ئۇيغۇر كارخانىلىرىنى ئۇ - بۇ دېمەيلى!!!
ئەسسالامۇ ئەلەيكۇم تورداشلار!!!

بۈگۈن مەن تور ئارىلاۋىتىپ سەلكىن تورىدىكى <<ئوقۇش پۇتۇرگەن ئۇيغۇر ئوقۇغۇچىلار،نىمىشقا ئۇيغۇر كارخانلارغا ئاز بارىدۇ؟>> دېگەن بىر تېمىغا كۆزۈم چۈشۈپ ئۇنى ئەستايىدىل كۆرۈپ چىقتىم، ئاندىن پەخىركام دېگەن بىر تورداشنىڭ <<ۋەتەن پەرۋەر كارخانىچىلار يوق دىيەرلىك... پەقەت ئۆزى ئۈچۈنلا... كىشىلەرنىڭ مىللى ھېسىياتىنى ئالداش بەدىلىگە پۇل تاپىدىغان... نەپسانىيەتچى كارخانىچىلار بەك كۆپ ...>> دېگەن ئىنكاسىنى كۆرۈپ بىر قىسىم تورداشلىرىمىزنىڭ بىر تەرەپلمە قاراشلىرىغا بۇ تېمىنى سۇندۇم.

ۋەتەنپەرۋەر، مىللەتپەرۋەر دېگەندەك پاساھەتلىك ئىبارىلەرنى ئىشلىتىۋاتقان كىشىلەر، كارخانىلاردىن مىللەتپەرۋەرلىك، ۋەتەنپەرۋەرلىكنى تاما قىلماي ئۆزىدىن باشلاپ ۋەتەننى، مىللەتنى سۆيۈپ باقسىكەن دەيمەن، ئۇلار 100 سوم مائاشنى كەم بەرگەن ئۇيغۇر كارخانىسىدا خىزمەت قىلىپ بېقىپتىمۇ، بىرەر كارخانا ئۈچۈن 2~3 يىل قان - تەر تۆكۈپ بېقىپتىمۇ.
2-دۇنيا ئۇرۇشى ئاخىرلاشقاندا دۇنيادا ياپونىيە بىلەن گېرمانىيىدىلا ئىختىساس ئىگىلىرى ئېقىپ كېتىش ھادىسىسى كۆرۈلمىگەن، چۈنكى ئۇلار ئامېرىكا ۋە باشقا ياۋروپا ئەللىرىدىكى پايدىلىق پۇرسەتلەرنى تاشلاپ، كۆپ مائاش ياكى كۆز ئالدىدىكى مەنپەئەتلەرگە بۇزۇلماي ئۆز كارخانىلىرىدىكى ئاز مائاش، ئايدىڭ بولمىغان خىزمەت تەقسىماتى قاتارلىق نۇرغۇن جاپالىق مۇھىتلاردا خىزمەت قىلىپ ئۆز كارخانىلىرىنى قۇدرەت تاپقۇزغان، بۈگۈنكى كۈنگە كەلگەندە شۇ كىشىلەرنىڭ ئەۋلادلىرى ئۆزلىرىنىڭ كارخانىلىرىدا يۇقىرى مائاش، ئالاھىدە مۇلازىمەتتىن بەھرىمەن بولۇپ خىزمەت قىلىۋاتىدۇ، ناۋادا ئىلگىرىكىلەر ئۆز دۆلىتى ۋە مىللىي كارخانىلىرىنى كەمسىتىپ، باشقا كارخانىلار پۇلنى جىق بېرىدۇ، ئاز ئىشقا سالىدۇ دەپ قارىغان بولسا ئۇلارنىڭ ئەۋلادلىرىنىڭ بۈگۈنى بولۇرمىدى.
بۈگۈنكى كۈندىكى ئۇيغۇر كارخانلىرىنىڭ مەۋجۇد بولۇپ تۇرۇشى تولىمۇ مۈشكۈل، بىزگە تېلېۋىزورلاردىكى مېھرى-شەپقەت يەتكۈزۈش، نامراتلاردىن ھال سوراش دېگەندەك تەشۋىقاتلار بەك تەسىر قىلىپ كەتتىمۇ ئېيتاۋۇر تولىمۇ تەمەخور بولۇپ كېتىۋاتىمىز، كارخانىلاردىن بەك كۆپ نەرسە تەلەپ قىلىمىز، كارخانىلارنىڭ ھالى بىلەن كارىمىز يوق، تېلېۋىزوردا تۆت كۈن ئېلانى چىققان كارخانىنى خەلققە نېمە ئىش قىلىپ بەردى دەپلا سۈرۈشتە قىلىمىز، كارخانىسىغا نېمە ئىش قىلىپ بەردى، كارخانىسى تەرەققىي قىلىۋاتامدۇ، ئەللىك سىنتلىق نەرسىسىنى ئېلىپ قويالىدۇقمۇ دەيدىغانلىرىمىز قانچىلىك، شۇ كارخانىلارنى قۇرۇپ تەرەققىي قىلدۇرۇش ئۈچۈن ئىزدىنىۋاتقانلار خەلق ئەمەسمۇ؟
ئۇيغۇر كارخانىلىرىنىڭ تەرەققىي قىلالماسلىقىدىكى يەنە بىر سەۋەب بىزنىڭ مىللىي ھېسىياتىمىز بىلەن بىۋاسىتە مۇناسىۋەتلىك، چۈنكى بىز بىردە باشقا ئالىمىز ئارقىدىنلا يەرگە ئۇرىمىز.
ئىلگىرى بىر يەھۇدى بولغانىكەن، ئۇ يەھۇدى ئەزەلدىن يەھۇدىيلارغا پايدا يەتكۈزمىگەن، 2- دۇنيا ئۇرۇشىدا بەزى قېرىنداشلىرىنىمۇ سېتىۋېتىپ نامى سېسىپ كەتكەن ئىكەن، 2 - دۇنيا ئۇرۇشى ئاياغلاشقاندىن كېيىنمۇ يەھۇدىيلارغا قىلچە پايدىسى يوق، ئەمما ئۆزىگە پايدىلىقلا ئىشلارنى قىلىپ سودا بىلەن شۇغۇللىنىپتۇ، ئۇ كالفورنىيە شىتاتىدا باشقا مىللەتلەرنىڭ دۇكىنى بولغان بىر رايوندا بىر مىلىچ ماللار دۇكىنى ئېچىپتۇ، بۇ دۇكان ئېچىلىشى بىلەنلا ئەتراپتىكى يەھۇدىيلار شۇ دۇكاندىنلا نەرسە - كېرەك سېتىۋېلىپ ئۇنىڭ دۇكىنىنىڭ سودىسىنى قاينىتىۋېتىپتۇ، بۇنىڭغا ھەيران بولغان بىر دۇكان خوشنىسى بۇ دۇكانغا دائىم كېلىدىغان بىر يەھۇدىدىن سوراپتۇ:
- سىلەر بۇ دۇكاندارنى ئاسىي، خائىن دەپ تىللايدىكەنسىلەريۇ يەنە نېمىشقا ئۇنىڭلا دۇكىنىدىن نەرسە - كېرەك سېتىۋالىسىلەر؟
يەھۇدى:
- بۇ دۇكاندار ئۆزى مىللەتكە زىيانلىق كىشى ئەمما ئۇ ھامان يەھۇدى، ئۇ ھەرقانچە ئىپلاس بولسىمۇ بايلىق توپلاشقا ماھىر، شۇنداقلا شۇ بايلىقلىرىنى ياخشى قوغداش ئۈچۈن ئۆزىنىڭ بالىلىرىنى ياراملىق قىلىپ تەربىيىلەيدۇ، كېيىنكى ئەۋلادقا بارغاندا بۇ كىشىنىڭ بايلىقى ئارقىلىق ياخشى تەربىيىلەنگەن بالا مىللەتكە ئالەمچە پايدىلىق ئىشلارنى قىلىپ بېرىدۇ، بىز بۇ كىشىنى ئەمەس، بۇ كىشىنىڭ ئەۋلادى ۋە ئۆزىمىزنىڭ ئەۋلادلىرى ئۈچۈن مۇشۇ دۇكاندىن نەرسە - كېرەك سېتىۋالىمىز، مۇشۇنداق قىلغاندىلا قولىمىزدىكى بايلىق باشقىلارغا ئېقىپ كەتمەيدۇ، كەلگۈسى ئەۋلادلىرىمىزگە مىراس بولۇپ قالىدۇ، دەپ جاۋاب بېرىپتۇ.
بىزمۇ ئەمدىلا كۆزىنى ئاچقان كارخانىچىلىرىمىزدىن توختىماي نەرسە تەلەپ قىلماي ئۇلارنىڭ راۋاج تېپىشى ئۈچۈن كۈچ چىقىرىپ باقايلى، نۆۋەتتىكى كارخانىچىلار ئۈچۈن ئەمەس ئۇلارنىڭ كېيىنكى ئەۋلادلىرى ئۈچۈن قوللاپ - قۇۋەتلەيلى، شۇ كارخانىچىلار ھەرقانچە ئىپلاس بولسىمۇ، ئۆزىنىڭ بايلىقىنى قوغداش ئۈچۈن پەرزەنتلىرىنى، يېقىنلىرىنىڭ پەرزەنتلىرىنى ياخشى ئوقۇتۇشى، ياخشى تەربىيىلىنىش پۇرسىتىگە ئىگە قىلىشى مۇمكىن، ئەنە شۇلار كەلگۈسىدە مىللەتكە پايدىلىق ئىشلارنى قىلىشى ۋە قىلالىشى مۇمكىن، تارىخنى ۋاراقلاپ باقىدىغان بولساق، خەلققە زور ئىشلارنى قىلىپ بېرەلىگەنلەرنىڭ كۆپىنچىسى بايلارنىڭ، ئاقسۆڭەكلەرنىڭ ئەۋلادلىرى، ئاۋام ئارىسىدىن چىققانلار تولىمۇ ئاز.
باشقىلارنىڭ كارخانىلىرىدا خىزمەت قىلىشنى خالايدىغانلىرىمىز شۇ يەردە خىزمەت قىلىۋەرسەك، ئۆزىمىزنىڭ ئازغىنە مەنپەئەتى ئۈچۈن ئۇيغۇر كارخانىلىرىغا خالىغانچە باھا بەرمىسەك.
___ كارخانا سۆيگۈچى

تولىمۇ ئەھمىيەتك چوڭقۇر مەنىلىك يازما بولاپتۇ ماۋۇ 

بۇ تېمىنى باشقا مۇنبەرلەرگە يوللىغۇچىلارغا 50 مۇنبەر پۇلى قوشۇپ بىرىلىدۇ (پۇلنى مۇنبەر بانكىسىغا كىرىپ ئىلىۋالساڭلاربولىدۇ)
يوللىغۇچى ئۆزى يوللىغان توربەتنىڭ تېما ئادىرىسىنى مۇشۇيەدە ئىنكاس قالدۇرساڭلار.مەن مۇكاپاتنى ئەمىلىيلەشتۈرىمەن
مەزمۇننى تۆۋەندىكى قوشۇمچە ھۆججەتتىن چۈشۈرۈڭ

Uyghur_karxanilirini_u_bu_dimeyli.rar

مىللى ھېسيات ئىككى ئادەمنىڭ ئالدىدا دارتمىلاپ سۆزلەپ ئۆزىنى كۆرسىتىدىغان نەرسە ئەمەس. سىز ئويلىغان ھەم بايان قىلغان تەپسىلاتلارنى ۋەتەن ئىچى سىرتىدىكى ھەمەيلەن ئويلۇنۇشقا تېگىشلىك. مەنپەئەت ئالدىنقى شەرت بولاۋاتقان بۇ ئاي بۇ كۈنلەردە بىز ھەقىقى مەنپەئەتنىڭ نېمىلىكىنى بىلىشىمىز كېرەك! ئالدىمىزنى، بۇرنىمىزنىڭ ئۇچىنى، قولىمىزغا يامىشىۋاتقان تۆت تەڭگە پۇلنى كۆرۈپ ئۆزىمىزنى، ئەتىمىزنى، پەرزەنت-ئەۋلادىمىزنىڭ بېشىغا كېلىشى مۇمكىن بولغان قىسمەتلەرنى ئويلىمىغاندا دوۋزىخى بولۇپ كېتىمىز.
      كونىلا << قوينۇڭدىن تۆكۈلسە قونچۇڭغا >> دېگەننى بىزنى ئەمەل قىلارمىكىن، بىر-بىرسىگە يېقىن تۇرۇپ ئۆزئارا ئىجىل-ئىناق ياشامدىكىن، ئازراق نەپ ئۈچۈن بىر-بىرسىنى پۇتلاپ خەقنىڭ ئالدىدا ساغىرىپ يۈرمەسمىكىن دەپ قالدۇرغان. بىز نېمىشقا شۇنداق ياخشى ئەمەللەرنى ھىمايە قىلمايمىز؟ ئۆز - ئارا ئىناق-ئىجىل بولۇپ بىر بىرىمىزنىڭ ئېغىرىنى كۆتۈرمەيمىز؟؟؟
    چىۋىن قونسا غىڭشىپ كالتەك تەگسە جىممىدە تۈرىدىغان ھاماقەتلىك تۈگىمەيدىكەن تەرەققىيات ۋە باياشاتلىق بىزدىن يىراقلاپ كېتىدۇكى بىزنى كۈتۈپ تۇرمايدۇ.

ئوبدان مۇلاھىزە يۈرگىزىلىپتۇ،ئاپرىن!
ئاتالمىش مىللەتپەرۋەر، ۋەتەنپەرۋەرلىك توغرىسىدا ئەڭ كۆپ سۆز ئاچىدىغانلارنىڭ قىلغان ئەمەلىي ئىشى ئۆزىگە ئايان...
ئۇنچىۋالا بىر تەرەپلىمە قاراشتا بولۇپ قالساق......

ياخشى بۇپتۇدوسلار مەنمۇ ئاۋازقوشاي
http://www.uguzhan.com/bbs/ShowPost.asp?ThreadID=2156

Quote:

5 - قەۋەتتىكى burkut2005 2008-08-29 11:00 دە يوللىغان  نى نەقىل كەلتۈرۈش :
ياخشى بۇپتۇدوسلار مەنمۇ ئاۋازقوشاي
http://www.uguzhan.com/bbs/ShowPost.asp?ThreadID=2156

50 تەڭگە قوشۇلدى

بەكمۇ ئوبدان تېما يوللاپسىز. مەن بۇ پىكرىڭىزنى يۈزدە يۈز قوللايمەن.
شۇ ئۆزىنى "ۋەتەنپەرۋەر، مىللەتپەرۋەر"  دەپ ئاتىۋالغان كىشىلىرىمىز  ھېچ بولمىغاندا ئالدى بىلەن  ئازراق بولسىمۇ ئۇيغۇر كارخانىلىرىمىزنىڭ مەھسۇلاتلىرىنى ئىشلىتىپ باقسا، ئادەتتە كۆپ سورۇنلاردا داۋاملىق " ئۇيغۇرلارنىڭ مەھسۇلاتلىرى بەك جا، ئىشلەتكىلى بولمايدۇ."،" لەۋ سۇرۇخ چىش پاستىلىرىنى مۇسۇلمانچە دىگىنى يالغان ."،" مەن ھەرگىز ئۇيغۇرلار ئىشلەپ چىقارغان نەسىلەرنى ھەرگىز ئىشلەتمەيمەن"،" ئىخلاسنىڭ، ئارماننىڭ زاۋۇتۇنى بەك مەينەت دەيدۇ، كاررىفوردا قىزلار ئاپپاق كىيىملەرنى كىيىپ ئىشلەيدۇ  شۇڭا مەن يىمەكلىكلەرنى  كاررىفوردىن ئالىمەن." دىگەندەك تېتىقسىز گەپلەرنى ئاڭلاپ تۇرىمىز. شۇلار ئاشۇنداق گەپلەرنى قىلغۇچە ئۇيغۇر كارخانىلىرىمىزنىڭ قۇرۇلىۋاتقىغا قانچىلىك بولدى؟ قانچىلىك تەرەققىياتقا ئىگە؟ بىز قانچىلىق قوللىدۇق؟ مۇسۇلمانچە دىگىنى يالغان بولسا، مۇسۇلمانچە دىمىگىنى  زادى قانداق........؟ يىمەكلىكنى ئاق كىيىم بىلەن ساتقاننىڭ ئىشلىگەن زاۋۇتى پاكىزمۇ ؟ دىگەنلەرنى ئوبدانراق ئويلاپ باقسا بولىدۇ .
http://www.xjarcha.com/bbs/

بۇ تىما بەك ياخشى يوللىنىپتۇ، قولىڭىزغا دەرت  كەلمىسۇن،مەن بۇ تىمىنى باشقا مۇنبەرگە يوللاي دەيمەن
hislat.com/bbs
ماڭا پۇل قوشىۋىتىڭ ماقىما

Quote:

8 - قەۋەتتىكى nurana 2008-08-29 12:38 دە يوللىغان  نى نەقىل كەلتۈرۈش :
بۇ تىما بەك ياخشى يوللىنىپتۇ، قولىڭىزغا دەرت  كەلمىسۇن،مەن بۇ تىمىنى باشقا مۇنبەرگە يوللاي دەيمەن
hislat.com/bbs
ماڭا پۇل قوشىۋىتىڭ ماقىما

ماقا  50 تەڭگە قوشۇۋىتىلدى سىزگىمۇ ئاياپ ئولتامايمىزغۇ پۇل مۇل دىگەننى