بۈگۈنكى ماقال-تەمسىللەر (10-20)

دانا قەدرىنى نادان بىلمەس،
ئاغرىق قەدرىنى ساق (بىلمەس).

سېلىپ يېگەن بىرنى يەپتۇ،
تۈگۈرۈپ يېگەن ئوننى (يەپتۇ).

ئادەم بولمىساڭ ئەقلىڭ بىلەن،
ھايۋان بولىسەن ساقىلىڭ (بىلەن).

ئەقىللىقنىڭ ئېپى بار،
ئاڭلىغۇدەك گېپى (بار).

ھوشيار بولساڭ ئاپەت كۆرمەيسەن.

قاپاقتەك كاللىدا ھوشۇقچىلىك مېڭە بار.

ئەقلى يوق باشتىن، سۈيى يوق قاپاق ياخشى.

ئەقىللىققا گەپ قىلسام ئويلاپ كۈلىدۇ،
ئەقىلسىزگە گەپ قىلسام ئاڭلاپ (كۈلىدۇ).

كاللا دېسە پاقالچەك دەيدۇ.
پۇشۇرۇپ بېرەي دېسە، خام يەيمەن (دەيدۇ).

ھالۋىنى تاشلاپ، تالقان يەپتۇ.

ئەقىلسىزنىڭ پەمى يوق،
ئۆتۈكىنىڭ چەمى (يوق).

ئەلنىڭ جېنى چىقسا، گالۋاڭنىڭ كۈلگىسى كېلەر.

ئەقىل ياشتا ئەمەس، باشتا.

ئاچچىق ئالدىدا يۈرۈيدۇ،
ئەقىل كەينىدە (يۈرۈيدۇ).

تۆگىدەك بويۇڭ بولغۇچە، تۈگمىدەك ئەقلىڭ بولسىچۇ.

ھەييارنىڭ كۈچى ئاز، ھىيلىسى كۆپ.

بىلىم بولسا سۆزدىن ئازماس.

مېۋىلىك دەرەخنىڭ بويى تۆۋەن.

تازنىڭ ئەقلى چۈشتىن كېيىن كېلەر.

تەلەپ قىل،
سەۋەب قىل.

ئادەمنىڭ ئالدى گۈل، كەينى تىكەن.