بىر ھەپتە بۇرۇن مەن بىر خىزمەتتىشىم بىلەن يېزىدىكى بىر تۇنۇشلارنىڭ ئۆيىگە كىرگەن ئىدىم ،سايىپخان ئەر - ئايال بىزنى ناھايىتى قىزغىن كۈتىۋالدى . بىز  ھال ئەخۋال سورۇشۇپ خېلى ئۇزۇن ئولتۇرۇپ قالدۇق . ئارىلىقتا  12 ياشلار چاممىسىدىكى بىر ئوغۇل بالا ئۆيگە كىردى ،ئۇ سول قولىدا بىر چاققانغىنە چىلەك كۆتۈرۋالغان ئىدى . ئەسلىدە بۇ بالا خوشۇنلارنىڭ بالىسى بولۇپ  ئۆيىنىڭ سۇ توربىسى توڭلاپ قالغانلىقتىن سۇ ئالغىلى كىرگەن ئىكەن ، مەن ئۇ بالىنىڭ سۇ ئېلىش جەريانىدىكى ھەركەتلىرىگە دىققەت بىلەن قاراپ قالدىم چۇنكى ئۇنىڭ بارلىق پالىيەتلىرى سول قولىدا بولىۋاتاتتى .
- ئۇكام سىز سولخەي ئوخشىمانسىز ؟ - دەپ سورىدىم
- شۇنداق .. - دەپ جاۋاپ بەردى بوش ئاۋازدا ئۇ بالا .
- مەكتەپتە خەتنىمۇ سول قولۇڭىز بىلەن يازامسىز ؟ - دەپ سورىدىم مەن يەنە .
- ھەئە مەن ئوڭ قولۇم بىلەن پەقەت يازالمايمەن ، - دەپ جاۋاپ بەردى دە خىجىل بولغان كەيپىياتتا يەرگە قارىۋلدى .
    ئۇنىڭ ھەركەتلىرىدىن ئوڭايسىزلىنىش ،خىجىل بولۇش ئالامىتى چىقىپ تۇراتتى . بەلكىم ئۇ بالا ئۆزىنىڭ سولخەي بولۇپ قېلىشىنى كەمچىلىك دەپ ئويلىسا كېرەك ، بېشىنى يەردىن كۆتەرمەي تۇرىۋالدى . مەن دەرھاللا :
- سولخەي ئادەمنىڭ خېتى بەك چىرايلىق بولىدۇ ، مېنىڭ بىر - قانچە ساۋاقداشلىرىم سولخەي ئىدى ، ئۇلارنىڭ خېتى بەك چىرايلىق ،كاللىسىمۇ بەك ئۆتكۇر ئىدى . مەن ئىشىنىمەنكى سىزنىڭمۇ خېتىڭىز چىرايلىق ،ھەم كاللىڭىزمۇ كومپىيوتۇردەك ئىشلەيدۇ - دىدىم مەن چاخچاق ئارىلاش.
ئۇ بالا كۈلۇپ قويۇپ چىلىكىنى كۆتۈرۈپ چىقىپ كەتتى .
ئۇ بالا چىقىپ كەتكەندىن كېيىن گىپىمىزنىڭ تىمىسى سولخەي ئادەملەرگە يۆتكەلدى .
سايىپخان ئايال مۇنداق بىر ئىشنى سۆزلەپ بەردى . مەھەلىدە بىر سولخەي ئايال بار بولۇپ ئىككىسى خېلى ياخشى دوستلاردىن ئىكەن ،بىرقانچە كۈن بۇرۇن ئۇ ئايال كىلىپ دەرت ئېيتىپ يىغلاپ ،قاخشاپ يېرىم كۈندەك ھال ئېيتىپتۇ ، ئەسلىدە ئۇ يولدىشىدىن كۆڭلى بەك ئاغرىغان ئىكەن . ئۇلار شۇنچە يىل ئىجىل ئىناق ئۆتۈپ كەپتىكەن ،بىر - قانچە بالىسىمۇ بار ئىكەن . يېقىندا يولدىشى مەسچىتتە ئىمامنىڭ " سولخەي ئاياللارنىڭ ئەتكەن تامىقى ھارام " دىگەن سۆزىنى ئاڭلاپتۇ - دە ئۆيگە كەلگەندىن كىيىن ئايال بىلەن قاتتىق سوقۇشۇپتۇ ، بۇندىن كېيىن چوقۇم ئوڭ قولدا تاماق قىلىشنى جىكىلەپ ئۇنى قىستاپتۇ .
ئايال يىغلاپتۇ ، شۇنچە يىللاردىن بويان بىر - قانچە بالىنى ئاش - تاماق قىلىپ يىگۈزۈپ ، بىر ئۆينى گۈلدەك تۇتۇپ كىلىۋاتقان بۇ سۇل قولنىڭ ئەمدىلىكتەيولدىشىنىڭ ئالدىدا گۇناھكارغا ئايلىنىپ قالغانلىقىدىن زارلىنىپتۇ ، شۇندىن كېيىن ئۇ ئايال ئوڭ قولدا تاماق قىلىشقا تىرىشىپ بېقىپتۇ ، لېكىن ئەپلەشمەپتۇ . ئۆمۈرلۈك ئادەتنى ئۆزگەرتىمەن دەپلا ئۆزگەرتكىلى بولمايدۇ - دە .
  يولدىشى ئايالىنىڭ سول قولدا كۆكتات توغراۋاتقىنىنى كۆرۈپ قالسىلا ئۇنىڭغا يامان كۆزدە قاراپ ، پەيلى بۇزۇلۇپ " نىمە ئۈچۈن ئوڭ قولدا توغرىمايسەن " دەپ سوقۇشىدىغان بولۇپ قاپتۇ .  ئايالنىڭ كۈنلىرى دەككە - دۈككە ، يىغا - زار ئىچىدە ئۆتكىلى تۇرۇپتۇ .
  بۇ دەتلارنى ئىچىگە پاتقۇزالنىغان ئايال ئىچىنى بوشىتىۋېلىش نىيىتىدە بۇ دوستىنى ئىزدەپ كەلگەن ئىكەن .
  مەن بۇ گەپلەرنى ئاڭلاپ ئىچىم بىر قىسمىلا بولۇپ قالدى، دۇنيادا مۇشۇنداق ئىشلارمۇ بولىدىكەن ، نىمە دىگەن ئەخمەقلىق بۇ ... دىگەن خىياللارنى قىلىپ تۇرۇشىمغا خىزمەتدېشىم سۆز باشلىدى:
  ئۇمۇ بۇرۇن بىر دوستىنىڭكىگە بېرىپتۇ ، دوستىنىڭ ئايالى تاماققا تۇتۇش قىلىپتۇ . شۇنداق قارۇغۇدەك بولسا ئۇ ئايالنىڭ كۆكتات توغراش ھالىتى غەلىتىلا تۇرغۇدەك ، باشقا ئاياللار بۇياققا قاراپ توغرىسا ،بۇ ئايال ئۇياققا قاراپ توغرايدىكەن دەپ ئويلاپتۇ ھەم ئۇنىڭ سولخەي ئىكەنلىكىنى سىزىپتۇ - دە چاخچاق ئارىلاش :
- X خان سىزنىڭ  چەيدو تۇتىشىڭىز بىزنىڭ ئاشپەزنىڭكىگە( ئۆزىنىڭ ئايالىنى دىمەكچى) ئوخشىمايدىكەن  جۇما، - دەپتۇ خىزمەتدىشىم .
- كۆزىڭىز نىمىدىگەن ئۆتكۈر سىزنىڭ ، مەنمۇ سىزنى كۆرۈپ قالمىسۇن دەپ خېلى يۇشۇرغانتىم ئەمىسە . مەن سولخەي ئىدىم، - دەپ جاۋاپ بىرىپتۇ ئۇ ئايال ،لېكىن چىرايى شۇ ئان قىزىرىپ قاتتىق خىجىللىق ھىس قىلىپ كىتىپتۇ .
كەسىپدىشىم ئۇنىڭغا يەنە چاخچاق قىلىش مەقسىتىدە :
- سولخەي ئاياللار قىلغان تاماق ھارام دىگەن گەپ بار ، سىزنىڭ تامىقىڭىزنى يىگىلى بولارمۇ ؟ - دەپتۇ خىزمەتدىشىم . 
  خىقالەتتە تۇرغان ئۇ ئايال بۇ گەپنى ئاڭلاپ پاڭڭىتە يىغلاپ كىتىپتۇ ، ئۇنىڭ يىغىسىدىن خىزمەتدىشىم ئۇركۈپ كىتىپتۇ ، شۇنىڭ بىلەن ئايالنىڭ يولدىشى بىلەن ئككىسى ئۇنى بەزلەشكە باشلاپتۇ .
- ۋاي كەچۈرىڭ مەن سىزگە چاخچاق قىلىپ قويغان ، مەنمۇ سولخەي ، بولدى يىغلىماڭ ....... ئۇ قانداق چۈشەندۈرسىمۇ ئايالنىڭ قولۇقىغا كىرمەپتۇ،يىغلاشتىن پەقەت توختىماپتۇ .  ( خىزمەتدىشىم ئۆزىمۇ راستىلا سولخەي ئىدى)
  خىزمەتدىشىم بۇ كىچىككىنە چاخچاقنىڭ بۇنچىلىك كۆڭۈلسىزلىك ئېلىپ كىلىدىغانلىقىنى ئەسلا ئويلىمىغان ئىكەن .......
    مەن بۇنى ئاڭلاپ تېخىمۇ ھەيران قالدىم ، ئىچىمدە بۇ ئايالمۇ " سولخەي ئاياللارنىڭ تامىقى ھارام بولىدۇ " دىگەن گەپنى بۇرۇن ئاڭلىغان بولسا كېرەك دەپ ئويلاپ قالدىم ، بولمىسا شۇ كىچىككىنە چاخچاققا ئۇنچىلىك كۆڭلى بۇرۇلۇپ يىغلاپ كەتمەس بولغىيدى......
  راستىنى ئېتسام ئۇنداق گەپنى مەن ئەزەلدىن ئاڭلاپ باقماپتىكەنمەن ، شۇڭا ئۇلاردىن ( ئۇلار مەن ئۈچۈن ئاتا دىمەتلىك ئادەملەر ) بۇنىڭ قانداق ئىش ئىكەنلىكىنى سورىسام ئۇلارمۇ بۇ راس، " سولخەي ئاياللارنىڭ تامىقى ھارام بولىدۇ " دىگەن گەپ بار دەپ چۈشەندۈردى .  بۇ گەپ مېنىڭ ئىدىيىمدىن پەقەت ئۆتمىدى ، بۇنداق قاراشنى مەن ھەرگىزمۇ قۇبۇل قىلالمايمەن .....
شۇندىن كېيىن خېلى كۈنلەرگىچە ئاشۇ ئىككى ئايالنىڭ ئىشى خىيالىمغا كىرۋېلىپ ،بىر قىسمىلا يۈردۈم . ئۇلارنىڭ يىغىسى قۇلاق تۆۋىمدە ئايلىنىپلا يۈردى .
ئاھ تەڭرىم ! ئايال بولماق نىمە دىگەن تەس - ھە .  ئۆزەڭ ياراتقان شۇ بەندىلىرىڭنىڭ يولىنى نىمانچە تار قىلغانقىلىۋەتكەن  بولغىيتىڭ !  بۇ سەندىن كۆرەيمۇ ؟ ئاشۇ ئىمامدىن كۆرەيمۇ؟ ۋە ياكى نادان ئۇيغۇرۇمدىن كۆرەيمۇ ؟؟؟
...........................................

بۇ ھەقىقىي ئىشلار ، ئۆز قۇلۇقۇم بىلەن ئاڭلىغان ئىشلار ، بۇ مەندەك بىر يۇرۇق دۇنيانى تەرىك ئىتىپ كىچىسى ھەركەت قىلىشنى  ياخشى كۆرىدىغان شەپەرەڭنىڭ كۆرگەن ئاڭلىغانلىرىنىڭ پەقەتلا بىر قىسمى .