چەكمە دادا تاماكا(دېھقانى)

دېھقانى

چەكمە دادا تاماكا

دادا-دادا جان دادا،
چەكمىسەڭچۇ تاماكا.
ساق تېنىڭنى كېسەل قىپ،
يېتىۋالما بىكارغا.

سۆزلەپ بەردى مۇئەللىم،
زىيىنىنى زەھەرنىڭ.
"نىكوتىندىن دۇنيادا،
ئۆلگەن ئادەم تۈمەنمىڭ"

پۇراپ تۇرساڭ ھەر ۋاقىت،
بارالمايمىز يېنىڭغا.
ئەركىلەشتىن مەھرۇممىز،
گىرە سېلىپ بوينۇڭغا.

تاشلىمىغاچ ئۇنى سەن،

ئۇكام ئۆپكە كېسىلى.
داۋاسىنى ئۆزۈڭ قىل،
بولۇپ ئەمدى كېپىلى.

قول ئۈزگىنە زەھەردىن،
ئۆتۈنەيلى جان دادا.
ساق سالامەت ياشايلى،
چەكمە ئەمدى تاماكا!


مەنبە: ئىجادىيەت

بۇغداي

ئېسىل!!!!

تۇردى ئەبەيدۇللا

ئەجەپ ياخششى يېزىپسىز.

Jackie

ياخشى يېزىپسىز،  بالىلار بار يەردە تاماكا چەكمىگەن ياخشى.
مېنىڭ بىر ئىنى ئاغىينەم بار، ئىچىدۇ ھەم چېكىدۇ،  5ياش ۋە 3ياشلىق ئىككى بالىسى بار، لېكىن ھازىرغىچە ئىككى بالىسى دادىسىنىڭ بىر تال تاماكا چەككىنىنى ياكى بىر رومكا ھاراق ئىچكىنىنى كۆرۈپ باقمىدى.
گەرچە يېشى مەندىن كىچىك بولسىمۇ، بۇ ئىنى ئاغىينەم مۇشۇ جەھەتتە مېنىڭ ئۈلگەم.

minisa

Jackie يوللىغان ۋاقتى  2013-7-26 11:52
ياخشى يېزىپسىز،  بالىلار بار يەردە تاماكا چەكمىگەن ياخ ...

ئەمىسە بۇ،دادا  ئىنتايىن مەسئوليەتچان دادا ئىكەن بۇنداق دادىلار ئىچىمىزدە ناھاييتى ئاز.

yalkun085

دادا بالىغا تەربىيە بىرىشى كىرەك ئىدى، ئەمما بىر قىسىم ئائىلىلەردە بالا دادىغا تەربىيە بىرىدىغان بۇلۇپ قالدى.

دېھقانى

yalkun085 يوللىغان ۋاقتى  2013-7-27 10:02
دادا بالىغا تەربىيە بىرىشى كىرەك ئىدى، ئەمما بىر قىسىم ...

بەزىدە چوڭلارنىڭ چوڭلارغا قىلغان نەسىھىتىدىن،ئۆز بالىسىنىڭ تۇيۇقسىز قىلغان بىرەر ئېغىز سۆزى دادىنى تەمتىرىتىپ، يامان يولدىن قايتۇرۇشى مۈمكىنغۇ....

wolfiram

تاماكا چېكىشنىڭ ھەقىقىتەن زىيىن چوڭ. بىزچوڭلار  تاماكا چەكمەي، ياش-ئۆسمۈرلىرىمىزگە ئۆلگە بولىشىمىز كېرەك .