ئۇلترا پسىخولوگىيە ئالىملىرىدىن باشقا روھىي تەھلىلچى ئالىملارمۇ بېشارەت ھادىسىسىنى چوڭقۇر تەتقىق قىلماقتا. ئۇلار بېشارەتنىڭ سىرىنى ئاساسەن ئىنساننىڭ كۆڭلىدىكى ئاڭسىز يەرلەردە بولىدىغان روھىي ھالەتلەرنى تەھلىل قىلىش يولى بىلەن ئېچىشقا ئۇرۇنماقتا.
  ئادەمنىڭ ئېڭىنىڭ ئارقىسىدا يوشۇرۇن تۇرىدىغان ناھايىتى كۈچلۈك بىر روھىي كەلكۈنـ ئاڭسىزلىق مەۋجۇت. ئادەملەر ئاڭسىز روھىي پائالىيەتلەرنى ئەمەلىيەتتە ئاللىقاچان سەزگەن. ئەمما ئىلىم - پەن تەرەققىي قىلمىغاچقا قىياس قىلىش ھالىتىدىلا توختاپ قالغان، دەسلەپتە بۇ جەھەتتىكى ئۇقۇممۇ ناھايىتى مالىمان بولغان. ئومۇمەن ئالغاندا، بۇ جەھەتتىكى ئۇقۇم ئاڭغا سېلىشتۇرما قىلغان بىر ئاساستا ئوتتۇرىغا چىقىرىلىپ، ئاساسەن مەقسەتسىز كونترول قىلىنغان، يېتەكلەنگەن روھىي ھادىسىلەر ۋە تېخى سېزىلمىگەن بولسىمۇ ئەمەلىيەتتە رول ئويناۋاتقان تەسىراتتىن پەيدا بولغان روھىي پائالىيەت يەنى '' ساماننىڭ تېگىدە ئېقىۋاتقان كەلكۈن'' كۆزدە تۇتۇلغان. ئاڭسىزلىق دېگەن ئۇقۇمنى رەسمىي بېكىتكەن ۋە ئۇنى چوڭقۇر دەۋرىي ئەھمىيەتلىك تەتقىق قىلغان ھەم سىستېملىق بايان قىلغانئادەم مۇشۇ ئەسىرىمىزدىكى روھىي تەھلىل ئىلمىنىڭ ئىجادچىسى سىگمۇنت فروئىد بولدى.
  ئاڭسىزلىق دېگەن ئۇقۇم 19- ئەسىردە غەربنىڭ پەلسەپىۋى ئەسەرلىرىدە كۆپ ئوتتۇرىغا چىققان. بىر مۇنچە ئادەم ئاڭسىزلىق كۆز قارىشىدا فروئىدقا ناھايىتى يېقىن ئىكەن ھەتتا ئۇلارنىڭ بايان قىلىشتا كەلتۈرگەن تەمسىللىرى فروئىدنىڭكىگە تامامەن دېگۈدەك ئوخشىشىپ قالىدىكەن. مەسىلەن، ئاڭسىز يەرلەرنى ئاڭنى چۈشىنىشنىڭ '' ئاچقۇچى '' دەپ ئاتىغان؛ ئاڭنى سۇ يۈزىدىكى مۇ تاغقا ئوخشاتقان؛ ئاڭسىزلىقنى تۆۋەندىكى كۆزگە كۆرۈنمەس ئېقىنغا ئوخشاتقان. نىتسى ھەتتا ئاڭسىزلىقنى فروئىدنىڭ نايان قىلغانلىرىغا خېلىلا يېقىنلىشىدىغان يەرلەرگە يەتكۈزۈپ، ئاڭ پائالىيىتى روھىي پائالىيەتنىڭ يۈزەكى ھادىسىسىدۇر، ئەڭ تۈپ پائالىيەت ئاڭسىز بولىدۇ، ئاڭ پائالىيەتنىڭ تەرتىپى ۋە سىستېمىسى ئەنە شۇنداق كۆزگە كۆرۈنمەيدىغان تۈپ پائالىيەتنىڭ ئالامەتلىرىدۇر، دەپ قارىغان.
  ئەلۋەتتە، بۇنداق قاراشلار فروئىدنىڭ روھىي تەھلىل ئىلمىدىكى پېشۋالىق ئورنىنى ئالالمايدۇ. ئالدى بىلەن فروئىد پەلسەپىي بىئولوگىيە ئىلمىدىن ئەمدىلا مۇستەقىل ئايرىلىپ چىققان پسىخولوگىيە تەتقىقاتىنىڭ دائىرىسىنى ئاڭسىزلىق ساھەسىگە قەدەر كېڭەيتتى ۋە بۇ ساھەدە ئىلگىرى ھېچكىم قەدەم باسمىغان ئىزدىنىشنى باشلىدى. ئۇنىڭ ئاڭسىزلىق توغرىسىدىكى چۈشەنچىسى دەسلەپتە تېبابەت دائىرىسدىلا چەكلىنىپ، ئاڭسىزلىقنى نېرۋىنى چېچىلدۇرىدىغان بېسىمنىڭ مەنىۋى قۇۋۋىتى دەپ قارىغان. تەتقىقاتنى چوڭقۇرلاتقانسېرى ئاڭ پائالىيىتى توغرىسىدىكى چۈشەنچىلىرىنى بىر سىستېمىغا كەلتۈردى ۋە شۇ چۈشەنچىلىرىنى '' مىزاج  تەلىماتى '' غا مۇجەسسەملەشتۈرۈپ، مەشھۇر '' روھ رايونى نەزەرىيىسى '' بىلەن '' '' ئىنسانىي تەبىئەت قۇرۇلمىسى نەزەرىيىسى '' نى ئوتتۇرىغا چىقىرىپ، ئىنسان روھىي دۇنياسىنىڭ خېلىلا ئىلمىي ۋە توغرا سخېمىسىنى جانلىق سىزىپ بەردى.
  روھ رايونى نەزەرىيىسىدە ئادەمنىڭ روھىي دۇنياسى ئاڭ، تۆۋەنكى ئاڭ ۋە ئاڭسىزلىق دەپ ئۈچ رايونغا ئايرىلغان.
  بىر چاغلاردا ئىنساننىڭ روھىي دۇنياسىنىڭ ھەممىسى دەپ قارالغان ئاڭ، ئەمەلىيەتتە، سۇنىڭ يۈزىگە چىقىپ قالغان كىچىككىنە بىر قىسىمىدىنلا ئىبارەت ئىكەن، ئاڭ جەريانىنى سېزىش مۇمكىن ئىكەن، ئاڭنىڭ تەپەككۇر قىلىش ئۇسۇلى ئاساسەن ئۇقۇم، تەجرىبە قىلىش ۋە لوگىكىلىق ئەقلىي خۇلاسە قىلىش بويىچە بولىدىكەن. بۇنىڭدا سەزگۈچى ئەزالار ئارقىلىق تاشقى دۇنيادا كىرىدىغان '' سېزىش ئېقىمى '' يەنى قۇلاق، كۆز، ئېغىز، بۇرۇن ۋە تىل ئارقىلىق پەيدا بولغان تۇيغۇ، بىلىم، كۆرۈنۈشلەر ۋە ئىچكى ئىنساننىڭ ئۆزىگە خاس بولغان روھىي ئەسلىھەلەر يەنى چوڭ مېڭىنىڭ پوستىدىن پەيدا بولىدىغان روھىي ئېقىم، يەنى تەپەككۇر، ھېسسىيات ۋەھاكازالار بولىدىكەن. ئادەمنىڭ ئاڭغا زەڭ قويۇشى ۋە ئۇنى تەتقىق قىلىشى نىسپىي ھالدا تېخىمۇ ئاسانلىشىدىكەن.ئاڭنىڭ سۇ يۈزىدىن تۆۋەن يوشۇرۇنۇپ تۇرغان، لېكىن ئاڭغا يېقىن تۇرغان قىسمى تۆۋەنكى ئاڭ ئىكەن. تۆۋەنكى ئاڭ ئەينى چاغدا ئاڭنىڭ ئارقىسىغا ئۆتۈۋالغان، لېكىن ئاڭنىڭ تەۋەسىگە ئاسانلا چاقىرىپ كەلتۈرگىلى بولىدىغان ئاڭ ئىكەن. 
  ئاللىقاچان ئەستىن كۆتۈرۈلۈپ كەتكەن بىر ئىشنى مىسال قىلايلى. تۆۋەنكى ئاڭنىڭ مەزمۇنىنى تاشقى دۇنيانىڭ مەلۇم تەسىرى بىلەن ئويغىتىش مۇمكىن ئىكەن ۋە شۇنداق مۇناسىۋەت بىلەن ئىختىيارىي خىيالغا كەچتۈرۈپ، ئاڭ قاتلىمىغا چىقىرىش مۇمكىن ئىكەن. تۆۋەنكى ئاڭ ئىستراھەت ھالىتىدىكى ئۇيقۇدا ھالىتىنىڭ ئەڭ باشلانغۇچ، ئەڭ نېگىز قىسمى بولۇپ، ئنسان روھىي ھالىتىنىڭ ئەڭ تۆۋەن قاتلىمىدا تۇرىدىكەن. ئۇ ئاساسەن ئەسلى ئارزۇ ) تەلپۈنۈش ( نىڭ قوزغىلىشى ئىكەن. باشلانغۇچلىقى، ئۆزلۈكىدىن قوزغىلىشى، مەنتىقىسىزلىقى، زامانسىزلىقى ۋە ماكانسىزلىقى، تىلسىزلىقى ۋە ئىجتىمائىيسىزلىقى - مانا بۇلار ئۇنىڭ خۇسۇسىيىتى ئىكەن. ئۇ ناھايىتى ھەرىكەتچان بولىدىكەن، جانلىق ئىكەن، ئىنساننىڭ روھىي پائالىيىتىنى ھەر قاچان پۈتمەسـ تۈگىمەس مەنبە بىلەن تەمىنلەيدىكەن. ھەممىسىگە ئۆز لايىقىدا باھانەـ سەۋەبلەر ئاڭسىز ھالدا تېپىلىپ قالىدىكەن. ئاڭسىزلىق تىلسىز، ئەقىدىسىز بولغاچقا، ئاڭنىڭ يېنىغا پەقەت ھەر تۈرلۈك سىۋول تەرىقىسىدىلا، مەسىلەن، غەلىتە - غەلىتە چۈش ۋەھاكازالار تەرىقىسىدىلا يېقىنلىشالايدىكەن. ئاڭسىزلىقنىڭ ئىزـ دېرىكىنى روھىي تەھلىل ئۇسۇلى ئارقىلى، مەسىلەن، ئىختىيارىي خىيالغا كەلتۈرۈش، چۈشكە تەبىر بېرىش قاتارلىق يوللار بىلەن تېپىش مۇمكىن ئىكەن؛ ئاڭسىزلىقنىڭ تۈرلۈك ئالامەتلىرىنىڭ '' چاپان '' لىرىنى قاتمۇقات سالدۇرۇپ تاشلىغاندىلا ئاندىن ئۇنىڭ ھەقىقىي سىماسىنى كۆرگىلى بولىدىكەن.
  ئاڭ، تۆۋەنكى ئاڭ ۋە ئاڭسىزلىق - بۇلار ئىنسانىي تەبىئەت قۇرۇلمىسىنىڭ ئۈچ ئاساسىي قىسمىغا يەنى '' ئەسلى مەن '' ، مەن ئۆزۈم '' ،'' ئۇلترا مەن '' مۇتاناسىپ بولىدىكەن. '' ئەسلى مەن '' ئاڭسىز تۇرغان چېغىدا تەبىئىي تەقەززا بولۇپ، راھەتلىنىش پرىنسىپى بويىچە ھەرىكەت قىلىدىكەن؛ '' مەن ئۆزۈم'' بولسا رېئاللاشقان '' مەن '' ئىكەن ، يەنى مەدەنىي تەرەققىيات داۋامىدا پەيدا بولغان ئەخلاق - پەزىلەت ، دىن، زوق ۋەھاكازا دېگەندەك ئارزۇـ ئارمانلارنىڭ مۇجەسسىمى ئىكەن.
  شۇ ئۈچ نەرسىنىڭ ئىچىدە تۈپ ئاساسىي نەرسە'' ئەسلى مەن '' نى ۋەكىل قىلغان ئاڭسىزلىق ئىكەن. مەيلى '' مەن ئۆزۈم '' ياكى '' غەيرىي مەن '' بولسۇن، بۇلار ئەنە شۇ '' ئەسلى مەن '' دىن شاخلىنىپ چىقىدىكەن. ئاڭنىڭ بۇ ئەڭ چوڭقۇر قاتلىمىنىڭ پەيدا بولۇش جەريانى كېيىن توپلانغان تەجرىبىلەر ۋە شۇ تەجرىبىلەرنىڭ ئەقىلىي تەركىبى ئەمەس، بەلكى '' مەن ئۆزۈم '' نىڭ ئۆتمۈش تۇرمۇشىدىن قالغان سانسىز ئىزـ دېرەكلەردىن ئىبارەت بولۇپ، خىلمۇ خىل مۇھىم تارىخىي ئامىللار بىلەن بىئولوگىيىلىك ئامىللارنىڭ قوشۇلۇشىدىن پەيدا بولغان ھاسىلات ئىكەن. شۇ جۈملىدىن ئۇنىڭ ئاساسىي مەنبەسى بالىلىق دەۋرىدىكى دەردلىك كەچۈرمىشلەر ۋە مۇھىت، بوغۇلۇپ قالغان ئارزۇ - ئارمانلار ئىكەن. '' مىزاج '' بارلىق ئارمانلار ئىچىدە مەركەز ۋە ھۆكۈمران ئورۇندا تۇرىدىكەن. لېكىن تەبىئىي، تۇغما ئارزۇ - ئارمان '' مەن ئۆزۈم '' ۋە '' ئۇلترا مەن '' تەرىپىدىن بەنت قىلىنىپ قالىدىكەن، ئۇنى پەقەت چۈشىمىزدىلا پەرقلەندۈرەلەيدىكەنمىز.
  1911- يىلى، بىر ساقچىنىڭ رەپىقىسى غەلىتە بىر چۈش كۆرۈپتۇ. چۈشىدە قارىسا، ئۇنىڭ بىر ئادەم باستۇرۇپ كىرىپتۇ. شۇنىڭ بىلەن ئۇ ساقچىلارغا تېلېفون بىلەن مەلۇم قىپتۇ. ئۇزۇن ئۆتمەيلا بىر ساقچى كەپتۇ، ئۇ ساقچى بىر نەچچە پەلەمپەينى بېسىپ ئۆتۈپ بىر ئىبادەتخانىغا كىرىپتۇ. ئىبدەتخانىنىڭ ئارقىسى كىچىكرەك تاغ ئىكەن، تاغنىڭ ئۈستى بۈك ئورمانلىق ئىكەن. بۇ بومبا ساقال ساقچىنىڭ يېنىدا ئالدىغا پەشتاما تارتىۋالغان ئىككى دەربەدەر تۇرۇپتۇ.
  فروئىد >> چۈشنىڭ تەبىرى << ناملىق مەشھۇر ئەسىرىدە چۈشنىڭ تۆۋەنكى ماھىيىتىنى ئەنە شۇ مىسالنى ئۈلگە قىلىپ تۇرۇپ ئىكەن، پەلەمپەي بولسا جىمائ قىلىش ھەرىكىتىنىڭ سىمۋولى ئىكەن، كىچىك تاغ بولسا ۋىناسنىڭ قەبرىسى ئىكەن، تاغ ئۈستىدىكى ئورمان بولسا ئەۋرەت تۈكى ئىكەن، بۇ چۈش ھېلىقى ساقچى رەپىقىسىنىڭ ئېرىنىڭ ئۇزاققىچە ئۆيگە قايتىپ كەلمىگەنلىكى ئۈچۈن قاتتىق جىنسدىي ئارزۇدا بولغانلىقىنى، شۇنداق ئارزۇنىڭ كۈندۈزدە تۆۋەنكى ئاڭ قاتلىمىدا بېسىلىپ قېلىپ، كېچىدە چۈش شەكلى بىلەن ئايان بولغانلىقىنى ئەكس ئەتتۈرگەنىكەن.
  چۈش، ئاڭسىزلىق ۋە بېشارەت
  فروئىد چۈش شەكلىدە نامايان بولغان بېشارەت ھادىسىلىرىنى تەپسىلىي شەرھلەپ، شۇنداق بېشارەتلەرنى ئەمەلىيەتتە ئاڭسىز ھالەتتە بېسىلىپ قالغان خىيالنىڭ ئىپادىسى دەپ قارىغان. بۇ يەردە ئۇنىڭ ئامېرىكا ۋسكونسىن شتاتىدا ئولتۇرۇشلۇق بىر يىگىتنىڭ بېشىدىن ئۆتكەن بېشارەت ھادىسىسى ئۈستىدىن قىلغان تەھلىلىنى كۆرۈپ باقايلى. ئۇ يىگىت فروئىدقا مۇنداق بىر پارچە خەت يازغان.
  ھۆرمەتىلىك فروئىد ئەپەندىم:
  بۇنىڭدىن ئۈچ يىل ئىلگىرى بولۇپ ئۆتكەن بىر ئىشنى بېزىش خىيالىمغا كىرىۋالدى، ئۇ تامامەن ئۆز شەخسىمگە ئائىت، تولىمۇ ئادەتتىكى بىر ئىش ئىدى. لېكىن يېزىشقا قولۇم بارمىدى. قايتا - قايتا ئويلانغاندىن كېيىن، ئاخىر، يېزىشقا بەل باغلىدىم. مۇتەجەسسىسلىكىڭىز جەھەتتىن مۇھاكىمە قىلىپ بەرسىڭىز ئىكەن، ئۇ ئىشنى '' بېزەپ '' يازمايمەن، چىنلىقنىمۇ كەم سۇندۇرمايمەن، ئەپۇ قىلارسىز.
  بۇنىڭدىن ئۈچ ئىلگىرى رودىل ئارىلىدا ئولتۇرۇشلۇق ئىدىم. تاتلىققىنە، ئۇماق بىر خوتۇن ئالدىم. قىش كىرگەندە ئۇ بىر نەچچە چوكان، جۇۋانلار بىلەن بىللە ماشىنا بىلەن فلورىداغا بارماقچى بولدى، مەن ئۇنى بېرىشقا قىزىقتۇردۈم. ئۇ يولغا چىقىپ كەتكەندىن كېيىن، خوتۇنۇمنىڭ ھېلىقى بىللە كەتكەن دوستلىرىنىڭ بىرسىنىڭ ئېرى ماڭا، شەنبە كۈنىنى بىللە ئۆتكۈزەيلى دەپ تېلېفون بەردى.
  بىز نيۇـ يورك شەھىرىگە باردۇق. شەنبە كۈنى ئاخشىمى ناھايىتى كۆڭۈللۈك تاماشا قىلدۇق، خېلى كۆپ ئىچتۇق، لېكىن سالاپىتىمىزنى بۇزمىدۇق. يەكشەنبە كۈنى كەچقۇرۇندا تاپتو مېھمان سارىيىنىڭ مەيخانىسىدا ئولتۇراتتۇق، ناھايىتى زىب ئىككى قىز كېلىپ قالدى، ئۇلار بىلەن تونۇشتۇق، ئۇلارنىڭ بىرسىگە كۆڭلۈم چۈشۈپ قالدى. كىچىك كۇلۇپقا كىرىپ مەي ئىچتۇق، تانسا ئوينىدۇق. ئۇلار برىچبوتتىن كەلگەنىكەن. يەكشەنبە كۈنى كەچقۇرۇندا پويىز بىلەن ئۇزىتىپ قويدۇق. بىز ئەركەكلەر دۈشەنبە كۈن سەھەردە ماشىنىلىرىمىزنى ھەيدەپ رودىل ئارىلىغا قايتتۇق. قايتىپ كەلگەندىن كېيىن، برىچبوتتا ئولتۇرۇشلۇق فىرىس ) بۇ ئۇنىڭ ئەسلى ئىسمى ئەمەس ئىكەن ( قىزغا تېلېفون بەردىم. ئۇ تېلېفوننى ئېلىپ ناھايىتى خۇشال بوپتۇ. كېيىن بىرنەچچە كۈنگىچە ئۇنى ناھايىتى سېغىندىم. ئارىدىن بىر نەچچە كۈن ئۆتمەيلا خوتۇنۇم فلورىدادىن قايتىپ كەلدى. ھەممە ئىش ئىلگىرىكىدەك نورمال ھالەتكە كەلدى. شۇ چاغلاردا بىر ماي پونكىتى ئاچقانىدىم، فىرىس قىزغا قىزغا ئۆز ئىسىمـ فامىلەمنى ئېدىل تاڭ دەپ بەرگەنىدىم، ئۇ مېنىڭ ئەسلى ئىسمىم ئەمەس.
  شۇنىڭدىن كېيىن ئۇزۇن ۋاقىت ئۆتمەي، بىربويتاق بۇرادىرىم ھەم كونا چۆپقىتىم بىل جۈمە كۈنى كەچتە پونكىتقا كېلىپ نيۇـ يوركتا بىر مودېل بىلەن پۈتۈشۇپ قويغانىكەن. ئۇلار ھازىر توي قىلىشىۋالدى. شۇنىڭ بىلەن, فرىسقا شەنبە كۈنى نيۇـ يوركقا بارىمەن دەپ تېلېفون بەردىم، ئومۇ مەن بىلەن كۆرۈشۈشكە ماقۇل بولدى.ئۆمۈمگە تېلېفون بېرىپ، خوتۇنۇمغا شەنبە كۈننى نيۇـ يوركتا ئۆتكۈزمەكچى بولۇپ قالدىم دەپ ئۇقتۇردۇم. بۇنىڭ ئۇنىڭغا ھېچبىر يامىنى يوق ئىدى. بىل بىلەن بىللە نيۇـ يوركقا باردۇق، شەنبە كۈنى كەچقۇرۇندا فىئىن ۋوگزالىدا فرىس بىلەن كۆرۈشتۈم. بىز تۆت كىشى شۇ ئاخشامدا قانغۇدەك ئىچتۇق، خۇمادىن چىققۇدەك تانسىمۇ ئوينىدۇق. مەن فرىسنىڭ ئۆيدە قونۇپ قالدىم. يەكشەنبە كۈنى سەھەر ئويغىنىپ قارىسام، مەسلىكىم تېخىچە كەتمەپتۇ.
  - سەھەرلىكىڭىز خەيرلىك بولسۇن، ئېدىل،ـ دېدى ئۇ، - ئاجايىپ غەلىتە بىر چۈش كۆرۈپتىمەن، چۈشۈمدە رودىل ئارىلىدىكى سىزنىڭ ئۆيىڭىزدە تۇرۇپتىمەن. سىز ئۆتلەنگەنىكەنسىز، ئۆيىڭىز سۇ بويىدا ئىكەن، دەرۋازىڭىزنىڭ ئالدىدا سېمونت تام بار ئىكەن، لىماندا بىر نەچچە كېمە باغلاقلىق تۇرۇپتۇ. ئۈچ بالىڭىز بار ئىكەن. چوڭ قىزىڭىز: '' سىز دادام بىلەن قېچىپ چىقىپ ئوينايدىكەنسىز!'' دەپ ۋارقىراپ ئارقامغا كىرىۋالدى. خوتۇنىڭىزنىڭ بويـ تۇرقى ناھايىتى كېلىشكەنىكەن، قوندۇزدەك چاچلىرىنى ئارقىسىغا تارىۋاپتۇ، بۈدرسى بوينىغىچە چۈشكەن. ئۆزى ناھايىتى ياش ئىكەن، بىر ئوتتۇرا چىشى قارىداپ قاپتۇ.
  فرىسنىڭ بالىلار توغرىسىدىكى گەپلىرى جايىدىن چىقمىدى. راست، مېنىڭ ئۆيۈم سۇ بويىدا، ئۇ يەردە بىر سېمونت لىمان بار، ئۇنىڭغا كېمە باغلاقلىق. خوتۇنۇم مەندىن ئون ياش كىچىك، چاچلىرى تۇم قارا، گىدىسى قۇلىقىنىڭ ئارقىسىغىچە چۈشكەن. ئۇنىڭ بىر ئوتتۇرا چىشى نېرۋىسى ئۆلگەنلىكى ئۈچۈن قارىداپ قالغان.
  مەن بۇنى ئاڭلاپ. نېمە دېيىشىمنى بىلەلمەي قالدىم. بىر نەچچە مىنۇت ئۆتكەندنى كېيىن، ئۇ:
  - ئېدىل، نېمە بولدىڭىز؟ـ دەپ سورىدى.
  مەن ھەقىيقەتەن بىر نەرسە دەپ جاۋاب بېرەلمىدىم.
  شۇ كۈنى يىل بىلەن بىللە رودىل ئارىلىغا قايتتۇق. فرىس ئوتتۇرا يولدا ماشىنىدىن چۈشۈپ قالىدىغان چاغدا بىزمۇ توختاپ بىللە تاماق يېدۇق. مەن ئۇنىڭغا ھېلىقى غەلىتە چۈشىڭىزنى بىلغا سۆزلەپ بېرىڭ دېدىم. ئۇ بىرەر ئېغىز سۆزنىمۇ قالدۇرماي يەنە بىر قېتىم سۆزلەپ بەردى. بىلنىڭ كۆزلىرى ئالاق - جالاق بولۇپ كەتتى، چۈنكى ئۇ مېنىڭ خوتۇنۇمنى ناھايىتى ئوبدان چۈشىنەتتى.
  ئۇ قىز مېنىڭ ئەسلى ئىسمىمنى بىلمەيتت، ئىلگىرى رودىل ئارىلى توغرىسىدا گەپ بولغان بولسىمۇ، لېكىن ئۇ ئۇ يەردىكى ئادەملەردىن ھېچكىمنى تونۇمايتتى. بۇ راست.
  1939- يىلى يازدا فرىسنى بىر قانچە قېتىم كۆردۈم. كاپكوتتا بىر شەنبە كۈنى بىللە بولدۇق، نېۋخانېوشىردىمۇ بىرشەنبە كۈنى بىللە تاماشا قىلدۇق، برىچبوتتا بىر قانچە قېتىم ئۇچراشتۇق. ئۇنىڭغا ناھايىتى ئامراق بولۇپ قالدىم. لېكىن مۇناسىۋىتىمىز تەرەققىي قىلىپ بىرەر چوڭ ئىش يۈز بەرمەستە ئالاقىنى ئۈزۈش قارارىغا كەلدىم. ئاخىرقى قېتىم كۆرۈشكىنىمىزدە ئۇنىڭغا ئۆيلەنگەنلىكىمنى سۆزلەپ بەردىم ) ئۇ بۇنى بىلىدۇ دەپ گۇمان قىلىپ يۈرەتتىم (. ئۇ ھاڭـ تاڭ بولۇپ قالدى. ئۆزىنى تۇتۇۋالغاندىن كېيىن، ھېلىقى چۈشنى ئېسىگە سالدىم، يېشىپ بېرەلمىدى، لېكىن، شۇ چۈشۈم راست ئىدى، دېدى، مەنمۇ شۇنداق قارايدىغانلىقىمنى ئېيتتىم.
  ئېدىل ئەپەندىنىڭ بېشىدىن ئۆتكەنلىرى توغرىسىدا فروئىد مۇنداق تەھلىل قىلغان: فرىس قىزنىڭ غەلىتە چۈشى ئەمەلىيەتتە ئۇنىڭ ئاڭسىز روھىي پائالىيىتىنىڭ نەتىجىسى. فرىس قىزنىڭ ئەمەلىيەتتە ئېدىل ئەپەندىنىڭ يېشىغا، سالاپىتىگە قاراپ ئۇنىڭ ئۆيلەنگەن ئادەم ئىكەنلىكىگە ھۆكۈم قىلىشى ئاسان ئىدى. لېكىن فرىس قىز ئىدىل ئەپەندى بىلەن بىللە بولۇشقا ھەقىقەتەن خۇشتار بولۇپ قالغاچقا، ئۇنىڭ ئۆيلەنگەن مېھمان ئىكەنلىكىنى ئېتىراپ قىلىشقا كۆڭلى ئۇنىمىغان، ئۇنى ئۆيلەنمىگەن دەپ قاراشقا كۆڭلى تېخىمۇ بەكرەك تارتقان، فرىس ئىدىل ئەپەندى ئۆيلەنگەن ئادەم ئىكەن دېگەن خىيالنى ئاڭسىزلىق قاتلىمىغا باستۇرۇپ قويغان. كېچىدە ئاڭنىڭ ئېھتىياجى بوشىشىپ كەتكەندە، ئاڭسىزلىق ئىچىدە تۇرغان مەزمۇنلار ئۆرلەپ، مېڭىگە لەيلەپ چىقىپ، چۈشكەن ئايلانغان. دېمەك، فرىس قىزنىڭ چۈشى ئاساسسىز ئەمەس. ئەكسىچە، ئېتىراپ قىلغۇسى كەلمىگەن، ئاڭسىزلىق ئىچىدە بېسىلىپ قالغان مەزمۇنلارنىڭ پائالىيىتىنىڭ نەتىجىسىدۇر.
  فروئىد يەنىمۇ چوڭقۇرلاپ، مۇنداق قاراشتا بولغان: بالاـ قازا ياكى بەختـ تەلەي دېگەنگە ئوخشاش بېشارەتلەرنىڭ تولىسى ئەمەلىيەتتە شۇنداق سەۋەبلەر بىلەن ئايان بولىدۇكى، بېشارەتتە نامايان بولغان ئىشلارنىڭ ئەمەلىيەتتە ) رېئالدا ( مۇئەييەن ئىزناسى يوق ئەمەس، ئاڭ قاتلىمى شۇ ئىزلارنى چوڭقۇر تەھلىل قىلىشنى ھەتتا شۇ مەزمۇنلارغا قول تىقىشنى تۈرلۈك ئامىللارنىڭ تەسىر قىلىپ تۇرغانلىقى ئۈچۈن خالىمايدۇ.لېكىن ئۇلارنى ئاڭسىزلىق قاتلىمىدا ئىشلەپ تەييارلاريدۇ ۋە مۇئەييەن بىر پۇرسەت تاپقاندا چۈش كۆرۈش، خىيالىغا كەلتۈرۈش يوللىرى بىلەن ئەكس ئەتتۈرىدۇ. بېشارەتنىڭ ئاساسى ئەنە شۇ.