سەن پىلىشىڭ،
سېنىڭ ئۆلۈشۈڭ بىلەن مېنىڭ نېمە ئىشىم.

بىر بىكار ئوننى بىكار قىلىپتۇ.

بىرنىڭ كاساپىتى مىڭغا يېتىپتۇ.

بىر سېسىق ئامۇت مىڭنى بۇزار.

بىر شاتىراق ئىنەك پادىنى بۇلغاپتۇ.

بىر چاشقان بىر قازان ئاشنى بۇلغاپتۇ.

نەسلىك ھەرگىز بىر ئادەمدە تۇرماس.

بىرى قىر ئاشقۇچە كۆپى داۋان ئېشىپتۇ.

ئىمام ئاخۇنۇم يۆتەلسە، جامائەت زۇكامداپ قاپتۇ.

بىرى باشلىسا مىڭى ئەگىشىپتۇ.

بىرى ھايت دېسە ھىڭى لەببەي دەپتۇ.

بىر ئىت شەپىگە قاۋىسا، ئون ئىت قاۋىغانغا قاۋاپتۇ.

بىرى ئىشلەر، ئون بىرى چىشلەر.

بىرى ياققان ئوت مىڭ كىشىنى ئىسسىتىپتۇ.

بىر تاغدا ئىككى يولۋاس ياشىيالماپتۇ.

ئەلدە ئابرويۇڭ بولسا، چۆلدە يۈكۈڭ قالماس.

ئەلگە قوشۇلساڭ ئەر بولىسەن،
ئەلدىن ئايرىلساڭ يەر (بولىسەن).

ئەل بار يەردە ئەر خار بولماس.

ئەل بالىسى خان بالىسى.

قوينۇڭدىن تۆكۈلگىنى قونجۇڭغا،
ئەلدىن يۈز ئۆرىگەننى يەر يۇتىدۇ.

ئىمام كەتسە مەسچىت قالىدۇ،
شەيىخ كەتسە مازار (قالىدۇ).

ئەل ئۈمىدىنى ئەر ئاقلار،
ئەر داڭقىنى ئەل (ساقلار).

ئەلگە ياققان ئەرگە ياقار.

ئەلگە كىرسەڭ ئېلىڭچە،
سۇغا كىرسەڭ بېلىڭچە.

ئەلنىڭ قۇلىقى ئەللىك.

ئەلنىڭ ئەقلى شەكسىز، كۈچى چەكسىز.

ئەل قاياققا باقسا سەن شۇ ياققا باق.

سۆيگىن ئامما ئىشىنى،
مەھكەم تۇتقىن پېشىنى.

گۈلنىڭ تاجىسى گۈل ئارىسىدا،
يىگىتنىڭ تاجىسى ئەل ئارىسىدا.

چىت بۇزۇلسا ئىت كىرىدۇ.

مۇڭۇمنى تۆككىلى قېرىندىشىم ياخشى.

تۈۋلۈكنىڭ سىردىشى قازان.

يولغا چىقساڭ يولداش تاپ.

قولۇڭ ماي بولسا قونجۇڭغا سۇۋا.

ئىتنىڭ قارغىشىغا پىت ئۆلمەپتۇ.

قاتاردىن قالغۇچە، خاتادىن قا.

بوراننىڭ ئەلچىسى قۇيۇن،
ئۇرۇشنىڭ ئەلچىسى ئويۇن.

چىرا، گۇلاخما، دامىكۇ، پۇناقا،
ئاياق - قوشۇقلار تاراقۇ - تۇراقا.

يالغۇز ئاتنىڭ چېڭى چىقماس،
چېڭى چىقسىمۇ دېڭى چىقماس.

بىرلىك بولماي تىرىكلىك بولماس.

قۇم يىغىلسا تاغ بولۇر،
ئەل يىغىلسا باغ (بولۇر).

يالغۇز دەرەخ ئورمان بولماس،
ئىتتىپاقلاشقان ۋەيران بولماس.

كۆپنىڭ كۈچى كۆپ. 

دۆۋە - دۆۋىگە قوشۇلار.

مىللەتلەر بولسا ئىتتىپاق،
دۆلەت تاپقۇسى روناق.

كۈچ بىرلىكتە، 
ھايات كۈرەشتىن.

قول تۇتۇشقان ئاجىز ئەمەس.

ئىككى ئايال پاتمىغان يەرگە،
ئىككى يۈز ئەر سىغار.

ياخشىكەن ساقلاپ قۇياي .

مەنبە كۆرۇنمەيدىيا؟!