ئەسسالامۇ ئەلەيكۇم!
<دىيارىم> مۇنازىرە مۇنبىردىكى ئەزىز دوستلار، مەن سىزلەرنىڭ ھوزۇرۇڭلارغا ، ئۆزۈم  يېزىپ مەتبۇئەتتە ئېلان قىلغان بىر پارچە شېئىرىمنى سۇندۇم.
     بۇ شېئىر، مىللىتىمزدىكى  پۇل-مالنى ، ئويۇن-تاماششانى دەپ، ئۆزۈنى ئۇنتۇلۇپ قىلىۋاتقان ، ئۆز ئادىميلىكىنى يوقۇتۇش ئالدىدا تۇرغان بىرقىسىم ئەخلاقسىز ياشلىرىمىزگە قارىتىلغان.








                              << بالام >>دەپ يېزىدىن ئېلىپ كەلسە قاق،
                               ئاچمىدىڭ خۈش چىراي ،تۈردۈڭ قاپاق.
                               ئەقلىڭدىن ئاداشما تۇرۇپ سەن ساپساق،
                                تانمىغىن ئەي دوستۇم ئاتا-ئاناڭدىن.

                                گۇناھمۇ ئۇلارنىڭ دېھقان بولغىنى؟
                                ياز ۋە قىش ئېتىزدا ئىسسىپ،توڭغىنى؟
                                سەن ئۈچۈن كۆزلىرى ياشقا تولغىنى؟
                                تانمىغىن ئەي دوستۇم ئاتا-ئاناڭدىن.

                                سېنى<< توق يۈرسۇن>>دەپ ئازراق يەپ ئۆزى،
                                ۋاقىتسىز قېرىدى،قورۇلدى يۈزى.
                                ئويلىساڭ غەنىمەت ئۇلارنىڭ سۆزى،
                                تانمىغىن ئەي دوستۇم ئاتا-ئاناڭدىن.
                         
                               <<پۇل>>دېسەڭ يەتكۈدى مال-ئۇلاغ سېتىپ،
                                يۈرمىسۈن دەپ سېنى بويۇننى قىسىپ،
                                ئەپسۇسكى،سەن كۈلدۈڭ خاتا يول بېسىپ،
                                تانمىغىن ئەي دوستۇم ئاتا-ئاناڭدىن.

                               بىلسەڭ گەر دېھقان ئۇ، ئاقكۆڭۈل بەندە،
                               ئىشلەيدۇ كۈچ - مادار بولسىلا تەندە.
                               زارلىنىپ كەتمەيدۇ كەيسىمۇ جەندە،
                                تانمىغىن ئەي دوستۇم ئاتا-ئاناڭدىن.

                              ئاتاڭ ئۇ،ئاناڭ ئۇ،ئېزىزلەپ باققان،
                              يىغلىساڭ تەڭ يىغلاپ باغرىغا ياققان.
                               ئوتۇڭدا كۆيۈپ ھەم سۈيۈڭدە ئاققان،
                                تانمىغىن ئەي دوستۇم ئاتا-ئاناڭدىن.


             يېزىلدى: 2003-يىلى 10-ئاي ،  شەھرى قەشقەر.


[ بۇ يازما manggutax تەرپىدىن 2008-03-05 00:32 دە قا ]