[تەرمىلەر] ياشلار ئۈچۈن 101 ھېكىمەت (27)

   بىر قېرى ئىندىئان بىر كىچىدىلا بېيىپ كېتىپتۇ ھەدە ئەتىسىلا ئېسىل ماشىنىدىن بىرنى سېتىۋاپتۇ. ئاندىن ھەر كۈنى ماشىنىسىنى ھەيدەپ، يېقىن ئەتراپتىكى قايناق ھەم مەينەت بىر كىچىك بازارغا بېرىپ كېلىدىغان بولۇپتۇ. ئۇ بازاردىكى ھەر بىر ئادەمنى كۆرۈشىنى، ئۇلارنىڭمۇ ئۆزىنى كۆرۈشنى ئۈمىد قىلىدىكەن. كىشىلەرگە قىزغىن مۇئامىلە قىلىدىكەن، «ماشىنىسى» بىلەن بازارنىڭ ھەممە يېرىنى ئايلىنىپ، ھەربىر ئادەم بىلەن كۆرۈشۈپ چىقىدىكەن.
   بىراق، بۇ خىل ناچار ئادەت ئۇنىڭ سالامەتلىكى ۋە بايلىقىغا ھېچقانداق زىيان يەتكۈزمەپتۇ. سەۋەبى، ئۇ يوغان ھەم چىرايلىق ماشىنىسىغا ئىككى ئاتنى قوشۇۋالغانىكەن.
   سەن بەلكىم «بۇنىڭ ماشىنىسىنىڭ ماتورى چاتاق بولسا كېرەك» دەپ قارىشىڭ مۇمكىن. ئەمەلىيەتتە ئۇنداق ئەمەس، ماشىنىنىڭ ماتورى ساپمۇساق. پەقەت ئۇ قېرى ئىندىئان ئاچقۇچ ئارقىلىق ئۇنى ھەرىكەتلەندۈرۈشنى بىلمىگەن خالاس.
   ماشىنىدا نەچچە يۈز ئات كۈچىگە تەڭ قىلىدىغان ماتور بار تۇرۇقلۇق، قېرى ئىندىئان ئۇنى ئىككى ئاتقا سۆرىتىپ ماڭدۇرغان. بۇنىڭدىنمۇ كۈلكىلىك ئىش بولامدۇ؟ ئەمەلىيەتتە سەنمۇ ئۆز ھۇجۇدۇڭدىكى يوشۇرۇن كۈچنى پائال قىزىپ چىقالمىساڭ، ئاشۇ ئىندىئانغا ئوخشاش ئەخمىقانە ئىشلارنى قىلىپ سالىسەن.
   ھەر بىرىمىزنىڭ ۋۇجۇدىدا قىزىلمىغان نۇرغۇن يوشۇرۇن ئىقتىدار بار، لېكىن بىز ئۇنىڭدىن پايدىلىنىشنى بىلمەي، بىكاردىن - بىكالا ئىسراپ قىلىۋېتىمىز. ئەمەلىيەتتە، بىز ياخشى تۇرمۇش كۆچۈرۈش، تېخىمۇ ئازادە ياشاش ئىقتىدارىغا ئىگە، لېكىن ئۆزىمىزدىكى ئاشۇ بايلىق مەنبەلىرىدىن ئۈنۈملۈك پايدىلىنىشنى بىلمەيمىز، نەتىجە ئۆزىمىزگە تەئەللۇق بولغان خۇشاللىقتىن بەھرى ئالالمايمىز، ئەسلى بىزگە مەنسۇپ بولىدىغان شان - شەرەپلەردىنمۇ مەھرۇم قالىمىز.
   نۇرغۇن كىشىلەر ھەمىشە ئەزەلدىن ئورۇندىلىپ باقمىغان ئېسىل كۈيلەرنى قورسىقىغا سېلىۋالغىنىچە قەبرىگە كىرىپ كېتىدۇ، بۇ بىر خىل بەختسىزلىك.
   كۆزلىرىڭنى يوغان ئېچىپ، ھۇجۇدۇڭدا يەنە قېزىپ چىقىلمىغان قانداق يوشۇرۇن كۈچلەرنىڭ بارلىقىغا قاراپ باق. ئاندىن ئۇلاردىن پايدىلىنىپ، ئۆزۈڭنىڭ كىشىلىك تۇرمۇشتىكى نىشانىڭنى رېئاللىققا ئايلاندۇرۇشقا ئاتلان.

   ياشلار ئۈچۈن 101 ھېكىمەت - توپلام