ئامېرىكا پرېزىدېنتى باراك ئوباما، دۇنيانىڭ چوڭ ئىقتىسادىي كۈچلىرىنى، كىلىمات ئۆزگىرىشى يىغىنىغا دەۋەت قىلدى
[attachment=2064]
تۈركىيە ئاۋازى رادىئوسى خەۋىرى: ئامېرىكا پرېزىدېنتى باراك ئوباما، دۇنيانىڭ چوڭ ئىقتىسادىي كۈچلىرىنى، كىلىمات ئۆزگىرىشى يىغىنىغا دەۋەت قىلدى.
كېلەر ئاينىڭ ئاخىرلىرى ۋاشىنگىتوندا ئۆتكۈزۈلمەكچى بولغان «ئېنېرگىيە ۋە كىلىمات ھەققىدە چوڭ ئىقتىسادىي كۈچلەر مۇنبىرى» يىغىنىنىڭ مەقسىدى، يەر شارىنىڭ ئىسسىپ كېتىشىگە مۇناسىۋەتلىك بىرلەشكەن دۆلەتلەر تەشكىلاتىنىڭ كېلىشىم ھاسىل قىلىشىغا ھەسسە قوشۇشتىن ئىبارەت ئىكەن.
چوڭ ئىقتىسادى كۈچلەردىن 16 سى قاتنىشىدىغان ”تەييارلىق يېغىنى“دا سېرا گېزىنىڭ تەسىرىنى تۆۋەنلىتىش مۇزاكىرە قىلىنىدىكەن.
يېغىنغا ئاۋسترالىيە، برازىلىيە، ئەنگلىيە، كانادا، جۇڭگو، ياۋرۇپا بىرلىكى، فرانسىيە گېرمانىيە، ھىندىستان، ھىندونېزىيە، ئىتالىيە، ياپونىيە، جەنۇبى كورىيە، مېكسىكا، جەنۇبىي ئافرىقا، ۋە ئامېرىكا قوشما شتاتلىرى قاتنىشىدىكەن.
ئىككىنچى قېتىملىق يېغىننىڭ ئىيۇل ئېيىدا ئىتالىيىدە ئۆتكۈزۈلۈشى پىلانلانماقتا.
يىل ئاخىرىدا يەنە، كيودو كېلىشىمنامىسىنىڭ ئورنىنى ئالالايدىغان بىر ئەھدىنامىنى ئىمزالاش مۇناسىۋىتى بىلەن بىرلەشكەن دۆلەتلەر تەشكىلاتى دانىيەدە يىغىن ئۇيۇشتۇرماقچى.
