بەختلىك نىكاھ ئۆمۈرنى ئۇزارتىدۇ

گۈلمىرە

	يېقىندا كورېيىدە بىر تۈرلۈك تەكشۈرۈش ۋە تەھلىلدىن بايقىلىشىچە، ئاجراشقان ئەرلەرنىڭ ئوتتۇرىچە ئۆمرى ئاجراشمىغانلارنىڭكىدىن تەخمىنەن 10.2 يىل قىسقا بولىدىكەن. ئاياللارنىڭ بولسا تەخمىنەن 7.8 يىل قىسقىرايدىكەن. بۇنىڭدىن نىكاھنىڭ ئۆمۈرگە مەلۇم تەسىر كۆرسىتىدىغانلىقىنى كۆرۈۋالالايمىز. شۇڭا، توي قىلغان ھەر بىر ئەر-خوتۇن ياكى توي قىلىش ئالدىدا تۇرۇۋاتقان ياش قىز-يىگىتلەر نىكاھنى قەدىرلەپ، گۈزەل ئەرئاياللىق ھېسسىياتنى ساقلىشى كېرەكتۇر. كورېيە ئۇنىۋېرسىتېتى ئىجتىمائىي پاراۋانلىق فاكۇلتېتىنىڭ پروفېسسورى چيەن چىڭچۇ يېقىندا 1995-يىلىدىكى كورېيە نۇپۇسىنى ئومۇميۈزلۈك تەكشۈرۈش سانىنى ئاساس قىلىپ، ئوخشىمىغان نىكاھتىكىلەرنىڭ ئوتتۇرىچە ئۆمرىنى تەكشۈرۈش، تەھلىل قىلىش ئارقىلىق جورىسى بارلارنىڭ ئۆمرىنىڭ ئاجراشقانلار، توي قىلمىغانلار، جورىسى ئالەمدىن ئۆتكەنلەرنىڭ ئۆمرىدىن ئوشۇق بولىدىغانلىقىنى بايقىغان. بۇ گۈزەل ئەر-خوتۇنلۇق ھېسسىياتنىڭ ئۆمۈرنى ئۇزارتىشنىڭ مۇھىم ئامىللىرىنىڭ بىرى ئىكەنلىكىنى ئىسپاتلىغان. ئەرلەر ئىچىدىكى جورىسى بارلارنىڭ ئوتتۇرىچە ئۆمرى 74.8 ياش بولۇپ، ئاجراشقانلار 64.6 ياش بىلەن سېلىشتۇرغاندا 10.2 ياش ئۇزۇن ئىكەنلىكىنى، توي قىلمىغانلار (65.2 ) ۋە جورىسى ئالەمدىن ئۆتكەنلەر (58 ياش ) بىلەن سېلىشتۇرغاندا، ئايرىم-ئايرىم ھالدا 9.6 يىل ۋە 16.8 يىل ئۇزۇن ئىكەنلىكىنى كۆرسەتكەن. ئاياللار ئىچىدە جورىسى بارلارنىڭ ئوتتۇرىچە ئۆمرى 78.8 ياش بولۇپ، ئاجراشقانلار (71 ياش ) بىلەن سېلىشتۇرغاندا، 7.8 يىل ئۇزۇن ئۆمۈر كۆرىدىكەن. توي قىلمىغان (69.3 ياش ) ۋە جورىسى ئالەمدىن ئۆتكەنلەر (54.1 ياش ) بىلەن سېلىشتۇرغاندا، ئايرىم—ئايرىم ھالدا 9.5 يىل ئۇزۇن ئۆمۈر كۆرىدىكەن. مەنبە http://www.qutyar.com/ud/thread-3040-1-1.html

阿卜杜克尤木

admin

	来自: Android客户端