇرۇشقا باشلىدى. مەن بېشىمنى تۇگۇپ كەينىمگىمۇ قاراشقا جۇرئەت قىلالماي يېرىم ئىڭىشىپ تۇرۇپتىمەن. ئىچىمدە تىلەۋاتىمەن، ۋېليامنىڭ ئۇن ى بىر گۇرجەك بىلەنلا ئۆلتۇرىۋېتىشىنى، كەينىمدىكى جانۋار تاياق زەربىدىن قاتتىق -قاتتىق ھوۋلاپ مەندىن قۇتۇلۇشقا تىرىشىۋاتاتتى. بەللكىم ئوقۇرمەنلىرىمىز نەدىن كەلگەن گۇرجەكرۇ ئۇ دەپ ھەيراق قىلىشى مۇنكىن ،بىر دائىم يولغا چىقىپ قالساق كۆپىنچە دالىلاردا قونۇشقا مەجبۇر بولىمىز.بەزىدە قۇملۇقلاردا،بەزىدە ئېڭىزلىقلاردا قونۇپ قالىمىز. بىز بۇ ئاددىي كەپىلىرىمىزنىڭ قاتتىق بوران ھەۋەبىدىن ئۇچۇپ كەتمەسلىگى ئۇچۇن مەخسۇس شۇ گۇرجەك بىلەن قۇم بولسا مۇمنى يەر بولسا يەرنى كولاپ قاتلىما ئۆيلىرىمىزنى شۇ كولانغان ئورۇنغا قويىمىز. بەزىدە ئۇچراپ قالغان نەرسىلەرنى يېرىم كۇن دىگۇدەك شۇ گۇرجەكلەر بىلەن كولاپ كۆرۇپ باقىمىز....
دۇمبىلىرىمدىن ئىسسىق قان ئېقىپ ياقىرىمدىن ئىچىمگە ئېقىپ كىرمەكتە، بۇ جفنۋارنىڭمۇ ھوۋلاشلىرى  ئاخىرى پەسلەپ قالدى،ھەم جىمىدى. ۋېليال خەنزۇچە تىز تاشلا،تىز تاشلا دەپ ۋاقىرىدۇ. مەن شۇندىلا بۇ ئېغىر يۇكنى ،مەن ئۇچۇن ئۇلۇم خەۋپى ئېلىپ كەلمەكچى بولغان بۇ ھاياتلىقنى تاشلاپ ئۇلگۇردۇم. بۆرە ئاخىرى ئۆلگەن ئىدى.مەن پۇتلىرىمدا قالغان ئەڭ ئاخىرقى مادارىمنى يىغىپ ئۆينىڭ ئالدىغا ئارانلا كەلدىم دە، كوپلا قىلىپ يىقىلىپ ئوڭدىسىغا يىتىۋالدىم.خېلى ۋاقىتتىن كىيىن بىر ئاز ئەسلىمگە كەلدىم ۋە ۋېليام تەڭلىگەن بىر تال تاماكىنى (بەلكىم بۇ تاماكىنى مەن ئەمەس ئۇ تاماكا مىنى چەككەندەكلا ئېنىق ئەسلىيەلمەيمەن). چىكىشكە باشلىدىم ھەم كۆزۇمنىڭ قۇيرىقى بىلەن ۋېليام ياندۇرغان قول چىراقنىڭ يورىقىدا ئۇ جانۋارغا قارىدىم. ئۇ ھەقىقەتەن يوغان بىر چىشى بۆرە ئىكەن. بىلمەيمەن قانداق ئۇيۇمگە ئومىلەپ كىرىپ كەتتىم ،كىردىم يۇ بىردەمدىلا ئۇيقۇغا كىتىپتىمەن. دىمىسىمۇ ئىككى كىلومىتىر ئارىلىقتىن ئوزىنىڭ ھاياتى بىلەن ئوينىشىدىغان بىر جانىۋارنى يۇدۇپ دىگۇدەك كىلىش مەندەك بىر ئاددىي ئىنسانغا نىسبەتەن ئاسان ئىش ئەمەس. تاڭ ئاتتى، ۋېليام مەن تۇرغان ئۆيگە كىرىپ مىنى ئويغاتقاچ چاخچاق قىلىپ كۇلۇشكە باشلىدى ھەم مەندىن، دونكىخوت دىگەن ئەسەرنى ئوقۇدۇڭمۇ دەپ سوراپ قالدى. مەن ھە، ئوقۇغان دىدىم. ئۇ تېخىمۇ كۇلۇپ كەتتى ۋە :ئاخشامقى سىنىڭ ھالىتىڭ نەق شۇنىڭ بەئەينى ئۆزى....
بىز مىنىڭ قەتئى قارشى تۇرىشىم بىلەن بۇ سەپەردىن يېرىم يولدىن قايتتۇق. ئۇ ماڭار ۋاختىدا يەنە كۇلۇپ تۇرۇپ :ھەي دونكىخوت،2008-يىلى يەنە ساياھەت قىلىمىز جۇمۇ ! دىدى...
ئارىدىن بىر يىلدىن كۆپرەك ۋاقىت ئۆتۇپ كەتكەن بولسىمۇ ۋېليام ھەرقېتىم تىلفۇن قىلغاندا ياكى ئېلىكتىرونلىق ئۇچۇر قىلغاندا چاخچاق قىلىپ :دونكىخوت دەپ قوياتتى....

مىنىڭ بۇ قىسقىغىنە نەچچە ئون يىللىق ھاياتىمدىكى ساياھىتىمنىڭ بىر قىسمى بولغان بايىنبولاق سەپىرى مانا مۇشۇنداق ئاخىرلاشتى، لىكىن ھەر قېتىم ئۇنىڭ بىلەن پاراڭلاشقان ۋاختىمدا شۇ قورقىنىچلىق ۋەقەبىلەن بىرگە بايىنبولاقنىڭ گۇزەل مەنزىرىسى يادىمغا يىتىدۇ!

-تۇلۇق ئوتتۇرىدا ئوقۇۋاتقان ۋاختىمدا ئوقۇتقۇچۇم : ھەقىقىي بىلىم ئەمىلىيەتتىن كىلىدۇ دەيدىغان، شۇڭا مەن بۇ يەردە دوستلارغا تەۋسىيە قىلىدىغىنىم شارائىت ،پۇرسەت بولسا دىيارىمىزنىڭ زىمىنلىرىنى ياياق ئايلىنىپ بېقىشىنى، چەت-چەت يېزىلارغا بېرىپ خەلقىمىزنىڭ تۇرمۇشلىرىغا چۆكۇپ بېقىشىنى ئۇمۇت قىلىمەن، بەلكىم سىز كۆزلىگەن، سىز ئارزۇ قىلغان بەزى بىر ھادىسىلەرگە ، خوشاللىقلارغا ئۇچراپ قىلىشىڭىز مۇمكىن!
<تۇگىدى>

شۇ ۋاقىتتىكى ھېسىياتىم :ئاھ خۇدا ،لىيۇخۇلەن بولۇپ كىتەمدىم نىمە !
«دوستلارغا تەۋسىيە قىلىدىغىنىم شارائىت ،پۇرسەت بولسا دىيارىمىزنىڭ زىمىنلىرىنى ياياق ئايلىنىپ بېقىشىنى، چەت-چەت يېزىلارغا بېرىپ خەلقىمىزنىڭ تۇرمۇشلىرىغا چۆكۇپ بېقىشىنى ئۇمۇت قىلىمەن، بەلكىم سىز كۆزلىگەن، سىز ئارزۇ قىلغان بەزى بىر ھادىسىلەرگە ، خوشاللىقلارغا ئۇچراپ قىلىشىڭىز مۇمكىن!»دىگەن سۆزلەر ياخشى چىقىپتۇ . 

. كىيىن شۇ قوشۇن ئىچىدىكى مويسىپىت ئادەمنىڭ كۆرسەتمىسى بىلەن بىر چىشى ئايغىرنى قويىۋەتكەن، ئۇ ئايغىر بۇ كىشىلەرنى ئاخىرى چىقىش ئېغىزىغىچە ئېلىپ چىقىپ بۇلارنىڭ ھاياتىنى قۇتقۇزۇپ قالغاچقا بۇ جىلغىنى ئايغىربۇلاق دەپ ئاتىغان ئىكەنمىش( بۇ جىلغىدا بۇلاق بەك جىق).  دونكىخوت دىگەن لەقەم بەك قاملىشىپتۇ .            بىلمىدىم .كۇسپۇرۇش ! «چىشى ئايغىر» مۇ بولامدۇ ؟    مەزلۇم قوشقا دىگەندەكلا بىر گەپقۇ بۇ ؟ ئەمما ساڭا قايىل بولدۇم .  مەنمۇ  پۈتۈن شىنجاڭنى ئاتلىق ئايلىنىپ چىقسام دەيدىغان بىر ئارزۇيۇم بار . پۇرسەت بولسا ئىككىمىز بىرگە ئايلىنايلى . پىراكىنىمۇ قوشۇۋالايلى جۇمۇ !