ئەپەندىم تۇغقانلىرىغا خەت سالماقچى بولۇپ پوچتىخانىغا كىرىپتۇ ھەمدە ماركا ساتقۇچى ئايالدىن بىر ماركا ئېلىپ:
- خانىم، ماركىنى لىپاپنىڭ قەيىرىگىلا چاپلىساق بولىۋېرەمدۇ؟ - دەپ سوراپتۇ.
ئايال ئاچچىقى بىلەن ئەپەندىمنى مەسخىرە قىلىپ:
- شۇنىمۇ بىلمەمسىز ئەپەندىم؟ يەرگە چاپلاپ قويسىڭىزلا بولىۋېرىدۇ، - دەپ جاۋاب بېرىپتۇ.
ئەپەندىممۇ بوش كەلمەي، شىلىم سۈرۈپ قويغان ماركىنى ماركا ساتقۇچى ئايالنىڭ پېشانىسىگە چاپلاپ قويۇپتۇ. بۇنىڭدىن ئاچچىقلانغان ئايال:
- ئەپەندىم، بۇ نېمە قىلغىنىڭىز؟ - دەپ ناھايىتى خاپا بوپتۇ.
- خاپا بولمىسىلا خانىم، - دەپتۇ ئەپەندىم چۈشەندۈرۈپ، - ھېلىلا ئۆزلىرى ماركىنى يەرگە چاپلىمىسىڭىزلا بولىدۇ، دېگەن ئەمەسمىدىلە؟
ماركا ساتقۇچى ئايال نېمە دېيىشىنى بىلەلمەيلا قاپتۇ