ئەي قىزىم، قىزلارنىڭ ئەڭ گۈزىلى ھايا ۋە ئىپپەت پەردىسىگە ئورالغىنىدۇر. ھەقىقەتەنمۇ قىزلار قەلەم قاش، شەھلا كۆز، ئۇزۇن چاچ، كېلىشكەن، گۈزەل بولسىمۇ شەرم- ھايالىق بولمىسا، ئۇلارنى ھېچىكىم گۈزەل دېمەيدۇ. ئىپپەتلىك قىز دېگەندە، كۆز ئالدىمىزغا تەبىئىتى مۇلايىم، ئەقىل - پاراسەتلىك، ھايالىق، نومۇسچان، ئاتا - ئانىغا مېھىرىبان، قېرىنداشلىرىغا كۆيۈمچان، چوڭ -كىچىكلەرگە ئېتىبارلىق قىز نامايان بولىدۇ ۋە بۇنداقلار كۆزىمىزگە چىرايلىق، يېقىملىق كۆرۈنىدۇ. ھايا كىشىلەرنى يامان يولدىن قايتۇرغۇچى ۋە ياخشىلىققا ئۈندىگۈچىدۇر. كىمنىڭ ھاياسى بولمىسا، شۇنىڭ ئۇيىتى بولمايدۇ ۋە بارچە قەبىھ ئىشلارنى قىلشتىنمۇ يانمايدۇ

ئەي ھاياتنىڭ ئۈلى بولغان ئايال، شۇنى بىلگىنكى، سەن ئۈچۈن ئەڭ زور بايلىق ۋە ئەڭ ئۇلۇغ مەرتىۋە، ئەڭ بۈيۈك پەزىلەت - ئىپپەتلىك بولۇشتۇر. ئىپپەتلىك ئايال گەرچە كەمبەغەل بولسىمۇ، بىراق مەنىۋى جەھەتتىن بەدۆلەت ھېسابلىنىدۇ. ئىپپەتسىز ئاياللار ھەر قانچە بەدۆلەت بولسىمۇ كىشىلەر نەزىرىدە پەقىر ۋە ھۆرمەتسىز سانىلۇر. بويۇنغا تاقىغان مارجانلار، باش ۋە كۆكرەككە قادالغان گۆھەرلەر، مىليونلىغان پۇل - پۇچەكلەر بىلەنمۇ ئىپپەتنى ستىۋالغىلى بولماس. ئىپپەت شۇنداق زور بايلىقكى، ئۇنىڭ ئەلا باھاسى يوق. خوتۇن - قىزلار ەۈزەل ۋە چىرايلىقلىقىغا، پۇل - ماللىرىغا ئەمەس، بەلكى ئۆزلىرىدىكى ئىپپىتى بىلەن قۇۋانماقلىرى لازىم.

ئىپپەتلىك  ئاياللارنىڭ  ئېرى  ئالدىدا  يۈزڭ  يۇرۇق  بۇلىدۇ  .