[تەرمىلەر] ياشلار ئۈچۈن 101 ھېكىمەت (32)

   مەلۇم كەنتىدىكى غەلىتە بىر بوۋاي كەپتۇ، ئۇ ئوتنىڭ ئۈستىگە قويۇلغان قاچىنى تاياق بىلەن قوچۇپ يۈرۈپ، ئۇنىڭدىن ئالتۇن پەيدا قىلىپتۇ. بۇنى ئۇ كەنتتىكىلەرگە «ئالتۇن تاۋلاش تېخنىكىسى» دەپ چۈشەندۈرىدۇ. بوۋايدىن كەنت باشلىقى بۇ ھۈنەرنىڭ سىرىنى دەپ بېرىشنى ئۆتۈنۈپتۇ. بوۋاي ماقۇل بولۇپتۇ ھەمدە «لېكىن، ئالتۇن توۋلاۋاتقان چاغدا دەرەخنىڭ ئۈستىدە تۇرغان مايمۇننى ھەرگىز ئويلىماڭ، بولمىسا ئالتۇننى تاۋلاپ چىقالايسىز» دەپتۇ.
   بوۋاي كەتكەندىن كېيىن، كەنت باشلىقى ئالتۇن توۋلاشقا باشلاپتۇ. ئۇ دەرەخنىڭ ئۈستىدىكى مايمۇننى قەتئىي ئويلىماسلىققا تىرىشىپتۇ، بىراق ئويلىمايمەن دېگەنسېرى مايمۇن ئۇنىڭ كاللىسىغا كىرىۋاپتۇ. ئۇ نائىلاج قولىدىكى ئىشتىن باشقا بىرگە تۇتقۇزۇپتۇ ھەمدە ئۇنىڭغا دەرەخنىڭ ئۈستىدىكى مايمۇننى ئويلىماسلىقنى قايتا - قايتا جېكىلەپتۇ. شۇنداق قىلىپ، بۇ خىل ئالتۇن تاۋلاش ماھارىتىنى كەنتتىكى ھەممەيلەن سىناق قىلىپ بېقىپتۇ، ئەمما ئالتۇننى ھېچكىم تاۋلاپ چىقالماپتۇ. سەۋەبى دەرەخنىڭ ئۈستىدىكى مايمۇن ئۇلارنىڭ كاللىسىدىن نېرى كەتمەي تۇرىۋاپتۇ.
   «ئالتۇن تاۋلاش تېخنىكىسى» دېگەننى ئەلۋەتتە بىر ئالدامچىلىق، ئۇنىڭغا ئىشىنىپ كەتمىسەڭمۇ بولىدۇ. ئەمما، ئۇ بىر ئەمەلىيەتنى كۆرسىتىپ بەرگەن، سەن بەلكىم بەزى چاغلاردا «ئۈزۈم قىلىۋاتقان ئىشقا پۈتۈن ۋۇجۇدۇم بىلەن كىرىشىپ كەتتىم» دەپ قارىشى مۇمكىن. ئەمەلىيەتتە، مەلۇم بىر ئىشنى قىلىۋاتقاندا، بولۇپمۇ ناھايىتى ئادەتتىكى بىر ئىشنى قىلىۋاتقاندا، ئادەمنىڭ ئۇنىڭغا يۈزدەيۈز كىرىشىپ كېتەلىشى تولىمۇ تەس، ئەڭ بولمىغاندا سەن ئۇ ئىشقا نىسبەتەن كىرىشەلەيسەن خالاس.
   ھەربىر ئادەمنىڭ قەلبىدە مايمۇن بولىدۇ، بۇ مايمۇن ئۆزىنىڭ ھەر خىل غەلىتە قىلىقلىرى ئارقىلىق بىزنىڭ دىققىتىمىزنى ئازدۇر - كۆپتۇر پاراكەندە قىلىپ تۇرىدۇ.
   كىشىلىك ھايات سەپىرىڭدە ئاشۇنداق مايمۇنلار ھەر ۋاقىت ئالدىڭلارغا سەكرەپ چىقىشى مۇمكىن، شۇنداق چاغلاردا قانداق قىلىسەن؟
   بارلىق ئاماللار بىلەن ئۇنى قوغلىۋېتىشىڭ كىرەك! توغرا، بىردىنبىر چارە شۇ.
   كونىلاردا: «ھەر قانچە كۈچتۈڭگۈر شىرمۇ ئالدىدا بىر توشقاننى تۇتۇش ئۈچۈن پۈتۈن كۈچىنى سەرپ قىلمىسا بولمايدۇ» دېگەن گەپ بار. يۇقىرىقى گېپىمىزمۇ دەل مۇشۇ مەزمۇندا. ئەلۋەتتە، پۈتۈن ۋۇجۇت بىلەن كىرىشىش تەس، بولۇپمۇ ساڭا ئوخشاش ياشلارغا نىسبەتەن شۇنداق. ئەمما، سەن ئۇ ئارقىلىق ئۆز ئىرادەڭنى نامايەن قىلالايسەن.
   مايمۇننى قوغلىۋېتەلمىسەڭمۇ، لېكىن ئۇنىڭ سەپىرىڭگە توسقۇنلۇق قىلىشقا ھەرگىز يول قويما. ئەڭ ياخشى چارە ئۇنى ئۇنتۇپ كەت، ھەتتا كۆزۈڭگە ئىلما. ئۇنىڭ تەسىرگە ئۇچىرمىساڭلا ئۆز ئىشىڭغا كىرىشىشىڭدىكى قىيىنلىق دەرىجىسى ئازىيىدۇ.
   قەلبىڭدىكى مايمۇندەكلەرنى ئوبدان باشقۇرغىن!

   ياشلار ئۈچۈن 101 ھېكىمەت - توپلام