ھايات ۋە ئارزۇ(ئەركيار)

ئەركيار

ھايات ۋە ئارزۇ

مەقسۇت ئەمىن ئەركيار

نېمىسىنى ئېيتاي ھاياتنىڭ،
ئەلەم دېسەم ھوزۇرمۇ تۇرسا.
بايان قىلسام تاشلانغىنىمنى،
قەدىر-قىممەت،غۇرۇرمۇ تۇرسا.

ئىلىم ئىزدەپ چاڭقىغىنىم راست،
قاقشال بولۇپ كۆيگەنمۇ تۇرسا.
دېگىنىمدە ھەقىقەتچى ئاز،
شۇ ھەقنى دەپ ئۆلگەنمۇ تۇرسا.

قۇش بولماقنى ئويلاپ كەتمىدىم،
ياندا مېنى كۈتكەنلەر تۇرسا.
كۆك قەرىنى نىشان ئەتمىدىم،
يەرنى ئۇنتۇپ يۈتكەنلەر تۇرسا!

نېمىسىنى ئېيتاي ھاياتنىڭ،
ئارمان بىلەن كەتكەنلەر تۇرسا.
نەدىن تاپاي توغرا ئادالەت،
مۇرادىغا  يەتكەنلەر تۇرسا.

مەنبە:يازغۇچىلار تورى

minisa

شئېرىڭىز ناھاييتى ياخشى چىقىپتۇ.

بۇغداي

‹‹ ھايات ۋە ئارزۇ››..... شېئىر ماۋزۇ، مەزمۇنىمۇ ناھايىتى چوڭقۇر تەپەككۈر بىلەن يېزىلىپتۇ.

رۇيا