بىز قانچە تەرەققي قىلىپ  ئىگىز _ ئىگىز بىنالىق تۇرالغۇلاردا ياشايلى، گۈزەل شەھەر موھىيتىدا ئىسىل نازۇر _ نىمەتلەرگە نائىل بولۇپ  ياشايلى ھامان بىز تولىمۇ ئىللىق بولغان قۇشلارنىڭ باللارنىڭ جەننىتى، ئاقكۆڭۈللەرنىڭ مەنبەسى، ساپ تاپ تازا ھاۋانىڭ بولقى بولغان ئەشۇ سەھرانى سېغىنىمىز ھەم تەلپۈنىمىز.
خۇش تۆۋەندە يۇقارقى نايانلىرمىزغا يانداش قىلىپ  ھەر قايىسڭلارنىڭ  ھۇزۇرىغا « مەھەللەم » ناملىق بىر نەسىرنى سۇنۇشنى لايق كۆردۈم.
                                        «  مەھەللەم »
بۇ _ ئاتىلار تۇغۇلغان جاي، ئانىلق شەرىپىگە، پالۋانلق شەرىپىگە نائىل بولغان موقەددەس جاي. سەھەردىكى يۇمران كوكاتلارنىڭ لەۋلىرىدە لىغىرلاپ تۇرغان شەبنەمدە كېپىنەكلەرنىڭ ئىزلىرى، چەكىسىز باياۋان باغلاردا كارۋانلارنىڭ ئىزىنى كۆرىسەن. ئۈجىمە شاخلىرىدا باللىقىنىڭ ئۆلمەس كارتىنىلىرى، ئوچاق تۈۋىدە موملارنىڭ  چۆچەكلىرى ھازىرقىدەكلار جۇلالىنىپ تۇرۇپتۇ، بىر چاغلاردا بۇ مەھەللىدىن ئەزىمەتلەر تولپار چاپتۇرۇپ ئۆتكەندى، كەتمەن بىر سىردىشىپ ئۆتكەن دېھقانغا ۋەتەن بولغان بۇ زېمىندا نۇرغۇن كىشلەر ئۆز نېسىۋىسىنى تاپىدۇ. ئۇلار تەبىئەتنى پەپىلەشىنى بىلىدۇ. ئۇلار ئۇشۇ تۇپراقتىن سەلتەنەتلىك قىممىتىگە ئىگە تۇنۇر ئوچاقلارنى ، تالاي سېپىللارنى ئىختىرا قىلغان. قاباھەتلىك يىللاردىمۇ بۇ قۇم تۇغراقتەك قامىتى بىلەن زېمىن ئانىنى باغاشلىغان تاشلاپ كەتمىگەن . بۇ جايلاردا بالىلار يېغلاپ تۇغۇلۇپ ، كۈلۈپ ياشايدۇ. كەڭرى كەتكەن يوللاردا ئېسىل ئاپتۇمۇبىللار ماڭالمىسمۇ ئىشەك ھارۋىلىرى ئۆكسۈپ قالمايدۇ. بۇ جايىدا سۇ؛ار تۇربىدا ئەمەس تەبىئەتنىڭ  قانۇنيتى بۇيىچە كەڭىرى ئېرىقلاردا ئاقىدۇ. قۇشلار بىپايان دالىلاردا سايرايدۇ. بۇ يەردىن سىمۇنىت پۇرق ئەمەس ، قارا تۇپراقىنىڭ تۇنۇش ھىدى كىلىدۇ. بالىلار رىۋايەت ھىكمەتلەرنىڭ  قۇچىقىدا ئۆسۈپ يېتىلىدۇ، قۇۋەت تالقانلىرىنى ئەمەس، سېخى كاللارنىڭ ئۆكىسمەس سۈتىنى ئىچىپ ، يىلىكى توم بولىدۇ.
ھەر قېتىم مەھەللەمگە بارغىىنمىدا زامانىۋيلىقىنىڭ  چوقانلىرىدا قەددىنى كىرىپ، ئۆزىدىكى تۇزىماس چېچەكلەرنى ساقلاپ ياتقان بۈيۈك بىر ئەنئەننىنىڭ ھىدىنى سىزىمەن. بالىلىق قىقاس _ چوقانلارغا تولغان باللىق دەۋرىمىنى كۆز ئالدىمغا كەلتۈرىمەن. بۇ جايدا ساپ ھاياتتن قانغۇچە ھۇزۇرلىنىمەن، تۇرمۇش ھەلەكچىلىكىدە ھارغان ۋۇجۇدۇمغا ئارام بىرىمەن. ھەممىدىن خالىي بۇ غەنىمەت موھىيت ئېچىدە ئۆزۈم ھەققىدە ئويلىنىمەن.

مەنبە ياشلار ژۇرنىلى.