مېڭىڭىز بەدىئىي تىپلىقمۇ؟ ياكى تەپەككۇر تىپلىقمۇ؟ قايسى مېڭىڭىز تەرەققى قىلغان؟
كۈندىلىك تۇرمۇشتا، بەزى كىشىلەر ئەدەبىيەت - سەنئەتكە ھەۋەس قىلىدۇ، مەنزىرىلەرنى كۆزىتىش ئىقتىدارى كۈچلۈك بولىدۇ، ئەمما ماتېماتىكىلىق ھېسابلاشتا سەل قىينىلىدۇ. بەزى كىشىلەر بولسا دەل بۇنىڭ ئەكسىچە بولىدۇ.
نېمە ئۈچۈن بۇنداق پەرقلەر كۆرۈلىدۇ؟ ئادەمنىڭ چوڭ مېڭىسى ئوڭ - سولدىن ئىبارەت ئىككى يېرىم شارغا بۆلىنىدۇ. بۇ ئىككى يېرىم شارچە مېڭىنىڭ ئىقتىدارى ئۆزگىچە بولىدۇ. سول >تىل مېڭىسى< دەپ ئاتىلىدۇ. ئۇ تىل، لوگىكا، يېزىقچىلىق، ماتېماتىكىلىق ھېسابلاش قاتارلىق ئىقتىدارغا ئىگە. ئوڭ مېڭە >مۇزىكا مېڭىسى< دەپ ئاتىلىدۇ. ئۇ مۇزىكا، گۈزەل - سەنئەت، چىراي ۋە سۈرەتلەرنى پەرق ئېتىش، تېز سۈرئەتتە ئوقۇش قاتارلىق ئىقتىدارغا ئىگە.
ئوڭ مېڭە ئىقتىدارى ئۈستۈنلۈكنى ئىگىلەيدىغانلار >ئوڭ مېڭە تىپلىق< لار دەپ ئاتىلىدۇ. سول مېڭە ئىقتىدارى ئۈستۈنلۈك ئىگىلەيدىغانلار >سول مېڭە تىپلىق< لار دەپ ئاتىلىدۇ.
بۇنىڭدا قانداق قىلغاندا ئۆزى ئۆزىگە ھۆكۈم قىلغىلى بولىدۇ؟ بۇنى ئازراقلا زەن سېلىپ كۆزەتسەك، تۆۋەندىكى 2 خىل ئۇسۇلنىڭ بىرى بىلەن بايقىغىلى بولىدۇ.
1. ئىككى قۇلاقنىڭ چوڭ - كىچىكلىكىنى ئۆلچەش ئارقىلىق بىلگىلى بولىدۇ. ئادەملەرنىڭ ئىككى قۇلىقىنىڭ چوڭ - كىچىكلىكى 2 - 3 مىللىمېتىر پەرقلىنىدۇ. قايسى تەرەپتىكى قۇلاق چوڭ بولسا، چوڭ مېڭىنىڭ شۇ تەرەپتىكى يېرىم شارى بەكرەك تەرەققى قىلغان بولىدۇ.
2. ئادەمنىڭ قولى چوڭ مېڭە ئارقىلىق كونتىرول قىلىنىدۇ. ھەر بىر ئادەم ئىككى قولىنىڭ بارماقلىرىنى تەبىئىي ھالدا ئۆز - ئارا گىرەلەشتۈرۈپ تۇرغاندا ئۈستۈنلۈكنى ئىگىلىگەن مېڭە كونتىروللىقىدىكى قولنىڭ بارمىقى دائىم ئىككىنچى  تەرەپتىكى بارماقنىڭ ئۈستىدە بولىدۇ. بۇ 2 - 3 ياشتىن باشلاپ شەكىللىنىپ، ئۆمۈر بويى ئۆزگەرمەيدۇ.
كىشىلەر ئىككى قولىنىڭ بارماقلىرىنى تەبىئىي ھالدا ئۆز - ئارا گىرەلەشتۈرۈپ تۇرغاندا ئوخشاشمىغان تىپتىكى كىشىلەرنىڭ باشبارمىقىنىڭ ئورنى ئوخشاش بولمايدۇ.
ئەگەر سول قولىنىڭ باشبارمىقى ئۈستىدە تۇرسا، بۇنداق كىشىلەرنىڭ ئوڭ مېڭىسىنىڭ ئىقتىدارى ئۈستۈنلۈكنى ئىگىلەيدۇ. بۇلارنىڭ كۆپىنچىسى >بەدىئىي تىپ< قا مايىل بولۇپ، مۇزىكا، گۈزەل - سەنئەت، زىننەتلەشكە قىزىقىدۇ، قىياپەتكە دىققەت قىلىدۇ. تەسەۋۋۇر كۈچىگە باي، دوراشقا ماھىر، كۆزىتىش ئىقتىدارى كۈچلۈك، ئوچۇق - يورۇق مىجەزلىك، ھېسسىياتىنى يوشۇرمايدۇ، كەيپىيات ئۆزگىرىشى بىر قەدەر چوڭراق بولىدۇ.
شۇڭا بۇنداق >ئوڭ مېڭە تىپلىق< كىشىلەر كۈندىلىك تۇرمۇشتىكى ماتېماتىكىلىق ھېسابلاش ئىقتىدارى يېتىلىشىنى كۈچەيتىشى، ئوڭ تەرەپ بەدەننىڭ چېنىقىشىنى كۈچەيتىشى كېرەك.
ئەگەر ئوڭ قولنىڭ باشبارمىقى ئۈستىدە تۇرسا، بۇنداق كىشىلەرنىڭ سول مېڭىسىنىڭ ئىقتىدارى ئۈستۈنلۈكنى ئىگىلەيدۇ. بۇلارنىڭ كۆپىنچىسى >تەپەككۇر تىپ< قا مايىل بولۇپ، ماتېماتىكىلىق ھېسابلاشقا ماھىر، لوگىكىلىق تەپەككۇر ئارقىلىق ئەقلى خۇلاسە چىقىرالايدۇ، سەۋرچانلىق بىلەن ئىش قىلىدۇ، كەم سۆز جىمغۇر مىجەزلىك كېلىدۇ، كەيپىياتى بىر قەدەر تۇراقلىق بولىدۇ. بۇنداق >سول مېڭە تىپلىق< لار مۇزىكا، رەسىم قاتارلىقلارغا بولغان قىزىقىشىنى كۈچەيتىشكە دىققەت قىلىشى، سول تەرەپ بەدەننىڭ چېنىقىشىنى كۈچەيتىشى كېرەك. شۇنداق قىلغاندا، تەرەققىياتى ئارقىدا قالغان مېڭىنىڭ ئىقتىدارىنى ئاشۇرغىلى بولىدۇ، بوۋاقلارغا نىسبەتەن بۇ ئۇسۇل ئارقىلىق مېڭە ئىككى يېرىم شارچىلىرىنىڭ  ئىقتىدارىنى تەكشى تەرەققى قىلدۇرۇپ، ئەقىل - پاراسىتىنى ئۆستۈرۈش مەقسىتىگە يەتكىلى بولىدۇ. ئوتتۇرا ياش، ياشانغانلارغا نىسبەتەن بۇ ئۇسۇلنىڭ مېڭە ئىقتىدارىنىڭ ئاجىزلىشىشىنى كېچىكتۈرۈشكە يەنە سەكتە بولۇشنىڭ ئالدىنى ئېلىش ۋە داۋالاشقا پايدىسى بار.

راستەك قىلىدۇ.مەن بۇنىڭ ئەكسىدەك قىلىمەنا

ياپىر، بولىدىغان گەپكەن بۇ

مەن قايسى تىپقا تەۋەلىگىمنى بىلەلمىدىم!!!!!!

مەن بەدىئي تىپقا تەۋە دەك قىلىمەن . لىكىن مەن بىر خەنزۇچە توربەتتە مۇشۇنىڭغا ئوخشاپ كىتىدىغان بىر ئويۇنغا قاتناشقان نەتىجىدە  ئوڭ  سول مىڭەمنىڭ ئىشلەش نىسپىتى 50% دە 50% چىققانتى .

مىنڭ سول مىېڭە تىپلق  ئوخشايدۇ
قان داق قىلسام ئوڭغا يۆتكەيمەن

مەن قايسى تىپقا تەۋە ئۆزۈممۇ بىلمىدىم.قارىسام ھەر ئككىلىسىگە تەۋەدەك قىلىمەن جىمۇ!

Quote:

5 - قەۋەتتىكى burkut2005 2008-07-11 15:15 دە يوللىغان  نى نەقىل كەلتۈرۈش :
مىنڭ سول مىېڭە تىپلق  ئوخشايدۇ
قان داق قىلسام ئوڭغا يۆتكەيمەن

سىز ئۆزىڭىز خالىمايدىغان ھەم قىلالمايدىغاننى جىق قىلىپ بىرىڭ ئاندىن چۇقۇم ئۆزگىرىسىز!!!!

مەنمۇ سىناپ كۆرەي .بۇنىڭغا ئەزەلدىن دىققەت قىلماپتىكەنمەن.

مەن بەدئىي تىپلىققا چۈشىدىكەنمەن، توغرا چىقتى، ئەمما سول مېڭىدىكى ماتىماتىكىدىن باشقا يېزىقچىلىق، لوگىكا ، تەپەككۇر، تىل جەھەتلەردە خېلى ئۈستۈن تۇراتتىم.