كۈلكە—بايلىق(2)

بولكا

	سودا سۆھبىتىدىمۇ كۈلۈمسىرەش كەم بولسا بولمايدۇ. ناپالىئون شىير ئامېرىكىنىڭ مەشھۇر پىسىخولوگى . ئىككى مال ساتقۇچى ئىلگىرى –كېيىن بولۇپ ئۇنىڭغا ژۇرنال ساتقان. بىرىنچى مال ساتقۇچى ئۇنىڭ ئىشخانىسىغا بېرىپ، << شەنبىلىك كەچلىك گېزىتلەر >> ژۇرنىلىنى ساتماقچى بولغان . مال ساتقۇچىنىڭ چېھرىدە ھىچقانداق چىراي ئىپادىسى بولمىغاچقا، شېير ئۇنىڭ ژۇرنىلىنى سېتىۋېلىشنى سىيلىققىنە رەت قىلغان. يەنە بىر مال ساتقۇچى بىر نەچچە ھەپتىدىن كېيىن شىيرغا 6 خىل ژۇرنال ساتقان. بۇنىڭ ئىچىدە << شەنبىلىك كەچلىك گېزىتلەر>> ژۇرنىلىمۇ بار ئىدى. ئۇ شېيرنىڭ ئىشخانىسىغا كىرگەندىن كېيىن ،ئالدى بىلەن ژۇرنال سېتىش ئىشىنى تىلغا ئالماي ، كۈلۈمسىرەپ تۇرۇپ، بىر قانچە مەسىلە توغرىسىدا ئۇنىڭدىن مەسلىھەت سورىغان. ئاخىرىدا ئاندىن ژۇرنال سېتىش ئىشىنى تىلغا ئالغان. شىير 6 خىل ژۇرنالنىڭ ھەممىسىگە مۇشتەرى بولغان. مانا بۇنىڭدىنكۈلكە ئېلىپ كېلىدىغان بايلىقنى كۆرىۋېلىشقا بولىدۇ.  ھىلتون ئۆزىنىڭ كۈلۈمسىرىشىگە تايىنىپ دۇنيادىكى مېھمانخانا كەسپىي پادىشاھى بولۇپ قالغان. ھىلتون باشقىلارنى ئۆزى كۈلۈمسىرەپ كۈتۈۋېلىپلا قالماستىن ، بەلكى قول ئاستىدىكى خىزمەتچىلىرىگىمۇ خېرىدارلارغا كۈلۈمسىرەپ مۇلازىمەت قىلىش تەلىپىنى قويغان. ئامېرىكا ئىقتىسادىدا چوڭ داۋالغۇش بولغان مەزگىلدە ، زاۋۇت، كارخانا ، بانكا، مېھمانخانىلار ئارقا- ئارقىدىن تاقىلىپ قالغان ۋاقىتتا ، ھىلتون مېھمانخانىسى كۈلۈمسىرەپ مۇلازىمەت قىلىشنى تەشەببۇس قىلغانلىقتىن سودىسى يەنىلا جانلانغان.   ئائىلە تۇرمۇشىدىمۇ كۈلۈمسىرەش كەم بولسا بولمايدۇ. ئەر-خوتۇن ئارىسىدا ئۆز ئارا كۈلۈمسىرەش ئارقىلىق قارشى تەرەپكە بولغان ھوزۇرلىنىش ، غەمخورلۇق ھېسسىياتىنى ئىپادىلەش ئارقىلىق، ئەر-خوتۇنلۇق تۇرمۇشىدىكى بەخت تۇيغۇسىنى ھېس قىلدۇرغىلى ۋە تېخىمۇ ئىلگىرى سۈرگىلى بولىدۇ. ئەكسىچە ، ئەر-خوتۇن ئوتتۇرسىدا كۈلۈمسىرەش كەنچىل بولسا ، دائىم بىر- بىرىنى ئەيىپلەپ ، بىر- بىرىدىن رەنجىپ، جىدەللىشىپ يۈرسە، ئۇنداقتا بۇ خىل نىكاھنى ساقلاپ قېلىش ناھايىتى تەس بولىدۇ. تولىستوينىڭ نىكاھ ئىشى بۇنىڭغا مىسال بولالايدۇ. تولىستوي ئۆز خوتۇنىنى << ساراڭ ئايال>> دەپ ئەيىپلەيتتى. ئائىلىسنى بولسا << ساراڭلار ئائىلىسى>> دەپ ئاتايتتى. ئۇنىڭ خوتۇنىمۇ << كىمنىڭ سەۋەنلىكى>> دېگەن كىتاپنى يېزىپ جاۋاپ قايتۇرغان. ئەڭ ئاخىرىدا نىكاھى بۇزۇلغان. سۇقراتنىڭ نىكاھ ئىشىمۇ شۇنىڭغا ئوخشايدۇ.شۇڭا كۈلۈسىرەش بولمىسا ، بەختلىك ئائىلىدىن سۆز ئېچىش مۈمكىن ئەمەس . دۇنيادا ، قەيەردە كۈلۈمسىرەش بولىدىكەن ، شۇ يەردە ئىناقلىق ، ئىللىقلىق ۋە بەخت بولىدۇ. قەيەردە كۈلۈمسىرەش يوقايدىكەن ، شۇ يەردە تەشۋىشلىك، ئۆچمەنلىك ، دۈشمەنلىك بىلەن قاراش ۋە ئارازلىق بولىدۇ. شۇڭا بىز ياشاۋاتقان بۇ دۇنيا ھاياتىي كۈچكە ، جەلىپ قىلىش كۈچىگە ئىگە بولسۇن دەيدىكەنمىز،ھەر بىرىمىزنىڭ چېھرىدە كۈلۈمسىرەش جىلۋىلىنىپ تۇرۇشى كېرەك.(تۈگىدى)

ئۇچقۇن

	哈哈哈哈哈哈哈哈哈哈哈哈哈哈