ئەخلاق مىزانلىرى

yalkun085

   ئەخلاق مىزانلىرى

       1.ئەگەر پۇل-مېلىڭىز يېتىپ ئاشقۇدەك بولسا، ئاشنا تۇتىۋالماي، باشقىلارغا بىلىندۈرمەي بىر نەچچە نامرات بالىنى بېقىپ قويۇڭ. كۆڭلىڭىزدە چوقۇم راھەتلىنىپ قالىسىز!
    2.ئەگەر كېچىدە يولدا يايما يېيىۋاتقانلارغا ئۇچىراپ قالسىڭىز، ئالالىسىڭىز ئامال بار كۆپرەك ئېلىڭ، باھا تالاشماڭ، يايمىدا ساتقان نەرسىمۇ ئۇنچىلىك قىممەت ئەمەس. ئەگەر ئائىلە ئەھۋالى ياخشىراق بولغان بولسا، كىمنىڭمۇ سوغۇق كېچىدە يايما يايغۇسى بار دەيسىز!
     3.ئەگەر ئىشلىگىلى چىققان ئوقۇغۇچىلارغا، بولۇپمۇ ئوتتۇرا مەكتەپ ئوقۇغۇچىلىرىغا، قىزلارغا ئۇچىراپ قالسىڭىز، ئۇ نىمىلا سېتىۋاتقان بولمىسۇن ئازراق ئېلىپ قويۇڭ، ئۇنىڭ ئائىلىسدە قىيىنچىلىقى بولىشى مومكىن، سىرتقا چىقىپ نەرسە سېتىشقىمۇ خېلى زور جۈرئەت كېتىدۇ، شۇڭا ئۇنى ئازراق بولسىمۇ ئىلھاملاندۇرۇپ قويۇڭ.
     4 . پورتمال تېپىۋالسىڭىز ئىگىسىنى ئىزدەپ بېقىڭ،  سىزگە جىددىي پۇل كېرەك بولغان تەقدىرىدىمۇ پۇلغا قەتئى قول ئۇزارتماڭ . يۈتتۈرۈپ قويغۇچىغا تېلفۇن ئۇرۇپ پورتمالنى تېپۋالغانلىقىڭىزنى ئېيتىپ قويۇڭ. ئىناۋەتلىك كارتا، كىملىك. شوپۇرلۇق كىنىشكىسى قاتارلىقلارنى ئىگىسىگە تولۇق قايتۇرۇپ بېرىڭ،
‏     5. ئەگەر يولدىن ئېزىپ قالغانلارغا ئۇچىراپ قالسىڭىز ئۇنىڭغا يول كۆرسىتىپ قويۇڭ، ھەرگىز تارتىنماڭ، ھېچكىم سىزنى مازاق قىلمايدۇ.
     6. يولدىن ئېزىپ قالغان بالىلار، بۇۋاي-مومايلارغا ئۇچىراپ قالسىڭىز، ئۆيىگە ئاپىرىپ قويالمىسىڭىزمۇ بېكەتكىچە ئاپىرىپ قويۇڭ، ساقچىخانىلارغا ئاپىرىپ قويسىڭىزمۇ بولىدۇ. ئەگەر تېلفۇنىڭىز بار بولسا ئۇلارغا ۋاكالىتەن تېلېفۇن ئۇرۇپ قويۇپ ئاندىن مېڭىڭ، بەرىبىر سىز بىر-ئىككى قېتىم تېلېفۇننى ئارتۇق ئۇرغانغا نامراتلىشىپ كەتمەيسىز
     7. قار، يامغۇر ياغقان چاغلاردا، باشقىلارنىڭ سوغۇق كۈنىلىرى كۆكتات، مېۋە-چېۋە، گېزىت سېتىۋاتقانلىقىنى، سېتىۋاتقان نەرسىسى ئازراقلا قالغانلىقتىن ئۆيىگە قايتالمايۋاتقانلىقىنى كۆرسىڭىز، ھەممىنى سېتىۋالالىسىڭىز ھەممىنى، بولمىسا ئازراق بولسىمۇ سېتىۋېلىپ، ئۇلارنى بالدۇرراق ئۆيگە قايىتقۇزىۋېتىڭ، بەرىبىر نىمىلا يىسىڭىز يەيسىز، گېزىتنى بىكار بولغاندا كۆرسىڭىز بولىدۇ.
     8.كوچا ئاپتۇبۇسىدا ئولتۇرغاندا ياشانغان، ئاجىز، مىيىپ، بالا كۆتىرىۋالغانلار چىقسا، گەپ قىلماي ئورۇن بوشىتىپ بېرىڭ، ئۆزىڭىزنى كۆرسىتىدىغان ئىشلارنىمۇ قىلماڭ، ئورنىڭىزدىن تۇرۇپ بەدىنىڭىز بىلەن باشقىلارنى توسۇپ، بوش ئورۇن چىقىرىپ ئۇنىڭ ئولتۇرۇشىغا قولايلىق يارىتىپ بېرىڭ، ئاندىن ئۇنىڭ يېنىدىن ئاپتۇبۇستىن چۈشىدىغاندەك قىياپەتتە يىراقلاپ كېتىڭ. ئادەم بەك كۆپ بولۇپ يىراققا كېتىشكە ئامال بولماي، باشقىلار سىزگە رەخمەت ئېيتسا پەقەت كۈلۈمسىرەپ قويسىڭىزلا بولىدۇ.
     9.روھىي ئېتىقادى بار كىشىلەرگە، ئەدەپسىز گەپلەرنى قىلماڭ، جۇڭگولۇقلارنىڭ نامراتلىقتىن ئېتىقادىنى يوقىتىپ قويغانلىقىنى ئۇنتۇپ قالماڭ. بۇ دۇنيادىكى ھەممە نەرسە ئۆزگىرىۋاتىدۇ، ھېچنىمىگە تولۇق ئىشەنگىلى بولمايدۇ، پەقەت ئېتىقادلا ئۆزگەرمەيدۇ، تەۋرەنمەيدۇ، مەڭگۆلۈك بولىدۇ.

كەمسۆز

رەھمەت سىزگە .

باھاردا

بۇرۇنقىلارنىڭ ياخشىلىق قىل مىننەت قىلما !!  ياخشىلىق  قىلساڭ ئۇنىڭدىن يانمىسا  باشقىلاردىن يانىدۇ  دىگەن گەپلىرى  شۇنداق ئورۇنلۇق دىمىسىمۇ  بىز  بىرىمىزگە  ياخشىلىق قىلساق  كۆڭلىمىز خوش بولۇپ روھىمىزمۇ تىتىك بولۇپ قالىدۇ !!!1

بۇغداي

داۋراڭسىز ، مەخپىي قىلىنىپ ،قارشى تەرەپنى ئوڭايسىز ئەھۋالغا چۈشۈرۈپ قويمىغان ياخشىلىق ئەڭ ياخشى ياخشىلىق.

minisa

يالقۇن ئەپەندى بەك ئاق كۆڭۈل ئىكەنسىز -ھە؟بارىكاللا!

xipayi

ياخشىلىق دېگەننى شۇنداق قىغان ياخشى

ئۇيغارى

چوقۇم قىلىشىمىزغا تىگىشلىك ياخشىلىقلارنى سەمىمىزگە سالغىنىڭىزغا رەھمەت.
مۇشۇنداق ياخشى تىمىلارنى كۆپرەك يوللاپ تۇرارسىز.

ئەركيار

ئوڭ قول بەرگەننى سول قول بىلمىسۇن...
كىشىلىك قىلغان كىشى كۆكلەيدۇ.