دۆلىتىمىز ئىقتىسادى ئەھۋالىغا يېقىندىن دىققەت قىلايلى

rahatmakan

     يېقىندىن بۇيان مەركەزدىن تارتىپ يەرلىككىچە ئىقتىسادىي خىزمەتلەرنى چىڭ تۇتۇشقا ئالاقىدار يىغىنلار كۆپرەك ئېچىلىدىغان بولۇپ قالدى. باش شۇجى شىجىنپىڭمۇ ئىسراپچىلىققا قارشى تۇرۇشنى ئوتتۇرغا قويۇپ، كەڭ خەلىقنىڭ ئالقىشىغا ئېرىشتى. يولداش لى كېچىياڭمۇ 2013-يىلى 5-ئاينىڭ13-كۈنى گوۋۇيۈەن ئاپپاراتلىرىنىڭ فۇنكىسىيەسىنى ئۆزگەرتىش تېلېۋىزىيە تېلېفون سەپەرۋەرلىك يىغىندا ئىقتىسادنىڭ چېكىنىش بېسىمىنىڭ ئېغىرلىقىنى تىلغا ئېلىپ ئۆتتى. مەن بۇنىڭدىن بۇرۇنمۇ بەزى ئىقتىسادشۇناسلارنىڭ جۇڭگولۇقلارنى ئىقتىسادىي جەھەتتىن ئاگاھلاندۇرۇپ جۇڭگو ھۆكۈمەت ۋە يەرلىك ناچار قەرزىنىڭ 30تىرىليون يۈەنگە يېتىدىغانلىقىنى،  يالغۇز بىر شاڭخەي خوڭكۇ رايۇنىنىڭ قەرىز كىرزىسىنىڭ پۈتۈن ياۋروپانى ۋەيران قىلغان گىرىتسىيە قەرىز كىرزىسى بىلەن تەڭ كېلىدىغانلىقىنى، بۇنىڭدىن كەڭ ھۆكۈمەتتىن تارتىپ شەخىسكىچە ئىقتىساد باشقۇرۇشقا ماھىر بولۇش كېرەكلىكىنى، بۇنىڭ دۆلىتىمىز دۇچ كەلگەن ئەڭ چوڭ قىيىنچىلىق ۋە ئەڭ چوڭ خەۋىپ خەتەر ئىكەنلىكى توغرۇلۇق  ئېيىتقان سۆزلىرىنى  توردىن كۆرگەن ئىدىم ھەم ئانچە ئېرەن قىلىپمۇ كەتمىگەن. بىراق بۇ قېتىم زۇڭلىنىڭ ئوتتۇرىغا چىقىپ بىر تۈرلۈك سان سىپىرلار ئارقىلىق دۆلىتىمىز ئىقتىسادىي ئەھۋالى توغرۇلۇق كەڭ پۇقرالارنى خەۋەردار قىلغىنىدىن بىرجەھەتتىن ھۆكۈمەتنىڭ ئوچۇق ئاشكارىلىقىدىن مەمنۇن بولۇپ دۆلەت ئەھۋالىغا كۆڭۈل بۆلىشىمىزگە قولايلىق ياراتسا يەنە بىر جەھەتتىن دۆلىتىمىز ئىقتىسادىي ئەھۋالىدىن ئەنسىرەش تۇيغۇمىزنى كۈچەيتتى. مەن شۇڭا كەڭ تورداشلارنىڭ يېقىندىن بۇيانقى ئىقتىسادىي ۋەزىيەتكە كۆڭۈل بۆلۈپ، تۇرمۇشتا ئىقتىسادچان بولۇپ، بۇزۇپ چاچماي ئىسراپ قىلماي ئىقتىساد باشقۇرۇشقا ماھىر بولۇپ، تىجەشلىك جەمئىيەت بەرپا قىلىش ئۈچۈن بىر كىشىلىك ھەسسىمىزنى قوشساق دەيمەن.
     ئۆزقىزىغا دېدى دېھقان ئايالى ،
توق كۈنلەردە ئاچلىقنىمۇ قىل خىيال،
ئىدىشلارنى لىقلاپ قويغىن سۇ بىلەن،
ئىرىقتا سۇ قالماسلىقى ئىھتىمال،

    مانا بۇ ئىرانلىق شائىر شەيىخ سەئىدى شىرازىنىڭ بۇنىڭدىن مىڭ يىللار بۇرۇن يازغان شېئىرىدۇر. خاتىرجەم، بەخىتلىك، ئاسايىشلىق كۈنلىرىمىز مەڭگۈ داۋاملاشقاي.

serjat

ھەي، دۆلىتىمىزنى بىر قىتىملىق ئىغىر ئىقتىسادىي كىرزىس كۈتۈپ تۇرىدۇ،  بۇلار ئاساسلىقى ئۆي-يەر باھاسىنىڭ شىددەت بلەن چۈشۈشى، ياساش سانائىتنىڭ ئارقا-ئارقىدىن ۋەيران بولۇشى ياكى زىيان تارتىشى، ئىشلەپچىقىرىش ئوشۇقچىلىقى قاتارلىقلاردا كۆرۈلىدۇ، ھازىر بىز تىلىۋىزوردىن كۆرگەن سان-سىفىرلارنىڭ ھەممىسى بىزنىڭ ئىغىزىمىزغا سىلىنغان ئىمىزگە، بىز دۇنيادىكى بىرىنچى ياساش چوڭ دۆلىتى گە ئايلاندۇق دەپ ئاخبارات ۋاستىلىرىدا توختىماي داۋراڭ سالغان بىلەن، ئاشۇ ياسىغان تاۋارلاردىن ياسىغان كارخانىلارغا قالىدىغان پايدىسى ئىنتايىن ئاز، ھەمدە ئەڭ ئىچىنارلىقى ياسىغان تاۋارلارنى چەتئەلگە ئىكىسپورت قىلساق باھانى ھەرگىز ئۆزىمىز بىكىتەلمەيمىز،خەق بىكىتكەن باھاغا ساتىمىز چۈنكى، مەيلى چىش پاستىسى بولسۇن ۋە ياكى ئاپتۇمبىل، يانفۇن بولسۇن ئەڭ ھالقىلىق تېخنىكىسى چەتئەلنىڭ، بىز پەقەت تۆۋەن مۇئاشلىق قورراشتۇرۇش ئىشچىلىرى خالاس، ھازىر دۆلىتىمىزگە ماكانلاشقان بەزى داڭلىق ئاپتۇمبىل كارخانىلىرى زاۋۇتىنى ئامىرېكىغا يۆتكەيمىز دەۋاتىدۇ، ئىشقىلىپ ياساش كارخانىلىرى مىلىسىز كىرزىسقا دۇچ كىلىش ئالدىدا.
قالدىسى ،ئەھۋال بۇنچىلىكك ئېغىر بولماسلىقىمۇ مومكىن، لىكىن ھەرھالدا ئىددىيە جەھەتتىن ۋە باشقا جەھەتتىن تەييارلىق قىلىپ قويغان تۈزۈك.

Erkman

ھازىر يېزا-كەنت دەرىجىلىكلەر ئاشلىق تولۇقلىمىسىنى كۆزلەپ بۇغداي تېرىلغۇسىنى كۆپتۈرۈپ مەلۇم قىلىۋاتىدۇ. ھەر موسىغا 150 سومدىن تولۇقلىما ئېلىش ئۈچۈن تېرىلغۇ كۆلىمىنى كۆپتۈرۈپ مەلۇم قىلىۋاتىدۇ، ئارتۇق مەلۇم قىلىنغان كۆلەمنىڭ تولۇقلىمىسىنى كىم ئېلىشى مۇمكىن؟

ASkar

بۇ  تىما  ناھايتى ياخشى  يوللىنىپتۇ.

ئۇيغارى

Erkman يوللىغان ۋاقتى  2013-7-26 19:46
ھازىر يېزا-كەنت دەرىجىلىكلەر ئاشلىق تولۇقلىمىسىنى كۆز ...

كېم ئالاتتى، نەپسى يامان يەرلىك ئەمەلدارلار ئالمامدۇ!

باھاردا

بۇغداي تىرىيدىغان ئېتىزلارغا ئىختىسادنى راۋاجلاندۇرمىز دەپ ياڭاق جىگدە بادام ئۈرۈك چىلان سىلىۋەتسە يا ئۇ مىۋېلەرنى قوساق ئاچقاندا يىسا قوساقتا تۇمىسا     خاخا مىنىڭچىمۇ ئاچاچىلىق كىرزىسى كىلەمدىكى  دەيمەن!! لىكىن خۇدايىم ساقلا  پارتىيەمۇ ئاچ قويماس  پۇقرالىرىنى ئاشلىق ئامبىرغا كەتكەن ئوتنىمۇ  ئۆچەدىغۇ ئامالللارنى قىلىپ

yalkun085

نەپسى يامان يەرلىك ئەمەلدارلار......

Erkman

تاۋۇت كۆتۈرگىدەك ئەر قالمىغان يۇرتنىڭ قايتا پەيدا بولۇشىدىن ئەنسىرەيمەن!

nawkeran

ماتىريالدىن كۇرۇشۇمچە دۆلىتىمىزنىڭ 5- ئايدىكى تاشقى قەرزى 536 مىليارد دوللار ئىكەنتۇق ، 7- ئايدا 567 مىليارد قا يىتىپتۇ بۇ سان...................

بۇغداي

ئېھتىيات ئۈچۈن زاپاس ئاشلىق ساقلايدىغانلار ئاز قالدى . بۇرۇنلاردا ھەممە ئائىلىلەردە دېگۈدەك ، مەخسۇس ئاشلىق ساقلايدىغان ئامبارلار، كاتلار بار ئىدى .... شۇنداق موھىم مەسلىگە ھازىر كىشىلەر ئانچە ئىرەن قىلىپ كەتمەيۋاتىدۇ .
ئاشلىق كىرزىسى يۈز بىرىپ  قەھەتچىلىك بولۇپ كىتىشتىن ئاللا ساقلىسۇن ،  كىشىلەر بىر-بىرىنى يىيىشتىن يانمايدۇ.
جاھان مۇشۇ دەرجىدە تەرەققىي قىلىپ تېرىلغۇ يەرلەر شىددەت بىلەن ئازىيىۋەرسە قەھەتچىلىككىمۇ ئۇزۇن قالمىدى.....