بۇ يازمىنى ئاخىرىدا ھەۋەسكار تەھرىرلىگەن. ۋاقتى 2015-7-6 14:12
سەھەر سائەت 4 تە، قارا بېسىپ چۆچۈپ ئويغىنىپ كەتتىم، ئادىتىم بويىچە يانفونۇمنى قولۇمغا ئالدىم دە ئۈندىدارنى ئاچتىم. خىزمەتداشلار توپى ئىچىدە يېڭى ئۇچۇر بار ئىكەن، قارىسام تەخمىنەن بىر سائەت ئىلگىرى خىزمەتداشلار ئەتە ئەتىگەن قىلىدىغان ئىشلار توغرىسىدا بىر نېمىلەرنى يوللاپتۇ، بولدىلا، مەن بىلەن مۇناسىۋەتسىزكەن، كۆرمەسكە سالساممۇ بولغىدەك. دوستلار چەمبىرىكىگە يەنە ئىككى ئۈچ ئادەم بىر نېمىلەرنى يوللاپتۇ، بۇ خەقلەر ئۇخلىمامدىغاندۇ؟ ئۈندىدار ئېتىپ داۋاملىق ئۇيقۇغا كەتتىم.
ئەتىگەن سائەت ئالتىدە، يۈز كۆزۈمنى يۇيۇپ بولۇپ يەنە ئۈندىدارنى ئاچتىم، بۇ چاغدا نۇرغۇن ئۈندىدار توپلىرىدا كىچىك قىزىل بەلگىلەر تۇراتتى، دەرھال مۇھىم دەپ بىلگەنلىرىمنى كۆرۈپ بولغاندىن كېيىن، ئاندىن ئاشۇ ئومۇمىي ئۇچۇر يۈزدىن ئېشىپ كەتكەن توپتىكى ئۇچۇرلارغا بىرەر قۇر كۆز يۈگۈرتۈپ، ئاساسى كۆزنەككە قايتىپ چىقتىم، قارىسام كەم دېگەندە ئۈچ تال «بارمۇ ؟» دېگەن ئۇچۇر تۇراتتى، بىر قاراپلا QQ دىكى مۇھىم دوستلار ئىكەنلىكىنى بىلدىم، ھەممىنى بىر تەرەپ قىلىپ بولغاندىن كېيىن بولسا، ئاللىقاچان ئەتىگەنلىك تاماقنى قولدىن بېرىپ قويغانلىقىمنى ھېس قىلدىم.
چۈشتە، ئاخبارات ئېلان قىلىش يىغىنى نەق مەيداندا، iPhone 6 دە تەخمىنەن يەنە % 20 ئەتراپىدا توك قالغانىدى، كۆچمە توكداننى چىقىرىپ توك سىمىنى چاتتىم، يەنە 4 تال ئاممىۋى سۇپا ۋە زاۋۇتتىن كەلگەن ئۇچۇرنى قايتۇرمىدىم. چۈشتىن بۇرۇن ئۇچۇر كۆپ ئەمەس، باشقىلارنى زورلاپ تۇرمىسا گەپ قىلمايدۇ، باشقىلار يەنە مېنى مۇكاپات توپىغا قوشۇپ قويۇپتۇ، ئەمدى مۇكاپات تارقاتمىسا چېكىنىپ چىقىپ كېتىمەن. بىلوگ مەزمۇنىغا قارىسام بالا چولپان تاللاش توغرىلىق خەۋەرلەر مۇھاكىمە قىلىنىۋېتىپتۇ، ئازراق گەپ قوشۇپ قويدۇم، 15 مىنۇت ۋاقتىم كەتتى، بولدى ئەمدى گەپ قىلمايمەن. بىر دوستۇم كېلىپ مۈرەمگە ئۇرۇپ تۇرۇپ، «سەن راستتىنلا يان تېلېفونغا تايىنىش كېسىلىگە گىرىپتار بولۇپ قاپسەن ھە؟ سەن بۇ يەرگە كىرگەندىن بېرى تېلېفوندىن بېشىڭنى كۆتۈرۈپ باقمىدىڭ» دېدى.
كەچتە بىر دوستۇم بىلەن بىللە تاماق يېدىم، بۈگۈن قەتئىي يانفونغا قارىماسلىق قارارىغا كەلدىم-دە، يانفوننى جوزا ئۈستىگە قويماي يانچۇقۇمغا سېلىۋەتتىم. ۋاي، تۇيۇقسىز ئۇچۇر كەلدى، خوجايىن مېنى ئىزدەۋاتامدىغاندۇ-يە؟ دەرھال ئېچىپ قاراپ باقتىم، نەتىجىدە يەنە دوستۇمنىڭ كىنايە سۆزلىرى، ئىش بولسا چوقۇم ھازىر بىر تەرەپ قىلىش كېرەكمىدى، ئازراق ۋاقتىمنى چىقارمىغانغا خىزمەت ۋەزىپىسى ئورۇندىيالماي قالاتتىمۇ؟ گەپ تاپالماي قالدىم، لېكىن ....
يۇقىرىقىلار مېنىڭ بىر كۈنلۈك ئۈندىدار ئىشلىتىش ئەھۋالىمنىڭ قىسقارتىلمىسى، مۇشۇ سەھىپىنى يازغانغا قەدەر، مېنىڭ ئۈندىدارىمدا 815 ئادەم بار، تېخى ھەر كۈنى دېگۈدەك كۆپەيمەكتە. ئىچكى ساقلىغۇچ ۋە پاراڭلىشىش خاتىرىسىنى تازىلاپ تۇرساممۇ يەنىلا 1.5G بوشلۇق ئىگەللىنىپ تۇرىدۇ.
ئۈندىدارنى يېڭى ئىشلەتكەن ۋاقىتنى ئەسلىسەم، ئۇ چاغلاردا توپتا پاراڭلىشىش ئىقتىدارى بۇنچە قولايلىق ئەمەس ئىدى، ئۇچۇرلار دائىم كېچىكىپ كېلەتتى. ئۇ ۋاقىتلاردا ( BBM （BlackBerry Message دىن باشقا كۆچمە سۇپىسىدا پاراڭلاشقىلى بولىدىغان ياخشىراق قورال يوق ئىدى، كېيىن ئۈندىدارنىڭ ئىقتىدارى بارغانسېرى ياخشىلاندى، نۇرغۇن ئادەملەر ئۈندىدارغا يۈزلەندى، ئىلگىرى ئانچە كۆرۈشۈپ بولالمايدىغان دوستلارمۇ ئالاقە قىلىشقا باشلىدى، ئاستا-ئاستا خىزمەتداشلارمۇ ئۈندىدار ئارقىلىق پىكىر ئالماشتۇرىدىغان بولدى، ئېلخەتكە قارىغاندا ئۈندىدارنىڭ ئۈنۈمى خېلىلا يۇقىرى ئىدى.
لېكىن، ھازىر مەن ھەقىقەتەن ئۈندىدار يوق ۋاقىتلارنى ئەسلەيدىغان بولۇپ قالدىم. ئۇ چاغلاردا ھېچقانداق نەرسە سىزگە ئۈندىداردەك چاپلىشىۋالمايىتتى، ئىلگىرى قىسقا ئۇچۇرنى كۆرمەي قاپتىمەن دېيىشكە بولاتتى، ھازىر ئۈندىدارنى كۆرمەي قاپتىمەن دېگەن گەپكە باشقىلارنى ئىشەندۈرمەكچى بولسىڭىز پەقەت، سىگنال يوق ياكى بەك ئالدىراش بولۇپ كېتىپ ئۇچۇر قايتۇرالمىدىم دېيىشكىلا بولىدۇ.
ئۈندىدار يوق چاغلاردا، خىزمەتتە ئېلخەت ئارقىلىق ئالاقىلىشاتتۇق، كىچىك ئىشلاردا QQ، مۇھىم ئىشلاردا تېلېفون بېرىپ ئالاقىلىشاتتۇق، كۆرۈشمىگىلى ئۇزۇن بولغان دوستلارمۇ قىسقا ئۇچۇر ئارقىلىق ئەھۋال سورىشاتتى، گەرچە ئۇ چاغلاردا ھەر ئايدا سەرپ قىلىنغان قىسقا ئۇچۇر ھەققى، ھازىرقى ئېقىم مىقدارى ھەققىدىن خېلىلا يۇقىرى بولسىمۇ، لېكىن ئۇ چاغلاردا دوستلارنىڭ قىسقا ئۇچۇرىنى تاپشۇرۇۋېلىش بىر خۇشاللىنارلىق ئىش ئىدى، بەلكى ھازىرقىدەك «مۇشۇنداق ئالدىراش ۋاقىتتىمۇ ئۇچۇر كېلىپ.... » دەپ بىزار بولمايىتتۇق.
ئەگەر ئۈندىدار خىزمەت ئۈنۈمى ۋە ئالاقە ئۈنۈمىنى ئۆستۈردى دېيىشكە توغرا كەلسە، ئۇنداقتا سىز راستتىنلا ھەرقانداق خىزمەت ياكى ساھەنىڭ ئىش ئۈنۈمىنىڭ، ئۈندىدارنىڭ مەۋجۇتلۇقى ئارقىلىق ئۆسكىنىنى كۆرگەنمۇ؟ خىزمەتنىڭ ئۈنۈمى كىشىلەرنىڭ خىزمەتنى ئورۇنلاشتۇرۇش ۋە دىققىتىنى مەركەزلەشتۈرۈش بىلەن مۇناسىۋەتلىك، ھەرگىزمۇ باشقىلارنىڭ سىزنى ھەر ۋاقىت ئىزدەپ تاپالىشى بىلەن مۇناسىۋەتلىك ئەمەس. يەنە بىر تەرەپتىن، ئەگەر سىز خىزمەت ئۈنۈمىنى يۇقىرى كۆتۈرۈشكە ئالاقىدار ھەرقانداق بىر كىتابنى ئوقۇسىڭىز، مەسىلەن David Allen نىڭ 《Getting Things Done》 دېگەن كىتابىدا، سىزنىڭ ئىجتىمائىي ئالاقە قۇراللىرىنى، كېرەكسىز تور بېكەتلىرىنى ئېتىۋېتىشىڭىزگە يېتەكچىلىك قىلىدۇ. لېكىن نۇرغۇن كىشىلەرگە نىسبەتەن ئېيتقاندا، ئۈندىدارنى ئېتىۋېتىش خىزمەت ۋە تۇرمۇش ئالاقە ۋاسىتىسىنى ئېتىۋېتىش بىلەن باراۋەر.
بەلكىم بۇمۇ بىر سەۋەب، نېمە ئۈچۈن ياشلارنىڭ ئۈندىدار ئىشلىتىش نىسبىتى تۆۋەن، چۈنكى ئۇلار ئۇنىڭ بىلەن ئۇنچە كۆپ ئالاقىلىشىشقا ئېھتىياجلىق ئەمەس، ئۇلار QQ بوشلۇقىدا ئۆزىنى كۆرسىتىشكە ئامراق، توپ مەيدانىدا يۈگۈرۈشكە، قىرائەتخانىدا كىتاب ئوقۇشقا، تورخانىلاردا ئويۇن ئويناشقا ئامراق. باشقىلارنىڭ ۋاقتىدا ئىزدەپ تاپالىشى ياكى باشقىلارنى ۋاقتىدا ئىزدەپ تېپىش ئۇلار ئۈچۈن ئەڭ مۇھىم ئىش ئەمەس.
ھازىر مەن ھەقىقەتەن ئۈندىدار يوق ۋاقىتلارنى سېغىنىدىغان بولۇپ قالدىم.
ئەسلى مەنبە:
نۇر تورى 
|قاماقخانا|رەسىمسىز ھالەت|يانفۇن|بىلىملەر تورى
( 冀ICP备14002886号-3 ) 
IPكارتىسى
ئىز قوغلاش
ۋاقتى: 2015-7-6 14:04:01
QQ دوست ۋە توپ
QQ ھويلىسى
تېڭشۈن مىكروبلوگى
تېڭشۈن دوستلار
ساقلاش
ھەمبەھر
قېزىلما
ئىسىل
ناچار 
ئۈندىدارغا يوللاش
ئۆرلەش كارتىسى
چوقىلاش كارتىسى
سۈكۈت كارتىسى
شاۋقۇن كارتىسى
变色卡
چوققىلاش
显身卡
ئىگىسى
ۋاقتى: 2015-7-7 13:43:16
ئاللاھ خالىسا قاتتىق بىر بارىمەن «بىر كۈنى»