بۇرۇن ياللۇغىنىڭ ئۈنۈملۈك ئاددىي رىتسىپلىرى

admin

	بۇرۇن ياللۇغى بۇ چاڭ توزان، سوغۇق ھاۋا، رېئاكسىيە پەيدا قىلغۇچى ماددىلار قاتارلىقلارنىڭ بۇرۇنغا تەسىر قىلىشى نەتىجىسىدە بۇرۇننىڭ جاراسىملاردىن يۇقۇملىنىشىنى كۆرسىتىدۇ. ئۆردەك يېغى بىلەن بۇرۇن ئىچىنى ياغلىسا، بۇرۇن ياللۇغى ۋە بۇرۇن جاراھىتىگە پايدا قىلىدۇ. توخۇ يېغى، ئۆردەك يېغىنى كالا يىلىكى بىلەن ئارىلاشتۇرۇپ، بۇرۇن ئىچىنى ياغلىسا، بۇرۇن ياللۇغى، بۇرۇن جاراھىتىگە پايدا قىلىدۇ. ئەگەر سول بۇرنىڭىز پۈتۈپ قالسا، ئوڭ تەرىپىڭىزنى بېسىپ يېتىپ، ئوڭ قۇلىڭىز بىلەن ئوڭ ئارقا بۇينىڭىزنى تۇتۇپ، ئالىقىنىڭىزنى قۇلاق يۇمشىقىغا يېقىن قىلىپ، بېشىڭىزنى تىرەپ، يۈزىڭىزنى ئوڭ تەرەپكە قىلىپ، جەينەك بۇغۇمىڭىزنى ئوڭدىن يۇقىرىغا سۇرۇپ ‹قانچە يىراققا سۇرسىڭىز شۇنچە ياخشى›، بۇھەرىكەتنى يېرىم مىنۇت ئەتراپىدا داۋاملاشتۇرسىڭىز بۇرنىڭىز ئېچىلىپ كېتىدۇ. بۇغداي كېپىكىدىن مۇۋاپىق ئېلىپ، مەلۇم مىقداردىكى ئاچچىقسۇ بىلەن قاينىتىپ مەلھەم تەييارلاپ، يەرلىك ئورۇنغا چاچسا بۇرۇن ياللۇغىغا شىپا بولىدۇ. سېرىقچېچەك ئۇرۇقى ياكى مايسىنىڭ قاينىتىلغان سۈيىنى ئىستېمال قىلسا، بۇرۇن كېسەللىكىگە شىپا بولىدۇ. سىياداننى قاينىتىپ ھۇرىدا بۇرۇن ئىچىنى ھۇردىسا ياكى ئۆمۇچۈكنى تۇتۇپ ئۇنى چوغ ئۈستىگە تاشلاپ ئۇنىڭ ئىسى بىلەن بۇرۇن ئىچىنى ئىسلىسا، بۇرۇن ياللۇغىغا مەنپەئەت قىلىدۇ.