يامۇلنىڭ بېگى ئوردىدا يۈگۈر - يېتىم ئىشلارنى قىلىپ يۈرگەن ئەپەندىمنى چاقىرتىپ:
- ئەپەندىم، مېنى يۇرتتىكى نۇرغۇن كىشىلەر بىلگەن بىلەن، يەنە بىر قىسىم كىشىلەر تازا بىلىپ كەتمەيدۇ، شۇڭا سىز مېنىڭ چوڭايتىلغان سۈرىتىمنى ئادەملەر كۈندە كىرىپ تۇرىدىغان مۇھىم سورۇنلارغا چاپلىۋەتكەن بولسىڭىز، - دەپتۇ.
ئەپەندىم بولىدۇ، دەپتۇ ۋە يامۇل بېگىنىڭ چوڭايتىلغان ئىككى پارچە سۈرىتىنى، ئادەملەر ئەڭ كۆپ كىرىدىغان چوڭ بىر ھاجەتخاننىڭ ئىچى ۋە سىرتىغا چاپلاپ قويۇپتۇ. بىر كۈنى يامۇل بېگى تەرەت قىستاپ كېتىپ، ھاجەتخانىغا كىرىپ قارىغۇدەك بولسا، ئۆزىنىڭ سۈرىتى تامغا چاپلاقلىق تۇرغۇدەك. بۇنى كۆرگەن بەگ ھاجەتخانىدىن چىقىققپتۇ - دە، كىشىلەر بىلەن پاراڭلىشىپ تۇرغان ئەپەندىمنىڭ يېنىغا بېرىپ:
- ئەپەندىم، سۈرىتىمنى چاپلاپ قوي دېسەم، شۇنداق جايغىمۇ چاپلىغان بارمۇ؟ - دەپ ناھايىتى قاتتىق خاپا بوپتۇ.
- خاپا بولمىسىلا بېگىم، - دەپتۇ ئەپەندىم يامۇل بېگىنى مازاق قىلىپ، - ئۆزلىرىنىڭ تەلەپلىرى بويىچە، ئادەملەر ئەڭ كۆپ كىرىدىغان جايغا چاپلىدىم، شۇ.
ئەپەندىمنىڭ گېپىنى ئاڭلاپ ئەتراپتىكىلەر كۈلۈشۈپ كېتىپتۇ.
- ئەپەندىم، مېنى يۇرتتىكى نۇرغۇن كىشىلەر بىلگەن بىلەن، يەنە بىر قىسىم كىشىلەر تازا بىلىپ كەتمەيدۇ، شۇڭا سىز مېنىڭ چوڭايتىلغان سۈرىتىمنى ئادەملەر كۈندە كىرىپ تۇرىدىغان مۇھىم سورۇنلارغا چاپلىۋەتكەن بولسىڭىز، - دەپتۇ.
ئەپەندىم بولىدۇ، دەپتۇ ۋە يامۇل بېگىنىڭ چوڭايتىلغان ئىككى پارچە سۈرىتىنى، ئادەملەر ئەڭ كۆپ كىرىدىغان چوڭ بىر ھاجەتخاننىڭ ئىچى ۋە سىرتىغا چاپلاپ قويۇپتۇ. بىر كۈنى يامۇل بېگى تەرەت قىستاپ كېتىپ، ھاجەتخانىغا كىرىپ قارىغۇدەك بولسا، ئۆزىنىڭ سۈرىتى تامغا چاپلاقلىق تۇرغۇدەك. بۇنى كۆرگەن بەگ ھاجەتخانىدىن چىقىققپتۇ - دە، كىشىلەر بىلەن پاراڭلىشىپ تۇرغان ئەپەندىمنىڭ يېنىغا بېرىپ:
- ئەپەندىم، سۈرىتىمنى چاپلاپ قوي دېسەم، شۇنداق جايغىمۇ چاپلىغان بارمۇ؟ - دەپ ناھايىتى قاتتىق خاپا بوپتۇ.
- خاپا بولمىسىلا بېگىم، - دەپتۇ ئەپەندىم يامۇل بېگىنى مازاق قىلىپ، - ئۆزلىرىنىڭ تەلەپلىرى بويىچە، ئادەملەر ئەڭ كۆپ كىرىدىغان جايغا چاپلىدىم، شۇ.
ئەپەندىمنىڭ گېپىنى ئاڭلاپ ئەتراپتىكىلەر كۈلۈشۈپ كېتىپتۇ.
