ئەسلىمىزدە ئۇلۇغ بىز ،
شۇڭا ھەر چاغ مەغرۇر بىز .
ئۆزگەرمەيمىز مەڭگۈگە ،
بىلىپ قويغىن ئۇيغۇر بىز .
دەشنام بېرىپ سۆكسەڭمۇ ،
بوزەك قىلىپ پۈكسەڭمۇ .
ئۆزگەرمەيمىز كۈتسەڭمۇ ،
بىلىپ قويغىن ئۇيغۇربىز .
جاپالارغا كۆنۈك بىز ،
يۇنۇساڭمۇ كۆكلەيمىز .
دەرتنى خەقتىن كۆرمەيمىز ،
بىلىپ قويغىن ئۇيغۇربىز .
چەكسىز بىزنىڭ سەبرىمىز ،
ئاشتى شۇڭا جەبرىمىز .
دەرتكە تەييار نەۋرىمىز ،
بىلىپ قويغىن ئۇيغۇربىز .
بەختىمىزنىڭ چاغى بار ،
بۇلبۇلى ھەم باغى بار .
يۈرەكلەردە داغى بار ،
بىلىپ قويغىن ئۇيغۇربىز .
يىقىلغاننى يۆلەپ قوي ،
ئوت - چوغۇنى پۈۋلەپ قوي .
ۋاپاداربىز بىلىپ قوي ،
بىلىپ قويغىن ئۇيغۇربىز .
ۋاپادارغا پىدا بىز ،
شۇڭا مالدىن جۇدا بىز .
قايتقان ئەكىس سادا بىز ،
بىلىپ قويغىن ئۇيغۇر بىز .
مەنبە : خاتىرەم
ئاپتور : چىن تۆمۈر
[ بۇ يازما Ar-ohoz تەرپىدىن 2008-03-04 22:25 دە قايت ]